Ntlha go tswa mo Ke Bona Morwa Motho, ka Walter Rane

Phatwe 25–31: “Amogela Botlalo jwa Gagwe”

Dithuto le Dikgolagano 93

“Fa o palama lere,” Joseph Smith o ne a ruta, “o tshwanetse go simolola kwa tlase, mme o tlhatloge kgato ka kgato, go fitlha o goroga kwa godimo; mme go ntse jalo le ka melawana ya efangele—o tshwanetse go simolola ka wa ntlha, mme o tswelele go fitlhelela o ithuta melawana yotlhe ya kgalalelo ya bosakhutleng” (Teachings of Presidents of the Church: Joseph Smith [2007], 268).

Ka dinako dingwe lere ya kgalalelo ya bosakhutleng e lebega e le kwa godimo mo go sa kgonegeng, mme re tsaletswe go pagamela kwa godimo ka thuso ya gale ya Mmoloki. Dikganedi dingwe le dingwe tse re ka di bonang mo go rona, Rara wa Legodimo le Morwa wa Gagwe ba bona sengwe se se galalelang mo go rona, sengwe sa bomodimo. Fela jaaka Jeso Keresete “a ne a le teng mo tshimologong a na le Rara,” fela jalo “le lona lo ne lo le teng” (Dithuto le Dikgolagano 93:21, 23). Fela jaaka A “tswelela go gola mo letlhogonolong, go fitlha a amogela botlalo,” jalo le lona “lo tla amogela letlhogonolo mo godimo ga letlhogonolo” (ditemana 13, 20). Efangele e e tsosilositsweng e re ruta ka tlholego ya boammaaruri ya Modimo, mme jalo e re ruta le gone ka tlholego ya lona ya boammaaruri le bowelo. O ngwana wa Modimo tota ka bokgoni jwa gore “mo nakong e e tshwanetseng o amogele botlalo jwa gagwe” (temana 19).

Megopolo ya go ithuta kwa Gae le kwa Kerekeng

Dithuto le Dikgolagano 93

Fela jaaka Jeso Keresete, ke ka galalediwa mme ka amogela “botlalo” jwa Modimo.

Moperofeti Joseph Smith o rutile, “Fa batho ba sa tlhaloganye mokgwa wa Modimo, ga ba itlhaloganye” (Teachings: Joseph Smith, 40). Fa o ntse o ithuta ka Mmoloki ka go ithutuntsha Dithuto le Dikgolagano 93, batla se o se ithutang sone ka wena. Sekai, o ithuta eng ka Ene go tswa mo ditemaneng 3, 12–13, 21, le 26? Ke boammaaruri bofe jo bo tshwanang jo o bo bonang ka ga wena mo ditemaneng 20, 23, le 28–29? (bona gape 1 Johane 3:2; 3 Nefi 27:27). Dipotso tse di latelang di ka go thusa go tlhaloganya le go dirisa boammaaruri mo tsetlaneng ena:

• O akanya gore go kaya eng go amogela “amogela letlhogonolo mo godimo ga letlhogonolo” le go tswelela go “gola mo letlhogonolong”? (ditemana 12–13). Fa go thusa, o ka bala “Grace” mo Kaelong ya Dikwalo tse di Boitshepo (Motlobo wa Efangele).

• O lemoga eng mo tshenolong ena mabapi le ka fa Modimo a go thusang ka teng go gola le go ithuta? Go itse seno go ama jang tsela e o tshwarang ba bangwe ka yone—le wena jang?

• O ithuta eng ka gore “o ka obamela jang, le … se o se obamelang”? (temana 19; bona gape Guide to the Scriptures, “Worship,” Gospel Library).

Dithuto le Dikgolagano 93:1–39

Kgalalelo ya Modimo ke lesedi le boammaaruri.

O ka elatlhoko gore mafoko a a tshwanang le kgalalelo, lesedi, le boammaaruri a bonala gantsi mo tshenolong eno. Fa o ntse o ithutuntsha ditemana 20–39 thatathata, umaka boammaaruri jo o bo ithutang ka megopolo ena. Go dira nankolo e e tshwanang le e go ka thusa:

Temana	Se ke se ithutang	Dipotso go di tlhatlhanya
Temana 24	Se ke se ithutang	Dipotso go di tlhatlhanya Go na le ditsietso tse dintsi mo lefatsheng. Ke ka itse boammaaruri jang? (bona gape Jakobe 4:13).
Temana 28	Se ke se ithutang	Dipotso go di tlhatlhanya
Temana 36	Se ke se ithutang Modimo ke motho wa lesedi le boammaaruri.	Dipotso go di tlhatlhanya
Temana 37	Se ke se ithutang	Dipotso go di tlhatlhanya Ke mang yo ke mo itseng yo o lebegang a kgona go ganela ditlhotlheletso tsa bosula? Ke eng ba kgona go dira sena?
Temana	Se ke se ithutang	Dipotso go di tlhatlhanya
Temana	Se ke se ithutang	Dipotso go di tlhatlhanya
Temana Bona gape: Dithuto le Dikgolagano 50:24	Se ke se ithutang	Dipotso go di tlhatlhanya

Ke eng se o se bonang mo ditemaneng tsena se se go tlhotlheletsang go batla lesedi le legolo le boammaaruri? Ke eng lesedi le boammaaruri e le ditlhogo tse di molemo ka ga Jeso Keresete? (Bona Johane 8:12; 14:6). Boammaaruri jo bo ama jang botshelo jwa gago?

Gape o ka kwala ditsholofetso ka bowelo jwa gago jwa bosakhutleng mo ditemaneng 20, 22, 28, 33–35. Kamano ke eng fa gare ga ditsholofetso tsena le go amogela lesedi?

Akanya ka go hokutsa “Walk in God’s light” (Ya Nonofo ya Banana: Kaelo ya go Dira Boitshenkelo, 18–21) go batla se o ka se dirang go amogela lesedi le ka fa Morena a solofetsang go go segofatsa. Ditshwantsho tsa motshikinyego “Light and Truth, Part 1” le “Part 2” (Gospel Library) di ka go neela dikakanyetso tsa tlaleletso.

Bona gape “Teach Me to Walk in the Light,” Hymns, no. 304; Topics and Questions, “Holy Ghost,” Gospel Library.

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Kgalalelo ya Modimo ke … lesedi le boammaaruri.”

Dithuto le Dikgolagano 93:40–50

“Rulaganaya ntlo ya gago.”

Taelo go “rulaganya ntlo ya gago” (temana 43) ga se ka go baakanya dikhabote le didirisiwa tsa go tsenya diaparo mme ke ka go ruta—le go ithuta—”lesedi le boammaaruri” (temana 42). Akanya ka fa o lekang go sala morago kgakololo ena. Ke dikgwetlho dife tse o lebaganang le tsone? Ke boammaaruri bofe mo Dithuto le Dikgolagano 93 jo bo ka thusang?

Ke ditshedimosetso dife tse o di bonang dithutong tseno ka Mogolwane David A. Bednar?

“Mo ofising ya me go na le setshwantsho se se ntle sa tshimo ya korong. Setshwantsho ke kgobokanyo e kgolo ya di brushstrokes—ga go na epe ya tsone e e kgatlhang kgotsa go kgatlhisa ele nosi. Tota, fa o ema gaufi le saile, se o ka se bonang fela ke bontsintsi jwa dilo tse go lebegang di sa amane ka gope le mebala ya pente e e sa kgatlheng ya mmala o o serolwana le wa gouta le o o borokwa. Le fa gontse jalo, fa o sutela kgakala ka bonya go tswa mo saileng, di brushstroke ka bongwe dikopana mmogo mme di dire tebego e ntle thata ya tikologo ya tshimo ya korong. Di brushstroke tse dintsi tse di tlwaelegileng, tse di ikemetseng di dira mmogo go dira setshwantsho se se kgatlhang le se sentle.

“Thapelo nngwe le nngwe ya lelwapa, tiragatso nngwe le nngwe ya go ithutuntsha dikwalo tse di boitshepo ya lelwapa, le maitiso a lelwapa mangwe le mangwe ke letshwao mo saileng ya mewa ya rona. Ga go tiragalo epe e le nngwe e e ka lebegang e kgatlhisa thata kgotsa e gakologelwa. Mme fela jaaka matshwao mangwe le mangwe a pente a a serolwana le ya gauta le a a borokwa a tsamaelana mme a ntsha tiro e ntle thata ebile e kgatlhisa, ke sone go sa feto-fetoge ga rona mo go direng dilo tse go lebegang di le dinnye ka metlha go ka felela ka matswela a magolo a semowa. Ke gone, selapeng mo go direng molemo, gonne lo thaya motheo wa tiro e kgolo. Mme go tswa mo dilong tse dinnye go tswa tseo tse dikgolo’ [Dithuto le Dikgolagano 64:33]. Go sa feto-fetoge ke molawana wa konokono fa re thaya motheo wa tiro e kgolo mo matshelong a rona ka bongwe le jaaka re tlhwaafala thata le go tshwenyega mo magaeng a rona” (“More Diligent and Concerned at Home,” Liahona, Ngwanatsele. 2009, 19–20).

Bona gape Henry B. Eyring, “A Home Where the Spirit of the Lord Dwells,” Liahona, Motsheganong 2019, 22–25.

Morena o laela batsadi go “godisetsa bana ba [bone] mo leseding le boammaruri.”

Ka megopolo thata, bona dikgatiso tsa kgwedi ena tsa Liahona le Ya Nonofo ya Banana dimakasine.

Megopolo ya go Ruta Bana

Dithuto le Dikgolagano 93:2–21

Jeso Keresete ke Lesedi le Botshelo jwa Lefatshe.

• Akanya go supa setshwantsho sa Mmoloki le go botsa bana ba gago gore ke eng go le botlhokwa go ithuta ka Jeso Keresete le go mo sala morago. Mme le ka bala mmogo Dithuto le Dikgolagano 93:19 go bona lebaka le le lengwe la botlhokwa.

• Lo ka batla go tlhopa boammaaruri jo bo mmalwa ka Keresete mo go Dithuto le Dikgolagano 93 jo bo go tlhotlheletsang le go thusa bana ba gago go bo bona le go bo tlhaloganya (bona gape “Kgaolo 33: Tshenolo ka Jeso Keresete,” mo go Dipolelo tsa Dithuto le Dikgolagano, 126–27, kgotsa ditshwantsho tsa motshikinyego tse di tsamaelanang mo Motlobong wa Efangele). Ka boammaaruri bongwe le bongwe jo o bo tlhophang, o ka neela bana ba gago lefoko kgotsa polelwana e ba ka e reetsang fa lo ntse lo bala temana mmogo. Sekai, Jeso Keresete:

  • O dirile tiro ya ga Rara (temana 5).

  • Ke Lesedi la Lefatshe (temana 9).

  • Ke Motlhodi wa lefatshe (temana 10).

  • O amogetse thata yotlhe mo legodimong le mo lefatsheng (temana 17).

  • O ne a na le Modimo kwa tshimologong (temana 21).

  Chapter 33: A Revelation about Jesus Christ: May 1833

Ntlha go tswa mo Light of the World [Lesedi la Lefatshe], ka Howard Lyon

Dithuto le Dikgolagano 93:23, 29, 38

Ke tshidile le Rara wa Legodimo pele ga ke tla mo lefatsheng.

• Mmoloki o gateletse makgetlho a mararo mo tsetlana 93 gore re tshedile le Modimo “ mo tshimologong” (ditemana 23, 29, 38). Go thusa bana ba gago go bona se, o ka ba laletsa go bala Dithuto le Dikgolagano 93:23, 29, 38 mme ba batle boammaaruri ka bone jo bo boeleditsweng mo ditemaneng tsena. Ke eng Rara wa Legodimo a batla re itse boammaaruri jo? Le gone o ka botsa bana ba gago gore ba itse eng ka botshelo jwa rona le Rara wa Legodimo pele re tsholwa. Go ba thusa go ithuta thata, bala le bone e le nngwe kgotsa tse dintsi tsa ditemana tse di latelang tsa dikwalo tse di boitshepo: Jeremia 1:5; Dithuto le Dikgolagano 138:53–56; Moshe 3:5; Aberahame 3:22–26.

• Le gone le ka opela mmogo “I Am a Child of God” kgotsa “I Lived in Heaven” (Children’s Songbook, 2–3, 4) le go buisana ka boammaaruri jo re bo ithutang mo dipineng tsena ka boikaelelo jwa rona jwa go tla mo lefatsheng.

Dithuto le Dikgolagano 93:24–39

Ke amogela lesedi le boammaaruri fa ke obamela Modimo.

• Go thusa bana ba gago go dirisa boammaaruri mabapi le kobamelo mo Dithuto le Dikgolagano 93, akanya go kwala dikai go tswa mo tsetlaneng ena mo pampitshaneng. Mo pamphitshaneng e e farologaneng, kwala boammaaruri jo nngwe le nngwe ya ditemana tsena e bo rutang. Bana ba gago ba ka dira mmogo go bala ditemana le go tshwantshanya boammaaruri mo kaelong ya lekwalo le le boitshepo. Dikai di ka akaretsa:

  • Temana 24: Boammaaruri ke go itse dilo tsa nako e e fetileng, tsa jaanong jaana, le tsa isago.

  • Temana 28: Ke ka amogela lesedi le boammaaruri fa ke tshegetsa ditaelo.

  • Temana 37: Fa ke na le lesedi le boammaaruri, ke kgona go ganelana le bosula.

  • Temana 39: Ke latlhegelwa ke lesedi le boammaaruri fa ke sa obamele.

  O ka batla go abelana dikai tsa boammaaruri jo o bo itsileng fa o ntse o tshegetsa ditaelo tsa Morena.

Fetola tiriso go ya ka dingwaga tsa bana ba gago. O itse matlhoko le bokgoni jwa bana ba gago, phutologa go fetola tiriso ya megopolo ya tiro go lekana le matlhoko a bone. Sekai, mo tiragatsong e, fa o ruta bana ba ba nnye, go ka nna botoka go remelela mo boammaaruring bo le bongwe jo bo motlhofo go tswa mo tsetlana 93.

Ka megopolo thata, bona kgatiso ya kgwedi e ya Friend makasine.

Light and Truth [Lesedi le Boammaaruri], ka Simon Dewey