Pole ya Nkembo—Tempelo ya Kirtland, na Glen S. Hopkinson

Sanza ya libwa 29–Sanza ya zomi 5: “Ezali Ndako na Yo, Esika ya Bosantu na Yo”

Malongi mpe Mayokani 109–110

Bikuke ya Tempelo ya Kirtland esengelaki kofungwama te kino 8:00 na ntongo ya Sanza ya Misato 27, 1836. Kasi Basantu oyo bazalaki kolikya kokende na mosala ya kobulisa babandaki kosala molongo tongotongo na 7:00. Lokola bato bazalaki ebele mpe liyangani ya mibale esengelaki kosalama mpo na koyamba bato nyonso. Mpe ezalaki kaka bato na bomoi te oyo bazalaki motema likolo mpo na kozala wana. Banzeneneke mingi koleka batatolaki ete bamonaki banzelu, kati na tempelo mpe kutu likolo ya ndako, na ntango mpe nsima ya bobulisi. Emonanaki mpenza lokola ete “mampinga ya lola” mayaki mpo na “koyemba mpe [mpo na] koganga” elongo na Basantu ya Mikolo ya Nsuka (“The Spirit of God,” Hymns, no. 2).

Mpo na nini esengo ya monene wana—na ngambo mibale ya elamba? Nsima ya bikeke, ezalaki na ndako ya Nkolo na mabele lisusu. Nkolo azalaki kokokisa elaka na Ye mpo na kopesa dotasio na Basantu na Ye “na nguya uta na likolo” (Malongi mpe Mayokani 38:32). Mpe oyo asakolaki, ezalaki bobele “ebandeli ya lipamboli” (Malongi mpe Mayokani 110:10). Eleko oyo tozali kobika sikawa—na botamboli mbangu ya mosala ya tempelo mpe makuli mazwami mpo na efuku ya bato na bomoi mpe bawa—ebandaki na Kirtland, ntango “elamba likolo ya mabele [ezalaki] kobanda kopasuka” (“L’Esprit du Dieu Saint”).

Tala lisusu Basantu, 1:232–41; “Ndako moko mpo Nzambe na Biso,” Revelations in Context,, 169–72.

Makanisi mpo na koteya na Ndako mpe na Eklezia

Malongi mpe Mayokani 109

Nkolo apesi ngai mapamboli ya bozwi na nzela ya mayokani ya tempelo.

Tempelo ya Kirtland ekesenaki na batempelo oyo toyebi lelo. Balotale ezalaki te mpe liziba ya libatisi ezalaki te, ndakisa. Kasi mapamboli oyo elimbolami na eteni 109, losambo ya kobulisa mpo na Tempelo ya Kirtland, ezali mapamboli tozali kozwa na ndako ya Nkolo lelo. Tala milongo oyo elandi mpo na komona mapamboli oyo, mpe komanyola lolenge nini ekoki kosalisa kolendisa mokangano na yo na Tata na Lola mpe Yesu Klisto.

Milongo 5, 12–13 (tala lisusu Malongi mpe Mayokani 110:6–8): Na ndako ya Nkolo, Akoki komimonisa Ye moko epayi na ngai, mpe nakoki koyoka nguya na Ye.

Milongo 9, 15–19, 26, 78–79:

Milongo 21–23:

Milongo 24–33, 42–46:

Milongo 35–39:

Mapamboli mosusu:

Soki osila kokende na ndako ya Nkolo, kanisa lolenge nini bilaka oyo ekokisamaki na bomoi na yo.

Loyembo “The Spirit of God” (Hymns, no. 2) ekomamaki mpo na bobulisi ya Tempelo ya Kirtland—mpe eyembamaka na bobulisi ya tempelo nyonso uta ntango wana. Bokanisa koyemba to koyoka yango lokola eteni ya boyekoli mpe bokumbameli na bino. Mapamboli nini ya tempelo ozwi oyo elimbolami kati na loyembo oyo?

Malongi mpe Mayokani 109

Losambo ezali lisolo na Tata na Lola.

Eteni 109 ezali losambo moko ya bobulisi oyo epesamaki epayi ya Profeta Joseph Smith na nzela ya emoniseli (tala moto ya eteni). Oyekoli nini etali losambo ya eteni oyo? Ndakisa, okoki kokoma maye Profeta apeselaki matondi mpe mapamboli nini asengaki. Nini lisusu alobaki na losambo oyo? Ntango ozali koyekola, osengeli kolandela lisolo na yo moko na Tata na Lola. Oyekoli nini etali Ye mpe Mwana na Ye uta na losambo oyo?

Soki okolinga kotanga losambo ya bobulisi ya batempelo misusu, mpe lisusu ya tempelo ya pene na yo, tala lokasa ya tempelo na temples.ChurchofJesusChrist.org.

Malongi mpe Mayokani 110:1–10

Nkolo akoki komimonisa Ye moko epayi na ngai kati na ndako na Ye.

Ntango bozali kotanga ndimbola ya Mobikisi na Malongi mpe Mayokani 110:1–10, kobakisa moto ya eteni, manyola maye milongo oyo esengi etali Ye.

Lolenge nini Yesu Klisto amimonisaka Ye moko—to Amiyebisi epayi na yo— kati na ndako na Ye? Lolenge nini Asungaka yo oyeba ete Andimaka mabonza na yo?

Kati na Templelo ya Kirtland

Malongi mpe Mayokani 110:10–16

Mobikisi atambusaka mosala na Ye na nzela ya bafungola ya Bonganganzambe.

Bobele yambo ya Mose, Eliasi, mpe Eliya babimaki kati na tempelo mpo na kozongisa bafungola ya bonganganzambe, Yesu Klisto alobaki, “Oyo ezali ebandeli ya lipamboli oyo ekosopana likolo ya mitu ya bato” (Malongi mpe Mayokani 110:10). Ntango otangi milongo 11–16, kanisa oyo etali mapamboli oyo Mobikisi asopaka likolo na yo na nzela ya mosala oyo ekambami na bafungola oyo. Ndakisa:

• Molongo 11: Mose mpe bafungola ya bosangisi Yisalaele (to mosala ya misionele). Lolenge nini Nkolo apambolaki yo mpe libota na yo na nzela ya babokasi ya misionele ya Eklezia na Ye?

• Molongo 12: Eliasi mpe bafungola ya nsango malamu ya Abalayama, kobakisaka boyokani ya Abalayama. Lolenge nini Nkolo akoki kopambola yo mpe “bankola nsima na [yo]” na ntina ya mayokani na yo? (Tala Russell M. Nelson, “The Everlasting Covenant,” Liahona, Oct. 2022, 4–11; Guide to the Scriptures, “Elias,” Gospel Library.)

• Milongo 13–16: Eliya mpe nguya ya bokangisi, emonisamaki na nzela ya mosala ya tempelo mpe ya mambi ya kala ya libota. Lolenge nini okanisi Tata na Lola alingi yo okoma ya kokangisama na bankoko na yo na nzela ya mayokani ya tempelo? (Tala Gerrit W. Gong, “Happy and Forever,” Liahona, Sanza ya zomi na moko. 2022, 83–86.)

Mikangano nini omoni katikati na bafungola oyo mpe mikumba na biso kati na mosala ya Nzambe ya lobiko mpe bonetoli (kobika nsango malamu, kolengela bato kati na bosenga, kobengisaka banso bazwa nsango malamu, mpe kosangisaka mabota mpo na seko)?

Boyebi nini ozwi na mosala ya Nzambe ya lobiko mpe bonetoli? Mayebi oyo etei yo nini oyo etali Mobikisi, Eklezia na Ye, mpe mosala na Ye?

Luka ndenge ya kokotisa basusu. Soki ozali koteya oyo etali Malongi mpe Mayokani 110:11–16, osengeli kobanza kopesaka mokumba na moyekoli moko na moko ayekola oyo etali Mose, Eliasi, to Eliya mpe bafungola azongisaki. Nsima bayekoli bakoki kokabola na moko mpe mosusu maye bazali koyekola. Boyebi lokola oyo ekotisaka moto nyonso na boyekoli mpe boteyi. (Tala Koteya na Lolenge ya Mobikisi, 24–27).

Mpo na makanisi koleka, tala nsango ya sanza oyo na Liahona mpe Mpo na Bokasi ya Bilenge bamagazini.

Makanisi mpo na Koteya Bana

Malongi mpe Mayokani 109:12–13; 110:1–7

Tempelo ezali ndako ya Nkolo.

• Bino mpe bana na binoo bokoki kolobela oyo etali eloko songolo bolingaka etali ndako na bino. Nsima bokoki kotala elilingi ya tempelo ya Kirtland mpe kosalela Malongi mpe Mayokani 109:12–13; 110:1–7 mpo na kosolola oyo etali lolenge nini tempelo wana ebulisamaki mpe ekomaki ndako ya Nkolo (tala lisusu “Mokapo 39: The Kirtland Temple Is Dedicated,” na Masolo ya Malongi mpe Mayokani, 154, to video oyo ekokani kati na Gospel Library). Bokabola moko na mosusu eloko songolo bolingaka oyo etali ndako ya Nkolo.

  Chapter 39: The Kirtland Temple Is Dedicated: January–March 1836

• Ntango mosusu bino mpe bana na bino bokoki kokanisa ete moninga moko azali koluka koyeba ndako na bino. Lolenge nini tokoki kosalisa baninga na biso bayeba ndako na biso? Lolenge nini toyebaka ete tempelo ezali ndako ya Nkolo? (tala Malongi mpe Mayokani 109:12–13).

Malongi mpe Mayokani 110

Mobikisi azali kopambola bato na Ye na nzela ya bafungola ya bonganganzambe.

• Bokoki kosalela lokasa ya molulu ya poso oyo to “Mokapo 40: Mamoni kati na Tempelo ya Kirtland” (kati na Masolo ya Malongi mpe Mayokan, 155–57, to video oyo ekokani kati na Gospel Library) mpo na koyebisa bana oyo etali bato ya lola oyo bayaki kotala tempelo. Bokoki lisusu kosalela elilingi na nsuka ya mateya oyo.

  The Kirtland Temple

• Mpo na koyekola oyo etali motuya ya maye masalamaki na Tempelo ya Kirtland, bino mpe bana na bino bokoki kosolola oyo etali maye bafungola esalaka. Ntango mosusu bana na bino bakoki kosala moko nsima ya mosusu kosimbaka bafungola mpe kosala lokola kofungola ekuke moko ekangama. Bosalisa bango bamona liloba bafungola kati na Malongi mpe Mayokani 110:11–16, mpe bosolola na ntina ya mapamboli oyo bafungola oyo efungolaka. Bokoki kolimbola ete bafungola ya bonganganzambe ezali ndingisa ya Nzambe mpo na kokamba Eklezia na Ye. Bokabola botondi na bino ete Nkolo apesaki biso bafungola ya bonganganzambe.

Malongi mpe Mayokani 110:15

Mobikisi alingi ngai nabalusa motema na ngai epayi ya bankoko na ngai.

• Nsima ya kotanga Malongi mpe Mayokani 110:15 elongo, boyebisa bana na bino maye etali boyebi oyo esalisaki mpo bozongisa motema na bino epayi ya bankoko na bino. Bokoki lisusu koyemba loyembo elongo lokola “Family History—I Am Doing It” (Children’s Songbook, 94).

• Nini ekoki kosalisa “kobalola mitema” ya bana epayi ya bankoko na bango? Bokoki komona mwa makanisi kitoko na FamilySearch.org/discovery. Bokoki kosala elongo mpo na koyeba bankoko oyo basengeli na makuli ya tempelo. Mpo na nini Yesu alingi biso tosala mosala oyo?

Mpo na makanisi koleka, tala nsango ya sanza oyo na magazini ya Moninga .

Limoni kati na Tempelo ya Kirtland, na Gary E. Smith