Ahinime 6–12: “Mɛhyehyɛ nneɛma Nyinaa Ama Mo Yieyɛ”

Nkyerɛkyerɛ ne Apam 111—114

Woanya honhom mu suahunu bi a ɛma wo nya ahotɔsoɔ wɔ wo gyedie wɔ Kristo mu—nanso asetena mu amanehunu ahodoɔ asɔ wo gyedie ahwɛ, na wo hunuu sɛ worebrɛ sɛ wobɛnya saa asomdwoeɛ no biom? Biribi a ɛte saa too Ahoteefoɔ a wɔwɔ Kirtland no so. Annu afe wɔ honhom mu nsuo a wɔhwie guiɛ a ɛfa Kirtland Tɛmpol no hyira so akyi no, ɔhaw sɔreeɛ. Sikasɛm mu haw, ntawantawa wɔ Dummienu Kuo no mu, ne nsɔhwɛ bi a ɛkeka ho maa Ahoteefoɔ binom gyedie kɔɔ fɔm, mfaho ne suahunu a na wɔn anya ho.

Yɛrentumi nnwane nsɔhwɛ, nti kwan bɛn so na yɛbɛfa na ansei yɛn gyedie ne adanseɛ? Ɛbia yɛbɛhunu mmuaeɛ no fa bi wɔ Awurade afutuo mu wɔ Nkyerɛkyerɛ ne Apam 112, berɛ a na amaneɛ reyɛ kɛseɛ wɔ Kirtland. Awurade kaa sɛ, “Monte mo akoma ho m’anim” (nkyekyemu 28), “Monnte atua” (nkyekyemu 15), “Fa abɔsoɔ bɔ w’asene ma adwuma no” (nkyekyemu 7), na “Yɛ ahobrɛaseɛ” (nkyekyemu 10). Berɛ a yɛredi saa afutuo yi so no, Awurade no “bɛsɔ [yɛn] nsa” afa amanneɛ mu na Ɔde yɛakɔ ayaresa ne asomdwoeɛ mu (hwɛ nkyekyɛmu 10, 13).

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 111

Awurade no bɛtumi “ahyehyɛ nneɛma nyinaa ama [me] yieyɛ.”

Ɛduruu afe 1836 no, na Asɔre no aboaboa ɛka akɛseɛ ano wɔ Awurade adwuma a wɔyɛ mu. Joseph Smith ne afoforɔ dwendwenee saa ka yi ho na wosusuu akwan a wɔbɛfa so atua ho (hwɛ ɔfa a ɛwɔ atifiasɛm a ɛkɔ Nkyerɛkyerɛ ne Apam 111).

Berɛ a worekenkan nkyekyɛmu 111, susu sɛnea Awurade nsɛm a ɔka kyerɛɛ Yosef no bɛtumi afa wo ho—ne nneɛma a ɛha wo no ho. Nhwɛsoɔ, berɛ bɛn na wate Onyankopɔn dɔ nka “ɛmfa ho ne wo mfomsoɔ” (nkyekyɛmu 1)? Kwan bɛn na Awurade aboa wo ama wanya “agyapadeɛ” (nkyekyɛmu 10)? Ɛdeɛn na wayɛ de “ahyehyɛ nneɛma nyinaa ama mo yieyɛ(nkyekyɛm 11)?” Ɛdeɛn na saa kasasin “ntɛm pa ara so a mobɛtumi anya yeinom” kyerɛ wo fa Soro Agya ho?

San hwɛ Mateo 6:19—21, 33; “Ɛboro Agyapadeɛ Baako,” wɔ Adiyisɛm nkyerɛmu, 229-34.

Nkyerɛkyerɛ ne Apam 112:3–15, 22

Awurade bɛdi manim sɛ mehwehwɛ Napɛdeɛ wɔ ahobrɛaseɛ mu a.

Thomas B. Marsh, Titenani ma Asomafoɔ Dumienu Kuo, bofuu sɛ Joseph Smith sɛ ɔfrɛɛ kuo no mma mmienu sɛ wɔnkɔ ka asɛmpa no wɔ England, a wammmɔ no namaneɛ. Ɔne Nkɔmhyɛni no hyiaaɛ, na onyaa adiyie a ɛboa Thomas ma ɔde ne yawdie too nkyɛn. Saa adiyisɛm no wɔatwerɛ wɔ Nkyerɛkyerɛ ne Apam112.

Ma saa nsusuiɛ ntena w’adwene mu berɛ a wokenkan Nkyerɛkyerɛ ne Apam 112. Ɛdeɛn na wohunu sɛ ɛsaa Thomas yawdie yadeɛ no? Wɔ nkyekyɛmu 3—15 ne 22, wobɛtumi ahwehwɛ mmuaeɛ ama nsɛmmisa yeinom bi: Ɛdɛn ne ahobrɛaseɛ? Awurade “bɛso wo nsa” adi wo kan, kyerɛ deɛn? Wodwene sɛ deɛn nti na ahobrɛaseɛ boa ma wo nya Awurade akwankyerɛ? Wobɛtumi anya mmuaɛ afoforɔ wɔ “Ahobrɛaseɛ Anammɔn” wɔ Ɛlda Joseph W. Sitati nkrasɛm mu “Asuafoɔ Anammɔn” (Liahona, Nov. 2022, 87–88).

Dwene obi a wonim no a ɔyɛ ahobrɛaseɛni. Deɛn na saa nipa no yɛ de kyerɛ ahobrɛaseɛ? Deɛn na wosua firi Agyenkwa no hɔ fa ahobrɛaseɛ ho? Ebia wobɛtumi ahunu mmerɛ wɔ N’abrabɔ mu a Ɔdaa ahobrɛaseɛ adi no ho mfonini.

Berɛ bɛn na wo anya Awurade akwankyerɛ ɛnam ahobrɛaseɛ a wo nyaaeɛ?

San hwɛ Ulisses Soares, “Ma wakoma Ndwo na Mmubu,” Liahona, Nov. 2013, 9–11; “Thomas Marsh Gyidie ne Ahweaseɛ,” wɔ Adiyisɛm Nnyinasoɔ, 54–60; Atifinsɛm ne Nsɛmmisa, “Ahobrɛaseɛ,” Asɛmpa Akoraeɛ; “Brɛ Wo Ho Ase,” Nnwom, no. 130.

Wo ne adesuafoɔ nkasa. Dwene sɛdeɛ wo bɛboa nnipa a wo kyerɛ wɔn adeɛ no sɛdeɛ wɔde wɔn ho bɛhyɛ nokorɛ adesua wɔ twerɛsɛm no mu. Mfatoho, wopɛsɛ wo boa ma wɔn te deɛ Awurade kaaɛ wɔ Nkyerɛkyerɛ ne Apam 112:10, wobɛtumi akyekyere obi ani na wasɔ ne nsa de no afa akwansideɛ ketewa bi a wɔde nkonwa na ayɛ anaa biribi foforɔ. Deɛn bio na yɛbɛtumi asua afa Ahobrɛaseɛ ho firi saa ɔyɛkyerɛ yi mu?

Nkyerɛkyerɛ ne Apam 112:12–26 28, 33–34

Wɔn a woasakyera mapa bɛhunu Yesu Kristo yie.

Nokorɛ a ɛyɛ sɛ Asomafoɔ no bi ko tia Nkɔmhyɛni no wɔ 1837 yɛ nkaeɛ papa sɛ mfa ho ne yɛn frɛ wɔ asɔre anaa sɛ asɛmpa mu nimdeɛ a yɛwɔ, ɛwɔ sɛ yɛhyɛ yɛn nsakraeɛ den wɔ Yesu Kristo mu. Ɛbia wobɛtumi akenkan Nkyerɛkyerɛ ne Apam112:12–26, 28, 33–34 na wahwehwɛ nokorɛ a ɛbɛtumi aboa ma wo adi gyedie nsɔhwɛ so anaa wo nsakraeɛ asi pi wɔ Awurade mu. Wobɛtumi anya nkanyan sɛ wo ne afoforɔ nkyɛ deɛ wahunu ma ɛnhyɛ wɔn den wɔ Kristo mu.

Nkyerɛkyerɛ ne Apam 113

Na Joseph Smith yɛ “akoa wɔ Kristo nsa mu.”

Nkɔmhyɛni Yesaia kasa faa Jesse asefoɔ baako ho sɛ ɔyɛ “abaa” ne “ntini” (Yesaia 11:1,10). Wɔ ɔfa 113, Awurade kyerɛkyerɛɛ mu sɛ saa aseni yi, Kristo akoa yi, ho bɛhia paa wɔ Awurade nkorɔfoɔ anoboaboa wɔ nna a ɛtwatoɔ no mu(hwɛ Nkyerɛkyerɛ ne Apam 113:4, 6). Saa nkɔmhyɛ yi kasa fa Nkɔmhyɛni Joseph Smith ho yie. Kwan bɛn so na saa nokorɛ yi ne afoforɔ wɔ ɔfa 113 ahyɛ Ahoteɛfoɔ no nkuran berɛ a wɔkɔɔ amaneɛ mu wɔ Kirtland? Deɛn na wohunu wɔ adiyisɛm yi mu a ɛkanyan wo ma wo gyina pintin na woyɛ Awurade adwuma?

San hwɛ Akwankyerɛ a ɛkɔ Atwerɛsɛm ho, “Jesse,” Asɛmpa Akoraeɛ; 2 Nifae 21:10–12; Joseph Smith—Abakɔsɛm 1:40.

Yesaia twerɛ faa “abaa” ne “nhini” bi a ɛfiri “Jesse asene mu” (Yesaia11:1)

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenekyerɛ ma Mmɔfra

Nkyerɛkyerɛ ne Apam 111:2, 10–11

Nneɛma a ɛfiri Onyankopɔn bɛtumi ayɛ agyapadeɛ ama me.

• Wo ne wo nkwadaa bɛtumi ayɛ mfoni a ɛba mo adwene mu sɛ mo te asɛm agyapadeɛ. Afei mo bɛtumi akenkan abom Nkyerɛkyerɛ ne Apam 111:2, 10—11 na mo nyɛ ntotoho wɔ asase so ahonyadeɛ ne nneɛma a ɛyɛ agyapadeɛ ma Awurade. (Hwɛ nnawɔtwe yi dwumadie kratafa.) Kwan bɛn na yɛbɛma Onyankopɔn nneɛma ayɛ yɛn agyapadeɛ?

Nkyerɛkyerɛ ne Apam 112:10

Awurade bɛsɔ me nsa adi mekan na wama me mpaeɛ ho mmuaeɛ.

• Mobɔ mu kenkan Nkyerɛkyerɛ ne Apam 112:10 wie a, wo ne wo mma bɛtumi ato nnwom “Nya ahobrɛaseɛ” (Nnwom, no. 130). Mobɛtumi nso adi agorɔ a obiara bɛka ho bi “asɔ nsa” (tesɛ akwansie agorɔ). Kwan bɛn so na Awurade “sɔ yɛn nsa” di yɛn kan berɛ a Ɔnka yɛn ho anisoɔ? Ɛhefa na yɛhia sɛ Awurade no bɛdi yɛn kan? Berɛ bɛn na yɛate nka sɛ Awurade redi yɛn kan?

• Wo anaa wo mma betumi atwerɛ nsɛm a ɛfa Nkyerɛkyerɛ ne Apam 112:10 na twe adwene si nhyira a Awurade de ma yɛn berɛ a yɛde ahobrɛase san kɔ Ne nkyɛn no so. Hyɛ wo mma nkuran sɛ wɔnkyɛ mmerɛ a wɔde ahobrɛaseɛ srɛɛ Awurade mmoa na wɔnyaa wɔn mpaebɔ ho mmuaeɛ anaa wɔdii wɔn anim ma wɔyɛɛ biribi pa (hwɛ Moroni 7:13, 16).

Nkyerɛmu firi Sore na Nante, a ɛfri Simon Dewey hɔ

Nkyerɛkyerɛ ne Apam 112:11

Yesu pɛ sɛ medɔ obiara.

• Wo ne wo mma bɛtumi akenkan baako baako afiri “Ti 41: Ɔhaw a ɛwɔ Kirtland” (wɔ Nkyerɛkyerɛ ne Apam Ho Nsɛm, 158–60). Hwan na ɔwɔ abasɛm no mu a ɔmaa ɔhaw ahodoɔ a ɛwɔ Kirtland no yɛɛ kɛse? Hwan na na ɔrebɔ mmɔden sɛ ɔbɛma no ayɛ yie? Afei mobɛtumi akenkan Nkyerɛkyerɛ ne Apam 112:11 na mo nkasa mfa deɛ nti a Agyenkwa no pɛ sɛ yɛdɔ obiara. Berɛ bɛn na Ɔdaa ɔdɔ adi kyerɛɛ nnipa a wɔnyɛ No ayamyɛ? (sɛ nhwɛsoɔ no, hwɛ Luka 23:34). Mobɛtumi nso ato nnwom afa ɔdɔ ho, te sɛ “Mene wo bɛnante” (Nkwadaa Nnwomnwoma, 140-41).

Chapter 41: Trouble in Kirtland: 1837–1838

Nkyerɛkyerɛ ne Apam 112:11–14, 24–26.

Wɔn a woasakyera mapa bɛhunu Yesu Kristo yie.

• Woakenkan Nkyerɛkyerɛ ne Apam 112:24-26awie no, wo ne wo nkwadaa bɛtumi akasa afa nsonsonoeɛ a ɛda sɛ wonim obi din ne sɛ wonim no ntam. Nkyerɛkyerɛ bɛn na ɛfiri nkyekyɛmu 11—14 a ɛboa ma yɛnya nteaseɛ deɛ ɛkyerɛ sɛ wonim Awurade no a.

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Nya ahobrɛaseɛ, ɛfiri Julie Rogers hɔ