Dintlha go tswa To All Worthy Male Members [Maloko Otlhe a Borre a a Tshwanelang], ka Emma Allebes

Sedimonthole 8–14: “Re Dumela”

Mekwalo ya Tumelo le Dikitsiso Semmuso 1 le 2

E sale Ponatshegelo ya Ntlha ya ga Joseph Smith, Modimo o tsweletse ka go kaela Kereke ya Gagwe ka tshenolo. Mo diemong dingwe, tshenolo eo e akareditse go fetolwa ga melawana le ditiragatso tsa Kereke. Dikitsiso Semmuso 1 le 2 di itsisitse tshenolo tse di ntseng jaana—nngwe e ne ya gogela kwa bokhutlong lenyalo la basadi ba ba fetang bongwe, mme e nngwe e dirile gore go nne le ditshegofatso tsa boperesiti go batho ba matso otlhe. Diphetogo tse di tshwanang le tse ke dikarolo tsa gore go raya eng go nna le “kereke ya boammaaruri le e e tshedileng” (Dithuto le Dikgolagano 1:30), ka moperofeti wa boammaaruri yo o tshedileng, a gogiwa ke Modimo wa boammaaruri yo o tshedileng.

Mme boammaaruri jwa bosakhutleng ga bo fetoge, le ntswa go tlhaloganya ga jone bo fetoga. Mme nako tse dingwe tshenolo e latlhela tlaleletso ya lesedi mo boammaaruring. Mekwalo ya Tumelo e direletswe go rurifatsa maikaelelo a. Kereke e itsetsepetse mo motheong wa boammaaruri jwa bosakhutleng mme le fa gontse jalo e ka gola le go fetoga “go ya ka thato ya Morena, go tshwanetse mautlwelobotlhoko a gagwe go ya ka diemo tsa bana ba batho” (Dithuto le Dikgolagano 46:15). Ka mafoko a mangwe, “Re dumela tsotlhe tse Modimo a di senotseng, tsotlhe tse a di senolang jaanong, mme re dumela gore o tla senola gole gontsi mogogolo le dilo tse di botlhokwa mabapi Bogosi jwa Modimo” (Mekwalo ya Tumelo 1:9).

Megopolo ya go Ithuta kwa Gae le kwa Kerekeng

Mekwalo ya Tumelo

Mekwalo ya Tumelo e na le metheo ya boammaaruri ya efangele e e tsosolositsweng.

Akanya tsela e ya go ithutuntsha Mekwalo ya Tumelo: Ka ga mokwalo mongwe le mongwe wa tumelo, dira “thuto e khutshwane” go tlhalosa se o se dumelang. Thuto e khutshwane ya gago e ka akaretsa dikwalo tse di boitshepo tse di amanang, setshwantsho, sefela kgotsa pina ya bana, kgotsa maitemogelo a gago a go tshela boammaaruri jo mokwalo wa tumelo o se rutang.

Boammaaruri jo bo tlisa pharologanyo e ntseng jang mo botsalanong jwa gago le Rara wa Legodimo le Jeso Keresete? Mekwalo ya Tumelo e tokafaditse jang ithutuntsho ya gago ya efangele kgotsa e go thusitse jang go abelana efangele le ba bangwe?

Bona le gone Kaelo go Dikwalo tse di Boitshepo, “Articles of Faith,” Motlobo wa Efangele; L. Tom Perry, “The Doctrines and Principles Contained in the Articles of Faith,” Liahona, Nov. 2013, 46–48; “Chapter 38: The Wentworth Letter,” in Teachings of Presidents of the Church: Joseph Smith (2011), 435–47.

Mekwalo ya Tumelo 1:9; Dikitsiso tsa Semmuso 1 le 2

Kereke ya ga Jeso Keresete e kaelwa ka tshenolo.

“Re dumela gore [Modimo] o santse a tlaa senola dilo di tse di kgolo le tse di botlhokwa mabapi le Bogosi jwa Modimo” (Mekwalo ya Tumelo 1:9). Ka melao e mo tlhaloganyong ya gago, sekaseka Dikitsiso Semmuso 1 le 2, mme lebelela mafoko le diele tse di nonotshang tumelo ya gago mo go tsweleleng ga tshenolo. Ditshenolo tse di amile jang botshelo jwa gago? Di thusitse jang go tswelela ga tiro ya bogosi jwa ga Rara wa Legodimo?

Ke bosupi bofe jo o bo bonang jwa gore Kereke e gogiwa “ka tlhotlheletso ya Modimo Mothatayotlhe” gompieno? (Kitsiso Semmuso 1). Gongwe o ka sekaseka nngwe kgotsa go feta ya melaetsa ya bosheng ya khonforense ya kakaretso, o lebelela ka fa Morena a kaelang Kereke ya Gagwe—le botshelo jwa gago. Molaetsa wa bosheng go tswa go Poresidente ya Kereke e ka nna lefelo le le molemo go simolola.

O ka dira eng fa wena kgotsa mongwe yo o mo ratang a sokola go tlhaloganya kgotsa go amogela se Morena a se rutang ka baperofeti ba Gagwe? Ke eng o itumelela moperofeti?

Bona le gone Amose 3:7; 2 Nefi 28:30; Allen D. Haynie, “A Living Prophet for the Latter Days,” Liahona, May 2023, 25–28; Topics and Questions, “Prophets,” Motlobo wa Efangele; “We Thank Thee, O God, for a Prophet,” Hymns, no. 19.

Kitsiso Semmuso 1

Tiro ya Modimo e tshwanetse go tswelela go ya pele.

Mo “Dinankolo go tswa mo Dipuisong tse Tharo ka Poresidente Wilford Woodruff Mabapi le Mokwalo o o supang maikemisetso” (kwa bokhutlong jwa Kitsiso Semmuso 1), ke mabaka a fe a moperofeti a a neetseng go bo Morena a fedisitse ditiragatso ya lenyalo la basadi ba ba fetang bongwe? Se se go ruta eng ka ga tiro ya Modimo?

Molaetsa o montsi ka ga kitso ya pele ya ditso ya Kitsiso Semmuso 1, bona Saints, 2:602–15; “The Messenger and the Manifesto,” mo Revelations in Context, 323–31; Topics and Questions, “Plural Marriage and Families in Early Utah,” Motlobo wa Efangele.

Wilford Woodruff, ka H. E. Peterson

Kitsiso Semmuso 2

Ke ka tshepha Morena, tota le fa ke sa tlhaloganye mo go itekanetseng.

Ga re itse gore ke eng go tlhomiwa ga boperesiti le ditao tsa tempele di ne di seo go maloko a Kereke a Aforika mo nako e rileng. Le fa ba ne ba lebagane le dikgwetlho tsa dipotso tse di sa arabegeng ka ga melao, bontsi jwa Baitshepi ba Bantsho ba Malatsi a Bofelo ba tshepa Morena (bona Diane 3:5) mme ba nna boikanyego go Ene mo matshelong a bone. Go ithuta ka ga tumelo ya bone le maitemogelo go ka go tlhotlheletsa. Fano ke dingwe tsa dipolelo tsa bone, tse di bonwang kwa history.ChurchofJesusChrist.org:

• “Jane Elizabeth Manning James”

• “In My Father’s House Are Many Mansions” (polelo ka ga Green Flake)

• “You Have Come at Last” (polelo ka ga Anthony Obinna)

• “Break the Soil of Bitterness” (polelo ka ga Julia Mavimbela)

• “I Will Take It in Faith” (polelo ka ga George Rickford)

• “Long-Promised Day” (polelo ka ga Joseph W. B. Johnson)

Jaaka o bala Kitsiso Semmuso 2, o ithuta eng ka tsamaiso ya Morena go kaela melao ya Kereke ya Gagwe? Tlhatlhanya ka fa o ithutileng ka teng go tshepa Morena tota le fa o sa tlhaloganye mo go itekanetseng.

Bona le gone 2 Nefi 26:33; “Witnessing the Faithfulness,” mo Revelations in Context, 332–41; Topics and Questions, “Race and the Priesthood,” Motlobo wa Efangele; Ahmad Corbitt, “A Personal Essay on Race and the Priesthood,” parts 1–4 history.ChurchofJesusChrist.org; BeOne.ChurchofJesusChrist.org.

Go siame go re “ga ke itse.” Le ntswa o tshwanetse go leka bo jotlhe jwa gago go thusa batho ba o ba rutang go araba dipotso tsa bone ka ga efangele, Morena ga a solofele gore o itse sengwe le sengwe. Fa o sa itse go araba sengwe, amogela. Ke gone supegetsa baithuti dithuto tse di senotsweng, mme o fe bopaki jo bo tlhwaafetseng jwa se o se itseng.

Ka ga megopolo e mentsi, bona dikgatiso tsa kgwedi e tsa Liahona le Go Nonofo ya Banana dimakasine.

Megopolo ya Go Ruta Bana

Mekwalo ya Tumelo

Ke dumela mo efangeleng ya ga Jeso Keresete.

• Akanya ka go batla le go opela difela kgotsa dipina tsa bana tse di ka thusang bana ba gago go tlhaloganya nngwe kgotsa go feta ya Mekwalo ya Tumelo. Gongwe ba ka go thusa go tlhopha difela le dipina. Thusa bana ba gago go bona ka fa dipina di amanang le Mekwalo ya Tumelo.

• Wena le bana ba gago le ka dira mmogo go kwala dipotso tse batho ba nang le tsone ka ga efangele ya ga Jeso Keresete kgotsa Kereke ya Gagwe. Ke gone le ka dira mmogo go araba dipotso tseo le dirisa Mekwalo ya Tumelo. Re ka ya kae gape fa re na le dipotso ka ga efangele?

Mekwalo ya Tumelo 1:9; Dikitsiso Semmuso 1 le 2

Morena o kaela Kereke ya Gagwe ka Moperofeti wa Gagwe.

• Go thusa bana ba gago go tlhaloganya mokwalo wa tumelo wa borobabongwe, gongwe o ka ba neela lenaane la dikwalo tse di boitshepo le setshwantsho sa moperofiti yo o tshelang (kgotsa kgatiso ya bosheng ya khonferense ya kakaretso ya Liahona). Ba lope go tsholetsa dikwalo tse di boitshepo jaaka o bala mafoko “tsotlhe tse Modimo a di senotseng” le setshwantsho kgotsa makasine fa o bala “tsotlhe tse a di senolang jaanong” (Mekwalo ya Tumelo 1:9). Ke eng fa re tlhoka baperofeti ba bogologolo le ba malatsi ano?

• Bana ba gago ba ka ithuta ka fa mafoko a baperofeti a re kaelang ka go sala morago ditaelo go dira sengwe, jaaka dijo kgotsa setshamekesi. O ka tshwantshanya se le ditaelo tse Jeso Keresete a re di neetseng ka moperofeti. Ke dilo di fe tse Morena a re di rutileng ka moperofeti wa Gagwe yo tshelang gompieno?

Modimo o bitsa Baperofeti go goga Kereke ya Gagwe.

Dikitsiso Semmuso 1 le 2

Baperofeti ba re thusa go itse go rata ga ga Rara wa Legodimo.

• Gongwe go bona ka fa dikwalo tse di boitshepo di amanang le tshenolo ya malatsi ano go ka thusa bana ba gago go tlhaloganya Dikitsiso tsa Semmuso. O ka ba kopa go bala Ditiro 10:34–35 le Jakobe 2:27–30 mme o ba laletse go lemoga dikwalo tse di boitshepo tse di amanag le Kitsiso Semmuso 1 (e e gogetseng mo bokhutlong jwa lenyalo la basadi ba ba fetang bongwe) le e e amanang le Kitsiso Semmuso 2 (e e itsisitseng go nna teng ga ditshegofatso tsa boperesiti go batho ba matso otlhe). Fa bopaki jwa gago gore Morena o senolela go rata ga Gagwe go baperofeti ba bogologolo le ba malatsi ano.

Ka ga megopolo e mentsi, bona kgatiso ya kgwedi e ya Friend makasine.