Ɔpɛnima 15–21: “Abusua Yɛ Nyinasoɔ wɔ Ɔbɔadeɛ no Nhyehyɛeɛ mu”

Abusua no: Dawubɔ ma Wiase

Ansa na wɔrebɛwo yɛn no, na yɛda abusua mu—soro awofoɔ abusua mu. Saa nhyehyɛeɛ no toaso wɔ asase so. Mmusua wɔ ha, wɔ ne papa mu no, ɛwɔ sɛ wɔtoa soro nhyehyɛeɛ papa no no.

Ɛwom sɛ, nsiakyibaa biara nni hɔ sɛ asase so mmusua bɛyɛ papa anaa mpo bɛyɛ yie. Nanso sɛdeɛ Titenani Henry B. Eyring akyerɛ no, mmusua “ma Onyankopɔn mma nya ho kwan papapaa ma wɔgye wɔn ba wiase de asase so ɔdɔ nko ara a ɛbɛn deɛ yɛtee nka wɔ ɔsoro no—awofoɔ dɔ” (“Onyankopɔn Abusua Anoboaboa,” Liahona, Kɔtɔnima 2017, 20). Onim sɛ mmusua nwie pɛyɛ na ɔtamfo no bɛtu wɔn so sa nti, Onyankopɔn somaa Ne Dɔba sɛ ɔmmɛgye yɛn na ɔnsa yɛn yareɛ. Na Ɔsomaa Nna a ɛdi akyire nkɔmhyɛfoɔ ne dawurubɔ sɛ ɛmmɔ abusua ho ban na ɛnhyɛ no den. Sɛ yɛdi nkɔmhyɛfoɔ no akyi na yɛnya gyidie wɔ Agyenkwa no mu a, mpo sɛ asase so abusua nnuru soro deɛ no a. anidasoɔ wɔ hɔ ma abusua—wɔ asase so ne soro hɔ.

Nsusuiɛ de ma Adesua wɔ Efie ne Asɔre

“Abusua Yɛ Nyinasoɔ wɔ Ɔbɔadeɛ no Nhyehyɛeɛ mu.”

“Abusua no: Dawubɔ a Ɛkɔ ma Wiase” fa abusua ho pefee. Nanso ɛsanso fa Onyankopɔn nkwagyeɛ nhyehyɛeɛ ho. Kwan baako a wɔdesua dawurobɔ yɛ sɛ wo bɛtwerɛ nsɛmfua ansa na yɛreba asase so abrabɔ mu, asase so abrabɔ, ne owuo akyi abrabɔ wɔ krataa so na twerɛ deɛ dawurubɔ no ka fa saa atifinsɛm yi mu biara ho. Deɛn na w’asua sɛ wo sua dawurubɔ no kwan yei so a? Sɛn na yei boa ma wo nteaseɛ fa deɛ nti a awareɛ ne abusua hia titiriw wɔ Onyankopɔn nhyehyɛeɛ mu? Sɛn na nokorɛ a ɛwɔ dawubɔ no mu nya nsunsuansoɔ wɔ wo pɛ so?

Nnipa bebiree na, birirbi nti, wɔn suro awareɛ anaa nkwadaa hwɛ mu. Sɛ w’adamfo kakyerɛ wo sɛ, “mempɛ sɛ mɛware anaa mɛnya abusua,” dɛn na wo bɛka? Ɛbia wo bɛtumi ahwehwɛ dawubɔ no mu ahwɛ sɛ wo bɛhunu biribi a ɛbɛboa w’adamfo no ma wanya anidasoɔ wɔ Onyankopɔn nhyehyɛeɛ mu.

Asɛmbisa foforɔ a wɔbɛbisa wo—anaa wo bɛtumi abisa wo ho—te sɛ yei: “Na sɛ m’abusua tebea ne deɛ wakyerɛ wɔ abusua dawurubɔ mu no nkɔ aɛ?” Baabi mmienu a wo bɛtumi ahwehwɛ nkɔmhyɛ afotuo : ti “Nsakraeɛ Kɛseɛ” wɔ Elder Dieter F. Uchtdorf nkrasɛm mu “Yesu Kristo yɛ Awofoɔ Ahoɔden” (Liahona, Kɔtɔnima 2023, 55–59) ne kasapɛn anan a ɛtwa toɔ wɔ Elder D. Todd Christofferson nkrasɛm “Adɛn ne Awareɛ, Adɛn ne Abusua” (Liahona, Kɔtɔnima 2015, 52).

Deɛn na wonya nkanyan sɛ yɛ esiane deɛ wasua nti?

San hwɛ Dallin H. Oaks, “Nhyehyɛeɛ no ne Dawubɔ no,” Liahona, Obubuo 2017, 28-31; Tinsɛm ne Nsɛmmisa, “Abusua,” Asɛmpa Akoraeɛ.

“Yɛn mu [biara] yɛ ɔsoro awofoɔ dɔ ba barima anaa dɔ ba baa.”

Yɛtaa dwene abusua dawurubɔ no ho sɛ akwankyerɛ ma abusua abrabɔ. Nanso ɛbɛtumi akyerɛkyerɛ nokorɛ a ɛhia fa yɛn soro abusua ne ɛnniawieɛ su. Adɛn nti na ɛhia sɛ wo bɛhunu sɛ yɛn nyinaa ka saa abusua yi ho? Sɛn na saa nokorɛ yi nya nsunsuansoɔ wɔ wo pɛ so?

San nso hwɛ “Meyɛ Onyankopɔn Ba,” Nnwom, no. 301.

“Abusua asetena mu anigyeɛ bɛtumi awie pɛyɛ wɔ berɛ a ne fapem gyina Awurade Yesu Kristo nkyerɛkyerɛ so.”

Dwene kasapɛn 6 ne 7 wɔ abusua dawubɔ mu sɛ ɛyɛ akwankyerɛ ma “abusua asetena mu anigyeɛ.” Berɛ a worekenkan saa gyinapɛn yi, hwehwɛ nkyerɛkyerɛ fa “awareɛ papa ne abusua papa ho.” Wo bɛtumi adwene saa nkyerɛkyerɛ yi nhwɛsoɔ a wahunu wɔ w’ankasa abusua mu anaa abusua foforɔ mu. Sɛn na saa nkyerɛkyerɛ yi boa yɛ Yesu Kristo w’abusua abrabɔ mu fapem?

Afei wo bɛtumi adwene abusua ayɔnkofa bi a wo bɛpɛ sɛ wo hyɛ mu den. Yɛ nhyehyɛeɛ sɛ, sɛ Agyenkwa no mmoa ka wo ho a, wo bɛyɛ nkanyan a wo nya no.

San nso hwɛ L. Whitney Clayton, “Afie Papa,” Liahona, Kɔtɔnima 2020, 107–9.

Awofoɔ mfa ɔdɔ ne teneneeyɛ ntete wɔn mma.

“Yɛto nsa frɛ temanmufoɔ papa sɛ wɔnhwɛ mmusua so nhyɛ ne den.”

Wɔ gyinapɛn a ɛtwa toɔ wɔ abusua dawubɔ mu wɔ adeyɛ ɔfrɛ. Berɛ a wo redwene sɛdeɛ wo bɛgye saa ɔfrɛ no so no, ɛbɛboa sɛ wo bɛsua dawurubɔ no atifiasɛm. Sɛ ebia, ɛdeɛn ne dawurubɔ? Deɛn na saa asɛm yi kyerɛ wo fa nkransɛm a ɛwɔ saa krata yi mu? Dɛn an ɛma Atitenafoɔ a Wɔdi Kan no ne Asomafoɔ Dummienu Kuo no mu foɔ no kwan sɛ wɔde dawurubɔ ma wiase fa abusua ho? Wobɛtumi nso atwerɛ deɛ wo susu sɛ ɛyɛ nsɛmtitiri a ɛwɔ dawurubɔ no mu. Sɛn na wobɛtumi ahyɛ saa nkransɛm yi mu kena wɔ w’abrabɔ mu, wo fie mu, ne wo borɔno mu?

San nso hwɛ Bonnie L. Oscarson, “Akyigyinafoɔ ma Abusua Dawubɔ no,” Liahona, May 2015, 14–17; “Akyigyinafoɔ ma Gyidie” (sini), Asɛmpa Akoraeɛ.

Defenders of the Faith

Marie Madeline Cardon and her family were holding a Church service in their home in Italy when an angry mob of men gathered and began shouting for the missionaries to be brought outside. It was Marie who marched out of the house to confront the mob.

Sɛ wopɛ nsusuiɛ pii, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenekyerɛ ma Nkwadaa

Abusua yɛ nyinasoɔ wɔ Soro Agya nhyehyɛeɛ mu.

• Boa wo mma ma wɔnnwene nneɛma a ɛhia paa a wɔbɛtumi ne afoforɔ akyɛ ho nsɛm. Fa bi kyerɛ nkwadaa no “Abusua no: Dawubɔ ma Wiase,” na kyerɛkyerɛm kyerɛ wɔn sɛ nkɔmhyɛfoɔ ne asomafoɔ na wɔn twerɛɛ sɛdeɛ yɛbɛhunu sɛ abusua yɛ ahiadeɛ paa ma Soro Agya. Adɛn nti na abusua ho hia paa ma No? (san nso hwɛ sini “Ɛdeɛn ne Abusua Botaeɛ?” [ChurchofJesusChrist.org]).

  What Is the Purpose of Family?

  The family is the divine building block of society.

• Wo ne wo mma nkyɛ biribi mfiri dawubɔ no mu a wo te nka sɛ ɛwɔ sɛ obiara hunu. To nsa frɛ nkwadaa no ma wɔn nkyɛ wɔn atenka fa saa nokorɛ yi ho. Sɛn na yɛn abrabɔ bɛyɛ sɛ anka yɛnnim saa nneɛma yi a? Mobɛtumi nso ato nnwom abom afa nokorɛ a ɛwɔ dawurobɔ no mu, te sɛ “Mɛdi Onyankopɔn Nhyehyɛeɛ so” (Nkwadaa Nnwomnwoma, 164–65).

• Wɔ ti IV wɔ ne nkransɛm “Nhyehyɛeɛ no ne Dawubɔ no” (Liahona, Obubuo. 2017, 30), Titenani Dallin H. Oaks kyerɛmu sɛdeɛ Abusua dawubɔ no wɔtwerɛɛ. Ɛbia wo ne wo nkwadaa bɛtumi akenkan ne nkyerɛkyerɛ no na mo nkasa mfa deɛ nti a wanisɔ sɛ Awurade maa N’asomfoɔ nkanyan sɛ wɔn nkyerɛ yɛn saa nokorɛ yi fa abusua ho.

• Wo bɛtumi nso akyerɛ wo mma no mfonini ahodoɔ (anaa frɛ ma wɔn nyɛ mfoni no bi) a ɛrekyerɛ nokorɛ a ɛwɔ abusua dawubɔno mu. Ɛbɛtumi ayɛ tɛmpol mfonini ahodoɔ, abusua a wɔrebɔ mpaeɛ anaa redi agorɔ abom, anaa nnipa baanu a wɔn reware. Afei wo nkwadaa no bɛtumi ahwehwɛ kasamu wɔ abusua dawubɔ mu a ɛne mfonini no kɔ. Deɛn na Awurade kyerɛ yɛn fa saa nneɛma yi ho wɔ dawurubɔ no mu?

Soro Agya Pɛ sɛ abusua anigye.

Nya tema. Berɛ a wo rekyerɛkyerɛ nokorɛ a wakyerɛ wɔ abusua dawubɔmu no, yɛsrɛ sɛ hunu sɛ nkwadaa pii wɔ mmusua a ɛne nneɛma papa dawurubɔ no kyerɛ no nsɛ. Dwene sɛdeɛ wo bɛtumi hyɛ wɔn nkuran na w’akenyan wɔn.

Meyɛ “soro awofoɔ honhom mu dɔ babaa ne barima.”

• Berɛ a mo bom to nnwom “Meyɛ Onyankopɔn Ba” (Nkwadaa Nnwomnwoma, 2–3) wo bɛtumi ato bɔɔlo ama akwadaa bi na waka sɛ “menim Onyankopɔn ba bi a wɔfrɛ no [akwadaa no din].” Na afei na saa akwadaa no ato bɔɔlo no ama obi foforɔ, na waka nsɛm korɔ no ara na ɔfoforɔ no din ahyɛ mu. Boa wo nkwadaa ma wɔn nhwehwɛ kasasin “soro awofoɔ honhom ba baa anaa barima dɔfoɔ” wɔ abusua dawubɔmu, na di wo adanseɛ fa nokorɛ yi ho.

Mmusua ani gye paa berɛ a wɔdi Yesu Kristo akyi.

• Sɛdeɛ wobɛhyɛ nkɔmmɔdie ase fa sɛ wo rehyɛ w’abusua den, wo ne wo nkwadaa bɛtumi akasa afa nneɛma a yɛyɛ de ma biribi yɛ den—te sɛ yɛn se, honamdua, anaa ɛdan. Afei wo bɛtumi de atoto ho sɛdeɛ wɔkyekyere abusua ma ɛyɛ den. Boa wo nkwadaa ma wɔn hwehwɛ Kristosu nkyerɛkyerɛ a ɛma anigyeɛ wɔ abusua abrabɔ mu, a ɛwɔ gyinapɛn 7 mu wɔ abusua dawubɔ mu (san nso hwɛ nnawɔtwe yi dwumadie kratafa).

Sɛ wopɛ nsusuiɛ pii a, hwɛ bosome yi Adamfoɔ nsɛmma nwoma mu.