“Sanza ya Nsambo 21-27: Esika ‘Mingi Epesami Mingi Ekosengama’:Malongi mpe Mayokani 81–83,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)

“Malongi mpe Mayokani 81– 83,” Yaka, Landa Ngai—Mpo na Ndako mpe Eklezia: 2025

Mambi uta Klisto mpe Elenge Mozwi Mosali Mibeko, na Heinrich Hofmann

Sanza ya Nsambo 21–27: Esika “Mingi Epesami Mingi Ekosengama”

Malongi mpe Mayokani 81–83

Na sanza ya misato 1832, Nkolo abiangaki Jesse Gause azala mopesi toli ya Joseph Smith na Bokambi ya Bonganganzambe Monene (oyo ebengami sikawa Bokambi ya Yambo). Malongi mpe Mayokani 81 ezali emoniseli epayi ya Ndeko Gause mpo na libiangi na ye ya sika. Kasi Jesse Gause asalaki na kondima nyonso te, bongo Frederick G. Williams abiangemaki mpo na kozwa esika na ye. Nkombo ya Ndeko mobali Williams etiamaki na esika ya Ndeko mobali Gause kati na emoniseli.

Yango ekoki komonana lokola likambo moke, kasi na kati ebombani bosolo ya ntina monene: Mingi koleka ya bimoniseli na Malongi mpe Mayokani elobelaki bato songolo, kasi tokoki koluka ntango nyonso ndenge ya kosalela yango mpo na biso moko (tala 1 Nefi 19:23). Ntango totangi toli ya Nkolo epayi ya Frederick G. Williams mpo na “kolendisa mabolongo malemba,” tokoki kokanisa bato tokoki kolendisa (Malongi mpe Mayokani 81:5). Ntango totangi libiangi ya Nkolo mpo na bandimi ya Kompani ya Bomoko mpo na “kokangisa bino moko na boyokani oyo” tokoki kokanisa mayokani na biso moko. Mpe tokoki kotanga Elaka na Ye, “Ngai… nakangami ntango bozali kosala oyo nalobi,” lokola soki azali koloba na biso (Malongi mpe Mayokani 82:10, 15). Tokoki kosala yango mpamba te, lolenge Nkolo asakolaki, “Oyo Nalobi epayi ya moko Nalobi epayi ya bato nyonso” (molongo 5).

Tala “Newel K. Whitney and the United Firm [Newel K. Whitney mpe Kopani Moko],” “Jesse Gause: Counselor to the Prophet [Jesse Gause: Mopesi Toli ya Profeta],” kati na Revelations in Context,142–47, 155–57.

Makanisi mpo na koteya na Ndako mpe na Eklezia

Malongi mpe Mayokani 81:4–5; 82:18–19

“Bokosala bolamu ya koleka epayi ya banini bazalani na bino.”

Na makomi mingi kati na Malongi mpe Mayokani 81– 83, Nkolo abengi biso tosalisa bato kati na bosenga nzinganzinga na biso. Kanisa kota bilembo na makomi ntango ozwi yango. Moko ya bandakisa oyo ezali kolimbola mingi ezali na Malongi mpe Mayokani 81:4–5. Oyo ezali mwa mituna mpo na kosalisa yo omanyola milongo oyo.

Banzela nini yango oyo moto akoki kozala na “botau to bolembu”? Elimboli nini “kosunga” bango? Ntango nini mosala ya Boklisto ya basusu esalisi ngai ntango namiyokaki ya kolemba?
Nini ekoki kosala ete maboko ya moto “esili makasi”, lokola liloba ya lisese? Lolenge nini nakoki “kotombola” maboko wana?
“Mabolongo ya kotengatenga” ekoki kolinga koloba nini? Lolenge nini bazali ya kolendisama?

Lolenge nini Mobikisi asalaka makambo oyo mpo na yo?

Ntango mosusu koyekola molongo oyo ememi yo na kokanisa moto moko okokaki “kobikisa,” “kotombola,” to “kolendisa.” Nini okosala mpo na kosalisa moto yango?

Oyekoli nini lisusu oyo etali kosalela basusu kati na Malongi mpe Mayokani 82:18–19? Bokoki lisusu kotala video “Teachings of Thomas S. Monson: Rescuing Those in Need” ” (Gospel Library). Lolenge nini bandimi ya palwasi ya Episikopo Monson balakisi ndakisa ya maye milongo oyo eteyi?

Teachings of Thomas S. Monson: Rescuing Those in Need

Tala lisusu Yakobo 2:17-19; Mosiya 18:8-9; “Works of God” (video), ChurchofJesusChrist.org.

Malongi mpe Mayokani 82:3

Mobikisi apesi ngai mingi mpe asengi ngai mingi.

Kotangaka molongo oyo ekoki kopusa bino botala lisusu nini Nzambe apesaki bino—nyonso mibale mapamboli ya nzoto na ya molimo. Bomba yango na motema ntango ozali kotanga maye matikali uta na Eteni 82. Nini oyoki Nzambe asengi yo?

Tala lisusu “Because I Have Been Given Much [Mpo ete Napesami Mingi],” Hymns, no. 219.

Malongi mpe Mayokani 82:8–10

Mibeko ezali elembo emonani na miso ya bolingo ya Nzambe mpo na biso.

Soki yo to moto moko oyebi amituna naino te mpo na nini Nkolo apesi mitindo mingi mpenza, Malongi mpe Mayokani 82:8–10 ekoki kosalisa. Boyebi nini kati na milongo oyo ekoki kosalisa yo olimbolela na moto moko mpo na nini oponi kolanda mitindo ya Nkolo? Na nini okoki kokokanisa mitindo na oyo ekoki kosalisa? Okoki kozwa boyebi ya kobakisa kati na Malongi mpe Mayokani 1:37–38; 130:20–21 mpe video “Blessed and Happy Are Those Who Keep the Commandments of God [Baye Babatelaka Mitindo ya Nzambe Bazali ya Kopambolama mpe na Esengo]” [ (Gospel Library [Esika ya Babuku]). Makambo nini eteyi yo omona mitindo lokola mapamboli?

Blessed and Happy Are Those Who Keep the Commandments of God

Kanisa oyo etali ndambo ya mitindo Nzambe apesaki yo. Mitindo oyo eteyi yo nini oyo etali Ye mpe Bolingi na Ye? (tala molongo 8). Lolenge nini bomoi na yo esimbami na kobatelaka mitindo yango?

Oyekoli nini oyo etali Nkolo uta molongo 10? Nini okanisi yango elingi koloba mpo na Nkolo kozala “okangami”? (tala lisusu molongo 15).

Lolenge nini Nkolo akokisi bilaka na Ye na bomoi na yo? Nini okoki koloba na moto moko oyo azali koyoka te atindikami kobatela mitindo mpo ete bazwi te mapamboli oyo balikyaki kozwa? Ozwi boyebi ya lisalisa kani kati na nsango ya Mpaka D. Todd Christofferson “Our Relationship with God [Mokangano na Biso na Nzambe]”? (Liahona, Sanza ya mitano 2022, 78–80).

Tala lisusu Gospel Topics, “Commandments [Mitindo],” Gospel Library [Esika ya Babuku].

Malongi mpe Mayokani 82:10

Nkolo apambolaka biso na banzela na ye moko ya kokamwa.

Ndeko mwasi Virginia H. Pearce, moko ya Bakambi Minene ya Bilenge Basi ya kala, alobelaki oyo etali mwasi moko oyo atungisamaki na kozangaka elikya oyo etali bana na ye bazalaki kosala maponi ya sembo te. Na kobanga nyonso, amekaki nyonso oyo akokaki kokanisa mpo na koluka mapamboli ya Nkolo mpo na bango. Na kobakisa na libondeli ya molende, azwaki mokano moko ya monene ya bobakisi ya koyangana na tempelo mpe ayokaki na ntembe te ete Nkolo akotosa mbeka oyo ya ntina na kobongolaka mitema ya bana na ye. Mwasi yango alobaki:

“Nsima ya mibu zomi ya bobakisi koyangana na Tempelo mpe mabondeli ya ntango nyonso, na zali na mawa ya koloba ete maponi ya bana na ngai ebongwanaki te. …

“Kasi ngai nabongwanaki. Nazali mwasi ya bokeseni. … Nazali na motema ya boboto koleka. Natondisami na motema mawa mingi. Nakoki sikawa kosala mingi mpe nazali na bobangi te, mitungisi te, komiyoka ngambo te, kopesa foti te, mpe somo te. Natiki bandelo na ngai ya ntango mpe nazali na makoki ya kozela epayi ya Nkolo. Mpe na bikaki mbala na mbala bimoniseli ya nguya ya Nkolo. Atindaka maloba ya boboto, maloba mike oyo emonisaka bolingo na Ye mpo na ngai mpe bana na ngai. Makambo nazalaki kolikya ebongwanaki. Na esika ya kolikya bana na ngai babongwana, nazelaki kozwa maloba ya boboto ya mbala na mbala mpe natondisami na botondi mpo na bango. …

“Mabondeli na ngai ebongwani. sNamonisaka bolingo mingi mpe nazali na botondi mingi. Nkolo asalaka na banzela ya kokamwa, mpe natondi solo na kimia oyo eleki bososoli nyonso” (kati na “Prayer: A Small and Simple Thing [Losambo: Likambo Moke mpe ya Pete],” At the Pulpit [Na Elobelo] [2017], 288–89).

Malongi mpe Mayokani 83

“Bakufeli mibali mpe bana bitike bakopesama.”

Na Sanza ya minei 1832, lokola eteyamaki na Nkolo, Joseph Smith akendaki mobembo pene na bakilometele 1287 mpo na kokende kotala Basantu oyo basanganaki na Missouri (talaMalongi mpe Mayokani 78:9). Ntango azalaki kuna, akendaki kotala mboka moko epayi basi mingi oyo bakufela mibali oyo bazalaki kobokola bana bango moko. Na kati na bango ezalaki na Phebe Peck mpe Anna Rogers, baoyo Profeta ayebaki malamu. Na Missouri na 1830, mibeko ya mboka epesaki bakufeli mibali makoki moke likolo ya bozwi ya mibali na bango bakufa. Oyekoli nini uta na eteni 83 mpo na oyo etali lolenge nini Nkolo akanisa oyo etali bakufeli mibali mpe bana bitike? Oyebi moto moko oyo azali kati na ezalela oyo mpe akoki kozwa litomba ya bolingo mpe bobateli na yo? Na banzela nini mike okoki kokabola oyo ozali na yango na basi bakufeli mibali, bana bakufela baboti, bamama bazanga mibali, mpe basusu kati na bosenga?

Tala lisusu Yisaya 1:17; Yakobo 1:27.

Mpo na makanisi mingi koleka, tala nsango ya sanza oyo na magazini ya Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 81:3

Nakoki kosambela Nzambe “na kobimisa mongongo mpe kati na motema [ngai].”

Ntango bozali kotanga Malongi mpe Mayokani 81:3 elongo na bana na bino, bosalisa bango bakanisa bisika bikeseni “ya bato nyonso” mpe “ya moto ye moko” esika wapi bakoki kosambela. Bokoki lisusu koyoka to koyemba elongo na bango oyo etali losambo, lokola komona makanisi utai na loyembo, lokola “Secret Prayer [Losambo ya Nkuku]” (Hymns, no. 144). Bokabola elongo moko na mosusu eloko moko uta na loyembo oyo ezali koteya bosolo moko ya ntina na oyo etali losambo. Bkoki lisusu kolobela oyo etali koloba na limemya epayi ya Tata na Lola.
Mpo na kolendisa bana na bino basambela kati ya mitema na bango, bokoki kopesa bango motema ya papier mpe kobenga bango bayema to bakoma likambo moko balingi kobondelela Tata na Lola. Botatola ete Tata na Lola ayebi nini tozali kokanisa mpe koyoka mpe Akoki koyoka mabondeli na biso atako tolobi yango na mongongo makasi te. Bokoki kokabola na bango likambo moko ntango bosambelaki na motema na bino mpe Tata na Lola ayokaki bino.

Malongi mpe Mayokani 81:5

Nkolo alingi biso tosalisa bato kati na bosenga.

Na bana na bino, boyema bilili ya maboko mpe mabolongo, mpe botuna bana na bino bamona biteni ya nzoto kati na Malongi mpe Mayokani 81:5. Bosenga ya Nkolo ezali nini kati na molongo oyo? Bokoki kokabola elongo moko moko ndambo ya banzela oyo bato balendisaki bino ntango bomiyokaki “bolembu” to “kozanga makasi.” Video “Lekisa yango” (ChurchofJesusChrist.org) ekoki kopesa bana na bino makanisi lolenge nini kosunga basusu. Bokoki koyemba elongo nzembo moko oyo elobeli mosala, na ndakisa “Esali Ngai Mosala Malamu Songolo?” (Nzembono. 223). Bokanisa kosalisa bana na bino kosala mwango mpo na kosalisa ata moto moko oyo azali na bosenga na poso oyo.

2:3
Pass It On
Bokoki lisusu kosalela bilili to bavideo mpo na kobeta masolo mike ya Yesu Klisto kosalisaka basusu (tala bilili oyo ezali na lokasa oyo; Mokanda ya Ntoki ya Nsango Malamu, nos. 41, 42, 46, 47, 55; to moko ya Bible Videos kati na Gospel Library [Esika ya Babuku]). Lolenge nini tokoki kolanda ndakisa ya Mobikisi ya kosalisaka basusu?

Yesu Klisto elongo na mwasi Ye abikisaki — Tokoki kosimba bato kati na bosenga lokola Mobikisi asalaki.

Bosunga bana na bino bazwa bofulami na bango moko. Kotangisa elakisi mingi koleka bokaboli mpamba ya bosolo—Elakisi kosalisa bato mosusu bakoma bayekoli bamikoki. Na esika ya koloba na bango kaka lolenge bakoki kosalela basusu, na ndakisa, bolendisa bango baluka botambwisi ya Nkolo mpo na koyeba nani bakoki kosalisa.

Malongi mpe Mayokani 82:10

Tata ya Lola alaki mapamboli ntango nazali kosala makasi ya kotosa Ye.

Bino mpe bana na bino bokoki koluka kati na Malongi mpe Mayokani 82:8–10 mpo na biyano na motuna “Mpo na nini Tata na Lola apesi biso mitindo?” Bokoki kolinga kosalisa bana na bino bakanisa na ntina ya bandakisa ya mitindo na Ye (tala, ndakisa, Esode 20:4–17; Matai 22:37–39; Malongi mpe Mayokani 89:5–17). Ekoki kosalisa soki bino na bana na bino bozwi to boyemi bililingi mpo na komonisa mwa ndambo na yango. Lolenge nini mitindo ya Tata na Lola elakisaka bolingo na Ye mpo na biso?
Ntango mosusu lisano ya pete ekoki kosalisa bana na bino bamona mitindo ya Nzambe lokola mapamboli, mokumba te. Moto moko akoki kopesa malako ya kosalisa moto mosusu, oyo azali na miso ya kokanga na bande, mpo na kosala likambo moko lokola kosala sandwich to koyema elilingi. Bokanisa eloko songolo ya liseki mpe uta na makanisi na bino moko! Nsima bosolola oyo etali lolenge nini mitindo ya Nzambe ezali lokola malako na kati ya lisano oyo.

Mpo na makanisi mingi, botala nsango ya sanza oyo na magazini ya Moninga .

Yesu Klisto na elenge mobali abikisaki — Elilingi ya Yesu kobikisaka mobali moko na Dan Burr