C.C.A. Christensen (1831–1912), Saints Driven from Jackson County Missouri [Baitshepi ba patelediwa go tswa kwa Jackson County Missouri], c. 1878, tempera on muslin, 77 ¼ x 113 inches. Brigham Young University Museum of Art, mpho go tswa mo bana baneng ba ga C.C.A. Christensen, 1970.

Lwetse 8–14: “Nnang Fela mme lo Itse fa Ke le Modimo”

Dithuto le Dikgolagano 98–101

Go Baitshepi ka bo 1830, Independence, Missouri, e ne e le lefelo la tsholofetso tota. E ne e le “boremelelo jwa lefelo” la Sione (Dithuto le Dikgolagano 57:3)—Toropo ya Modimo mo lefatsheng—le go phuthegela ga Baitshepi go ne go na le boitumelo jwa tshimologo ya Go Tla ga Bobedi. Mme baagisanyi ba bone mo kgaolong ba ne ba bona dilo ka tsela e farologanyeng. Ba ne ba sa dumalane le dipolelo tsa gore Modimo o neetse baitshepi lefatshe, mme ba ne ba sa nne sentle ka sepolotiki, itsholelo, le ditlamorago tsa setho ga batho ba bantsi ba ba sa itsegeng ba goroga ka bonako. Go sa nna sentle kgabagare ga fetoga go nna dipogiso le tiriso dikgoka. Mo 1833, ofisi ya kgatiso ya Kereke e ne ya senngwa, mme Baitshepi ba ne ba pateletswa go tswa mo malapeng a bone.

Joseph Smith o ne a le bokgakala jwa dimaele tse 800 go tswa kwa Kirtland, mme dikgang tse di tsere dibeke go goroga kwa go ene. Mme Morena o ne a itse se se neng se diragala, mme a senolela Moperofeti wa Gagwe melawana ya kagiso le kgothatso e e neng e ka gomotsa Baitshepi—melawana e le rona e ka re thusang fa re lebagana le matshwenyego, fa dikeletso tsa rona tse di siameng di sa diragale, kgotsa fa re tlhoka kgakololo gore dipogisego tsa rona tsa letsatsi le letsatsi kgabagare, ka tsela nngwe, di tlaa “dirisana mmogo go [re] direla molemo” (Dithuto le Dikgolagano 98:3).

Bona Saints, 1:171–93; “Waiting for the Word of the Lord,” mo Revelations in Context, 196–201.

Megopolo ya go Ithuta kwa Lwapeng le kwa Kerekeng

Dithuto le Dikgolagano 98:1–3, 11–14, 22; 101:1–16, 22–31, 36

Diteko tsa me di ka dirisana mmogo go ntirela molemo.

Dingwe tsa dikgwetlho tsa rona mo botshelong di dirwa ke ditshwetso tsa rona. Tse dingwe di dirwa ke ditshwetso tsa ba bangwe. Mme nako tse dingwe dilo di a diragala tse e leng karolo ya senama. Go sa kgathalesege gore go dirwa ke eng, pitlagano e ka thusa go diragatsa maikaelelo a selegodimo fa re sokologela go Modimo.

Se se ne se le boammaaruri ka Baitshepi mo Missouri ka 1833, mme ke boammaaruri mo go rona gompieno. Jaaka o bala se Morena a se boleletseng Baitshepi mo Dithuto le Dikgolagano 98 le 101, tlhatlhanya ka fa molaetsa wa Gagwe o ka dirisiwang mo ditekong tse di farologanyeng kgotsa dikgwetlho tse o ka tswang o na le tsone. Fano ke dipotso le di dirisiwa dingwe go go thusa.

Fa teko e le maduo a:

• Ditshwetso tsa gago: Ke kgakololo—le ditsholofetso—dife tse o di bonang mo Dithuto le Dikgolagano 98:11–12; 101:1–9? O ithuta eng mo ditemaneng tse ka ga Rara wa Legodimo le Jeso Keresete? O ikutlwa gore Modimo o batla o dira eng?

• Ditshwetso tsa ba bangwe: Ke kgomotso efe e o e bonang mo Dithuto le Dikgologano 98:1–3, 22; 101:10–16, 22? Morena o batla re tsibogela jang kgokgontsho, tshotlo, kgotsa tiriso dikgoka? (Bona Life Help, “Abuse,” Motlobo wa Efangele; Ditlhogo le Dipotso, “Abuse,” Motlobo wa Efangele.) Ditemana tse di ruta eng ka ga go baya tshepho ya gago mo Moreneng?

• Dikgwetlho tsa senama: Ke pono e fe e o e amogelang go tswa mo Dithuto le Dikgolagano 98:1–3; 101:22–31, 36? O ithuta eng mo ditekong tsa gago? O dira eng go laletsa thuso ya Modimo? O go thusa jang?

Go ithuta go le gontsi ka ka fa Modimo a ka dirang “dilo tsotlhe tse di go tlhokofaditseng … go dirisana mmogo go le direla molemo” (Dithuto le Dikgolagano 98:3), akanya ka go ithutuntsha molaetsa wa ga Mogolwane Anthony D. Perkins “Remember Thy Suffering Saints, O Our God” (Liahona, Nov. 2021, 103–5). O ka leba bontlha jwa mokwalo mo molaetseng wa gagwe jo bo go thusang go tlhaloganya ka fa Mmoloki a go laletsang go bona dikgwetlho tsa gago. Ke ditsela dife tse diteko tsa gago di dirisaneng mmogo go go direla molemo kgotsa go diragatsa maikaelelo a Modimo?

Bona le gone Baroma 8:28; 2 Nefi 2:2; Dithuto le Dikgolagano 90:24; D. Todd Christofferson, “Come to Zion,” Liahona, Nov. 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (videos), ChurchofJesusChrist.org.

Trial of Adversity

Katie, who was paralyzed in an auto accident, shares how she exercises her faith to embrace her new life.

Feeling the Lord's Love and Goodness in Trials

When Darlyn learned of her illness, she feared she would not see her children grow up. But through her trial, she felt the Lord’s love and immense goodness. How does He comfort you in times of trial?

The Refiner's Fire

The refiner’s fire is not a comfortable place to be. It involves intense heat and repeated hammering. But it is in the refiner’s fire we are purified and prepared to meet God.

Dithuto le Dikgolagano 98:23–48

Morena o batla ke senka kagiso ka tsela ya Gagwe.

Poresidente Russell M. Nelson o rutile: “Balatedi ba ga Jeso Keresete ba tshwanetse go nna sekai se lefatshe lotlhe le ka se salang morago. Ke le kopa go dira gotlhe go emisa dikgotlhang tse jaana di kukelang mo dipelong le matshelo a lona” (“The Power of Spiritual Momentum,” Liahona, May 2022, 97).

Le fa e se sengwe le sengwe mo Dithuto le Dikgolagano 98:23–48 se o ka se dirisang mo kamanong ya gago le ba bangwe, ke melawana efe e o e bonang e eka go kaelang go emisa dikgotlhang mo botshelong jwa gago? O ka bona boammaaruri jo bo tlalaletsang mo pineng ka ga kagiso kgotsa boitshwarelo, jaaka “Truth Reflects upon Our Senses” (Hymns, no. 273).

Dintlha go tswa go Christ and the Rich Young Ruler [Keresete le Mmusi yo Mmotlana yo Humileng], ka Heinrich Hoffmann

Dithuto le Dikgolagano 99–100

Morena o tlhokomela batho ba ba mo direlang.

Ditshenolo mo ditsetlana 99 le 100 di ne di neelwa batho ba ba nang le maikarabelo a botlhokwa mo Kerekeng mme le gone ba tshwenyegile ka malwapa a bone. O bone eng mo ditshenolong tse mo go ka tswang go ba thusitse? Ke molaetsa ofe yo Morena a nang le one go wena mo ditshenolong tse?

Bona le gone “John Murdock’s Missions to Missouri” mo “‘I Quit Other Business’: Early Missionaries” le “A Mission to Canada,” mo Revelations in Context, 87–89, 202–7.

Dithuto le Dikgolagano 110:43–65

Go sala morago kgakololo ya Modimo go nthusa go nna ke babalesegile.

Setshwantso sa Dithuto le Dikgolagano 110:43–62 se tlhalosa gore ka go reng Morena a letleletse Baitshepi go pateletswa go tswa ko Sione. Jaaka o bala ditemana tse, a o bona ditsela dingwe tse o tshwanang le batlhanka mo setshwantshong se? O supegetsa Modimo jang gore o “rata go kaelwa mo go siameng le ka tsela e e siameng go poloko ya [gago]”? (bona ditemana 63–65).

Diragatsa dipolelo kgotsa ditshwantsho. Nako tse dingwe go motlhofo go ithuta go tswa le go amana le dipolelo le ditshwantsho mo dikwalong tse di boitshepo fa re itsenya mo boemong jwa batho ba di ba tlhalosang. Fa o ruta Dithuto le Dikgolagano 110:43–62, o ka laletsa baithuti go diragatsa ditshwantsho jaaka mongwe a balela kwa godimo. O amogela temogo e fe ka go tsenya ditiro mo mafokong?

Go bona megopolo e mentsi, bona kgatiso ya kgwedi e ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 98:1–3

Jeso Keresete o ka fetola diteko tsa me go nna ditshegofatso.

• O ka simolola go buisana ka go botsa bana ba gago ka dingwe tsa dikgwetlho tse bana ba dingwaga tsa bone ba lebaganang le tsone. Ka jalo lo ka bala mmogo Dithuto le Dikgolagano 98:1–3 le go buisana ka fa Jeso Keresete a ka fetolang diteko go nna ditshegofatso. O ka abelana le bana ba gago dikai tsa ka fa a fetotseng diteko tsa gago go nna ditshegofatso.

Dithuto le Dikgolagano 98:39–40

Mmoloki o nthusa go itshwarela.

Ntlha: Jaaka o ruta bana ba gago botlhokwa jwa go itshwarela, rurifatsa gore ba tlhaloganya gore fa mongwe a ba utlwisa botlhoko, ka metlha ba tshwanetse go bolelela mogolo yo o tshephegang.

• Dikgaolo 34 le 35 mo Polelo tsa Dithuto le Dikgolagano (128–34) di ka go thusa go ruta ka fa Baitshepi ba neng ba tsewa ka teng mo Missouri ka 1833. Wena le bana ba gago le ka bua ka fa Baitshepi ba ka tswa ba ne ba ukutlwa ka teng. Ka jalo lo ka bala mmogo Dithuto le Dikgolagano 98:23, 39–40 go batla se Morena a ne a batla ba se dira. Wena le bana ba gago le ka bua ka dinako tse le neng le tlhoka go itshwarela mongwe le ka fa Mmoloki a le thusitseng ka teng.

• Le gone o ka supegetsa bana ba gago ditshwantsho tsa sefatlhogo se se itumetseng le sefatlhogo se se hutsafetseng. Bua ka diemo tse mongwe a seng pelontle, mme ntsha mogopolo ya ditsela tsa go tsiboga. Thusa bana ba gago go tlhopha gore tsibogo nngwe le nngwe e ka ba dira gore ba itumele kgotsa ba hutsafale ka go supa sefatlhogo se se tsamaelanang. Ke eng Jeso a batla re itshwarela batho, le bone ba ba sa siamang go rona tota?

Chapter 34: God Warns the People of Zion: July–August 1833

Chapter 35: The Saints Leave Jackson County, Missouri: September–December 1833

Dithuto le Dikgolagano 101:16, 23–32

Jeso Keresete o ka ntlisetsa kagiso.

• Morago ga go bala Dithuto le Dikgolagano 101:16, thusa bana ba gago go lemoga maikutlo a kagiso a a tlang fa re iketlile le go akanya ka ga Jeso—sekai, fa re rapela kgotsa re ja sakaremente. Le gone le ka opela mmogo pina ka ga tlotlo, jaaka “Reverently, Quietly” kgotsa “To Think about Jesus” (Children’s Songbook, 26, 71). Re ka utlwa kagiso ya Gagwe jang mo malwapeng a rona?

• Bana ba gago ba ka kgatlhegela go ithuta ka fa botshelo bo tlaa nnang ka teng fa Jeso Keresete a tla gape. Bala Dithuto le Dikgolagano 101:23–32 mmogo, mme buang ka dilo tse ba di boneng mo ditemaneng tse tse di ka tlisang boitumelo fa A tla. Ke eng go thusa go itse dilo tse fa re le mo dinakong tse thata?

Jeso Keresete o tlaa tlisa kagiso le boitumelo fa A tla gape.

Megopolo e mentsi, bona kgatiso ya kgwedi e ya Friend makasine.

Missouri Burning, ka Glen S. Hopkinson