Phukwi 14–20: “Ke Tlaa Lo Etelela Pele”: Dithuto le Dikgolagano 77–80,” Tlayang, Ntshaleng Morago—Ya Gae le Kereke: Dithuto le Dikgolagano 2025 (2025)
Dithuto le Dikgolagano 77–80,” Tlayang, Ntshaleng Morago—Ya Gae le Kereke: 2025
Going Home, ka Yongsung Kim
Phukwi 14–20: “Ke Tla Lo Etelela Pele”
Dithuto le Dikgolagano 77–80
Ka fa tlase ga ngwaga tse pedi morago ga Kereke ya ga Jeso Keresete e sena go tsosolosiwa, e ne e na le maloko a a fetang 2,000 mme e ne e gola ka pela. Ka Mopitlo 1832, Joseph Smith o ne a kopana le baeteledipele ba bangwe ba Kereke “go buisana ka tiro ya Kereke”: letlhoko la go anamisa ditshenolo, go reka lefatshe le go phuthegelwang mo go lone, le go tlhokomela bahumanegi (bona Dithuto le Dikgolagano 78, setlhogo sa tsetlana). Go fitlhelela matlhoko ana, Morena o ne a bitsa palo e se kae ya baeteledipele ba Kereke go dira United Firm, setlhopha se se neng se tlaa tshwaraganelang maiteko a bone go “tsweledisa ntlha” ya Morena (temana 4) mo dikgaolong tsena. Mme le mo dikgang tse di ntseng jalo tsa tsamaiso, Morena o ne a tsepama mo dilong tsa bosakhutleng. Kwa pheletsong, boikaelelo jwa kgatiso kgotsa ntlo ya polokelo—jaaka sengwe le sengwe se se leng mo bogosing jwa Modimo—ke go baakanyetsa bana ba Gagwe go amogela “bonno mo lefatsheng la seletiale” le “dikhumo tsa bosakhutleng”(ditemana 7, 18). Mme fa ditshegofatso tseo di le thata go tlhaloganngwa ka nako eno, mo gare ga ditshwarego tsa botshelo tsa letsatsi le letsatsi O re netefaletsa gore, “Nametsegang, gonne ke tlaa lo etelela pele” (temana 18).
Megopolo ya go ithuta kwa Gae le kwa Kerekeng
Modimo o neela batho kitso ba ba e batlang.
Jaaka Joseph Smith le Sidney Rigdon ba ne ba dira mo thanolong e e tlhotlheleditsweng ya Baebele, ba ne ba na le dipotso mabapi le lokwalo la Tshenolo, jaaka batho ba bantsi ba na le tsone. Mme jaaka Joseph a ne a itse sentle, fa a ne a tlhaela botlhale, o ne a ka botsa Modimo. Ditshedimosetso tse a di boneng di mo Dithuto le Dikgolagano 77. Fa o ntse o bala tsetlana e, akanya go kwala ditshedimosetso tsa gago mo dikgaolong tse di amanang mo lokwalong lwa Tshenolo. O ithuta eng mo ithutuntshong ya gago mabapi le go amogela tshenolo?
Translation of the Bible, ka Liz Lemon Swindle
United Firm e ne e le eng?
United Firm e ne ya tlhomamisediwa go laola dikanamiso tsa Kereke le merero ya kgwebo mo Ohio le Missouri. E ne e na le Joseph Smith, Newel K. Whitney, le baeteledipele ba bangwe ba Kereke ba ba neng ba kopanya di dirisiwa tsa bone go direla matlhoko a lobaka leo a Kereke e e golang. Ka bomadimabe, United Firm ya tsena mo dikolotong mme e ne ya phatlaladiwa ka 1834 fa dikoloto di sa laolesege.
Bona gape “Newel K. Whitney and the United Firm,” Revelations in Context, 142–47; Church History Topics, “United Firm (‘United Order’),” Gospel Library.
Ke ka thusa go “tsweledisa ntlha” ya ga Keresete le Kereke ya Gagwe.
Morena o ne a bolelela Joseph Smith le baeteledipele ba bangwe ba Kereke gore go laola ntlo ya polokelo le motšhine wa kgatiso go tla thusa go “tsweledisa ntlha, e ba e amogetseng” (Dithuto le Dikgolagano 78:4). O ka re ntlha ya Kereke ya Mmoloki ke eng? Tlhatlhanya ka se fa o ntse o bala Dithuto le Dikgolagano 78:1–7. Ke ditsela dife tse dingwe tse di farologaneng tse o ka thusang go tsweledisa ntlha eo—go akaretsa le mo lelwapeng la gago?
Bona gape General Handbook, 1.2.
Dithuto le Dikgolagano 78:17–18.
Morena o tlaa nketelelapele.
O akanya gore ke eng Morena ka dinako dingwe a bitsa balatedi ba Gagwe “bana ba bannye”? (Dithuto le Dikgolagano 78:17). Ke leng o ikutlwa jaaka ngwana yo monnye, gongwe ka ntlha ya sengwe se o “iseng o se tlhaloganye” kgotsa o sa ”kake wa se itshokela”? (ditemana 17–18). O bona eng mo ditemaneng tsena se se ka go thusang go “nametsega” (temana 18) mo dinakong tse di ntseng jalo? Akanya go batla setshwantsho sa gago fa o ne o santse o le ngwana mme o tlhatlhanye ka fa o godileng semowa ga e sale ka nako eo. Kgotsa akanya ka sengwe se se neng se le thata mo go wena fa o ne o le monnye mme jaanong se le motlhofo. Ke ka ditsela dife tse Rara wa Legodimo a santseng a batla o tshwana le ngwana? (bona Mosia 3:19). O go “[etelelapele] jang”?
Ke ka amogela dilo tsotlhe ka malebogo.
Go ipaakanyetsa go ithutuntsha Dithuto le Dikgolagano 78:19, o ka dira nankolo ya dilo tse di molemo tse di go diragaletseng gompieno. Ke gone dira nankolo ya dilo tse tota di sa lebegeng e le ditshegofatso mo go wena. Tlhatlhanya ka dinankolo tse fa o ntse o bala Dithuto le Dikgolagano 78:19. Go dira pharologanyo jang mo botshelong jwa gago fa o amogela “dilo tsotlhe” ka malebogo—le dilo tse di ka nnang tsa lebega e se ditshegofatso?
Go ithuta thata mabapi le ka fa tebogo mo Modimong e ka tlhotlheletsang botshelo jwa gago, sekaseka dikwalo tse di boitshepo tsena mme o dire nankolo ya boammaaruri jo o bo bonang: Pesalema 107:8–9; Luke 17:11–19; Bafilipi 4:6–7; Mosia 2:19–24; Alema 34:38; 37:37; Dithuto le Dikgolagano 46:32; 59:7, 15–21.
Akanya go senka molaetsa wa ga Poresidente Dieter F. Uchtdorf “Grateful in Any Circumstances” (Liahona, Motsheganong 2014, 70–77) ka ga kgakololo mabapi le gore o nna le tebogo jang. O ka batla kgakololo e e tshwanang mo setshwantshong sa motshikinyego “President Russell M. Nelson on the Healing Power of Gratitude” (Gospel Library). Tebogo e ama jang kamano ya gago le Jeso Keresete?
President Russell M. Nelson on the Healing Power of Gratitude
In his 96 years, President Russell M. Nelson of The Church of Jesus Christ of Latter-day Saints has seen many trials. But he says there's a simple remedy to help us find joy in hard times—gratitude.
Senka mme o abelane. Fa o neetswe go ruta, batla ditsela tsa go thusa batho go senka dikwalo tse di boitshepo kgotsa mafoko a baporofeti—ka bo bone kgotsa ka ditlhotshwana—mme ba abelane se ba se ithutang. Sekai, mo tiragatsong e o ka neela motho mongwe le mongwe kgotsa setlhopha karolo ya molaetsa wa ga Poresidente Uchdorf mme o ba kope go abelana polelwana kgotsa polelo e ba utlwang gore e soboka se a se rutileng.
Bona gape “Count Your Blessings,” Hymns, no. 241; Topics and Questions, “Gratitude,” Gospel Library.
Pitso ya go direla Modimo e botlhokwa go feta kwa ke direlang teng.
Mabapi le Dithuto le Dikgolagano 80, Mogolwane David A. Bednar o rutile, “Gongwe nngwe ya dithuto tse Mmoloki a re di rutang mo tshenolong e ke gore thomo go dira mo lefelong le le rileng go a tlhokega ebile go botlhokwa mme go tla morago ga pitso ya tiro” (“Called to the Work,” Liahona, Motsheganong 2017, 68). Ke maitemogelo afe a a go thusitseng go ithuta gore mafoko a ga Mogolwane Bednar ke boammaaruri? Ke dithuto dife tsa tlaleletso tse o ka di bonang mo Dithuto le Dikgolagano 79–80 tse di ka thusang motho yo a sa tswang go amogela pitso?
Ka megopolo thata, bona dikgatiso tsa kgwedi ena tsa Liahona le Ya Nonofo ya Banana dimakasine.
Megopolo ya go Ruta Bana
Modimo o tlhodile sebopiwa sengwe le sengwe mo lefatsheng.
-
Fa wena le bana ba gago le bala Dithuto le Dikgologano 77:2 mmogo, lo ka leba ditshwantsho tsa diphologolo, go akaretsa le ditshidinyana le dinonyane. Bana ba gago ba ka supa ditshwantsho fa o bala mafoko, dibatana,” “dilo tse di gagabang,” le dinonyane tsa loapi.” Abelelanang ka fa ditlholego tsa Modimo di le thusang go utlwa lorato la Gagwe.
Modimo o tlhodile dibopiwa tsotlhe mo lefatsheng.
Ke ka thusa go “tsweledisa ntlha” ya ga Jeso Keresete.
-
Go thusa bana ba gago go akanya ka seabe sa bone mo tirong ya Modimo, elatlhoko go bala le bone Dithuto le Dikgolagano 78:4 go bona “ntlha” e re “inaakantseng le yone” (re e amogetse kgotsa re itshenketse go e tshegetsa) fa re kolobediwa. Ba thuse go leba ditemana tsa dikwalo tse di boitshepo tse di tshwanang le tsena go bona dikarabo tse di ka nnang teng: Mosia 18:8–10; Dithuto le Dikgolagano 20:37; Moshe 1:39. Bana ba gago ba ka itumelela go tshameka-karolo ya ka fa ba ka thusang ka tiro ya Morena. Sekai, go lebega jang go “belegisana merwalo” kgotsa go “tsaya leina la ga Jeso Keresete [mo go rona]”? Se se “tsweledisa ntlha” ya ga Keresete jang?
(Dithuto le Dikgolagano 78:6).
Ke ka abelana se ke nang le sone le ba bangwe.
-
Go ruta gore go raya eng go “lekana mo dilong tsa lefatshe” (temana 6), o ka neela bana ba gago ditshwantsho tsa batho ba ba tlhokang (ba tshwerwe ke tlala, ba gobetse, kgotsa ba tshwerwe ke mokgotlhwana) le di dirisiwa tse di ka ba thusang (jaaka dijo, banta, kgotsa kobo). Ke gone bana ba gago ba ka tshwantshanya ditshwantsho le dilo. Re ka abelana eng go thusa batho ba ba tlhokang?
-
Go bona dintlha tsa tsetlana 78, bala le bana ba gago dipolelo ka fa tlase ga ditshwantsho tse pedi tsa ntlha tsa “Kgaolo 28: Moporofeti Joseph o Ya Missouri Gape,” mo Dipolelo tsa Dithuto le Dikgolagano, 108, kgotsa ditshwantsho tsa motshikinyego tse di tsamaelanang mo Motlobong wa Efangele). Mme bana ba gago ba ka ipaya jaaka ekete ba thusa mongwe yo o agang ntlo, ba abelana dijo, kgotsa ba direla ka tsela nngwe.
2:39Chapter 28: The Prophet Joseph Goes to Missouri Again: March–May 1832
Jeso Keresete o tla nketelela pele.
-
Go ka nna monate mo baneng ba gago go bua ka gore go raya eng go nna moeteledipele mme morago ba etelele pele tiragatso nngwe. Fa le sena go bala mmogo Dithuto le Dikgologano 78:18, le ka buisana ka dinako tsa mogang re tlhoka Jeso go re etelela pele? Akanya go opela pina jaaka “I Will Walk with Jesus” (Motlobo wa Efangele).
Ke ka amogela “dilo tsotlhe ka malebogo.”
-
Bala le bana ba gago Dithuto le Dikgolagano 78:19 go bona se Morena a se solofeditseng batho ba ba nang le tebogo. Thusa bana ba gago go tlhaloganya gore “ga lekgolo” go raya eng, gongwe ka go ba supetsa selwana se sennye mme o bo o ba supetsa tse 100 tsa dilwana tsone tseo. Gongwe ba ne ba ka tshwantsha ditshwantsho tse ba di amogetseng go tswa mo Modimong “ka malebogo.”
Ka megopolo thata, bona kgatiso ya kgwedi e ya Friend makasine.
God’s Garden, ka Sam Lawlor