Sanza ya zomi 6–12: “Nakotinda Biloko Nyonso mpo na Bolamu na Bino”

Malongi mpe Mayokani 111–114

Osila kozwa na bomoi na yo boyebi ya molimo oyo esalaki ete omindima mpe oyoka kimia kati na bondimi na yo na Klisto—kasi nsima mitungisi ya bomoi emekaki bondimi na yo, mpe omimonaki kobundaka mpo na kozwa lisusu kimia oyo oyokaki liboso? Eloko moko ya lolenge oyo esalamaki epayi ya Basantu na Kirtland. Mobu moko ekokaki te nsima ya bosopani ya molimo ntango babulisaki Tempelo ya Kirtland, mobulu ebandaki. Bozangi mosolo, bondongwani kati na Lisanga likoki ya Bazomi na mibale, mpe mimekano mosusu esalaki ete Basantu baningana kati na bondimi na bango atako baboyebi na bango ya ebandeli.

Tokoki kokima mimekano te, boye lolenge nini ekoki biso kopekisa yango ebundisa bondimi mpe litatoli na biso? Ntango mosusu eteni ya eyano ekoki kozala kati na toli ya Nkolo na Malongi mpe Mayokani 112, oyo epesamaki ntango mitungisi ezalaki koya makasi na Kirtland. Nkolo alobaki, “Bopetola mitema na bino liboso na ngai” (molongo 28), “Botomboka te” (molongo 15), “Bolinga loketo na bino mpo na mosala” (molongo 7), mpe “Bomikitisa” (molongo 10). Ntango tolandi toli oyo, Nkolo “akokamba [biso] na loboko” na mitungisi mpe kokotisa biso na bobikisi mpe na kimia (tala milongo 10, 13).

Makanisi mpo na koteya na Ndako mpe na Eklezia

Malongi mpe Mayokani 111

Nkolo akoki “kotinda boloko nyonso mpo na [ya ngai] bolamu.”

Na 1836, Eklezia ekomaki na baniongo mingi na kosalaka mosala ya Nkolo. Lokola Joseph Smith mpe basusu bamitungisaki na ntina ya baniongo oyo mpe balukaki banzela ya kofuta yango, (tala moto ya eteni na Malongi mpe Mayokani 111).

Ntango ozali kotanga milongo 111, kanisa lolenge nini maloba ya Nkolo epayi ya Joseph ekoki kosalelama epayi na yo—mpe biloko oyo omitungisaka na yango. Ndakisa, ntango nini oyokaki bolingo ya Nzambe “atako mabunga na yo” (verse 1)? Lolenge nini Nkolo asalisaki yo omona “biloko ya motuya” oyo okanaki te? (molongo 10)? Nini Asalaki mpo na “kotinda biloko nyonso mpo na bolamu na yo” (molongo 11)? Nini maloba “na lombango lokola ozali na makoki ya koyamba yango” eteyi yo na ntina ya Tata na Lola?

Tala lisusu Matai 6:19–21, 33; “Biloko ya motuya mingi koleka Moko,” na Revelations in Context,, 229–34.

Malongi mpe Mayokani 112:3–15, 22

Nkolo akokamba ngai ntango namikitisi mpo na koluka bolingi na Ye.

Thomas B. Marsh, Mokambi ya Lisanga likoki ya Bapostolo Zomi na mibale, asilikaki mpo ete Joseph Smith, atunaki ye te, yambo abenga bandimi mibale ya lisanga likoki mpo na koteya nsango malamu na Angeletele. Akutanaki na Profeta, oyo azwaki emoniseli oyo esungaki Thomas atia mpembeni mayoki na ye ya nkanda. Emoniseli wana ekomami kati na Malongi mpe Mayokani 112.

Bomba makambo maye na makanisi ntango ozali koyekola Malongi mpe Mayokani 112. Nini ozwi oyo ebikisaki mayoki ya nkanda ya Thomas? Na milongo 3–15 mpe 22, okoki koluka biyano na mituna lokola oyo: bomikitisi ezali nini? Elingi koloba nini mpo ete Nkolo akamba yo “na loboko”? Mpo na nini okanisi ete kozala na bomikitisi esalisaka yo ozwa bokambi ya Nkolo? Okoki kozwa biyano mosusu kati na “Pattern of Humility” kati na nsango ya Mpaka Joseph W. Sitati “Patterns of Discipleship” (Liahona, Sanza ya zomi na moko. 2022, 87–88).

Kanisa moto moko oyebi azali na bomikitisi. *Moto oyo asalaka nini mpo na kolakisa bomikitisi? Oyekoli nini uta na Mobikisi na oyo etali kozala na bomikitisi? Ntango mosusu okoki kozwa bililingi ya bantango na Ye ya bomoi ntango alakisaki bomikitisi.

Ntango nini oyokaki ya kokambama na Nkolo ntango omikitisaki yomei?

Tala lisusu Ulisses Soares, “Be Meek and Lowly of Heart,” Liahona, Sanza ya zomi na moko 2013, 9–11; “The Faith and Fall of Thomas Marsh,” na Revelations in Context, 54–60; Topics and Questions, “Humility,” Gospel Library; “Be Thou Humble,” Hymns, no. 130.

Tikela bayekoli basala. Kanisa na oyo etali lolenge nini okoki kosalisa bato oteyaka bamipesa makasi na boyekoli bosolo kati na makomi. Ndakisa, mpo na kosalisa bango basosola maye Nkolo alobaki kati na Malongi mpe Mayokani 112:10, bokoki kozipa misu ya moto moko mpe na bokebi bokamba ye na loboko nzinganzinga ya botamboli moke ya likama kotiaka bakiti mpe biloko mosusu na nzela. Nini tokoki koyekola oyo etali bomikitisi uta na bolakisi oyo?

Malongi mpe Mayokani 112:12–26, 28, 33–34

Baoyo babongwani mpenza ya solo bayaka koyeba Yesu Klisto.

Likambo oyo esalaki ete Bapostolo misusu na 1837 batelemela Profeta ezali likundoli malamu ete kotala te libiangi na biso na Eklezia to boniboni toyebaka nsango malamu, tosengeli biso moko toyeba malamu mbongwana na biso moko epayi ya Yesu Klisto. Ntango mosusu bokoki kotanga Malongi mpe Mayokani 112:12–26, 28, 33–34 mpe koluka bosolo oyo ekoki kosalisa bino bolonga momekano ya bondimi to kokoma mingi mobimba bobongwani epayi ya Nkolo. Bokoki koyoka bofuli mpo na kokabola maye bozwi mpo na kosalisa bato misusu balendisa mbongwana na bango na Klisto.

Malongi mpe Mayokani 113

Joseph Smith azalaki “mosali na maboko ya Klisto .”

Profeta Yisaya alobelaki moko ya bakitani ya Yisai lokola “lingenda” mpe “mosisa” (Yisaya 11:1, 10). Na eteni 113, Nkolo alimbolaki ete mokitani oyo, mosali moko ya Klisto, akozala esalelo na kosangisaka bato ya Nkolo na mikolo ya nsuka (tala Malongi mpe Mayokani 113:4, 6). Lisakoli oyo elimboli malamu Profeta Joseph Smith. Lolenge nini bosolo oyo mpe mosusu na eteni 113 elendisaki Basantu na ntango ya mpasi oyo bazalaki kokutana na yango na Kirtland? Omoni nini kati na emoniseli oyo efuli yo mpo na kotikala makasi mpe kokoba kosala elongo na mosala ya Nkolo lelo?

Tala lisusu mokambi na Makomi, “Yesai,” Gospel Library; 2 Nefi 21:10–12; Joseph Smith—Mambi ya kala 1:40.

Yisaya akomaki na ntina ya “lingenda” mpe “misisa” oyo ebimaki na “nzete ya Yisai” (Yisaya 11:1).

Mpo na makanisi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge

Makanisi mpo na Koteya Bana

Malongi mpe Mayokani 111:2, 10–11

Makambo ya Nzambe ekoki kozala bozwi epayi na ngai

• Bino mpe bana na Bino bokoki koyema maye eyaka na makanisi ntango boyokaka liloba bozwi. Nsima bokoki kotanga elongo Malongi mpe Mayokani 111:2, 10–11 mpe kokanisa bozwi ya mabele na biloko Nkolo alengelaka. (Tala lokasa ya moluluya poso oyo.) Lolenge nini tokoki kolengela makasi biloko ya Nzambe?

Malongi mpe Mayokani 112:10

Nkolo akokamba ngai na loboko mpe koyanola bansambo na ngai.

• Nsima ya kotanga Malongi mpe Mayokani 112:10. elongo, bino mpe bana na bino bokoki koyemba elongo “Be Thou Humble” (Hymns, no. 130). Bokoki lisusu mpe kosakana lisano oyo ezali kokamba moko na mosusu “na loboko” (lokola nzela ya mikakatano). Lolenge nini Nkolo akambaka biso “na loboko,” atako Ye azali elongo na biso te na nzoto? Mpo na nini biso tozali na mposa ya Nkolo mpo na kokamba biso? Ntango nini toyokaki Nkolo kokamba biso?

• Bino to bana na bino bokoki kokoma maloba ya Malongi mpe Mayokani 112:10 mpe kotia mokoloto na mapamboli Nkolo apesaka biso ntango tomikitisaka kozonga epayi na Ye. Bolendisa bana na bino bakabola bantango oyo ntango basengaki na bomikitisi lisungi ya Nkolo mpe bazwaki biyano na nsambo na bango to bakambamaki mpo na kosala eloko moko ya malamu (tala Moroni 7:13, 16).

Ndimbola uta na Arise and Walk, na Simon Dewey

Malongi mpe Mayokani 112:11

Yesu alingi ngai nalinga bato nyonso.

• Bino mpe bana na bino bokoki kotanga moko nsima mosusu “Mokapo 41: Trouble in Kirtland” (na Masolo ya Malongi mpe Mayokani, 158–60). Nani kati na lisolo asalaki makambo ekoma mabe na Kirtland? Nani alingaki komeka kosala yango ezala malamu? Nsima bokoki kotanga Malongi mpe Mayokani 112:11 mpe kosolola na ntina ya mpo na nini Mobikisi alingi biso tolinga bato nyonso. Ntango nini Alakisaki bolingo na bato oyo balingaki Ye te? (ndakisa, tala Luka 23:34). Bokoki lisusu koyemba loyembo etali bolingo ya basusu, lokola “I’ll Walk with You” (Children’s Songbook, 140–41).

Chapter 41: Trouble in Kirtland: 1837–1838

Malongi mpe Mayokani 112:11–14, 24–26

Baoyo babongwani mpenza ya solo bayaka koyeba Yesu Klisto.

• Nsima ya kotanga Malongi mpe Mayokani 112:24–26, bino mpe bana na bino bokoki kosolola oyo etali bokeseni kati na koyeba nkombo ya bato mpe koyeba bango. Mateya nini uta na milongo 11–14 esalisi biso tososola maye elingi koloba koyeba Nkolo?

Mpo na makanisi koleka, tala nsango ya sanza oyo na magazini ya Moninga .

Zala na Komikitisa, na Julie Rogers