Sedimonthole 15–21: “Lelwapa ke Pinagare ya Togamaano ya Mmopi”

Lelwapa: Kanamiso go Lefatshe

Tota le pele ga re tsholwa, re ne re le karolo ya lelwapa—lelwapa la batsadi ba rona ba selegodimo. Mokgwa o o a tswelela mo lefatsheng. Malwapa fa, ka bo jotlhe jwa one, a tshwanetse go supa mokgwa o o itekanetseng kwa legodimong.

Ke gone, ga go tlamege gore malwapa a lefatshe a tlaa nitama kgotsa le gone go dira. Mme jaaka Poresidente Henry B. Eyring a rutile, malwapa “a neela bana ba Modimo tshono e siameng go feta, go amogelwa mo lefatsheng ka lorato fela mo lefatsheng le le tlang gaufi le se re se utlwileng kwa legodimong—lorato lwa batsadi” (“Gathering the Family of God,” Liahona, May 2017, 20). A itse gore malwapa ga a itekanela e bile a lebaganwe ke ditlhaselo tsa mmaba, Modimo o rometse Morwa wa Gagwe yo o Rategang go re rekolola le go fodisa malwapa a rona. Mme o rometse baperofeti ba malatsi a bofelo ka kanamiso go sireletsa le go nonotsha malwapa. Fa re sala morago baperofeti le go baya tumelo mo go Mmoloki, le ntswa malwapa a mo lefatsheng a retelelwa ke maikaelelo a selegodimo, go na le tsholofelo ya malwapa—mo lefatsheng le kwa legodimong.

Megopolo ya go Ithuta kwa Gae le kwa Kerekeng

“Lelwapa ke pinagare ya togamaano ya Mmopi.”

“Lelwapa: Kanamiso go Lefatshe” e tlhatswegile go bo e le ka ga malwapa. Mme gape e amana le togamaano ya poloko ya Modimo. Tsela nngwe ya go ithutuntsha kanamiso ke go kwala diele botshelong jwa pele, botshelo jwa go swa, le botshelo jwa morago mo pampiring mme o nankole se kanamiso e se rutang ka ga setlhogo sengwe le sengwe se. O ithuta eng fa o ithutuntsha kanamiso ka tsela e? Se se go thusa jang go tlhaloganya gore ke eng lenyalo le lelwapa di le botlhokwa mo togamaanong ya Modimo. Boammaaruri jo bo mo kanamisong bo go tlhotlheletsa jang go tsaya ditshwetso?

Go na le batho ba bantsi, ka mabaka a farologanyeng, ba ka boifa lenyalo kgotsa go godisa bana. Fa tsala e go raya e re, “Ga ke batle ka gope go nyala kgotsa go nna le lelwapa,” o ka mo raya o reng? Gongwe o ka batla kanamiso o lebelela sengwe se se ka thusang tsala ya gago go nna le tsholofelo mo togamaanong ya Modimo.

Potso nngwe e o ka e botswang—kgotsa e o ka e ipotsang—ke nngwe jaaka e: “ke dira jang fa seemo sa me sa lelwapa se sa tshwane le se se tlhalosiwang mo kanamisong ya lelwapa?” Fano ke mafelo a mabedi a o ka lebelelang kgakololo ya seperofeti: tsetlana “A Mighty Change” mo molaetseng wa ga Mogolwane Dieter F. Uchtdorf “Jesus Christ Is the Strength of Parents” (Liahona, May 2023, 55–59) le ditokololo tse nne tsa bofelo tsa molaetsa wa ga Mogolwane D. Todd Christofferson “Why Marriage, Why Family” (Liahona, May 2015, 52).

O ikutlwa o rotloetsega go dira eng ka ntlha ya se o se ithutuntshitseng?

Bona le gone Dallin H. Oaks, “The Plan and the Proclamation,” Liahona, Nov. 2017, 28–31; Topics and Questions, “Family,” Motlobo wa Efangele.

“[Motho] mongwe le mongwe ke morwa kgotsa morwadie yo o rategangwa batsadi ba selegodimo.”

Gantsi re akanya ka kanamiso ya lelwapa jaaka kaedi ya botshelo jwa lelwapa. Mme le gone e ruta boammaaruri jo bo botlhokwa ka ga lelwapa la rona la selegodimo le bomang jwa rona ka bosakhutleng. Ke eng go le botlhokwa mo go wena go itse gore rotlhe re karolo ya lelwapa le? Boammaaruri jo bo go rotloetsa jang mo ditshwetsong tse o di dirang?

Bona le gone “I Am a Child of God,” Hymns, no. 301.

“Boitumelo mo botshelong jwa lelwapa bo ka bonwa thata fa bo ka thaiwa mo dithutong tsa Morena Jeso Keresete.”

Akanya ka ditokololo 6 le 7 tsa kanamiso ya lelwapa jaaka mokgwa wa “boitumelo mo botshelong jwa lelwapa.” Jaaka o bala ditokololo tse, batla melao ya “katlego ya manyalo le malwapa.” O ka akanya ka dikai tsa melao e tse o di boneng mo lelwapeng la gago kgotsa malwapa a mangwe. Melao e e ka thusa jang go dira Jeso Keresete motheo wa botshelo jwa lelwapa?

Ke gone o ka akanya ka botsalano jwa lelwapa jo o ka bo nonotshang. Dira togamaano, ka thuso ya ga Mmoloki, go dira mo ditlhotlheletsong tse o di amogelang.

Bona le gone L. Whitney Clayton, “The Finest Homes,” Liahona, May 2020, 107–9.

Batsadi ba tshwanetse go godisa bana ba bone mo loratong le mo tshiamong.

“Re bitsa baagedi ba ba nang le boikarabelo … go otla le go nonotsha lelwapa.”

Le Serapa sa bofelo sa kanamiso ya lelwapa se akaretsa pitso go dira. Jaaka o akanya ka fa o ka fetolang pitso e ka teng, go ka go thusa go ithutuntsha setlhogo sa kanamiso. Ka sekai, kanamiso ke eng? Lefoko leo le raya eng mo go wena ka ga molaetsa wa yone? Ke eng mo go letlelelang Boporesidente jwa Ntlha le Khansele ya Baaposetole ba ba Lesome le Bobedi go neela kanamiso go lefatshe ka malwapa? Le gone o ka dira nankolo ya se o se akanyang go nna melaetsa ya konokono ya kanamiso. O ka godisa melaetsa e jang mo botshelong jwa gago, mo legaeng la gago, le mo setšhabeng?

Bona le gone Bonnie L. Oscarson, “Defenders of the Family Proclamation,” Liahona, May 2015, 14–17; “Defenders of the Faith” (setshwantsho sa motshikinyego), Motlobo wa Efangele.

Defenders of the Faith

Marie Madeline Cardon and her family were holding a Church service in their home in Italy when an angry mob of men gathered and began shouting for the missionaries to be brought outside. It was Marie who marched out of the house to confront the mob.

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya go Ruta Bana

Malwapa a botlhokwa mo togamaanong ya ga Rara wa Legodimo.

• Thusa bana ba gago go akanya ka dilo tse di botlhokwa thata mo ba ka batlang go bolelela mongwe le mongwe ka ga tsone. Bontsha bana kgatiso ya “Lelwapa: Kanamiso go Lefatshe,” mme o tlhalose gore baperofeti le baaposetole ba e kwadile go re bolelela ka fa malwapa a leng botlhokwa ka teng go Rara wa Legodimo. Ke eng malwapa a le botlhokwa mo go Ene? (bona le gone setshwantsho sa motshikinyego “What Is the Purpose of Family?” [ChurchofJesusChrist.org]).

  What Is the Purpose of Family?

  The family is the divine building block of society.

• Abelana le bana ba gago sengwe go tswa mo kanamisong se o ikutlwang gore rotlhe re tlhoka go se itse. Laletsa bana go abelana maikutlo a bone ka boammaaruri joo. Matshelo a rona a ka bo a le pharologanyo go le kae fa re ne re sa itse dilo tse? Le ka opela mmogo pina e e amanang le boammaaruri jo bo bonwang mo kanamisong, jaaka “I Will Follow God’s Plan” (Children’s Songbook, 164–65).

• Mo tsetlana IV ya molaetsa wa gagwe “The Plan and the Proclamation” (Liahona, Nov. 2017, 30), Poresidente Dallin H. Oaks o tlhalositse tsela e family proclamation e kwadilweng. Gongwe wena le bana ba gago le ka sekaseka tlhaloso ya gagwe mmogo mme le bue ka fa o itumelelang ka teng go bo Morena a tlhotlheletsa batlhanka ba Gagwe go re ruta boammaaruri jo ka ga malwapa.

• Le gone o ka supegetsa bana ba gago ditshwantsho (kgotsa o ba laletse go tshwantsha dingwe) di supa boammaaruri jo bo bonwang mo kanamisong ya lelwapa. Se e ka nna setshwantsho sa tempele, lelwapa le rapela kgotsa ba tshameka mmogo, kgotsa bobedi bo nyalana. Ke gone bana ba gago ba ka batla diele mo kanamisong ya lelwapa tse di amanang le ditshwantsho. Morena o re ruta eng ka ga dilo tse mo kanamisong?

Rara wa Legodimo o batla malwapa a itumela.

Nna kelotlhoko. Jaaka o ruta boammaaruri jo bo rutwang mo kanamisong ya lelwapa, tswee tswee o itse gore bana ba bantsi ba tshela mo malwapeng a a sa tshwaneng le a a tlhalosiwang mo kanamisong. Akanya ka fa o ka ba rotloetsang le go ba tlhotlheletsa.

Ke “morwa kgotsa morwadie wa semowa yo o ratwang ke batsadi ba selegodimo.”

• Jaaka le opela mmogo “I Am a Child of God” (Children’s Songbook, 2–3), o ka latlhelela ngwana bolo fa o re, “Ke itse ngwana wa Modimo ka leina [leina la ngwana].” Ke gone ngwana yo o a ka latlhelelang selwana go yo mongwe, a buwa mafoko a tshwanang mme a tsenya leina la motho yoo. Thusa bana ba gago ba bone seele “morwa kgotsa morwadie wa semowa yo o ratwang ke batsadi ba selegodimo” mo kanamiso ya lelwapa, mme o fe bopaki jwa boammaaruri jo.

Malwapa a itumela thata fa ba sala Jeso Keresete morago.

• Go simolodisa puisano ka ga go nonotsha lelwapa la gago, wena le bana ba gago le ka bua ka ga se re se dirang go dira dilo tse dingwe maatla—jaaka meno a rona, mebele ya rona, kgotsa kago. Ke gone o ka tshwantshanya seo le go aga lelwapa le le maatla. Thusa bana ba gago go bona melao ya Bokeresete e e gogelang kwa boitumelong mo botshelong jwa lelwapa, e bonwang mo serapa 7 sa kanamiso ya lelwapa (bona le gone ya beke e tsebe ya tiragatso).

Ka ga megopolo e mentsi, bona kgatiso ya kgwedi e ya Friend makasine.