Ekimelo, na Shaelynn Abel

Sanza ya Nsambo 7–13: “Monene Ekozala Lifuta na Bango mpe Seko Ekozala Nkembo na Bango”

Malongi mpe Mayokani 76

“Nini ekoyela ngai nsima ya kufa na ngai?” Mbala mingi bato batunaka motuna oyo na lolenge moko to mosusu. Bikeke mingi koleka, mimesano ya Baklisto mingi, koyekamaka na mateya ya Biblia, eteyaki lola mpe lifelo, paladizo mpo na bayengebene mpe monioko mpo na bato mabe. Kasi libota mobimba ya bato ekoki ya solo kokabwana mpenza? Na sanza ya mibale 1832, Joseph Smith mpe Sidney Rigdon bamitunaki soki ezalaki na mingi koleka ya koyeba oyo etali likambo yango (tala Malongi mpe Mayokani 76, moto ya eteni).

Kuna eyano ezalaki mpenza. Ntango Joseph mpe Sidney bazalaki komanyola mituna oyo, Nkolo “asimbaki miso [na bango] ya bososoli mpe efungwamaki” (molongo 19). Bazwaki emoniseli ya kokamwa mpenza, ya monene mpenza, ya kongengisa mpenza, ete Basantu babiangaki yango na pete “Limoni.” Efungolaki maninisa ya lola mpe epesaki bana ya Nzambe bomoni ya kofungola mayele mpo na seko. Limoni emonisaki ete lola ezali monene mpe etandama mpe epanzana mingi koleka oyo bato bazalaki kokanisa. Nzambe atonda na mawa mpe azali moyengebeni koleka oyo tokoki kososola. Mpe bana ya Nzambe bazali na nsuka ya seko oyo ezali na nkembo koleka makanisi na biso.

Tala Basantu, 1:147–50; “Limoni,” kati na Revelations in Context, 148–54.

Makanisi mpo na koteya na Ndako mpe na Eklezia

Malongi mpe Mayokani 76

Lobiko eyaka na nzela ya Yesu Klisto, Mwana ya Nzambe.

Eteni 76 emonisi bosolo ya motuya etali lobi na biso ya seko, kasi ekozanga kokoka koloba ete emoniseli oyo ezali oyo etali babokonzi misato ya nkembo to kaka mpo oyo etali mwango ya lobiko. Na polele mpenza, eteni 76 ezali oyo etali Yesu Klisto; oyo asali mwango ya Nzambe mpo na lobiko mpe nkembo na biso ya seko ekoka kosalema. Ntango ozali kotanga, okoki koluka maloba to nkoma oyo elimboli mokangano katikati na Yesu Klisto mpe bato oyo balongi babokonzi ya kokesena ya nkembo. Ntango mosusu etando lokola oyo elandi ekoki kosalisai yo okoma maye ozali komona.

Bokonzi ya nkembo	Mokangano na Yesu Klisto	Mapamboli ya seko
Bokonzi ya nkembo Selesitiale (milongo 50–70, 92–96)	Mokangano na Yesu Klisto Nazwaki litatoli ya Yesu. Nasalaki mpe nabatelaki mayokani na Ye	Mapamboli ya seko Apetolami uta na masumu Kolongaka na bondimi
Bokonzi ya nkembo Teresitiale (milongo 71–79, 97)	Mokangano na Yesu Klisto	Mapamboli ya seko
Bokonzi ya nkembo Telesitiale (milongo 81–90, 98–106, 109–12)	Mokangano na Yesu Klisto	Mapamboli ya seko

Nini oyoki efuli yo osala mpo na kolendisa mokangano na yo na Mobikisi?

Ntango Wilford Woodruff atangaki limoni, alobaki, “nayokaki ete nasengeli kolinga Nkolo koleka naino nasala te liboso na bomoi na ngai” (tala “Voices of the Restoration: Testimonies of ‘the Vision’ [Mingongo ya Bozongisi: Matatoli ya ‘Limoni’]”). Nini oyekoli oyo etali Yesu Klisto uta na milongo 1–5, 20–24, 39–43, 107–8 oyo esali yo olinga Ye koleka?

Tala lisusu 1 Petelo 3:18–19; 4:6; Dallin H. Oaks, “Nini Mobikisi na Biso Asalaki mpo na Biso?,” Liahona, Sanza ya Mitano 2021, 75–77; “I Stand All Amazed [Natelemi ya Kokamwa Nyonso],” Hymns, no. 193.

Yekama naTata na Lola, Yesu Klisto, mpe malongi na Bango. Na makambo nyonso tokoki koyekola kati na makomi, bosolo ya motuya esalisaka biso totonga bondimi na Tata na Lola mpe Yesu Klisto, toyambola, tosala mpe tobatela mayokani na biso na Bango, mpe tozwa Molimo Mosantu. Atako ekoki kozala ntina koleka kokokanisa to kotala malamu bizalela to bizaleli ya bato oyo bakozwa babokonzi ekesena ya nkembo, ezali motuya mingi koyekama na Tata na Lola mpe Mobikisi. Makambo nyonso basalaka mpo na kolengela biso na nkembo wana ekobalusa biso epayi na bango.

Na kati na kisuku oyo, Joseph Smith amonaki limoni ya makomi ya Malongi mpe Mayokani 76.

Malongi mpe Mayokani 76:5–10, 114–18

Nakoki kososola bolingi ya Nzambe “na nguya ya Molimo Mosantu.”

Bandimi nyonso te ya Eklezia bandimaki na pete emoniseli kati na eteni 76, mpamba te eteyaki ete mingi ya bato bakobikisama mpe bakozwa ndelo ya nkembo. Ndakisa, Brigham Young alobaki: “Mimesano na ngai ezalaki, ete ntango Limoni eyelaki liboso epayi na ngai, ezalaki mbala moko na bokeseni mpe botelemeli na bobokoli na ngai ya kala. Nalobaki zela naino moke. Nabwakisaki yango te; kasi nakokaki kososola yango te.” Alimbolaki ete asengelaki “kokanisa mpe kosambela, mpo na kotanga mpe kokanisa, kino nayebaki mpe nasosolaki malamu mpenza yango ngai moko” (kati na “Limoni,” na Revelations in Context, 150). Nini oyekoli uta boyebi eye oyo ekoki kosalisai yo ntango Nzambe abimisaki makambo oyo ezali ya kokesena uta na bososoli na yo sikawa? Nini oyekoli oyo etali Nzambe kati na Malongi mpe Mayokani 76:5–10, 114–18? Milongo oyo etei nini oyo etali lolenge nini okoki kososola “liyoki ya malamu ya bolingi ya [Nzambe] ”? (molongo 7).

Malongi mpe Mayokani 76:39–44, 50–70

Bonetoli ezali lolenge ya likolo ya lobiko.

Malongi mpe Mayokani 76:39–44 elimboli mbala mingi lobiko. Milongo 50–70 elimboli bonetoli, lolenge moko ya lobiko. Lolenge nini okokaki kolimbola bokeseni katikati na lobiko mpe bonetoli? Mosala ya Mobikisi ezali nini kati na nyonso mibale? Ozwi nini kati na milongo miye oyo efuli yo oluka bonetoli?

Tala lisusu Yoane 3:16–17; Malongi mpe Mayokani 132:20–25.

Malongi mpe Mayokani 76:50–70, 92–95

Tata na ngai ya Lola alingi ngai nazwa bomoi ya seko na bokonzi ya selesitiale.

Esila kokomela yo—to komitunga—oyo etali kutu ya okoki kokoma lolenge ya moto oyo akozwa nkembo ya selesitiale, lokola elimbolami na kati na Malongi mpe Mayokani 76:50–70, 92–95? Ntango ezali motuya koyeba maye Nzambe azelelaka biso, banza lisusu kolukaka kati na milongo oyo mpo na maye Nzambe asalaki mpo na biso—mpe oyo azali kosala—mpo na kosalisa biso tokoma lokola Ye. Mpo na nini oyoki makoki na yo ezali ntina epayi na Ye?

Lolenge nini limoni oyo ya nkembo ya selesitiale esimbaka lolenge olingaka kozala mpo na kobika bomoi na yo ya mikolo nna mikolo?

Tala lisusu Mose 1:39; J. Devn Cornish, “Am I Good Enough? Ngai Nakosala Yango?,” Liahona, Sanza ya zomi na moko 2016, 32–34.

Mpo na makanisi mingi koleka, tala nsango ya sanza oyo na magazini ya Liahona mpe Bokasi ya Bilenge .

Makanisi mpo na Koteya Bana

Malongi mpe Mayokani 76:24

Tozali banso bana ya Nzambe.

• Mpo na kosalisai bana na bino basosola motuya na bango ya bonzambe, bokoki kolakisa bango bililingi ya bana mpe baboti na bango. Bokoki nsima kotanga Malongi mpe Mayokani 76:24 mpe bokabola moko na mosusu mpo na nini bozali na esengo ya koyeba ete tozali biso nyonso “bana mibali mpe bana basi ya Nzambe.”

• Bokoki lisusu koyemba elongo “I Am a Child of God [Nazali Mwana Nzambe]” (Children’s Songbook, 2–3) mpe kobengisa bana na bino bamipona bango moko ntango bazali koyemba “Ngai.” Nsima boyemba lisusu loyembo, kotiaka na esika “Ngai nazali” na “bino bozali” ntango bazali kopona moto mosusu.

Malongi mpe Mayokani 76:5, 41–42, 69

Yesu Klisto azali Mobikisi na ngai.

• Banza kosala lisano na bana na yo molulu oyo moto moko atuni, “Nini Yesu Klisto asalaki mpo na ngai?” Bino mpe bana na bino bokoki koluka biyano malamu kati na milongo 5, 41–42, to 69 na eteni 76. Bokoki lisusu koyemba “He Sent His Son [Atindaki Mwana na Ye],” Children’s Songbook, 34–35. Lolenge nini tokoki kolakisa botondi na biso na oyo Mobikisi asalaki mpo na biso?

Bokuse uta na Suffer the Children [Konyokola Bana], na J. Kirk Richards

Malongi mpe Mayokani 76:62

Tata na Lola alingaka ngai nazonga kofanda elongo na Ye mpo na libela.

• Bio mpe bana na o bokoki kotanga to kotala eteni to kosala mokumba ya “Mokapo 26: Babokonzi Misato ya Lola” (kati na Masolo ya Malongi mpe Mayokani, 97–103, to video oyo ekokani kati na Gospel Library) mpe kokabola elongo moko mpe mosusu maye olingaka etali limoni ya Joseph Smith azwaki. Botika ete bana na bino bakabola makanisi mpe mayoki etali maye ekokaki kozala lokola kobika elongo na Tata na Lola kati na bokonzi ya selesitiale.

  Chapter 26: The Three Kingdoms of Heaven: 16•February 1832

• Bokoki lisusu kotanga Malongi mpe Mayokani 76:62 mpe bengisa bana na bino bayema bililingi na bango moko elongo na Tata na Lola mpe Yesu Klisto kati na bokonzi ya selesitiale (tala lokasa ya molulu ya poso oyo).

MalongI mpe Mayokani 76:12, 15–19, 114–16

Koyekolaka makomi ekoki kosalisa ngai “nasosola makambo ya Nzambe.”

• Bokoki kobengisa bana na bino batanga milongo 15–19 mpo na kozwa maye Joseph Smith mpe Sidney Rigdon bazalaki kosala ntango bamonaki limoni kati na Malongi mpe Mayokani 76. Boyebisa bana na bino oyo etali ngonga ntango bozwaki bofuli na ntango bozalaki kotanga makomi, mpe botuna bana na bino soki bazali na baboyebi ya lolenge moko.

Mpo na makanisi mingi, tala nsango ya sanza oyo na magazini ya Moninga .

Bisika ya Nkembo, na Annie Henrie Nader