Dintlha go tswa The Restoration of the Melchizedek Priesthood, by Liz Lemon Swindle

Phukwi 28–Phatwe 3: “Thata ya Semodimo”

Dithuto le Dikgolagano 84

E sale boperesiti bo tsosolosiwa ka 1829, Baitshepi ba pele ba ne ba segofadiwa ka thata e e boitshepo ya Morena. Ba ne ba kolobediwa, ba tlhomamisiwa, le go bidiwa go direla ka taolo ya boperesiti, jaaka le rona re ntse gompieno. Mme go nna le thata ya boperesiti ga se selo se se tshwanang le go bo tlhaloganya ka botlalo, le Modimo o ne a na le go le gontsi mo a neng a batla Baitshepi ba gagwe ba go tlhaloganya—bogolo thata ka tsosoloso e e tlang ya ditao tsa tempele. Tshenolo ya 1832 ya boperesiti, jaanong Dithuto le Dikgolagano 84, e ne ya atolosa ponatshegelo ya Baitshepi ya se tota boperesiti e leng sone. Mme e ka dira mo go tshwanang mo go rona gompieno. Morago ga tsotlhe, go na le mo gontsi mo re ka go ithutang ka ga thata ya selegodimo e e tshegeditseng “dilotlele tsa kitso ya Modimo,” tse di bonatshang “thata ya semodimo,” le go re baakanyetsa go “bona sefatlhogo sa Modimo, le e leng Rara, mme re tshele” (ditemana 19–22).

Megopolo ya go Ithuta kwa Gae le kwa Kerekeng

Dithuto le Dikgolagano 84:17–32

Ke na le tetla go thata ya boperesiti jwa Modimo le ditshegofatso.

Fa o akanya ka lefoko boperesiti, go tlang mo tlhaloganyong? Thata ya boperesiti ya Modimo e rotloetsa jang botshelo jwa Gago?

Morago ga go tlhatlhanya dipotso tse, o ka ithutuntsha Dithuto le Dikgolagano 84:17–32, o senka se Modimo a batlang o se itse ka thata ya Gagwe ya boperesiti. Akanya ka fa o ka dirisang ditemana tse go tlhalosetsang mongwe boperesiti le maikaelelo a jone.

Sengwe se o tlaa se bonang ke gore ka ditao tsa boperesiti “thata ya semodimo ya bonatshega” (bona ditemana 19–21). Gongwe o ka nankola ditao tsa boperesiti tse o tsereng karolo mo go tsone (nankolo mo General Handbook, 18.1, 18.2, e ka thusa). Ditao tse—le dikgolagano tse di amanang le tsone—di tlisitse jang thata ya Modimo mo botshelong jwa gago? Botshelo jwa gago bo ka nna jang o sena le tsone?

Poresidente Russell M. Nelson o rutile: “Mosadi mongwe le mongwe le monna mongwe le mongwe yo o dirang dikgolagano le Modimo le go tshegetsa dikgolagano tseo, le yo o tsayang karolo ka tshwanelo mo ditaong tsa boperesiti, o na le tshwanelo e e tlhamaletseng ya thata ya Modimo” (“Spiritual Treasures,” Liahona, Nov. 2019, 77). Akanya ka go ithutuntsha molaetsa wa ga Poresidente Nelson, o batla ditsela tse o ka “tlisang thata ya Mmoloki mo botshelong jwa [gago].”

Bona le gone Dithuto le Dikgolagano 25:10, 13, 15; 121:34–37, 41–46; Topics and Questions, “Priesthood,” “Joseph Smith’s Teachings about Priesthood, Temples, and Women,” Gospel Library; General Handbook, 3.6, Gospel Library.

Dithuto le Dikgolagano 84:31–44

Boperesiti bo amogelwa ka maikano le kgolagano.

Maikano le kgolagano ya boperesiti (bona Dithuto le Dikgolagano 84:31–44) di na le tiragatso e e kgethegileng ya barwa ba ga Rara wa Legodimo ba ba tlhomilweng mo ofising ya boperesiti, mme bontsi jwa ditshegofatso tse di solofeditsweng mo ditemaneng tse di teng mo baneng botlhe ba Modimo. Ditsholofetso tse ke dife, mme Modimo o batla re dira eng go di amogela?

Mogolwane Paul B. Pieper o rutile: “Go a kgatlhisa gore mo maikano le kgolagano ya boperesiti [bona Dithuto le Dikgolagano 84:31–44], Morena o dirisitse madiri amogela le amogele. Ga A dirise lediri tlhoma. Ke mo tempeleng gore banna le basadi—mmogo ba—amogela ba bo ba amogele ditshegofatso le thata ya jotlhe Maperesiti a ga Arone le Melekiseteke” (“Revealed Realities of Mortality,” Ensign, Jan. 2016, 21).

Jaaka o ithutuntsha Dithuto le Dikgolagano 84:31–44, tlhatlhanya gore go ka raya eng go “amogela” mme o “amogele” boperesiti. Se se farologanye jang le go tlhomiwa go ofisi ya boperesiti? Ke eng gape se Morena a go laletsang o se amogele mo ditemaneng tse? O dira jang se?

O bona eng se se go rotloetsang go nna boikanyego mo go amogeleng Mmoloki, Rara wa Gagwe, batlhanka ba Gagwe, le thata ya Gagwe ya boperesiti?

Bona le gone Dithuto le Dikgolagano 121:36–46.

Dithuto le Dikgolagano 84:43–61

Go tshela ka lefoko la Modimo go tlisa lesedi le boammaaruri mo botshelong jwa me.

O bona boammaaruri bofe mo Dithuto le Dikgolagano 84:43–61 jo bo go thusang go tlhaloganya gore ka go reng o tlhoka go tswelela o ithutuntsha lefoko la Modimo ka nako tsotlhe? Tshwaya pharologanyo ma gare ga lesedi le lefifi mo ditemaneng tse; “Go dira ka natla ga gago go ela tlhoko mafoko a botshelo jo bosakhutleng” go tlisitse jang lesedi, boammaaruri, le “Mowa wa ga Jeso Keresete” mo botshelong jwa gago? (ditemana 43, 45).

Bona le gone 2 Nefi 32:3.

Tshwantshanya melawana ya efangele go dilo tse ditlwaelesegileng. A o ka akanya ka tshwantshiso e e ka supang boammaaruri mo ditemana 43–44? Sekai, go sala morago tsa kapei go tshwana jang le go tshela “ka lefoko lengwe le lengwe … la Modimo”?

“Go tlhokomela ka tlhoafalo mafoko a botshelo jo bo sa khutleng.”

Dithuto le Dikgolagano 84:62–91

Morena o tlaa nna le nna fa ke le mo tirelong ya Gagwe.

Jaaka o bala ditemana tse, o ka nopola ditsela tse Morena a rileng O tlaa thusa batlhanka ba Gagwe? Ditsholofetso tse di amana jang le tiro e a kopileng gore o e dire? Sekai, ditsholofetso tse di mo temana 88 di diragaditswe jang mo botshelong jwa gago?

Dithuto le Dikgolagano 84:106–110

Mongwe le mongwe o ka thusa mo tirong ya Modimo.

O ithuta eng go tswa mo ditemaneng tse ka fa Morena a diragatsang tiro ya Gagwe ka teng? Ke kgakololo le ditshegofatso dife tse o di bonang? O ka akanya gape ka fa o “nonotshitsweng mo bopelonolong jotlhe” gonne o diretse le mongwe yo o “maatla mo Moweng,” go akaretsa le batho ba lelwapa la gago.

Megopolo e mentsi, bona kgatiso ya kgwedi e ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 84:4–5

Ditao tsa tempele di nthusa go ipaakanya go tshela le Rara wa legodimo gape.

• Go thusa bana ba gago go lebelela pele go ya tempeleng, o ka dira phasele go tswa senepeng sa tempele. Ka fa morago ga kabetlana nngwe lenngwe, o ka kwala sengwe se re se dirang mo tempeleng, jaaka go kolobeletswa bagologolo, go bofwa go malwapa a rona, le go dira dikgolagano le Modimo. Bala Dithuto le Dikgolagano 84:4–5 le bana ba gago, mme ba kope gore ba reetse se Morena a laotseng Baitshepi go se aga. Jaaka wena le bana ba gago le kopanya phasele mmogo, abelelanang dilo tse dingwe tse re ka di dirang go ipaakanyetsa go tsena mo tempeleng.

Dithuto le Dikgolagano 84:19–22

Ke ka amogela thata ya Rara wa Legodimo ka ditao tsa boperesiti.

• Go thusa bana ba gago go tlhaloganya gore tao ke eng, akanya ka go leba ditshwantsho tsa ditao tsa boperesiti tse mmalwa le bone, jaaka Gospel Art Book, nos. 103–8, kgotsa tsebe ya tiragatso, ya beke e. Ba kope go tlhalosa se se diragalang mo setshwantshong sengwe le sengwe. Ke gone le ka bala mmogo Dithuto le Dikgolagano 84:19–22. Ke eng Rara wa Legodimo a batla re amogela ditao tse? Bolelela bana ba gago ka fa o utlwileng thata ya Modimo ka ntlha ya ditao tse o di amogetseng le dikgolagano tse o di dirileng. (Bona le gone “Priesthood Power, Authority, and Keys” in appendix A or appendix B.)

Dithuto le Dikgolagano 84:77

Ke tsala ya ga Jeso fa ke Mo sala morago.

• Morago ga go bala Dithuto le Dikgolagano 84:77 mmogo, botsa bana ba gago gore go raya eng go nna tsala. O ka bua ka ditsala tse di siameng tse o nnileng le tsone. Jeso o re supegetsa jang gore o batla re nna ditsala tsa Gagwe? Re ka supa jang gore re batla seo le rona? Pina jaaka “I’m Trying to Be like Jesus” (Children’s Songbook, 78–79) e ka thusa ka puisano e.

Dithuto le Dikgolagano 84:88

Rara wa Legodimo o thusa batlhanka ba Gagwe.

• Bana ba gago ba ka itumelela go utlwa ka fa baanamisa efangele ba go thusitseng ka teng, lelwapa la gago, kgotsa bagologolo ba gago go amogela efangele. Ke gone o ka bala ka ga tsholofetso e e kgethegileng e Morena a e diretseng baanamisa efangele mo Dithuto le Dikgolagano 84:88. Gongwe bana ba gago ba ka akanya ka ditiro tse di tsamaelanang le temana e. Akanya ka go abelana ka nako e fa o ne direla Morena mme o ne wa utlwa gore O na le wena, jaaka go tlhalositswe mo temana 88. O ka thusa gape bana ba gago go akanya ka ditsela tse ba ka nnang baanamisa efangele jaanong. Paka gore Rara wa Legodimo o re thusa go itse se re ka se buang fa re bua le ba bangwe ka ga Jeso Keresete.

Megopolo e mentsi, bona kgatiso ya kgwedi e ya Friend makasine.

Tempele ya Rome Italy