Phatwe 4–10: “Emang mo Mafelong a a Boitshepo”

Dithuto le Dikgolagano 85–87

Letsatsi la Keresemose gantsi ke nako ya go tlhatlhanya melaetsa jaaka “kagiso mo lefatsheng” (bona Luke 2:14). Mme ka Sedimonthole 25, 1832, tlhaloganyo ya ga Joseph Smith e ne e tletse ka matshosetsi a ntwa. Kgaolo ya South Carolina mo United States e ne e sa tswa go gana go obamela puso mme e ne e ipaakanyetsa ntwa. Mme Morena a senola gore se e ne e le tshimologo: “Ntwa,” O boletse, “e tlaa anama mo ditšhabeng tsotlhe” (Dithuto le Dikgolagano 87:2). Gone go lebega jaaka ekete perofeso e e tlaa diragala ka bonako.

Mme ya seka ya diragala. Mo dibekeng di sekae, South Carolina le puso ya United States tsa fitlhelela tumalano, mme ntwa ya fetogelwa. Perofeso, le fa gontse jalo, ka metlha ga e diragadiwe ka nako kgotsa ka tsela e re e solofetseng. E ka nna morago ga dingwaga tse 30, morago ga go swela tumelo ga ga Joseph Smith, South Carolina e ne ya ingaola mme ntwa ya maraganateng ya latela. Gompieno, ntwa go ralala lefatshe e tsweletse ka [go] “letsa lefatshe” (Dithuto le Dikgolagano 87:6). Boleng jwa tshenolo e bo kwa tlase mo go boleleng pele gore petso e tlaa tla leng mme thata mo go ruteng se se ka dirwang fa e tla. Kgakololo e a tshwana le e e mo 1831, 1861, le 2025: “Emang mo mafelong a a boitshepo, mme lo se sute” (temana 8).

Megopolo ya go Ithuta kwa Lwapeng le kwa Kerekeng

Dithuto le Dikgolagano 85:1–2

Morena o batla ke “tshegetsa ditso.”

Lemoga se Morena a batlileng se akarediwa mo “ditso” tse di tlhalositsweng mo Dithuto le Dikgolagano 85:1–2. Ke eng o akanya gore O batla Baitshepi ba Gagwe ba tshegetsa ditso? O ka kwala eng ka ga “mokgwa wa botshelo jwa gago, tumelo ya [gago], le ditiro” se se ka nnang tshegofatso mo go wena le lesika la gago mo isagong? Go tshegetsa ditso tsa gago go ka go thusa jang go tla mo go Keresete?.

Bona le gone “Journals: ‘Of Far More Worth than Gold,’” Dithuto tsa Baporesidente ba Kereke: Wilford Woodruff (2011), 125–33; “Turning Hearts” (video), ChurchofJesusChrist.org

Turning Hearts

A Great-Grandfather's journal helps a young man gain direction in his life and appreciation for his ancestors.

Dithuto le Dikgolagano 85:6

Mowa o bua ka “lentswe le le sesane le le kokobetseng.”

Tlhatlhanya mafoko a Joseph Smith a dirisitseng go tlhalosa Mowa mo Dithuto le Dikgolagano 85:6. Ke ka tsela efe e lentswe la Mowa le leng le “lesesane” e bile le “kokobetse”? Akanya ka ditlhaloso tse di tlalaletsang tse di neetsweng ka Joseph Smith mo: Dithuto le Dikgolagano 6:22–24; 8:2–3; 9:7–9; 11:12–13; 128:1. Mowa o bua jang le wena?

Bona le gone Luke 24:32; Mosia 5:2; Alema 32:28; Helamane 5:30; Dithuto le Dikgolagano 6:22–23; 11:12–13.

Dirisa dithuto tsa selo Batho ba gakologelwa thuto ya efangele botoka fa ba bona kgotsa ba tsaya karolo mo thutong ya selo se se amanang le se ba se ithutang. Sekai, fa o ruta ka lentswe le le sesane la Mowa, le le kokobetseng, gongwe o ka tshameka kgatiso e bonolo, ya moopelo o boitshepo, mme baithuti ba ka bua ka fa moopelo o ba dirang gore ba ikutlwe ka teng le gore go ka nna thata jang go utlwa fa go na le medumo e e kgoreletsang. Se se ka gogela mo puisanong ka dikgoreletsi mo matshelong a rona tse di dirang gore re se utlwe lentswe le le sesane le le kokobetseng.

Dikwalo tse di boitshepo di tlhalosa lentswe la Mowa jaaka lentswe le le sesane, le le kokobetseng.

Dithuto le Dikgolagano 86

Basiami ba phuthegela mo go Keresete mo malatsing a bofelo.

Dithuto le Dikgolagano 86 e na le tlhaloso ya setshwantsho sa korong le mohero, se se fitlhelwang mo Mathaio 13:24–30, 37–43. Jaaka o ithuta ka tlhaloso ya setshwantsho se, akanya ka go tlatsa tafole jaaka ena:

Dikao	Ditlhaloso tse di ka kgonagalang	Dipotso go di tlhatlhanya
Dikao Bajwadi ba peo	Ditlhaloso tse di ka kgonagalang Baperofeti le Baaposetole	Dipotso go di tlhatlhanya Baperofeti le Baaposetole ba jwala “dipeo” tse di ntseng jang?
Dikao Mmaba	Ditlhaloso tse di ka kgonagalang Satane	Dipotso go di tlhatlhanya Moganetsi o leka jang go emisa tiro ya Morena?
Dikao	Ditlhaloso tse di ka kgonagalang	Dipotso go di tlhatlhanya
Dikao	Ditlhaloso tse di ka kgonagalang	Dipotso go di tlhatlhanya

Fa ke dipotso tse di tlalaletsang go di akanya:

• Morago ga go tlhalosa setshwantsho, Morena a bua ka boperesiti, tsosoloso, le poloko ya batho ba Gagwe (bona ditemana 8–11). Ke ditsakamano dife tse o di bonang fa gare ga melaetsa ena le setshwantsho sa korong le mohero?

• Maikarabelo a gago ke eng mo go nneng “lesedi la baditshaba” le mmoloki wa batho [ba Morena]”? (temana 11).

Dithuto le Dikgolagano 87

Kagiso e bonwa mo “mafelong a a boitshepo.”

Perofeso mo tsetlana 87 e tlhagisa ka diphatsai tsa senama tse di amanang le ntwa mo malatsing a bofelo. Mme kgakololo mo tshenolong e le gone e ama dikotsi tsa semowa. Tlhatlhanya dipotso jaaka tse di latelang:

• Perofeso ke tshenolo go tswa go Modimo go moperofeti, gantsi ka isago. Ke dife dingwe tsa diperofeso tsa bogologolo le tsa sesha tse baperofeti ba di fileng? (bona Johane 3:14; Mosia 3:5; Helamane 14:2–6). Di ne tsa diragadiwa jang? (bona Luke 23:33; Mathaio15:30–31; 3 Nefi 1:15–21).

• Ke dife ditshegofatso tsa go amogela diperofeso tsa baperofeti ba Modimo?

Ka dikakanyo tseo mo tlhaloganyong, bala tsetlana 87. (Go dingwe tsa ditso tse di nayang bokao, le gone o ka batla go bala ketapele ya kgatiso e.) O ithuta eng ka ga perofeso go tswa mo tshenolong e le tsela e e neng ya diragadiwa ka teng? O ka reng mo mongweng yo o belaelang perofeso gonne ga e ise e diragadiwe gone foo?

Morena o neela kgakololo efe mo temana 8? Ke afe “mafelo a a boitshepo” a gago koo o bonang kagiso le tshireletsego? Ke eng se se dirang lefelo boitshepo? Mo go tlalaletseng mafelo a a tshwaregang, gongwe go na le dinako tse di boitshepo, ditiragalo tse di boitshepo, kgotsa dikakanyo tse di boitshepo tse di ka nayang kagiso. Sekai, mafoko a baperofeti ba Modimo a ka nna jang lefelo le le boitshepo mo go wena? Go raya eng go “ema” mme “o sa sute” mo mafelong a?

Bona le gone “Where Love Is,” Children’s Songbook, 138–39; Saints, 1:163–64; “Peace and War,” mo Revelations in Context, 158–64.

Megopolo e mentsi, bona kgatiso ya kgwedi e ya Liahona le For the Strength of Youth dimakasine.

Megopolo ya Go Ruta Bana

Dithuto le Dikgolagano 85:6

Mowa o bua ka “lentswe le le sesane le le itshekileng.”

• Bana ba gago ba ka reng fa mongwe a ka ba botsa gore ba itse jang fa Mowa o o Boitshepo o bua le bone? Ba laletse go bala ka tsela nngwe e Joseph Smith a tlhalositseng lentswe la Mowa mo Dithuto le Dikgolagano 85:6. Ba ka diragatsa go reetsa le go bua ka lentswe le le sesane. Le gone o ka abelana maitemogelo nako e Mowa o neng wa bua le wena ka lentswe le le sesane, le le kokobetseng.

• Go thusa bana ba gago go tlhaloganya seele “lentswe le le sesane, le le kokobetseng” o ka tshamekela kwa tlase pina ya bana, jaaka “The Holy Ghost” (Children’s Songbook, 105). Kopa ngwana mongwe go abelela gore ke pina efe fa bana ba bangwe ba ntse ba dira medumo e e kgoreletsang. O bo o ka boeletsa pina go sena dikgoreletsi. Ke dikgoreletsi dife tse re ka di ntshang mo matshelong a rona go utlwa Mowa gantsi ?

Dithuto le Dikgolagano 86

Ke ka thusa go phutha batho ba Modimo.

• Go thusa bana ba gago go tlhaloganya setshwantsho se se tlhalositsweng mo tsetlana 86, o ka baakanya ditswantsho tse di mmalwa tse dinnye kgotsa ditshwantsho tsa korong mme o di fitlhe go dikologa mo ntlong. Tlhalosetsa bana ba gago setshwantsho sa korong le mohero (bona Mathaio 13:24–30), mme balang mmogo tshwaelo ya Morena mo Dithuto le Dikgolagano 86:1–7. Bana ba gago ba bo ba ka phutha ditshwantsho tse di fitlhilweng tsa korong mme ba kwale mo go tsone leina la mongwe yo ba ka mo phuthelang go Jeso Keresete. Go raya eng go “phutela” batho kwa go Jeso Keresete? Ke dife ditsela tse re ka dirang se?

Dithuto le Dikgolagano 86:11

Ke ka nna jaaka lesedi mo go ba bangwe.

• Fano ke dipotso dingwe tse o ka di botsang bana ba gago jaaka le buisana Dithuto le Dikgologano 86:11: Lesedi le re segofatsa jang? Go nna jang fa re sena lesedi? Re ka nna jang lesedi mo bathong ba bangwe? Thusa bana ba gago go akanya ka ditsela tse re ka “tswelelang mo bomolemong” jwa ga [Jeso] le go bo abelana le ba bangwe.

Dithuto le Dikgolagano 87:6, 8

Ke ka “ema … mo mafelong a a boitshepo.”

• Balang mmogo Dithuto le Dikgolagano 87:6 go ithuta ka ga dilo tse Morena a buileng gore di tlaa diragala mo malatsing a bofelo. Le bo le ka bua ka ga dingwe tsa dikgwetlho tse wena le bana ba gago le lebaganang le tsone. Mo temana 8, Morena o ne a re re ka dira eng ka nako ya metlha e e thata?

• Thusa bana ba gago go dira nankolo ya mafelo a a boitshepo, dikakanyo tse di boitshepo, le ditiro tse di boitshepo tse di ka ba thusang go lebagana le diphatsa tsa semowa. Go bona megopolo, bona ditshwantsho tsa motshikinyego “Standing in Holy Places” and “Stand Ye in Holy Places—Bloom Where You’re Planted” (Motlobo wa Efangele).

  Standing in Holy Places

  A young woman reflects on the blessings of walking the covenant path as she makes her journey to the temple.

  Stand Ye in Holy Places - Bloom Where You’re Planted

  Three hundred youth in Las Vegas come together to share their testimony of Jesus Christ.

Tempele ke lefelo le le boitshepo.

Megopolo e mentsi, bona kgatiso ya kgwedi e ya Friend makasine.

Morena o phutha batho ba gagwe jaaka korong.