Liberty Afiase, Welden Andersen

Ahinime 20-26: “O Onyankopɔn, Na Wowɔ Hene?”

Nkyerɛkyerɛ ne Apam 121—123

Na Liberty afiase, Missouri, aseɛ paa no na wɔfrɛ no “dungeon.” Na afasuo no mu yɛ duru ankasa, abotan fam hɔ yɛ nwunu ne efi, aduane ho yɛ na ne porɔeɛ, na dadeɛ mpoma ketewa bi a ɛda soro ma hann ketewa bi pɛ. Ɛhɔ na Joseph Smith ne afoforɔ bi dii abosome nan yayaaya wɔ asusɔ berɛ 1838–39. Wɔ saa berɛ yi, na Joseph nya nkra daa fa sɛdeɛ Ahotefoɔ no rebrɛ. Asomdwoeɛ ne anidasoɔ a wɔnyaa wɔ Atɔeɛ Fam Akyirikyiri dii abosome kakraa bi, na afei na ahoteefoɔ yi nni baabi da biom, wapam wɔn sɛ wɔn nkɔ pɛ beaɛ foforɔ nhyɛ aseɛ biom—berɛ wei deɛ na wɔn Nkɔmhyɛni da afiase.

Nanso, wɔ saa afiase basaa mpo no, “nimdeɛ firii soro” baaeɛ “hwieguu fam” (Nkyerɛkyerɛ ne Apam 121:33). Joseph bisaa sɛ “O Onyankopɔn, na wowɔ hene?” na wɔbuaa no pefee wɔ tumi mu: “Nnsuro , Onyankopɔn bɛka wo ho daa afebɔɔ” (Nkyerɛkyerɛ ne Apam 121:1; 122:9).

Hwɛ Ahotefoɔ,, 1:323–96; “Wɔ Liberty Afiase afasuo mu,” wɔ Adiyisɛm a Ɛwɔ Nsɛm a Ɛfa Ho, 256–63.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 121:1–10, 23–33; 122

Sɛ Onyankopɔn ka ho a, amanneɛ bɛtumi “ayɛ ama [me] yieyɛ.”

Berɛ a yɛn anaa wɔn a yɛdɔ rebrɛ no, ɛnnyɛ nwanwa sɛ yɛbɛdwene sɛ so Onyankopɔn nim yɛn anaa Berɛ a wokenkan Nkyerɛkyerɛ ne Apam 121:1-6, dwene berɛ a na wo wɔ nsɛmmisa anaa atenka binom te sɛ Joseph Smith. Deɛn na wo hunu wɔ Awurade mmuaeɛ mu a ɛbɛtumi aboa wo sɛ wo wɔ atenka ana nsɛmmisa bi a? Nhwɛsoɔ, wɔ nkyekyɛmu 7–10, 26–33, hyɛ nhyira bɔhyɛ a Ɔde ma no nso. Wodwene sɛ ɛkyerɛ sɛn sɛ “gyina yie”? Sɛn na Agyenkwa no boa wo ma woyɛ yei?

Berɛ a worekenkan no ɔfa 122, susu sɛnea Awurade pɛ sɛ wubu w’ahohiahia no ho. Wobɛtumi asusu suahunu ahodoɔ a ɛfiri wo nsɔhwɛ ahodoɔ mu aba ne sɛnea ebia “ɛbɛyɛ [wo] yiedie” no ho. (nkyekyɛmu 7).

San hwɛ Quentin L. Cook, “Ankorankoro Asomdwoeɛ wɔ Mmerɛ a Ɛyɛ Den Mu,” Liahona, Nov. 2021, 89–92; “Ɛhe na Mɛtumi Akɔnya Asomdwoeɛ?,” Nnwom, no. 129.

Nkyerɛkyerɛ ne Apam 121:34-46

Tumi ankasa ne nkɛntɛnsoɔ nyinasoɔ ne “teneneeyɛ nkyerɛkyerɛ.”

Ɛwiase tumi hyɛɛ Ahoteefoɔ no firii Missouri na ɛkyeree Joseph Smith kɔtoo afiase. Nanso berɛ a Joseph wɔ hɔ no, Awurade kyerekyerɛɛ no fa tumi ahodoɔ: Ne tumi, “ɔsoro tumi.” Akenkan a ɛfa saa tumi no ho wɔ Nkyerɛkyerɛ ne Apam 121:34–46 bɛtumi aboa wo ma woasua sɛnea wubɛnya saa tumi no—ne sɛnea wode bɛdi dwuma de ahyira afoforɔ. Ebia wobɛtumi atwerɛ nea wosua no agu nwoma a wasensan no atentene a ɛwɔ din Ɔsoro Tumi Ahodoɔ ne Wiase Tumi. Kwan bɛn so na saa tumi ahodoɔ mmienu yi da nso? Deɛn na saa nkyerɛkyerɛmu fa Awurade tumi ho yi kyerɛ wo fa Ne ho?

Wobɛtumi adwene asɛmfua nkɛntɛnsoɔ wɔ ɔfa 41. Tebea bɛn saa na wobɛpɛ sɛ wobɛyɛ nkɛntɛnsoɔ papa—ebia wɔ abusua mu, wɔ sukuu mu, wɔ adwuma mu, anaa wɔ Asɔre dwumadie mu? Deɛn na wosua firi nkyekyɛmu 41-46 fa sɛdeɛ Onyankopɔn nya nkɛntɛnsoɔ wɔ Ne mma so? Wobɛtumi abɔ nea wosua no mua ɛnam kasamu te sɛ yei a wobɛwie so: “Sɛ wobɛnya nkɛntɛnsoɔ papa nti, mɛyɛ .”

San hwɛ Jeffrey R. Holland, “Ɛnyɛ Sɛdeɛ Ewiase Dema,” Liahona, Kɔtɔnima 2021, 35–38; David A. Bednar, “Ɔsoro Tumi,” Liahona, Kɔtɔnima 2012, 48–51; “Ɛsoro Tumi” (sini), Asɛmpa Akoraeɛ.

"The Powers of Heaven"

(D&C 121:34-46) The components and processes involved in providing electricity to a home are compared to the principles the Lord outlined in section 121 for those who would exercise His priesthood in power.

Yi kasasin bi na sua kɔ akyire. Sɛnea ɛbɛyɛ a wobɛsua pii afa nhyira a ɛyɛ nwanwa a wɔaka ho asɛm wɔ nkyekyɛmu ahodoɔ mu wɔ 45–46, ebia wobɛyi kasasin bi a ɛda nso ma wo na woasua no kɔ akyiri. Sɛ nhwɛsoɔ no, deɛn na asɛmfua asiesie kyerɛ, na ɔkwan bɛn so na suban pa bɛtumi asiesie w’adwene? Anaasɛ ebia wobɛtumi anya bosuo mfonini na woasua sɛnea bosuo yɛ wɔ nnua ho. Kwan bɛn na yei ne kwan a Awurade fa so kyerɛ Ne nkyerɛkyerɛ no sɛ? Fa nea wuhu no kyerɛ w’abusua anaa wo nnamfo, a wo nnamfonom a ɔwɔ asɔre mu ka ho.

Nkyerɛkyerɛ ne Apam 122:8

Yesu Kristo asiane akɔ nneɛma nyinaa ase sɛdeɛ Ɔbɛtumi ama me so.

Wo dwene sɛ ɛkyerɛ sɛn sɛ yɛkasɛ Yesu Kristo “asiane akɔ [nneɛma] nyinaa ase”? Nkyekyɛmu afoforɔ bi a ɛbɛtumi aboa wo ama woate saa kasasin yi ase ni: Yesaia 53:3–4; Hebrifoɔ 2:17–18; 1 Nifae 11:16–33; Alma 7:11–13. Gyina nea wusua so susu ho sɛ wobɛsan aka ho asɛm bio Nkyerɛkyerɛ ne Apam 122:8 wɔ w’ankasa wo nsɛm mu. Kwan bɛn so na wobɛkyerɛ anisɔ akyerɛ Yesu Kristo sɛ wasiane akɔ [nneɛma] nyinaa ase?

Sɛn na saa nkyerɛmu a ɛfiri Titenani Dallin H. Oaks hɔ no boa wo nteaseɛ? “Yɛbɛtumi aka sɛ wasiane akɔ nneɛma nyinaa ase, [Yesu Kristo] gyina baabi papa sɛ Ɔbɛpagya yɛn ama yɛn ahoɔden a yɛhia de agyina yɛn haw ano” (“Yesu Kristo Mpata no Ahyɛ Yɛn Den,” Liahona, Obubuo. 2015, 64).

Nkyerɛkyerɛmu firi Ɛnnyɛ Me Pɛ na Wo Pɛ, ɛfiri Walter Rane hɔ

Nkyerɛkyerɛ ne Apam 123

“Momma yɛmfa ahomka nyɛ nneɛma nyina ara yɛn ahoɔden bɛtumi.”

Wɔ Nkyerɛkyerɛ ne Apam 123:7–8, Joseph Smith kasa faa ntorɔ gyidie a ɛde amanehunu ne ɔtan baa Ahotefoɔ no so. Wɔ Ɔbenem, 1839, na akɔyɛ sɛ biribiara nhyɛda nni hɔ a Ahoteefoɔ no bɛtumi ayɛ afa ho. Nanso wɔ ne nkrataa a ɔtwerɛ firii Liberty Afiase no, Joseph kyerɛɛ wɔn deɛ wɔbɛtumi ayɛ: “[mobɛboaboa] nsɛm a ɛsiiɛ ho nimdeɛ ano” na “mo nnyina pintinn, wɔ anidasoɔ kɛseɛ paa ara, sɛ yɛbɛhunu Onyankopɔn nkwagyeɛ” (Nkyerɛkyerɛ ne Apam 123:1, 17). Berɛ a wususu ɔhaw ahodoɔ a ɛwɔ wiase nnɛ no ho no, susu akwan a wobɛfa so adi wɔn ho dwuma a “ɛda [wo] tumi mu” (nkyekyɛmu12, 17). Na mɛmmmu wani nngu “nneɛma nketewa” no so (nkyekyɛmu 15). Adɛn nti na ɛhia sɛ yɛyɛ saa nneɛma yi “ahomeka so”? (nkyekyɛmu 17).

Amanebɔ beberee a Joseph bisaa wɔ ne nkrataa mu no, wɔdemaa aban no na wɔde too dwa wɔ kowaa-krataa, Nauvoo krataa mu, wɔ ahodoɔ 11, Times and Seasons (hwɛ “Abakɔsɛm, Ɔtaa no, Yesu Kristo Asɔre no, Nna a Ɛdi Akyire Ahotefoɔ a wɔwɔ Missouri, Ɔpɛnima 1839–Ahinime 1840,” [josephsmithpapers.org]).

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenekyerɛ ma Nkwadaa

Nkyerɛkyerɛ ne Apam 121:7–9: 122:7–9

Onyankopɔn ka ho a, amanneɛ bɛtumi ayɛ ama me yieyɛ.

• Sɛ wobɛboa wo nkwadaa ama wɔasusu sɛdeɛ na ɛteɛ ma Joseph Smith ne n’adamfo wɔ Liberty Jail no, mobɛtumi abom akenkan “TI 46: Joseph Smith wɔ Liberty Jail” (wɔ Nkyerɛkyerɛ ne Apam Abasɛm, 172–74) or “Mmaeɛ bio no Nne: Liberty Jail” anaasɛ hwɛ “Joseph Smith: Mamaeɛ bio Nkɔmhyɛni” sini no mu fa wɔ (Asɛmpa Akoraeɛ, mfitiaseɛ wɔ 41:30). Afei, mobɛtumi akenkan Nkyerɛkyerɛ ne Apam 121:1—9, na mobɛtumi akasa afa sɛnea Agyenkwa no ma Joseph nyaa asomdwoeɛ. Kwan bɛn so na yɛhwehwɛ asomdwoeɛ wɔ Agyenkwa no mu, mpo wɔ berɛ a ɛyɛden mu?

  Chapter 46: Joseph Smith in Liberty Jail: November 1838–April 1839

  Joseph Smith: The Prophet of the Restoration

  A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

• Ɛbɛboa wo nkwadaa ama wɔn ahunu sɛ nsɔhwɛ binom tumi “yɛ ma [yɛn] yieyɛ” (Nkyerɛkyerɛ ne Apam 122:7), wobɛtumi ne wɔn akasa afa sɛdeɛ yɛn ahoɔden nyini berɛ dodoɔ a yɛrepagya nneɛma a ɛmu yɛ duru. Wobɛtumi ato nsa afrɛ wɔn sɛ wɔn mpagya biribi a ɛmu yɛ duru. Afei wobɛtumi akasa afa sɛdeɛ mmerɛ a ɛmu yɛ den bɛtumi aboa ama yɛn honhom anyini—berɛ a yɛkɔpɛ mmoa wɔ Awurade hɔ. Ka nhwɛsoɔ ahodoɔ bi a ɛfiri w’asetena mu.

Nkyerɛkyerɛ ne Apam 121:34-46

Teneneeyɛ de “soro tumi ba.”

• Ebia abasɛm bi bɛboa ma wo nkwadaa no ate “soro tumi” ase. Nhwɛsoɔ, wobɛtumi de Onyankopɔn tumi atoto anyinam kanea ho. Ɛdeɛn na ɛbɛtumi asi afidie bi kwan ma ɛnnya anyinam kanea? Deɛn na ɛma yɛn honhom mu tumi so te? Deɛn na ɛma no kɔ soro? (Hwehwɛ nsɛm ne kasasin wɔ Nkyerɛkyerɛ ne Apam 121:34–46; san hwɛ General Handbook, 3.5, 3.6, Asɛmpa Akoraeɛ.)

Nkyerɛkyerɛ ne Apam 122:7–9

Yesu Kristo nim deɛ menam mu.

• Wo ne wo nkwadaa no akenkan Nkyerɛkyerɛ ne Apam 122:7-9 awie no, wobɛtumi akyɛ suahunu bi a wo nyaaɛ na wotee nka sɛ Agyenkwa no ka wo ho wɔ amanneɛ a ɛyɛ den mu. Mobɛtumi nso ato dwom abɔm “Jesus Once Was a Little Child” (Nkwadaa Nnwom, 55) na di adanseɛ sɛ Yesu Kristo bɛtumi aboa yɛn ɛfiri sɛ Ɔnim yɛn antenka.

Nkyerɛkyerɛ ne Apam 123:15–17

Mpo nneɛma nketewa bɛtumi de nsakraeɛ kɛsseɛ aba wɔ Onyankopɔn adwuma mu.

• Sɛnea ɛbɛyɛ a wobɛboa wo mma ama wɔate aseɛ Nkyerɛkyerɛ ne Apam 123:15–17, wobɛtumi ne wɔn akyɛ hyɛn kɛseɛ bi ne hyɛn no kwankyerɛfo ketewaa bi mfonini, anaa wo ne wɔn kyɛ Elder David A. Bednar nkyerɛkyerɛmu wɔ “M’asɛmpa no Nnyinasosɛm” (Liahona, Kɔtɔnima 2021, 125–26). Afei wobɛtumi akasa afa akwan nketewa a yɛbɛtumi afa so de ahomeka asom yɛn mmusua ne ayɔnkofoɔ.

“The Principles of My Gospel”

Elder Bednar teaches that correct gospel principles help us make wise choices and stay on the covenant path.

Te sɛ ɛhyɛn kɛseɛ bi kwan ketewa no, yɛn mmɔdenbɔ nketenkete no betumi ama nsakraeɛ kɛseɛ aba.

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Joseph Smith wɔ Liberty Afiase, Greg Olsen na ayɛ