“Ahinime 13–19: ‘N’afɔrebɔ no Bɛyɛ Kronkron Kɛseɛ Ma Me Sene Ne Nkɔanim’: Doctrine and Covenants 115–120,” Bra, Di M’akyi—Ma Fie ne Asɔre: Nkyerɛkyerɛ ne Apam 2025 (2025)
“Nkyerɛkyerɛ ne Apam 115–120,” Bra, Di M’akyi—De ma Efie ne Asɔre: 2025
Far West, Missouri, ɛfiri Al Rounds hɔ
Ahinime 13–19: “N’afɔrebɔ Bɛyɛ Kronkron Ma Me Sene Ne Nkɔanim”
Nkyerɛkyerɛ ne Apam 115—120
Na Ahoteɛfoɔ no wɔ botaeɛ nti na wɔwɔ anidasoɔ wɔ beaɛ foforɔ hɔ, Far West, Missouri. Na kuro no renyini ntɛmtɛm, na asase no forɔmforɔ, na nkyɛn pɛɛ yɛ Adam-ondi-Ahman, beaɛ a ɛso wɔ mfasoɔ honhom mu paa ma berɛ a atwam ne daakye (hwɛ Nkyerɛkyerɛ ne Apam 107:53–56; 116). Nanso, na ɛbɛyɛ den ama Ahoteɛfoɔ no sɛ wɔnnwene deɛ wɔn ahwere ho. Woyi sɛ wɔpam wɔn afiri Independence, Sion nhyiamu keseɛ no a, na ɛwɔ Ahoteefoɔ no dwane firii Kirtland gya wɔn tɛmpol a wɔdɔ no mfeɛ mmienu pɛ akyi. Berɛ wei deɛ na ɛnnyɛ atamfoɔ a wɔwɔ abɔnten na wɔn nka Asɔre no ho na na wɔreha adwene—asɔremma atitiri na wɔko tiaa Joseph Smith, na Asomafoɔ Dummienu Kuo no mu nnipa nan ka ho.
Sɛ anka wɔde wɔn ani bɛsi deɛ wɔn ahwere so no, nokwafoɔ no kɔɔ so kyekyeree Sion, saa berɛ yi wɔ Far West. Wɔyɛɛ nhyehyɛeɛ maa tɛmpol foforɔ. Wɔfrɛɛ Asomafoɔ afoforɔ nan. Wɔtee aseɛ sɛ woreyɛ Onyankopɔn adwuma nkyerɛ sɛ wo nhwease da; ɛkyerɛ sɛ “sɔre bio” Ɛwom sɛ ɛbɛhia sɛ wo bɛbɔ afɔdeɛ, saa afɔdebɔ no yɛ kronkron ma Onyankopɔn, mpo “kronkron paa ara sene [wo] nkɔsoɔ” (Doctrine and Covenants 117:13).
Hwɛ Ahoteefoɔ, 1:296–99.
Nsusuiɛ de ma Adesua wɔ Efie ne Asɔre
Asɔre no din ho hia ma Awurade.
Titenani Russell M. Nelson aka sɛ Asɔre no din yɛ “adeɛ a ɛho hia paa yie” (“Asɔre no Din a ɛyɛ Papa,” Liahona, Nov. 2018, 87). Dwene ho deɛnti a ɛyɛ nokorɛ berɛ a wokenkan Nkyerɛkyerɛ ne Apam 115:4—6. Deɛn na Asɔre no din wɔyɛ wɔ asɔre no adwuma ne ne botaeɛ mu?
San Hwɛ 3 Nephi 27:14–15.
Sion ne ne mpeewa ma “ahobammɔ firi amaneɛ mu.”
Berɛ a wosua mfonini ahodoɔ a tumi wom no wɔ Nkyerɛkyerɛ ne Apam 115:5–6, susu dwumadie a Awurade pɛ sɛ wo, sɛ N’Asɔre no muni, di ho dwuma. Nhwɛsoɔ, deɛn na wobɛtumi ayɛ de “asɔre na woahyerɛn” anaa “wobɛyɛ susudua ama amanaman”? (nkyekyɛmu 5). Deɛn honhom mu asorɔkye bɛn na atwa wo ho ahyia? Kwan bɛn so na wonya “ahomegyeɛ” wɔ anoboaboa mu? (verse 6).
San hwɛ “Brightly Beams Our Father’s Mercy,” Nnwom, no. 335.
Agyenkwa no Asɔre bɛtumi ayɛ kanea ne dwanekɔbea wɔ amaneɛ mu.
Me afɔrebɔ yɛ kronkron ma Awurade no.
Susuho sɛ anka wo yɛ Newel K. Whitney anaa ne yere, Elizabeth, a na wɔn abrabɔ rekɔ so yie wɔ Kirtland na wɔkakyerɛɛ wo sɛ firi hɔ. Deɛn na wo hunu wɔ Nkyerɛkyerɛ ne Apam 117:1-11 a anka ɛbɛtumi aboa wo saa Afɔrebɔ yi mu? Deɛn afɔrebɔ na woyɛ ma Onyankopɔn? Deɛn na saa twerɛsɛm yi kyerɛ wo fa Onyankopɔn ho ne nneɛma a Ɔyɛ ho?
Afɔrebɔ a wɔbisa firii Oliver Granger hɔ da nso firi deɛ wɔbisa firii Whitney hɔ: Awurade maa no tenaa Kirtland sɛ ɔntua Asɔre ka nyinaa. Ɔde nokorɛdie gyina maa Asɔre no, nanso ɛkɔwie sɛ ankɔ yie papa. Dwene sɛdeɛ Awurade asɛm wɔ Nkyerɛkyerɛ ne Apam 117:12-15 no fa nneɛma a Ɔbisa firi wo hɔ.
San hwɛ “Far West and Adam-ondi-Ahman,” in Adiyisɛm a Ɛwɔ Nsɛm a Ɛfa Ho, 239-40.
Me ntotosoɔ du du boa kyekyere Onyankopɔn ahemman?
Akwankyerɛ a ɛwɔ ti 119 ne 120 kyerɛ ntotosoɔ du du mu: yɛde yɛn mfasoɔ “nkyɛmu-du” (anaa sika) ma asɔre no afe biara (hwɛ Nkyerɛkyerɛ ne Apam 119:4). Nanso adiyisɛm no kyerɛ mu kɔ akyire. Awurade no kakyerɛɛ Ahoteɛfoɔ no sɛ ntotosoɔ du du “bɛte Sion asase ho.” Na Ɔkaa sɛ, sɛ saa mmara yi nni hɔ a, “ɛnnyɛ Sion mma mo” (nkyekyemu 6). Woadwene ntotosoɔ du du ho wɔ saa kwan yi pɛn anaa? Kwan bɛn na sɛ wotua ntotosoɔ du du a ɛma wo ho te, siesie wo yie ma Sion?
Deɛn na wosua firi saa adiyisɛm yi mu fa kwan a Awurade nkoa de ntotosoɔ du du sika yɛ adwuma? Deɛn na ɛhia ma wo wɔ kasasin “sɛdeɛ me ankasa me nne bɛkyerɛ wɔn” wɔ NKyerɛkyerɛ ne Apam 120mu?
Elder David A. Bednar ama nkyerɛmu fa kwan a wɔde ntotosoɔ du du yɛ adwuma ne nhyira a ɛwɔ mu ma wɔn a wɔdi saa mmara yi so wɔ “Ɔsoro Mfɛnsere” (Liahona, Nov. 2013, 19–20). Nsɛmmisa a ɛdidi soɔ yi bɛtumi aboa wo berɛ a woresua ne nkransɛm:.
The Windows of Heaven
Spiritual and temporal blessings come into our lives as we live the law of tithing.
-
Hwan na ɔkyerɛ deɛ wɔmfa ntotosoɔ du du nyɛ berɛ a watua ama Asɔre no awie?
-
Deɛn na wɔde ntotosoɔ du du yɛ?
-
Nhyira bɛn na ntotosoɔ du du de ba?. Nhwɛsoɔ, akwan bɛn so na sɛ yɛtua ntotosoɔ du du a ɛhyɛ yɛ ne Ɔsoro Agya ne Yesu Kristo ayɔnkofa no den?
-
Deɛn na wobɛtumi asua afiri Ɛlda Bednar frɛ no ho?
-
Sɛn na wobɛtumi aboa afoforɔ ama wɔn gyedie wɔ Awurade ntotosoɔ du du mmara no mu anyini?
San hwɛ Malaki 3:8–12; “Me Nkorɔfoɔ Ntotosoɔ du du,” in Adiyisɛm a Ɛwɔ Nsɛm a Ɛfa Ho, 250–55.
Boa afoforɔ ma wɔnni deɛ wɔresua no so. Mpo sɛ obi pɛ sɛ otua ntotosoɔ du du a, ɛtɔda a na wɔnnim ɛkwan no. Sɛ worekyerɛkyerɛ w’abusua anaa adesuakuo bi a,susu ho sɛ wobɛnya berɛ kakra akyerɛkyerɛ sɛnea wɔtua ntotosoɔ du du mu, wɔ intanɛt so anaasɛ wode Ntotoso Du Du ne Afɔrebɔ Afoforɔ krataa bɛka ho. (Hwɛ worekyerɛ Adeɛ wɔ Agyenkwa no Kwan so, 27.)
Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.
Adekyerɛ ho Adwenekyerɛ ma nkwadaa
Meyɛ Yesu Kristo Asɔre a ɛwɔ hɔ ma Nna a Ɛdi Akyire Ahoteɛfoɔ ba.
-
Susu ho sɛ wobɛbisa wo nkwadaa sɛ wɔmmɔ Asɔre no din nyinaa sɛdeɛ ɛbɛboa ma wɔn asua Asɔre noo din na wɔn ahunu hia a ɛhia sɛ wɔbɛhunu. Afei wobɛtumi de edin no akyerɛ wɔn wɔ Nkyerɛkyerɛ ne Apam 115:4 na wo ne wɔn nti mu. Berɛ a woreyɛ no, susu ho sɛ wobɛkyerɛ wɔn nsɛm a ɛhia paa ne sɛnti a ɛsomboɔ. Wubɛtumi nso asan ahwɛ mu “Ti 43: Yesu Kristo To N’Asɔre Din” (in Nkyerɛkyerɛ ne Apam Ho Nsɛm, 164, anaa sini a ɛne no hyia a ɛwɔ Asɛmpa Nnwoma korabea no mu) anaa to nnwom “Yesu Kristo Asɔre no” (Mmɔfra Nnwom Nwoma, 77).
Chapter 43: Jesus Christ Names His Church: April 1838
Me nhwɛsoɔ bɛtumi aboa afoforɔ ama wɔn akɔ Kristo nkyɛn anya banbɔ.
-
Ebia wo nkwadaa no nim nnipa bi a wɔn rebrɛ na wɔhia “dwankɔbea” afiri “abrabɔ mu amaneɛ” mu (nkyekyɛmu 6). kwan bɛn na wɔbɛboa saa nnipa yi? Dwene ho sɛ wobɛto nsa afrɛ wo nkwadaa sɛ wɔn nsɔre sɛ wokan asɛm sɔre wɔ Nkyerɛkyerɛ ne Apam 115:5. Wɔn bɛtumi atwe wɔn nsam atene wɔn nsantea mu tesɛ deɛ owia hyerɛn sɛ wo kenkan hyerɛn kɔ anim. Kae wo nkwadaa no sɛ yɛn kanea firi Yesu Kristo hɔ, na boa ma wɔn nnwene kwan a wɔbɛtumi “ahyerɛn akɔ anim” sɛdeɛ ɔyɛ no.
-
Wo nkwadaa bɛtumi ayɛ mfoni a ɛkyerɛ Nkyerɛkyerɛ ne Apam 115:6. Nhwɛsoɔ, wɔbɛtumi ayɛ mfoni a ɛkyerɛ nnipakuo bi a wɔde Asɔredan ayɛ dwankɔbea wɔ asorɔkye berɛ. Deɛn na asorɔkye no bɛtumi agyina hɔ ama? Sɛn na Agyenkwa no Asɔre ma mmoa? Boa wo nkwadaa ma wɔnnwene adamfo bi, busuani, anaa fipamfoɔ bi a ahia no. Kwan bɛn na yɛbɛtumi afa so afrɛ wɔn sɛ wɔn nhwehwɛ mmoa Yesu Kristo Asɔre mu?
Me afɔrebɔ yɛ kronkron ma Awurade no.
-
To nsa frɛ wo nkwadaa no sɛ wɔn nyɛ te sɛ Newel K. Whitney. Atenka bɛn na wɔbɛnya sɛ Awurade bisa wɔn sɛ wɔn nnyae adwuma na wɔnkɔ baabi foforɔ a? (Ɛbɛtumi aboa sɛ mobɛhwɛ “Ti 41: Amanneɛ wɔ Kirtland,” wɔ Nkyerɛkyerɛ ne Apam Abasɛm, 158-60, anaa sini a ɛne no kɔ wɔ Asɛmpa Akoraeɛ.) Berɛ a mo bɔ mu kenkan Nkyerɛkyerɛ ne Apam 117:1—11, bisa wo nkwadaa no sɛ wɔn nnyina wo sɛ wɔte biribi a ɛbɛ boa wɔn ma wɔde gyidie ayɛ osetie ama Awurade. Deɛn afɔdeɛ na yɛbɔ de yɛ setie ma Awurade? Sɛn na Ɔhyira yɛn?
Chapter 41: Trouble in Kirtland: 1837–1838
Ɔsoro Agya nam ntotosoɔ du du so hyira Ne mma.
-
Nkwadaa a wo kyerɛ wɔn adeɛ no mu pii sua dodo sɛ wɔbɛnya sika atua ntotosoɔ du du nanso ɛyɛ sɛ wɔbɛte aseɛ sɛdeɛ ntotosoɔ du du boa Awurade adwuma wɔ wiase mu. Dwene ho sɛ wode mfoni no ne dwumadie kratafa a ɛwɔ atwerɛ yi awieɛ no bɛboa ma wɔn ate ntotosoɔ du du ase. (San hwɛ “Ti 44: Ntotosoɔ du du,” wɔ Nkyerɛkyerɛ ne Apam Abasɛm, 165-66, anaa sini a ɛne no kɔ wɔ Asɛmpa Akoraeɛ.) Kwan bɛn so na Ɔsoro Agya nam ntotosoɔ du du so hyira Ne mma? Kyɛ wo atenka fa ntotosoɔ du du ho ne sɛdeɛ ahyira wo.
Chapter 44: Tithing: July 1838
Sɛ yɛtua ntotosoɔ du du a, yɛdekyerɛ yɛn gyedie wɔ Yesu Kristo mu.
Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.