Kirtland Temple [Tempele ya Kirtland], ka Al Rounds

Lwetse 1–7: “Ya Poloko ya Sione”

Dithuto le Dikgolagano 94–97

Bogologolo, Morena o ne a laola Moše go aga motlaagana “go yeng ka sekaelo se o a se bontshitsweng mo thabeng” (Bahebera 8:5; bona le gone Ekesodo 25:8–9). Motlaagana o ne o tshwanetse go nna kago e e botlhôkwa gare ga kampa ya Iseraele mo nageng (bona Dipalo 2:1–2).

Ka 1833, Morena o ne a laola Joseph Smith go aga ditempele “e seng ka fa mokgweng wa lefatshe” mme “ka fa mokgweng o ke tlaa o supang” (Dithuto le Dikgolagano 95:13–14; bona le gone 97:10). Jaaka motlaagana mo nageng, tempele e ne e tshwanetse go nna kago e e botlhôkwa gare ga Kirtland (bona Dithuto le Dikgolagano 94:1).

Gompieno, ditempele di bonwa go ralala lefatshe. Le ntswa di se mo bogare jwa ditoropo tsa rona, di re supegetsa Keresete, yo o tshwanetseng go nna boremelelo jwa matshelo a rona. Lentswa tempele nngwe le nngwe e farologane ka tebego, mo go tsone re ithuta mokgwa wa selegodimo o o tshwanang—togamaano ya legodimo go re busetsa kwa boleng teng jwa Modimo. Ditao le dikgolagano tse di boitshepo di re kopanyang le Keresete le go nonotsha malwapa a rona “e seng ka fa mokgweng wa lefatshe” mme ka fa mokgweng o Modimo a re o supentsang.

Bona Saints, 1:169–70; “A House for Our God,” mo Revelations in Context, 165–73.

Megopolo ya go Ithuta kwa Lwapeng le kwa Kerekeng

Dithuto le Dikgolagano 94; 97:10–17

Ke ka “ineela gotlhe go Morena.”

Mo Dithuto le Dikgolagano 94, Morena o neela ditaelo ka ga go agiwa ga dikago tsa bodiredi mo Kirtland—ofisi le ntlo ya kgatiso. Ke eng se se go kgatlhang ka se Morena a se buileng ka dikago tse mo Dithuto le Dikgolagano 94:2–12? Go tshwantshanngwa jang le se a se buileng ka ga tempele mo 97:10–17?

Go raya eng mo go wena go “ineela gotlhe go Morena”?

Dithuto le Dikgolagano 95

Morena o kgalemela bao A ba ratang.

Fa tshenolo mo tsetlana 95 e ne e amogelwa, kgwedi tse tlhano di ne di fitile Morena a sale a laetse Baitshepi go aga ntlo ya Modimo (bona Dithuto le Dikgolagano 88:117–19)—mme ba ne ba ise ba simolole. Lemoga ka fa Morena a ba gakolotseng ka teng mo tshenolong e. Le gone o ka dira nankolo ya melawana e o e bonang e e nayang paakanyo e e tlhotlheleditsweng. O ithuta eng ka ga Morena go tswa ka tsela e A baakantseng Baitshepi ba Gagwe?

Bona le gone Dithuto le Dikgolagano 121:43–44; D. Todd Christofferson, “As Many as I Love, I Rebuke and Chasten,” Liahona, May 2011, 97–100.

God Loves His Children

Elder Wakolo testifies of God’s love and describes how He shows that love to His children.

Dithuto le Dikgolagano 95:8, 11–17; 97:10–17

Tempele ke ntlo ya Morena.

Morago ga go kgalemelelwa go sa aga ntlo ya Morena mo Kirtland, baeteledipele ba Kereke ba tlhopha lefelo mo tshimong ya korong ko ba tlaa agang teng. Mogolowe mo Moperofeti, Hyrum Smith, ka bonako a taboga go ya go tsaya sekele go simolola go tlhagola tshimo. “Re ipaakanyetsa go aga ntlo ya Morena,” a bua, “mme ke nitame go nna wa ntlha go dira” (mo Dithuto tsa baporesidente ba Kereke: Joseph Smith [2007], 271, 273). Ke eng o akanya gore Hyrum o ne a le tlhaga go aga temepele? Tlhatlhanya se jaaka o bala Dithuto le Dikgolagano 95:8, 11–17; 97:10–17.

Mo malatsing a rona, Morena “o fefogisa bofefo jo re agang ditempele ka bone” (Russell M. Nelson, “Focus on the Temple,” Liahona, Nov. 2022, 121). Fa mongwe a ka go botsa gore ka go reng Kereke ya ga Jeso Keresete e aga ditempele tse dintsi jaana, o ka reng? Leba kgonagalo ya dikarabo mo:

• Melaetsa ya ga Poresidente Russell M. Nelson a itsise ditempele tse dišha (jaaka “Now Is the Time,” Liahona, May 2022, 126).

• “Why Latter-day Saints Build Temples” (temples.ChurchofJesusChrist.org).

• Setshwantsho sa motsikinyego “Temples” (Motlobo wa Efangele).

What Is a Temple?

The difference between chapels, where Latter-day Saints meet for regular Sunday worship, and temples is also explained.

O ka tshwantshanya matsapa a Baitshepi go aga Tempele ya Kirtland go matsapa a gago go ipaakanyetsa maitemogelo a rileng le Morena mo tempeleng. O ka supa jang go potlaka mo go tshwanang le ka fa Hyrum Smith a ikutlwileng ka teng go ntlo e e boitshepo ya Morena? Sekai, o ka dira eng se e ka nnang jaaka go tlhagola tshimo, jaaka Hyrum a dirile? Ke ditlhabelo dife tse o tsayang gore Morena o batla o se dira? (see Dithuto le Dikgolagano 97:12).

Bona le gone “Holy Temples on Mount Zion,” Hymns, no. 289; Topics and Questions, “Temples,” Gospel Library.

Hyrum Smith a tlhagola lefatshe la Tempele ya Kirtland

Dithuto le Dikgolagano 97:8–9

“Ba amogetswe mo go nna.”

Akanya ka nako e o neng o amogetswe—kgotsa o sa amogelwa—mo mokgatlhong kgotsa setlhopha. Seo se tshwana kgotsa farologane jang go tswa mo go se Dithuto le Dikgolagano 97:8–9 e rutang ka ga sone ka go amogelwa ke Morena? Ke eng se o akanyang gore Morena o leka go se go ruta ka leemedi le mo temana 9?

Bona gape Erich W. Kopischke, “Being Accepted of the Lord,” Liahona, May 2013, 104–6.

Dira lefelo la semowa la go ithuta le go ruta. “Mowa o o Boitshepo,” Jeso o solofeditse, “o tlaa lo ruta dilo tsotlhe” (Johane 14:26). Le fa o ithuta o le nosi kgotsa le ba bangwe, go dira maikaelelo a magolo go laletsa Mowa. Moopelo o boitshepo, thapelo le dikopano tse di lorato di ka thusa go dira lefelo la kagiso, la semowa ko Mowa o o Boitshepo o ka go rutang boammaaruri.

Dithuto le Dikgolagano 97:18–28

Sione ke “ba pelo tse di phepa.”

Go Baitshepi ka bo 1830, Sione e ne e le lefelo. Mo tshenolong mo tsetlana 97, Morena o atolositse tlhaloso go raya batho—“ba pelo tse di phepa.” (temana 21). Jaaka o bala ditemana 18–28, o ka emisetsa ka tlhaloso e fa o bala lefoko Sione. Go raya eng mo go wena go nna pelo e phepa?

Bona le gone Moše 4.

Megopolo e mentsi, bona kgatiso ya kgwedi e ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 95:8; 97:10–17

Tempele ke ntlo ya Morena.

• Go bona kitso ka dingwe tse di diragetseng pele mo ditsetlana 95 le 97, o ka abelana le bana ba gago “The Kirtland Temple” mo di polelo tsa Dithuto le Dikgolagano tsa babadi ba ba botlana (Motlobo wa Efangele; bona le gone Saints, 1:210). Bana ba gago ba ka itumelela go dira ekare ba thusa go aga Tempele ya Kirtland (ba roba dikgong, ba kokotela dipekere, ba penta mabota, le jalo jalo). Le gone o ka ba supegetsa setshwantsho sa Tempele ya Kirtland, jaaka tse di mo kgatisong e, fa o bala Dithuto le Dikgolagano 95:8 go ruta bana ba gago gore ke eng Morena a batla re aga ditempele.

The Kirtland Temple

• Morago ga go bala mmogo Dithuto le Dikgolagano 97:15–16, wena le bana ba gago le ka abelana gore ke eng tempele e kgethegile mo go lona. Le gone le ka opela mmogo pina go thusa bana ba gago go utlwa tlotlo ya ntlo ya Morena, jaaka “I Love to See the Temple” (Children’s Songbook, 95). Ke eng tempele e le boitshepo?

Dithuto le Dikgolagano 97:1–2, 8–9, 21

Sione ke “ba pelo tse di phepa.”

• Go thusa bana ba gago go tlhaloganya se lefoko bophepa le ka tswang le se raya mo Dithuto le Dikgolagano 97:21, le ka lebelela galase ya metsi a a sa kgotlelesegang mmogo mme lo tsenye sengwe se se ka kgotlelang metsi (jaaka mmu kgotsa pherefere). Ke eng go le botlhokwa gore metsi a nne phepa? Ke gone bana ba gago ba ka bala temana 21 mme ba baya monwana mo lefokong bophepa. Go raya eng go re dipelo tsa rona di bo di le phepa? Temana 1–2 le 8–9 di ka fa mengwe megopolo. Mmoloki o re thusa jang go phepafatsa dipelo tsa rona?

Rara wa Legodimo o batla ke le phepa mo pelong.

Dithuto le Dikgolagano 97:8–9

Morena o segofatsa batho ba ba tshegetsang dikgolagano le Ene.

• A bana ba gago ba itse dikgolagano tse re di dirang le Morena fa re kolobediwa kgotsa mo tempeleng? Akanya ka go sekaseka dikgolagano tseo le bone ka go bala Mosia 18:9–10, 13 kgotsa General Handbook, 27.2. Abelanang mongwe le mongwe ka fa le lekang thata go “tshegetsa dikgolagano tsa [gago] ka setlhabelo” (Dithuto le Dikgolagano 97:8).

• O ka laletsa bana ba gago go tshwantsha ditshwantsho tse Dithuto le Dikgolagano 97:9 e di tlhalosang. Jaaka ba abelana ditshwantsho tsa bone, bua ka fa Morena a go segofaditseng ka teng go tshegetsa dikgolagano tsa gago. Ditshegofatso tseo di tshwana jang le setlhare se se ungwang se se jwetsweng … fa motsweding o o phepa”?

Megopolo e mentsi, bona kgatiso ya kgwedi e ya Friend makasine.

Building the Kirtland Temple [Go agiwa ga Tempele ya Kirtland], ka Walter Rane