“Sanza ya motoba 9–15: ‘Nazali Ntango nyonso Elongo na Bayengebene’: Malongi mpe Mayokani 60–63,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)
“Malongi mpe Mayokani 60–63,” Yaka, Landa Ngai—Mpo na Ndako mpe Eklezia: 2025
Mambi ya bokuse uta na Moto ya nganda na Missouri, na Bryan Mark Taylor
Sanza ya Motoba 9–15: “Nazali Ntango nyonso Elongo na Bayengebene”
Malongi mpe Mayokani 60–63
Na ebandeli ya Sanza ya mwambe 1831, Joseph Smith mpe bampaka mosusu ya Eklezia bazalaki komilengela mpo na kozonga na Kirtland nsima ya botali mokuse na “mabele ya Siona” (Malongi mpe Mayokani 59:3). Nkolo alingaki bango basakola nsango malamu na ntango ya mobembo na bango (tala Malongi mpe Mayokani 52:10), mpe basusu kati na bango basalaki na bokebi mpenza. Kasi basusu bazalaki koyimayima. “Babombaki talanta oyo napesaki bango,” Elobaki Nkolo, “likolo ya bobangi ya moto” (Malongi mpe Mayokani 60:2). Mingi kati na biso bayebi lolenge nini bampaka oyo bayokaki. Atako bongo tolingaka nsango malamu, bobangi mpe tembe esengeli kozala mosika na biso na ntango ya bokaboli yango. Kasi Nkolo azali ngolu. Ye “ayebi bolembu ya moto mpe lolenge nini kosunga [biso]” (Malongi mpe Mayokani 62:1). Na bopalanganisi wana na nzela ya bimoniseli oyo ya bamisionele ya ebandeli ezali elikya oyo ekoki kolongisa bobangi na biso mpe mabunga: “Nazali na makoki ya kokomisa yo mosantu.” “Mosuni nyonso ezali na loboko na ngai.” “Nazali ntango nyonso elongo na bayengebene.” Mpe “Ye oyo azali moyengebene mpe ayiki mpiko akolonga mokili.” (Malongi mpe Mayokani 60:7; 61:6; 62:9; 63:47.)
Makanisi mpo na koteya na Ndako mpe na Eklezia
Nakoki kokabola bolingo mpe litatoli na ngai ya Yesu Klisto.
Lolenge nini litatoli ya nsango malamu ezali lokola “talanta,” to eloko ya motuya uta na Nzambe? Ndenge nini ntango mosusu “tobombaka [talanta] na biso” Malongi mpe Mayokani 60:2; tala lisusu Matai 25:14–30).
Nsango nini ya kolendisa uta na Nkolo ozwi kati na biteni 60 mpe 62? Lolenge nini bansango oyo etongaka elikya na yo na kokabolaka nsango malamu? Ntango ozali komanyola mituna oyo, banza koyemba to kotanga maloba ya “I Want to Be a Missionary Now” (Children’s Songbook, 168). Nini oyekoli uta na loyembo oyo ya bana oyo etali kokabolaka nsango malamu?
Tala lisusu “Sharing the Gospel” lisanga kati ya Gospel Library.
Nakoki kozala ya kofungwama na kokabolaka bondimi na ngai na Klisto.
Malongi mpe Mayokani 60:2–4; 61:1–2, 20, 36–38; 62:1, 6
Makomi eteyaka ntina ya Yesu Klisto.
Ntango ateyaki bamisionele na Ye, Nkolo abimisaki babosolo ya motuya etali Ye moko. Luka bosolo oyo kati na Malongi mpe Mayokani 60:2–4; 61:1–2, 20, 36–38; 62:1, 6. Masolo nini uta na makomi elakisi misala mpe bizalela ya Mobikisi oyo ozwi? (tala, ndakisa, Yoane 8:1–11; Etele 2:14–15).
Bikateli na ngai esengeli kozala ya “bosambisi mpe bokambami ya Molimo.”
Nkolo apesaka bokambi etali babosolo ya seko mpe mabongi, kasi mbala mingi apesaka biso yango mpo na koyeba likambo moko na moko etali lolenge nini ya kosalela mabongi yango. Lolenge nini omonaka libongisi oyo etalisami na Malongi mpe Mayokani 62? (tala lisusu Malongi mpe Mayokani 60:5; 61:22). Lolenge nini omonaki libongi to liteya oyo kosala na bomoi na yo? Mpo na nini ezali ntina mpo na biso tozwa bikateli ezanga kozela Nzambe ayebisa biso nini tosengeli kosala mpenza?
Tala lisusu Etele 2:18–25; Malongi mpe Mayokani 58:27–28
Bilembo eyaka na bondimi mpe na bolingi ya Nzambe.
Na nsuka ya mwango oyo, ezali na ndakisa ya bikamwa oyo ekamwisaki mpenza Ezra Booth: loboko ya Elsa Johnson ebikisamaki na bikamwa. Nsima ya komona yango, Ezra abatisamaki na lombango. Mpe nsima, na mwa basanza moke, Ezra abungisaki bondimi na ye mpe akomaki kotonga Profeta. Yango ekoki kosalema lolenge nini, na kotalaka likamwisi oyo amonaki na miso?
Manyola likambo oyo ntango ozali kotanga Malongi mpe Mayokani 63:7–12. Bosolo nini oyekoli oyo etali bilembo mpe bondimi?
Tala lisusu Matai 16:1–4; Yoane 12:37; Mormon 9:10–21; Etele 12:12, 18.
Nakoki kozala peto na makanisi mpe misala na ngai.
Na kati ya Malongi mpe Mayokani 63:16, Mobikisi andimisaki oyo Ateyaki kati ya Boyokani na Sika—ete mobeko ya bopeto esengelaki kokonza te kaka misala na biso kasi lisusu makanisi na biso (tala Matai 5:27–28). Ntango otangi Malongi mpe Mayokani 63:16, koma makebisi Mobikisi apesi oyo etali makanisi ya bonzoto. Okoki lisusu komanyola botelemeli ya likebisi moko na moko. Ndakisa, maloba nini to maboke ya maloba nini oyo etelemeli bobangi? Mapamboli mosusu nini eyaka uta na kozalaka peto na makanisi mpe misala?
Bato mingi bakanisaka mibeko ya Nkolo ya makanisi ya peto mpe misala ezalaka makambo ya kala to kutu ya botindiki na makasi. Bokeseni ekokaki kozala soki bana nyonso ya Nzambe bazalaki koluka kobika mobeko oyo? Okoki koluka motuna oyo kati na nsango ya Mpaka David A. Bednar “Tondimelaka na Kozalaka Peto” (Liahona, Sanza ya mitano 2013, 41–44) to “Nzoto na yo ezali Bule” (Mpo na Bokasi ya Bilenge: Bokambi mpo na Kosala Maponi, 23–26).23–26). Bansango nini ya elikya omoni?
Atako ntango toyebi mapamboli ya kozala peto na makanisi mpe misala, yango elakisi te ezali pete. Okoki kozwa ntango mosusu ya komanyola nini esalaka yango mpasi mpo na yo obatela motindo ya Mobikisi ya bopeto—mpe nini esalaka yango ezala pete. Toli nini okoki kokabola na basusu etali nini kosala ntango omekami na bozangi bopeto na makanisi?
Kosungana moko na mosusu. Moko ya mapamboli monene ya bokutani elongo na kati ya mayangani ya Eklezia mpe biteyelo ezali libaku ya kosunga balingami Basantu na makoki na biso ya kolanda Mobikisi. Mingi kati na biso bakutanaka na mimekano ya ndenge moko, mpe baboyebi na biso ya momesano ekoki kozala bolendisi makasi. Bobanga te kondima ete bozali na mimekano. Kabola na moko na basusu oyo esalisaka yo obika mitindo ya Nzambe mpe olonga lisenginya.
Tala lisusu Malongi mpe Mayokani 121:45; Topics and Questions, “Virtue,” Gospel Library; “Standards: Sexual Purity and Modesty—True Confidence” (video), [(Video) ya “Mibeko: Bopeto ya Nzoto mpe Bosawa—Elikya ya Solo” , Gospel Library; AddressingPornography.ChurchofJesusChrist.org.
Standards: Sexual Purity and Modesty - True Confidence
Biloko ya bule esengeli kosalelama na limemia.
Mabongisi kati na Malongi mpe Mayokani 63:58–64 eleki kozwaka nkombo ya Nkolo eloko mpamba. Eloko mosusu ya bule nini “ewutaka likolo,” to kowuta na Nzambe? Elingi koloba nini mpo na yo koloba makambo oyo “na bolengeli”?
Mpo na makanisi mingi koleka, tala nsango ya sanza oyo na magazini ya Liahona mpe Mpo na Bokasi ya Bilenge .
Makanisi mpo na Koteya Bana
Malongi mpe Mayokani 60:4; 61:1–2, 36; 62:1
Makomi eteyaka na ntina ya Yesu Klisto
-
Ntango mosusu bokoki kokoma bisakola etali Mobikisi oyo ezwami na kati ya Malongi mpe Mayokani 60–62 likolo ya biteni mike ya lokasa. Bana na bino bakoki nsima kokokanisa bisakola oyo na bililingi ya Yesu uta na mosala na Ye na mabele (tala Gospel Art Book, nos. 34–61) oyo elakisi bizalela oyo. Lolenge nini Ye amilakisaka epayi na biso lelo?
Mambi ya bukuse uta Mpo na Ntina Oyo, na Yongsung Kim
Malongi mpe Mayokani 60:7; 61:1–2; 62:1
Nkolo akolimbisa ngai soki nayamboli.
-
Ntango bozali kotanga Malongi mpe Mayokani 60:7; 61:2 elongo na bana na bino, bosalisa bango bazwa maloba oyo ekokani na milongo oyo. Bokundolisa bango ete bimoniseli oyo epesamaki na Joseph Smith mpe bakambi mosusu ya Eklezia. Nini Nkolo alingaki bango bayeba? Bokoki lisusu kosolola oyo etali lolenge nini Mobikisi ayokaka na oyo etali biso ntango tosalaka mbeba mpe nini elingi koloba koyambola. Engebene na Malongi mpe Mayokani 62:1, lolenge nini Yesu asalisaka ntango tomekami?
Yesu Klisto alingi ngai nakabola nsango malamu na Ye.
-
Bokoki kotuna bana na bino nini bakoloba soki motu moko atuni bango nini balingaka oyo etali Yesu Klisto mpe Eklezia na Ye. Koyembaka elongo loyembo etali kokabolaka nsango malamu, ndakisa “I Want to Be a Missionary Now” (Children’s Songbook, 168), ekoki kopesa bango makanisi. Bokoki nsima kotanga Malongi mpe Mayokani 62:3 mpe botuna bana na bino bayoka nini ekomaka ntango tokabolaka matatoli na biso. Lolenge nini elaka kati na molongo 9 esalisaka soki toyoki nkanda?
Nakoki kozala na limemia.
-
Mpo na koyingisa Malongi mpe Mayokani 63:64, bokoki koyemba loyembo etali botosi elongo na bana na bino, lokola “Reverence Is Love” (Children’s Songbook, no. 31). Nsima bokoki kosolola oyo etali ndenge ekeseni mpo na kolakisa botosi mpo na Tata na Lola mpe Yesu Klisto.
-
Bokoki kosalisa bana na bino basosola botosi elakisi nini na kolobelaka bango etali eloko ekeseni oyo ezali motuya epayi na bango, lokola eloko ya lisano balingaka mingi, buku, to bulangeti. Botuna bango lolenge nini balengelaka mpe babatelaka oyo ezalaka ya kokesena epayi na bango. Bokoki nsima kotanga elongo Malongi mpe Mayokani 63:64. Makambo nini ezalaka motuya—to ya bule—epai ya Tata na Lola? (tala, ndakisa, molongo 61 mpe lokasa ya molulu ya poso oyo activity page [lokasa ya molulu]). Lolenge nini tosengeli kosalela makambo oyo—na maloba mpe misala na biso?
Mpo na makanisi mingi koleka, tala nsango ya sanza oyo na magazini ya Moninga .
Kobikisa Lipeka ya Elsa Johnson, na Sam Lawlor