Kgaolo ya Daviess, Missouri

Seetebosigo 16–22: “Morena o Batla Pelo le Tlhaloganyo e e Etleetsegileng”

Dithuto le Dikgolagano 64–66

Mo mogoteng o o maswe wa Phatwe 1831, bagolwane ba le mmalwa ba ne ba tsamaya ba boela kwa Kirtland go tswa kwa lefatsheng la Sione mo Missouri. Batsamai ba ne ba gotetse le go lapa, le dikgogakgogano tsa fetoga go nna ngangisano. Gone go lebega ekete go aga Sione, toropo ya lorato, kutlwano, le kagiso, gone go ya go tsaya nako e telele.

Ka lesego, go aga Sione—mo Missiouri ka 1831 kgotsa mo dipelong tsa rona, malwapa, di wate gompieno—ga go tlhoke gore re itekanele. Mo boemong, “mo go lona go lopiwa go itshwarela,” go bua Morena (Dithuto le Dikgolagano 64:10). O tlhoka “pelo le tlhaloganyo e e etleetsegileng” (temana 34). Mme o tlhoka bopelotelele le tlhwaafalo, gonne Sione o agilwe mo motheong wa “dilo tse dinnye,” di diragadiwa ke bao ba ba “sa lapeng mo go direng molemo” (temana 33).

Bona le gone Saints, 1:133–34, 136–37.

Megopolo ya go Ithuta kwa Gae le kwa Kerekeng

Dithuto le Dikgolagano 64:1–11

“Itshwarelaneng.”

Akanya se se latelang jaaka o ithutuntsha Dithuto le Dikgolagano 64:1–11:

• Akanya ka nako e fa Morena a neng a go itshwarela. O ne o ikutlwa jang?

• A go na le mongwe yo o tlhokang go mo itshwarela? Ke eng go itshwarela ba bangwe go ka nna dingalo? Ke eng se se go thusang go fenya mathata a?

• Ke bofe boammaaruri ka ga boitshwarelo mo Dithuto le Dikgolagano 64:1–11 jo bo lebegang bo le botlhokwa mo go wena. Ke eng o akanya gore Morena o re laotse “go itshwarela botlhe”? (temana 10).

Fa o sokola go itshwarela, akanya go ithutuntsha molaetsa wa ga Mogolwane Jeffrey R. Holland “The Ministry of Reconciliation” (Liahona, Nov. 2018, 77–79) kgotsa molaetsa wa ga Kristin M. Yee “Beauty for Ashes: The Healing Path of Forgiveness” (Liahona, Nov. 2022, 36–38). O ithuta eng ka fa Keresete a ka go thusang go itshwarela?

Botsalano jwa lelwapa bo ka etleetsa ditshono tse dintsi tsa go itshwarela. Akanya ka maloko a lelwapa la gago. Ke bafe ba o tlhokang go ba itshwarela? Re “tlhokofadiwa” jang (temana 8) fa re sa itshwarelane? Go itshwarelana go ka ama jang botsalano jwa lona mo lelwapeng?

Bona le gone Ditlhogo le Dipotso, “Forgiveness,” Motlobo wa Efangele; “Forgiveness: My Burden Was Made Light” (video), Motlobo wa Efangele.

Forgiveness: My Burden Was Made Light

After a man loses his wife and several children in a car accident, he finds healing and is able to forgive the offending driver through the power of Jesus Christ.

“Lo tshwanetse go itshwarelelana” (Dithuto le Dikgolagano 64:9).

Dithuto le Dikgolagano 64:31–34

Morena o batla “pelo yame le tlhaloganyo e e etleetsegileng.”

O kile wa ikutlwa o “lapile” ka gotlhe go “dira molemo” mo o lekang go go diragatsa? Lebelela molaetsa wa Morena go wena mo Dithuto le Dikgolagano 64:31–34. Morena o batla o dira eng go tlisa “tiro e kgolo” ya Gagwe?

Akanya ka thuto ya dilo e e ka tlhalosang temana 33—sengwe se segolo se se dirilweng ke dilo tse dinnye, jaaka mosaike kgotsa kago ya ditena. Ke dife “dilo tse dinnye” tse o ka di dirang letsatsi le letsatsi go “[baya] motheo” wa tiro e kgolo ya Modimo? Ke dife dikai tsa tiro e kgolo tse Morena a di go neetseng?

Dithuto le Dikgolagano 64:31–34

“Pelo le tlhaloganyo e e etleetsegileng”

Mogolwane Donald L. Hallstrom o ntshitse mogopolo o e le kgonagalo ya tlhaloso ya seele “pelo le tlhaloganyo e e etleetsegileng”:

“Pelo ke sesupo sa lorato le maitlamo. Re tswa ditlhabelo le go itshokela merwalo ya bao re ba ratang ye re neng re sa tshwanela go e itshokela ka mabaka ape. Fa lorato lo seo, maitlamo a rona a nna bokoa. …

“Go nna le ‘tlhaloganyo e e etleetsegileng’ go kaya go fa maiteko otlhe le go akanya ga maemo a a kwa godimo le go batla botlhale jwa Modimo. Go raya gore boineelo jo bo ko godimo jwa ithutuntsho mo matshelong a rona bo tshwanetse go nna jwa dilo tsa bosakhutleng ka tlholego. Go raya gore go tshwanetse go sa nne le kgaogano ya botsalano ma gareng ga go utlwa lefoko la Modimo le go le obamela” (“The Heart and a Willing Mind,” Ensign, June 2011, 31–32).

Dithuto le Dikgolagano 64:41–43

Sione o tlaa nna “mokgele mo bathong.”

Mokgele ke “folaga kgotsa mokgele o batho ba o dikologang go phuthega ka maikaelelo a kutlwano kgotsa bokao” (Kaedi ya Dikwalo tse di Boitshepo, “Ensign,” Gospel Library). Sione—kgotsa Kereke ya Morena—e ntse jang jaaka mokgele mo go wena? Akanya dikai tse dingwe tsa dilo tse di tshegeditsweng, jaaka mokgele, go segofatsa batho: Dipalo 21:6–9; Mathaio 5:14–16; Alema 46:11–20. Leba ditsela tse dingwe tse Morena a tlhalosang Sione mo Dithuto le Dikgolagano 64:41–43.

Bona le gone “Let Zion in Her Beauty Rise,” Hymns, no. 41.

Dithuto le Dikgolagano 65

Bogosi jwa Modimo mo lefatsheng bo baakanyetsa lefatshe go boa ga Mmoloki.

Dithuto le Dikgolagano 65 e neela tlhotlheletso e e tlhalosang thomo ya Kereke ya Morena mo malatsing a bofelo. Akanya ka go batla tsetlana e, o leba dikarabo go dipotso jaaka tse: Morena o batla bogosi jwa Gagwe bo diragatsa eng mo lefatsheng? O batla ke dira eng go thusa?

Bona le gone “Prepare Today for the Second Coming” (video), ChurchofJesusChrist.org.

Prepare Today for the Second Coming

(Joseph Smith—Matthew 1:46–54; Matthew 24:42–51) An excerpt from “Preparation for the Second Coming,” Ensign or Liahona, May 2004, 8–9.

Dithuto le Dikgolagano 66

Morena o itse dikakanyo tsa pelo ya me.

Morago ga go tsena Kereke, William E. McLellin a botsa Joseph Smith go senola go rata ga Modimo ka ene. Joseph o ne a sa itse, mme William o ne a na le dipotso tse tlhano a neng a solofela Morena o tlaa di araba ka Moperofeti wa Gagwe. Ga re itse gore dipotso tsa ga William e ne e le dife, mme tshenolo e a di araba, jaanong Dithuto le Dikgolagano 66, di arabile potso nngwe le nngwe ya ga William ka “botlalo le gotlhe mo go kgotsofatsang” (“William McLellin’s Five Questions,” mo Revelations in Context, 138).

Jaaka o bala tsetlana 66, akanaya ka se Morena a se itseng ka William McLellin le matshwenyego le maikaelelo a pelo ya gagwe. Morena o go bontshitse jang gore O a go itse? Fa o na le tshegofatso ya bopatiriaka, akanya ka go e ithutuntsha. Jaaka o dira, Mowa o o Boitshepo o go thusa go tlhaloganya eng ka thato ya Modimo go wena?

Megopolo e mentsi, bona kgatiso ya kgwedi ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 64:7–10

Jeso Keresete O batla ke itshwarela mongwe le mongwe.

Ntlha: Jaaka o ruta bana ba gago ka ga taolo ya Morena “go itshwarela botlhe,” o ka batla go tlhalosa gore go itshwarela ga go reye go letlelela batho go re utlwisa botlhoko. Ba rotloetse go bolelela mogolo yo o tshephegang fa mongwe a mo utlwisa botlhoko kgotsa a ba kgoma ka fa e seng gone.

• Morago ga go bala Dithuto le Dikgolagano 64:10 le bana ba gago, buisana le bone gore go raya eng go itshwarela yo mongwe. O ka abelana dikai di se kae tse di motlhofo. Gongwe ba ka tsaya karolo go tshameka dikai tse go diragatsa boitshwarelo.

• O ka kopa bana ba gago go rulaganya ka fa ba ka rutang mongwe—jaaka monnaabone—ka go itshwarela ba bangwe. Ba thuse go batla diele mo Dithuto le Dikgolagano 64:7–10 tse ba ka di dirisang jaaka ba ruta.

• Opela pina ka ga boitshwarelo, jaaka “Help Me, Dear Father” (Children’s Songbook, 99). Pina e e re ruta eng ka ga go itshwarela ba bangwe?

Dithuto le Dikgolagano 64:33

“Tiro e kgolo” ya Modimo e agilwe godimo ka “dilo tse dinnye.”

• O ka supegetsa bana ba gago dilo dingwe tse di dirilweng ke dikarolo tse dinnye, jaaka phasele kgotsa raga. Le bo le ka bala mmogo Dithuto le Dikgolagano 64:33. Ke eng “tiro e kgolo” ya Modimo? Ke dife “dilo tse dinnye” tse re ka di dirang tse di ka thusang?

Dithuto le Dikgologano 64:34

Ke ka sala morago Jeso ka pelo ya me le tlhaloganyo.

• Jaaka o balela bana ba gago go tswa mo Dithuto le Dikgologano 64:34, o ka supa pelo ya gago le tlhogo jaaka o bala “pelo” le “tlhaloganyo” le go laletsa bana go dira jalo le wena. Re ka neela jang dipelo tsa rona (dikeletso) le ditlhaloganyo (dikakanyo) go Mmoloki?

Gatelela sekai sa ga Jeso Keresete. Akanya ka fa o ka gatelelang sekai sa Mmoloki fa o ithutuntsha kgotsa o ruta. Sekai, fa o ruta ka ga Dithuto le Dikgologano 64:34, o ka bua le bana ba gago ka fa Mmoloki a neetseng pelo ya Gagwe (dikeletso) le tlhaloganyo (dikakanyo) go Rraagwe kwa Legodimong. (Bona Teaching in the Savior’s Way, 6.)

Dithuto le Dikgolagano 66

Morena o itse gore ke mang e bile wa nthata.

• Thusa bana ba gago go tlhaloganya gore William E. McLellin o ne a na le dipotso tse tlhano go Morena. Joseph Smith o amogetse dikarabo go dipotso tse le fa a ne a sa itse gore dipotso tsa ga William e ne e le dife. Bolelela bana ba gago ka nako e Morena a go bontshitseng se a batlang o se dira, le go bua ka ga ditshegofatso tse di tlileng ka go sala morago kaelo ya Gagwe. Le bo le ka bala Dithuto le Dikgolagano 66:4 mmogo le go laletsa bana ba gago go batla ditshono go tlhaloganya se Morena a batlang ba se dira.

  

  Dintlha go tswa go The Second Coming, ka Kevin Keele

Dithuto le Dikgolagano 65

Ke ka thusa go baakanyetsa lefatshe go amogela Jeso Keresete.

• Jaaka bana ba gago ba leba setshwantsho ga Go Tla ga Bobedi ga Mmoloki, ba kope go tlhalosa se ba se bonang kgotsa se ba se itseng ka tiragalo e. Le gone o ka neela bana ba gago mafoko le diele ka ga Go Tla ga Bobedi go di batla mo Dithuto le Dikgolagano 65. Mafoko le diele tse di re ruta eng? Re ka ipaakanyetsa go boa ga Mmoloki jang?

Megopolo e mentsi, bona kgatiso ya kgwedi e ya Friend makasine.

Forgiven, ka Greg Olsen