Animuonyam Hann—Kirtland Tɛmpol, twerɛfoɔ Glen S. Hopkinson

Ɛbɔ 29–Ahinime 5: “Ɛyɛ Wo Fie, Wo Kronkronbea”

Nkyerɛkyerɛ ne Apam 109-110

Na ɛnni sɛ wɔbie Kirtland Tɛmpol no pono ansa na nnɔnwɔtwe abɔ saa anɔpa no wɔ Ɔbɛnem 27, 1836. Nanso Ahoteɛfoɔ a na wɔwɔ anidasoɔ sɛ wɔbɛkɔ bi no hyɛɛ aseɛ bɛgyinaa hɔ nnidisoɔ so berɛ a ɛbɔɔ nnɔnson. Nnipadɔm no bufaa so wɔhɔ na afei ɛbɛhia sɛ wɔyɛ ɛsom a ɛtɔ so mmienu ama obiara anya akwanya. Na ɛnnyɛ ateasefoɔ nkoara na na wɔpɛ sɛ wɔba bi. Adansefoɔ pii hunuu abɔfoɔ wɔ tɛmpol no mu ne mpo wɔ dan no so, berɛ a wɔrete ho ne nteho no akyi. Na akɔyɛ sɛ “ɔsoro asrafoɔ no” aba bɛto “dwom na [wɔn] ateam” wɔne Nna Ɛdi Akyire Ahoteɛfoɔ no (“The Spirit of God,” Nnwom, no. 2).

Adɛn nti ne ahurusie kɛseɛ yi—wɔ nkatanimu no akyi ne anim?. Mfeɛ mpempem akyi, Awurade fie asan aba asase so bio. Na Awurade redi Ne bɔhyɛ so sɛ “Ɔbɛma Ahoteɛfoɔ no ɛsoro akyɛdeɛ” (Nkyerɛkyerɛ ne Apam 38:32). Na yei, Ɔkaa sɛ, ɛyɛ “Nhyira no ahyɛaseɛ” (Nkyerɛkyerɛ ne Apam 110:10). Ɛberɛ a yɛwɔm yi—a tɛmpol adwuma rekɔ ntɛm ne ayɛyɛdeɛ akwanya wɔ hɔ ma ateasefoɔ mpempem ne awufoɔ—hyɛɛ aseɛ wɔ Kirtland, berɛ a “nkatanim a ɛhata asaase so [hyɛɛ] aseɛ teteeɛ” (“The Spirit of God”)

San hwɛ Ahotefoɔ, 1:232-41; “Yɛn Nyankopɔn Fie,” wɔ Adiyisɛm a Ɛwɔ Nsɛm a Ɛfa Ho, 169-72.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 109

Awurade ma me nhyira a ɛsombo ɛnam tɛmpol apam so nti.

Kirtland Tɛmpol no yɛ sononko kyɛn tɛmpol ahodoɔ nyinaa a yɛnim ɛnɛ. Na afɔrebɔ mmukyea ne asubɔ yaawa biara nni hɔ. Nanso nhyira nkyerɛm a ɛwɔ Ɔfa 109, nteho mpaeɛ ma Kirtland Tɛmpol no, a ɛwɔ Awurade fie ɛnɛ. Hwɛ nkyekyɛm a ɛdidisoɔ yi mu na hwehwɛ saa nhyira no bi, na dwene ho sɛdeɛ ɛbɛboa wo ahyɛ ayɔnkofa a ɛda wo ne Onyankopɔ ne Yesu Kristo ntam no den.

Nkyekyɛm 5, 12–13 (see also Nkyerɛkyerɛ ne Apam 110:6–8): Wɔ Awurade fie, Ɔbɛtumi ayi Ne ho adi akyerɛ me, na mɛtumi ate Ne tumi nka.

Nkyekyɛmu 9, 15–19, 26, 78–79:

Nkyekyɛmu 21–23:

Nkyekyɛmu 24–33, 42–46:

Nkyekyɛmu 35–39:

Nhyira afoforɔ:

Sɛ wakɔ Awurade fie hɔ pɛn a, dwene sɛdeɛ saa bɔhyɛ yi aba mu wɔ wabrabɔ mu.

Nnwom “Onyankopɔn Honhom” (Nnwom, no. 2) wɔtwerɛ maa Kirtland Tɛmpol hoteɛ—na ɛfiri saa berɛ no wɔto wɔ tɛmpol biara ahoteɛ aseɛ. Susu ho sɛ wobɛto anasɛ wobɛtie aka wadesua ne wo som ho. Tɛmpol mu Nhyira bɛn na wo hunu wɔ saa dwom yi mu?

Nkyerɛkyerɛ ne Apam 109

Mpaeɛ yɛ yɛne Soro Agya no nkitahodie.

Nkyekyɛmu 109 yɛ nteho mpaeɛ a wɔdemaa Nkɔmhyɛni Joseph Smith wɔ adiyisɛm mu (hwɛ nkyekyɛm atifisɛm). Deɛn bio na wosua fa mpaeɛ ho firi saa nkyekyɛmu yi mu? Nhwɛsoɔ, wobɛtumi atwerɛ ato hɔ nneɛma a Nkɔmhyɛni no daase wɔ ho ne nhyira a ɔbisaaɛ. Deɛn bio na ɔkaaɛ wɔ saa mpaeɛ yi mu? Berɛ a woresua no, wobɛtumi a pagya wankasa ne Soro Agya no nkitahodie. Deɛn na wosua fa Ɔne Ne Ba no ho wɔ saa mpaeɛ yi mu?

Sɛ wobɛpɛ sɛ wobɛkenkan nteho mpaeɛ ma tɛmpol afoforɔ a, tɛmpol a ɛbɛn wo ka ho a, kɔ tɛmpol ntentan beaɛ wɔ temples.ChurchofJesusChrist.org

Nkyerɛkyerɛ ne Apam 110:1–10

Awurade no bɛtumi ayi Ne ho adi akyerɛ me wɔ Ne fie.

Berɛ a wokenkan fa Agyenkwa no ho wɔ Nkyerɛkyerɛ ne Apam 110:1-10, atifi nsɛm ka ho, dwene deɛ saa twerɛsɛm yi ka fa ne Ho.

Kwan bɛn so na Yesu Kristo da ne ho adi—ana Ɔma wo hunu No—wɔ Ne fie? Kwan bɛn so na Ɔboa ma wo hunu sɛ Ɔgye waforebɔ to mu?

Kirtland Tɛmpol dan no mu.

Nkyerɛkyerɛ ne Apam 110:10–16

Agyenkwa no nam asɔfodie nsafoa so ma akwankyerɛ fa N’adwuma ho.

Ansana Mose, Elia, na Eliya yii wɔn ho adi wɔ tɛmpol de asɔfodie nsafoano rema no, Yesu Kristo kaa sɛ, “Na wei yɛ nhyira mfitiaseɛ a wɔbɛhwie agu me nkurofoɔ tiri so.”(Nkyerɛkyerɛ ne Apam 110:, 10). Berɛ a wokenkan nkyekyɛmu 11—16, dwene nhyira a Agyenkwa no rehwie agu wo so ɛnam dwumadie a saa nsafoa yi reyɛ nti. Nhwɛsoɔ:

• Nkyekyɛmu 11: Mose ne Israel anoboaboa nsafoa no (anaa nsɛmpatrɛ adwuma). Sɛn na Awurade no nam N’asɔre asɛmpattrɛ adwuma so ahyira wo ne w’abusua

• Nkyekyɛmu 12: Elia ne Abraham asɛmpa no nsafoa a Abraham apamno ka ho. Kwan bɛn na Awurade no hyira wo ne “awoɔ ntoatoasoɔ a wɔdi [wakyi]” esiane w’apam nti? (hwɛ Russell M. Nelson, “Ɛnniawieɛ Apam,” Liahona, Ahinime 2022, 4—11, Twerɛsɛm akwankyerɛ, “Elias,” Asɛmpa Akoraeɛ.)

• Nkyekyɛmu 13—16: Elia ne nsoano tumi no, da adi wɔ tɛmpol ne abusua abakɔsɛm mu. Wodwene sɛ deɛn nti na Soro Agya pɛ sɛ wo ne wo nananom nya twaka wɔ tɛmpol ayɛyɛdeɛ mu? (Hwɛ Gerrit W. Gong, “Anigyeɛ ne Daapem,“ Liahona, Obubuo 2022, 83-86.)

Twaka bɛn na wo hunu wɔ saa nsafoa yi ne yɛn asodie wɔ Nyankopɔn nkwagyeɛ adwuma ne mpagya mu (yɛde asɛmpa no rebɔ bra, yɛreboa wɔn a wɔhia mmoa, yɛreto nsa afrɛ obibiara sɛ ɔnye nsɛmpa no, na yɛreka mmusua abom akɔsi ɛnniawieeɛ)?

Deɛn suahunu na woanya wɔ Onyankopɔn nkwagyeɛ ne mpagya adwuma mu? Deɛn na saa suahunu yi rekyerɛ wo fa Agyenkwa no, N’asɔre, ne N’adwuma ho?

Hwehwɛ kwan ma afoforɔ nka ho. Sɛ worekyerɛ Nkyerɛkyerɛ ne Apam 110:11-16, wobɛtumi asusu ho sɛ wobɛma asuafoɔ no asua Mose, Elia, anaa Eliya nsafoa a wasan de ama no ho asɛm. Afei asuafoɔ no bɛtumi ne wɔn ho-wɔn ho nkyɛ deɛ wɔsuaaɛ. Saa kwan wei ma obiara de ne ho hyɛ adesua ne adekyerɛ no mu. (Hwɛ Rekyerɛkyerɛ wɔ Agyenkwa no Kwan so, 24).

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenekyerɛ ma Mmɔfra

Nkyerɛkyerɛ ne Apam 109:12-13; 110:1–7

Tɛmpol yɛ Awurade fie.

• Wo ne wo mma bɛtumi akasa afa biribi a modɔ wɔ mo abusua no ho. Afei wobɛtumi ahwɛ Kirtland Tɛmpol no mfoni na wode Nkyerɛkyerɛ ne Apam 109:12–13; 110:1–7 akasa afa sɛdeɛ wɔtee saa tɛmpol no ho ma ɛbɛyɛɛ Awurade fie (san so hwɛ “Nkyekyɛmu 39: Kirtland Tɛmpol Nteho,” wɔ Nkyerɛkyerɛ ne Apam Abasɛm, 154, anaa sini a ɛkyerɛ wɔ Asɛmpa Akoraeɛ). Mo ne mo ho nkyɛ biribi a modɔ fa Awurade fie no ho.

  Chapter 39: The Kirtland Temple Is Dedicated: January–March 1836

• Ebia wo ne wo nkwadaa bɛtumi asusu ho sɛ adamfoɔ bi rehwehwɛ mo fie. Kwan bɛn so na yɛbɛboa yɛadamfo no ma wahunu yɛn fie? Kwan bɛn na yɛfaso hunu sɛ tɛmpol yɛ Awurade fie? (hwɛ Nkyerɛkyerɛ ne Apam 109:12-13).

Nkyerɛkyerɛ ne Apam 110

Agyenkwa no nam asɔfodie nsafoa so rehyira Ne nkorɔfoɔ.

• Wobɛtumi de nnawɔtwe yi dwumadie kratafa anaa “Ti 40: Yikyerɛ wɔ Kirtland Tɛmpol mu” (wɔ Nkyerɛkyerɛ ne Apam Abasɛm, 155–57, anaa sini a ɛne no kɔ wɔ Asɛmpa Akoraeɛ) akyerɛ wɔn fa nnipa a wɔfiri soro bɛsraa tɛmpol hɔ. Wobɛtumi nso de mfoni a ɛtwa toɔ wɔ atwerɛ no mu ayɛ adwuma.

  The Kirtland Temple

• Wo ne wo kwadaa bɛtumi akasa afa mfasodeɛ a ɛwɔ deɛ ɛkɔɔso wɔ Kirtland Tɛmpol no mu. Ɛbia wo nkwadaa no bɛtumi asɔ nsafoa mu baako baako ayɛ te sɛ deɛ ɔrebue ɛpon a watum. Boa wɔn ma wɔnhwehwɛ Nsafoa wɔ Nkyerɛkyerɛ ne Apam 110:11-16, na kasa fa nhyira a saa nsafoa no de ba. Wobɛtumi akyerɛm sɛ asɔfodie nsafoa no yɛ Onyankopɔn akwanya a wɔde di N’Asɔre anim. Ɛne wɔn nkyɛ wanisɔ sɛ Awurade de asɔfodie nsafoa no baaɛ.

(Nkyerɛkyerɛ ne Apam 110:15)

Agyenkwa no pɛ sɛ medane m’akoma kɔ me nananom so.

• Moakenkan Nkyerɛkyerɛ ne Apam 110:15 abom awie no, ka kyerɛ wo nkwadaa fa suahunu bi a wonyaaɛ na ɛdanee wakoma kɔɔ wo nananom ho. Mobɛtumi nso ato “Abusua abakɔsɛm—Mereyɛ” (Nkwadaa Nnwomnwoma, 94).

• Ɛdeɛn na ɛbɛboa nkwadaa no “akoma adane” akɔ wɔn nananom? Wobɛtumi ahwehwɛ anigyeɛ adwenkyerɛ wɔ FamilySearch.org/discovery Mobɛtumi abom ahwehwɛ nananom a wɔawuwuo a wɔhia tɛmpol ayɛyɛdeɛ. Adɛn nti na Yesu pɛ sɛ yɛyɛ saa adwuma yi?

Sɛ wopɛ nsusuiɛ pii a, hwɛ saa bosome yi Adamfoɔ nsɛmma nwoma mu.

Yikyerɛ wɔ Kirtland Tɛmpol no mu, ɛfiri Gary E. Smith hɔ