Dintlha go tswa go Christ and the Rich Young Ruler, ka Heinrich Hoffmann

Phukwi 21–27: Ko “Bontsi bo Neetsweng Bontsi Bo a Batlega”

Dithuto le Dikgolagano 81–83

Ka Mopitlo 1832, Morena o ne a bitsa Jesse Gause go nna mogakolodi wa ga Joseph Smith mo Boporesidente jwa Boperesiti jo Bogolo (jaanong bo bidiwa Boporesidente jwa Ntlha). Dithuto le Dikgolagano 81 ke tshenolo go Mokaulengwe Gause ka ga pitso ya gagwe e ntšha. Mme Jesse Gause o ne a seka a dira ka boikanyego, ka jalo Frederick G. Williams o ne a bidiwa mo boemong jwa gagwe. Leina la ga Mokaulengwe Williams le mo boemong jwa leina la Mokaulengwe Gause mo tshenolong.

Se se ka lebega jaaka ntlha e e nnye, mme se kaya boammaaruri jo bo nang le bokao: bontsi jwa ditshenolo mo Dithuto le Dikgolagano di itebagantse le batho bangwe, mme re ka batla ditsela tse re ka di diragatsang mo go rona ka nako tsotlhe (bona 1 Nefi 19:23). Fa re bala kgakololo ya Morena mo go Frederick G. Williams go “nonotsha mangole a a reketlang,” re ka akanya ka batho ba re ka ba nonotshang (Dithuto le Dikgolagano 81:5). Fa re bala taletso ya Morena go maloko a United Firm go “itlama ka kgolagano e,” re ka akanya ka dikgolagano tsa rona. Mme re ka bala tsholofetso ya Gagwe, “Nna … ke a tlamega fa lo dira se ke se buang,” jaaka ekete O bua le rona (Dithuto le Dikgolagano 82:10, 15). Re ka dira se gonne, jaaka Morena a boletse, “Se ke se rayang a le mongwe ke se raya botlhe” (temana 5).

Bona “Newel K. Whitney and the United Firm,” “Jesse Gause: Counselor to the Prophet,” mo Revelations in Context, 142–47, 155–57.

Megopolo ya go Ithuta kwa Gae le kwa Kerekeng

Dithuto le Dikgolagano 81:4–5; 82:18–19

“O tlaa dira molemo o mogolo bogolo mo beng ka wena.”

Mo ditemaneng di le mmalwa mo Dithuto le Dikgolagano 81–83, Morena o re laletsa go thusa batho ba ba tlhokang ba ba re dikologileng. Akanya ka go tshwaya ditemana jaaka o di bona. Nngwe ya sekai se se tlhalosang e mo Dithuto le Dikgolagano 81:4–5. Fano ke dipotso dingwe go go thusa go tlhatlhanya ditemana tse:

• Ke dife di tsela tse motho a ka nnang “bokoa”? Go raya eng go ba “thusa”? Ke leng fa tirelo ya Bokeresete ya ba bangwe e nthusitseng fa ke ne ke ikutlwa ke le bokoa?

• Ke eng se se ka dirang diatla tsa motho ka tsela ya tshwantshetso “go lepelela”? Ke ka “tsholetsa” jang diatla tseo?

• “Mangole a reketlang” go ka tswa go raya eng? A nonotshiwa jang?

Mmoloki o go direla dilo tse jang?

Gongwe go ithutuntsha temana e go tlisitse mo tlhaloganyong ya gago mongwe yo o ka mo “thusang,” “tsholetsa,” kgotsa “nonotsha.” O ka dira eng go direla motho yoo?

Ke eng gape se o se ithutang ka go direla ba bangwe mo Dithuto le Dikgolagano 82:18–19. Le gone o ka lebelela setshwantsho sa motshikinyego “Teachings of Thomas S. Monson: Rescuing Those in Need” (Motlobo wa Efangele). Maloko a wate ya ga Bishopo Monson ba supile jang se ditemana tse di se rutang?

Teachings of Thomas S. Monson: Rescuing Those in Need

Bishop Thomas Monson and his ward welcome a poor German family into their community, providing them with housing, warmth, and food for Christmas.

Bona le gone Jakobe 2:17–19; Mosia 18:8–9; “Works of God” (video), ChurchofJesusChrist.org.

Works of God

Two families share how they have seen the works of God made manifest in their lives as ward members reach out in love and understanding.

Carl Heinrich Bloch (1834–1890), Christ Healing the Sick at Bethesda, 1883, oil on canvas, 100 ¾ x 125 ½ inches. Brigham Young University Museum of Art, e rekilwe ka madi a a neng a tswa kwa go Jack R. and Mary Lois Wheatley, 2001.

Dithuto le Dikgolagano 82:3

Mmoloki o nneetse go le gontsi ebile o batla go le gontsi mo go nna.

Go bala temana e go ka go tlhotlheletsa go sekaseka se Modimo a se go neetseng—tsotlhe ditshegofatso tsa senama le tsa semowa. Tshegetsa se mo tlhaloganyong jaaka o bala tsetlana 82yotlhe. O ikutlwa gore Modimo o tlhoka eng mo go wena?

Bona le gone “Because I Have Been Given Much,” Hymns, no. 219.

Dithuto le Dikgolagano 82:8–10

Ditaelo ke bosupi jwa lorato lwa Modimo go rona.

Fa wena kgotsa mongwe yo o mo itseng le kile la ipotsa gore ke eng Morena a re neela ditaelo tse dintsi, Dithuto le Dikgolagano 82:8–10 e ka thusa. Ke megopolo efe mo ditemaneng tse tse di ka go thusang go tlhalosetsa mongwe gore ke eng o tlhophile go sala ditaelo tsa Morena morago. O ka tshwantshanya ditaelo le eng se se ka thusang? O ka batla megopolo e e tlalaletsang mo Dithuto le Dikgolagano 1:37–38; 130:20–21 le setshwantsho sa motshikinyego “Blessed and Happy Are Those Who Keep the Commandments of God” (Motlobo wa Efangele). Ke maitemogelo a fe a a go rutileng go leba ditaelo jaaka ditshegofatso?

Blessed and Happy Are Those Who Keep the Commandments of God

Read Elder Keetch's full conference talk here: https://www.lds.org/general-conference/2015/10/blessed-and-happy-are-those-who-keep-the-commandments-of-god?lang=eng&_r=1

Akanya ka dingwe tsa ditaelo tse Modimo a go di neetseng. Ditaelo tse di go rutileng eng ka ga Ene le thato ya Gagwe? (bona temana 8). Botshelo jwa gago bo amegile jang ke go tshegetsa ditaelo tse?

O ithuta eng ka ga Morena go tswa mo temana 10? O akanya gore go raya eng fa Morena a “tlamega”? (bona le gone temana 15).

Modimo o tshegeditse jang ditsholofetso tsa Gagwe mo botshelong jwa gago? O ka reng go motho yo o sa ikutlweng a kgothala go tshegetsa ditaelo gonne ga a ise a amogele ditshegofatso tse a neng a di solofetse? A o bona megopolo e e thusang mo molaetseng wa ga Mogolwane D. Todd Christofferson “Our Relationship with God”? (Liahona, Motsheganong 2022, 78–80).

Bona le gone Ditlhogo le Dipotso, “Commandments,” Motlobo wa Efangele.

Dithuto le Dikgolagano 82:10

Morena o re segofatsa ka ditsela tsa Gagwe tse di makatsang.

Kgaitsadi Virginia H. Pearce, leloko la pele la Boporesidente jwa Kakaretso jwa Makgarabe, o buile ka mosadi yo a neng a tshwenyegile thata ka bana ba gagwe ba ba neng ba dira ditshwetso tse di sa siamang. Ka go batla go tshoga, o ne a leka sengwe le sengwe se a ka se akanyang go batla ditshegofatso tsa Morena mo boemong jwa bone. Mo tlalaletsong ya thapelo e e tlhwaafetseng, o ne a baya seelo se se kwa godimo sa go oketsa go ya tempeleng mme a utlwa tota gore Morena o tlaa tlotla setlhabelo se se bokao se go fetola dipelo tsa bana ba gagwe. Mosadi a bega:

“Morago ga dingwaga tse di lesome tsa go oketsa go ya tempeleng le go rapela kgapetsakgapetsa, ke maswabi gore ditshwetso tsa bongwanake ga di a fetoga. …

“Mme nna ke fetogile. Ke mosadi yo o farologanyeng. … Ke na le pelo e e ritibetseng. Ke tletse ka bopelotlhomogi. Ke ka dira go le gontsi mme ke golotswe mo poifong, tlalelo, molato, go itshwaya phoso le letshogo. Ke tlogetse ditekanyetso tsa me tsa nako mme ke kgona go emela Morena. Mme ke itemogela ponatshego kgapetsakgapetsa tsa maatla ya Morena. O romela mautlwelobotlhoko, melaetsa e mennye e e lemotshang lorato lwa gagwe mo go nna le bongwanake. Ditsholofelo tsa me di fetogile. Mo boemong jwa go solofela bongwanake go fetoga, ke solofela mautlwelobotlhoko a gagwe kgapetsakgapetsa mme ke tletse ka malebo go bone. …

Dithapelo tsa me di fetogile. Ke supa lorato le lentsi e bile ke leboga thata. … Morena o dira ka ditsela tse di makatsang, mme ka boammaaruri ke tletse ka kagiso e e fetang go tlhaloganya gotlhe” (mo “Prayer: A Small and Simple Thing,” At the Pulpit [2017], 288–89).

Dithuto le Dikgolagano 83

“Batlholagadi le dikhutsana ba tlaa tlamelwa.”

Ka Moranang 1832, jaaka a laetswe ke Morena, Joseph Smith o tsamaile e ka nna dimaele tse 800 go etela baitshepi ba ba neng ba phuthegile mo Missouri (bona Dithuto le Dikgolagano 78:9). Fa a ne a le koo, o ne a etela setlhopha ko bangwe ba baswagadi ba neng ba godisa bana ba bone ba le nosi. Mogare ga bone gone go le Phebe Peck le Anna Rogers, bao Moperofeti a neng a ba itse tota. Mo Missouri ka dingwaga tsa bo 1830, melao ya kgaolo e ne e neela baswagadi ditetla tse di lekanyeditsweng tsa dithoto tsa banna ba bone ba ba tlhokafetseng. O ithuta eng mo tsetlana 83 ka fa Morena a ikutlwang ka teng ka baswagadi le dikhutsana? A o itse mongwe mo seemong se yo o ka thusiwang ke lorato lwa gago kgotsa tlhokomelo? Ke ditsela dife tse o ka abelanang tse o nang le tsone le baswagadi, dikhutsana, bomme ba ba sennang banna, le ba bangwe ba ba tlhokang?

Bona le gone Isaia 1:17; Jakobe 1:27.

Go bona megopolo e mengwe, bona kgatiso ya kgwedi e ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 81:3

Ke ka rapela go Modimo “ke ntsha lentswe le mo pelong [ya me].”

• Jaaka o bala Dithuto le Dikgolagano 81:3 le bana ba gago, ba thuse go akanya ka mafelo a farologanyeng “mo phatlhaletseng” le “mo sephiring” a ba ka rapelang mo go one. Le gone o ka reetsa kgotsa wa opela le bone sefela ka ga thapelo, jaaka “Secret Prayer” (Hymns, no. 144). Abelanang mongwe le yo mongwe sengwe go tswa mo sefeleng se se rutang boammaaruri jo bo botlhokwa ka thapelo. Le gone o ka bua ka tlotlo go Rara wa Legodimo.

• Go rotloetsa bana ba gago go rapela mo pelong tsa bone, o ka ba neela pelo tsa pampiri le go ba laletsa go tshwantsha kgotsa go kwala sengwe se ba batlang go rapela Rara wa Legodimo ka sone. Paka gore Rara wa Legodimo o itse se re se akantseng le maikutlo a rona le go utlwa dithapelo tsa rona le fa re sa di buele kwa godimo. O ka abelana le bone maitemogelo fa o ne wa rapela mo pelong mme Rara wa Legodimo a go utlwa.

Dithuto le Dikgologano 81:5

Morena o batla ke thusa batho ba ba tlhokang.

• Le bana ba gago, tshwantshang ditshwantsho sa diatla le mangole, mme kopa bana ba gago go batla dikarolo tse tsa mmele mo Dithuto le Dikgologano 81:5. Ke eng se Morena a se lopang gore re se dire mo temaneng e? Le ka abelana mongwe le yo mongwe ditsela dingwe tse batho ba go nonotshitseng fa o ne o ikutlwa o le “bokoa” kgotsa o “reketla.” Setshwantsho sa motsikinyego “Pass It On” (ChurchofJesusChrist.org) se ka neela bana ba gago megopolo ka fa ba ka direlang ba bangwe. Le gone le ka opela pina ka ga tirelo, jaaka “Have I Done Any Good?” (Hymns, no. 223). Akanya ka go thusa bana go dira togamaano go thusa bogolo motho a le mongwe yo o tlhokang beke e.

  Pass It On

  Children around the world have taken President Thomas S. Monson's counsel to find a way to serve others.

• Le gone o ka dirisa ditshwantsho kgotsa ditshwantsho tsa motshikinyego go bolela dipolelo tse di motlhofo tsa ga Jeso Keresete a direla ba bangwe (bona ditshwantsho mo kgatisong e; Gospel Art Book, nos. 41, 42, 46, 47, 55; kgotsa nngwe ya Bible Videos mo Motlobong wa Efangele). Re ka sala jang morago sekao sa Mmoloki sa go thusa ba bangwe?

  

Re ka otlologela go batho ba ba tlhokang jaaka Mmoloki a dirile.

Thusa bana ba gago go amogela tlhotlheletso ya bone. Go ruta go raya go feta go abelana boammaaruri—go raya go thusa batho ba bangwe go nna baithuti ba ba ikemetseng. Mo boemong jwa go bolelela bana ba gago ka fa ba ka direlang ba bangwe ka teng, sekai, ba rotloetse go batla kaelo ya Morena go itse bao ba ka ba thusang.

Dithuto le Dikgolagano 82:10

Rara wa Legodimo o solofetsa ditshegofatso jaaka ke leka ka natla go mo obamela.

• Wena le bana ba gago le ka leba mo Dithuto le Dikgolagano 82:8–10 go dikarabo tsa potso “Ke eng Rara wa Legodimo a re neela ditaelo?” O ka batla go thusa bana ba gago go akanya ka dikai tsa ditaelo tsa Gagwe (bona, ka sekai, Ekesodo 20:4–17; Mathaio 22:37–39; Dithuto le Dikgolagano 89:5–17). Go ka thusa fa wena le bana ba gago le batla kgotsa le tshwantsha ditshwantsho go emisetsa dingwe tsa tsone. Ditaelo tsa ga Rara wa Legodimo di supa jang lorato lwa gawe go rona?

• Gongwe motshameko o motlhofo o ka thusa bana ba gago go bona ditaelo tsa Modimo jaaka ditshegofatso, e seng merwalo. Motho a le mongwe o ka fa taelo go thusa yo mongwe, yo o thibilweng matlho, go dira sengwe jaaka borotho kgotsa go tshwantsha setshwantsho. Akanya ka sengwe se se kgatlhang le go supa bokgoni! Ke gone buang ka fa ditaelo tsa Modimo di tshwanang le ditaelo mo motshamekong o.

Megopolo e mentsi, bona kgatiso ya kgwedi e ya Friend makasine.

Setshwantsho sa ga Jeso a fodisa monna, ka Dan Burr