C.C.A. Christensen (1831–1912), Zion’s Camp [Kampa ya Sione], c. 1878, tempera on muslin, 78 x 114 inches. Brigham Young University Museum of Art, mpho ka bana ba bana ba ga C.C.A. Christensen, 1970.

Lwetse 15–21: “Morago ga Pitlagano e Kgolo … go Tla Tshegofatso”

Dithuto le Dikgolagano 102–105

Baitshepi mo Kirtland ba ne ba utlwa botlhoko fa ba utlwa gore bakaulengwe le bokgaitsadi ba bone mo Jackson County, Missouri, ba ne ba lelekwa mo malapeng a bone. Go ka tswa go ne go kgothatsa, foo, fa Morena a bolela gore “thekololo ya Sione” e tlaa “tla ka thata” (Dithuto le Dikgologano 103:15). Ka tsholofetso eo mo dipelong tsa bone, banna ba ba fetang 200 le basadi ba ka nna 25 le bana ba ikwadisa mo go seo ba neng ba se bitsa Kampa ya Iseraele, e morago e itsiweng e le Kampa ya Sione. Thomo ya yone e ne e le go gwantela kwa Missouri le go rekolola Sione.

Mo malokong a kampa, go rekolola Sione go ne go raya go busetsa Baitshepi mo lefatsheng la bone. Mme pele fela ba goroga mo Jackson County, Morena o ne a bolelela Joseph Smith go phatlalatsa Kampa ya Sione. Maloko a mangwe a kampa a ne a tsietsega ebile ba tshwenyegile; go ne go lebega ekete leeto le ne le padile mme ditsholofetso tsa Morena di ne tsa seka tsa diragadiwa. Ba bangwe, le fa gontse jalo, ba ne ba e bona ka tsela e farologaneng. Le fa Baitshepi ba ba neng ba kobilwe ba ne ba seka ba bona lefatshe le magae a bone, maitemogelo a ne a tlisa selekanyo sa “thekololo” mo Sione, mme o ne “a tla ka thata.” Maloko a a boikanyego a Kampa ya Sione, bontsi jwa bao ba morago e neng ya nna baeteledipele ba Kereke, ba pakile gore maitemogelo a ne a tiisa tumelo ya bone mo thateng ya Modimo, mo pitsong ya selegodimo ya ga Joseph Smith, le mo Sione—e seng fela Sione lefelo fela Sione batho ba Modimo. Go na le go belaela botlhokwa ba tiro ena e e lebegang e sa atlege, ba ne ba ithuta gore tiro tota ke go sala morago Mmoloki, le fa re sa tlhalogaloganye sengwe le sengwe. Se ke ka fa Sione, kwa bofelong, a tla rekololwang.

Bona Saints, 1:194–206; “The Acceptable Offering of Zion’s Camp,” mo Revelations in Context, 213–18.

Megopolo ya go ithuta kwa Gae le kwa Kerekeng

Dithuto le Dikgolagano 102:12–23

Maikaelelo a makgotla a maloko ke eng?

Tsetlana 102 e na le diminete tsa kopano mo Kirtland, Ohio, kwa lekgotla le legolo la ntlha la Kereke le neng la rulaganngwa. Mo ditemaneng 12–23, Morena o tlhalosa ditsamaiso tse makgotla a magolo a a salang morago fa a tshwere makgotla a boloko a bao ba ba dirileng ditlolo tse di tseneletseng.

Poresidente M. Russell Ballard o rutile: “Maloko ka dinako tse dingwe ba botsa gore ke eng makgotla a [boloko] jwa Kereke a tshwarwa. Boikaelelo bo menagane gararo: go boloka mewa ya batlodi, go sireletsa ba ba senang molato, le go sireletsa boitsheko jwa Kereke, thokgamo, le leina le le ntle” (“A Chance to Start Over: Church Disciplinary Councils and the Restoration of Blessings,” Ensign, Lwetse. 1990, 15).

Bona gape Ditlhogo le Dipotso, “Membership Councils,” Motlobo wa Efangele.

Dithuto le Dikgolagano 103:1–12, 36; 105:1–19

Sione o ka agiwa fela mo melawaneng ya tshiamo.

Ke eng Baitshepi ba ne ba latlhegelwa ke lefatshe la bone la tsholofetso mo Missouri? Go ka tswa go ne go na le mabaka a mantsi—gongwe e le nngwe, Morena o rile, e ne e le “ditlolo tsa batho ba me.” Fa e ne e se ka seo, Sione “o ka bo a ne a rekolotswe” (Dithuto le Dikgolagano 105:2). Fa o bala Dithuto le Dikgologano 103:1–12, 36; 105:1–19, o ka lemoga dilo dingwe tse di neng tsa kganela go tlhomamisiwa ga Sione mo Missouri le tse dingwe tse di ka bong di thusitse. O ithuta eng seo se se ka go thusang go tlhomamisa Sione mo pelong ya gago, legae, le setšhaba?

Dithuto le Dikgolagano 103:12–13, 36; 105:1–6, 9–19

Ditshegofatso di tla morago ga diteko tsa tumelo.

Ka ditsela tse dintsi, go tsaya karolo mo Kampeng ya Sione e ne e le teko ya tumelo. Loeto le ne le le leleele, seemo sa loapi se ne se le mogote, mme dijo le metsi dinako tse dingwe di ne di tlhaela. Mme morago ga tsotlhe tseo ba di itshoketseng, Kampa ya Sione e ne e santse e sa atlega go busetsa Baitshepi mo lefatsheng la bone. Gopola o nnile le monyetla wa go kwalela leloko la Kampa ya Sione lekwalo leo tumelo ya lone mo Moreneng e neng ya tsikinngwa ke maitemogelo a lone. O ka bua eng go kgothatsa motho yo? Ke boammaaruri bofe jo o bo bonang mo Dithuto le Dikgolagano 103:5–7, 12–13, 36; 105:1–6, 9–19 jo bo ka thusang?

Ke gone o ka akanya ka sekai sa segompieno sa teko e e tshwanang le Kampa ya Sione—sekai moanamisa efangele yo o dirang ka thata, mme go sena ope yo o golaganang le Kereke ka ntlha ya maiteko a gagwe. O ikaegile ka se o se ithutuntshitseng, o ka thusa jang moanamisa efangele yoo go bona gore thomo ya gagwe e santse e atlegile?

Morena o go segofaditse jang “morago ga pitlagano e ntsi”? (Dithuto le Dikgolagano 103:12).

Bona gape 1 Nefi 11:16–17; Alema 7:11–12; Dithuto le Dikgolagano 6:33–36; 84:88; 101:35–36; David A. Bednar, “On the Lord’s Side: Lessons from Zion’s Camp,” Ensign, Phukwi 2017, 26–35, kgotsa Liahona, Phukwi 2017, 14–23; Topics and Questions, “Endure to the End,” Gospel Library; “How Firm a Foundation,” Hymns, no. 85.

Ipaakanye ka go ithuta maemo a ditso tsa ditshenolo. Go tlhaloganya lefelo la ditshenolo mo go Dithuto le Dikgolagano go ka go thusa go tlhaloganya le go dirisa melawana e di e rutang. Tlayang, Ntshaleng Morago e neela digokaganyi go bontsi jwa di dirisiwa tsena. Ka Dithuto le Dikgolagano 102–5, bona Saints, 1:194–206; “The Acceptable Offering of Zion’s Camp,” mo go Revelations in Context, 213–18; le “Voices of the Restoration: Zion’s Camp.”

Kampa ya Israele ba ne ba thibelela mo lotshitshing la Little Fishing River.

Maikaelelo a diteko ke eng?

Akanya ka kgakololo ya Mogolwane Orson F. Whitney ka ga boikaelelo jwa diteko: “Ga go botlhoko bo re bo utlwang, ga go na teko e re itemogelang e e leng ya lefela. E direla thuto ya rona, go godisa mekgwa e e tshwanang le bopelotelele, tumelo, bopelokgale le boikokobetso. Tsotlhe tse re di bogelang le tsotlhe tse re di itshokelang ka bopelotelele, go aga maitsholo a rona, go itshekisa dipelo tsa rona, go atolosa mewa ya rona, le go re dira bonolo thata le lorato, go tshwanela thata go bidiwa bana ba Modimo … mme ke ka kutlobotlhoko le pogisego, letsapa le pitlagano, gore re amogela thuto e re tlang fano go e amogela mme e e tla re dirang go tshwana thata le Rara wa rona le Mma wa rona yo o kwa legodimong” (mo go Spencer W. Kimball, Faith Precedes the Miracle [1972], 98).

Dithuto le Dikgolagano 104:11–18, 78–83

Morena o ntirile “molebedi mo ditshegofatsong tsa lefatshe.”

Mo godimo ga diteko mo Missouri, ka 1834 Kereke e ne ya lebagana le mathata a madi, go akaretsa le dikoloto tse di boima le ditshenyegelo. Mo tsetlaneng 104 Morena o neetse kgakololo ka seemo sa Kereke sa madi. O ka dirisa melawana e e mo ditemaneng 11–18 le 78–83 mo ditshwetsong tsa gago tsa madi jang?

Bona gape “Treasure in Heaven: The John Tanner Story” le “The Labor of His Hands” (ditshwantsho tsa motshikinyego), Gospel Library.

Treasure in Heaven: The John Tanner Story

John Tanner freely gave all he had, giving us an example of generosity and consecration in serving the Lord.

The Labor of His Hands

Church members around the world volunteer both time and money to serve others-- members and nonmembers alike--as Christ would serve.

Ka megopolo thata, bona dikgatiso tsa kgwedi ena tsa Liahona le Ya Nonofo ya Banana dimkasine.

Megopolo ya go Ruta Bana

Dithuto le Dikgolagano 103:9

Nka nna “lesedi mo lefatsheng” ka go sala Jeso morago.

• O ka laletsa bana ba gago go tshwara setshwantsho sa balobo, kerese, kgotsa motswedi o mongwe wa lesedi fa o ntse o bala Dithuto le Dikgolagano 103:9. Re ka nna jaaka lesedi la ba bangwe jang fa re sala Jeso Keresete morago? Bona gape “Jesus Wants Me for a Sunbeam” (Children’s Songbook, 60–61).

Nka nna jaaka lesedi mo go ba bangwe fa ke sala Jeso Keresete morago.

Dithuto le Dikgolagano 93:13–14

Morena o batla ke abelana se ke nang le sone le batho ba ba tlhokang.

• O ka batla go neela bana ba gago metsotso e se kae go dira nankolo a ditshegofatso tse Modimo a ba di neetseng (jaaka dijo, diaparo, ditalente, tumelo, le legae). Ba kgothatse go nankola bontsi jo ba ka bo kgonang. Ke gone le ka bala mmogo Dithuto le Dikgolagano 104:13–18, le batla dikarabo tsa dipotso tse di tshwanang le tse: Mong wa boammaaruri jwa dilo tsotlhe ke mang? O batla gore re dire eng ka dilo tsena? Wena le bana ba gago le ka abelana maitemogelo a mo go one mongwe a le neetseng sengwe se le neng le se tlhoka (bona gape “The Coat” [setshwantsho tsa motshikinyego], Gospel Library).

  The Coat

  The Coat is a children’s story that depicts a young boy giving selflessly to another child in need.

Dithuto le Dikgolagano 104:42

Morena o tlaa ntshegofatsa fa ke tshegetsa ditaelo tsa Gagwe.

• Mo makgetlhong a le mmalwa mo tsetlana 104 Morena o solofetsa “ntsifatso ya ditshegofatso” mo bathong ba ba obamelang ditaelo tsa Gagwe ka boikanyego. Go thusa bana ba gago go tlhaloganya gore “ntsifatso” e raya eng, o ka tshwantsha sekele mme wa kopa bana ba gago go go thusa go ntsifatsa palo ya disekele—ba tshwantsha tse pedi, ke gonetse nne, ke gonetse di boferabobedi, ke gonetse di lesome le borataro, le jalo jalo. Nako e nngwe le e nngwe fa o tsenya disekele, thusa bana ba gago go akanya ka tshegofatso e Rara wa Legodimo a ba neetseng yone.

Dithuto le Dikgolagano 105:38–40

Ke ka nna modirakagiso.

• Go thusa bana ba gago go ithuta polelo ya Kampa ya Sione, o ka abelana “Chapter 36: Zion’s Camp” (mo go Dipolelo tsa Dithuto le Dikgolagano, 135–39, kgotsa setshwantsho sa motshikinyego se se tsamelanang mo Motlobong wa Efangele). Ema kgapetsakgapetsa go bua ka dithuto tse re ka di ithutang go tswa mo Kampeng ya Sione—sekai, gore Morena o batla gore re nne le kagiso le go dira mmogo mo boemong jwa go ngangisana le go lwa (bona gape Russell M. Nelson, “Peacemakers Needed,” Liahona, Motsheganong 2023, 98–101).

  Chapter 36: Zion’s Camp: February–June 1834

• Gape o ka bala Dithuto le Dikgolagano 105:38–40 mme o kope bana ba gago go ema ka dinao nako le nako fa ba utlwa lefoko “kagiso.” Tlhalosa gore Morena o ne a batla gore Baitshepi ba dira kagiso le batho ba ba neng ba le pelomaswe. Thusa bana ba gago go akanya ka dilo tse ba ka di dirang gonna ba dira kagiso, mme o ba laletse go diragatsa diemo dingwe.

Ka megopolo thata, bona kgatiso ya kgwedi e ya Friend makasine.

Zion’s Camp (Zion’s Camp at Fishing River) [Kampa ya Sione (Kampa ya Sione kwa Fishing River], ka Judith A. Mehr