Nsɛm a ɛkɔ akyiri firi Kristo Asɛnka Wɔ Honhom Wiase, ɛfiri Robert T. Barrett

Ɔpɛnima 1-7 “Anisoadehunu Fa Awufoɔ Nkwagyeɛ ho”

Nkyerɛkyerɛ ne Apam 137–138

Adiyisɛm a wɔtwerɛ too hɔ wɔ Nkyerɛkyerɛ ne Apam 137 ne 138 no ntam kwan boro mfeɛ 80 ne akwansin 1,500 (2,400 km). Ti 137 Nkɔmhyɛni Joseph Smith nyaa no wɔ 1836 wɔ Kirtland Tɛmpol mu, na ti 138 Joseph F. Smith, Asɔre no Titenani a ɔtɔ so nsia, na ɔnyaaɛ wɔ 1918 wɔ Salt Lake City. Nanso wɔ nkyerɛkyerɛ mu no, saa yikyerɛ mmienu yi wɔ faako. mmienu no yi nsɛmmisa a nnipa pii—Onyankopɔn nkɔmhyɛfoɔ ka ho—wɔ fa owuo akyi. Joseph Smith dwendwene deɛ ɛbɛto ne nua Alvin a ɔwuuiɛ a wammɔ asu. Joseph F. Smith, a na n’awofoɔ awu ne nkwadaa 13 nso awuwu, taa dwene ahonhom wiase ho ne asɛmpaka adwuma wɔ hɔ.

ti 137 to mfitiaseɛ hann to Onyankopɔn mma hyɛbrɛ wɔ owuo akyi, na ti138 abie nkatanim no kɛseɛ. Yikyerɛ mmienu yi, bom di adanseɛ sɛ “Agya no ne Ɔba no dɔ kɛseɛ nwanwasoɔ no da adi” (Nkyerɛkyerɛ ne Apam 138:3).

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 137; 138:30–37, 57–60

Ɔsoro Agya mma nyinaa bɛnya akwanya ayi nkwa ɛniawieɛ.

Alvin Smith, Nkɔmhyɛni Joseph nua dɔfoɔ, wuuiɛ mfeɛ nsia ansa na Onyankopɔn de asubɔ tumi no san ama. Nteaseɛ a na ɛwɔ Akristofoɔ mu wɔ 1836 mu ne sɛ sɛ obi wu na wammɔ asu a, ɔnntumi nkɔ soro. Joseph dwenee Alvin nkwagyeɛ ho mfeɛ pii—kɔsi sɛ ɔnyaa adiyisɛm wɔ Nkyerɛkyerɛ ne Apam 137.

Nnipa bebiree wɔ saa nsɛmmisa no nnɛ. Adɛn nti na Onyankopɔn bɛhwehwɛ ayɛyɛdeɛ ne apam afiri yɛn hɔ aberɛ a nnipa bebiree nya akwanya nnnye? Deɛn na wobɛka akyerɛ obi a ɔdwene saa? Sɛn na wobɛhyɛ wɔn gyedie wɔ Onyankopɔn mu ne Ne nkwagyeɛ ahiadeɛ? Hwehwɛ nokorɛ binom a wobɛtumi akyɛ wɔ ti 137 ne ti 138:30–37, 57–60. Wobɛtumi nso ahwehwɛ saa nokorɛ yi wɔ nnwom “Animuonyam Asɛmpa Hann Ahyerɛn” (Nnwom, no. 283) ne Titenani Henry B. Eyring nkrasɛm “Onyankopɔn Abusua Anoboaboa” (Liahona, Kɔtɔnima 2017, 19–22).

Berɛ a woresua na wo dwene no, wobɛtumi awie kasamu a ɛdidisoɔ yi de atwerɛ w’atenka ato hɔ:

• Esiane saa adiyisɛm nti, menim sɛ Soro Agya

• Esiane saa adiyisɛm nti, menim sɛ Agya no nkwagyeɛ nhyehyɛeɛ .

• Esiane saa adiyisɛm nti, mepɛ sɛ .

San hwɛ Ahotefoɔ, 1:232–35.

Nkyerɛkyerɛ ne Apam 138:1–11, 25–30.

twerɛsɛm sua ne ɛho adwene ma me siesie me ho nya adiyisɛm.

Ɛtɔda a adiyisɛm ba berɛ a yɛn nhwehwɛ bi. Nanso mpɛn pii no ɛba esiane sɛ yɛhwehwɛ na yɛsiesie yɛn ho ma no. Berɛ a worekenkan Nkyerɛkyerɛ ne Apam 138:1–11, 25–30, hyɛ ne nso deɛ na Titenani Joseph F. Smith redwene berɛ a “[ne] nteaseɛ aniwa bieɛ.” Wobɛtumi nso de ne suahunu no atoto 1 Nifae 11:1–6; Joseph Smith—Abakɔsɛm 1:12–19. Afei susuho sɛdeɛ wobɛtumi adi Titenani Smith nhwɛsoɔ no so. Sɛ nhwɛsoɔ no, nsakraeɛ bɛn na wote nka sɛ ɛkanyan wo sɛ wobɛyɛ wɔ wo twerɛsɛm adesua mu na ama woanya ankorankoro adiyisɛm pii?

Wɔ ne nkrasɛm “Anisoadehunu Fa Awufoɔ Nkwagyeɛ ho” (Liahona, Obubuo. 2018, 71–74), Titenani M. Russell Ballard kyerɛɛ kwan afoforɔ a na Titenani Smith asiesie ne ho ama saa adiyisɛm yi. Ɛdeɛn na wobɛtumi asua afiri ne suahunu mu? Dwene sɛdeɛ Awurade asiesie wo ama suahunu a worenya—ne sɛdeɛ Ɔbɛsiesie wo ama daakye suahunu.

San hwɛ Ahotefoɔ,, 3:202–5; “Joseph F. Smith som-adwuma: Anisoadehunu Fa Awufoɔ Nkwagyeɛ ho” (sini), Asɛmpa Akoraeɛ.

Ministry of Joseph F. Smith: A Vision of the Redemption of the Dead

Nearing death, President Joseph F. Smith receives revelation from God regarding redemption of the dead.

Joseph F. Smith, firi Albert Salzbrenner

To nsa frɛ Honhom no. “Ɛdeɛn na wahunu sɛ ɛboa ma honhom mu tebea a yɛdesua asɛmpa no? Ɛdeɛn na ɛsɛe no? (Adekyerɛ wɔ Agyenkwa no kwan so, 31). Berɛ a woresua Titenani Joseph F. Smith suahunu wɔ Nkyerɛkyerɛ ne Apam 138:1-11, susu ho sɛdeɛ wobɛtumi akanyan nhunumu na wanya honhom mu nkanyan ama wo ho, ne sɛ woyɛ ɔkyerɛkyerɛni a, ama nnipa a wokyerɛ wɔn adeɛ no.

Nkyerɛkyerɛ ne Apam 138:25-60

Agyenkwa no adwuma rekɔso wɔ nkatanimu no akyi.

Tetinani Russell M. Nelson akyerɛ sɛ, “Yɛn asɛm ma wiase yɛ tiawa ne nokorɛ: yɛto nsa frɛ Onyankopɔn mma nyina ara a wɔwɔ nkataanim , no anim ne nakyiri sɛ wɔn mmra Agyenkwa no hɔ, wɔn mmɛgye nhyira a ɛwɔ tɛmpol kronkron , wɔn nnya anigyeɛ a ɛtoɔ ntwa da na wɔn nfata mma daa nkwa.” (“Let Us All Press On,” Liahona, May 2018, 118–19). Dwene asɛm yi ho berɛ a wokenkan Nkyerɛkyerɛ ne Apam 138:25-60. Wobɛtumi nso adwene saa nsɛmmisa yi ho:

• Deɛn na wosua firi saa nkyekyɛmu yeinom mu fa sɛdeɛ Agyenkwa no reyɛ N’adwuma wɔ honhom wiase? Adɛn nti na ɛhia sɛ wohunu sɛ adwuma no rekɔso?

• Deɛn na ɛda nso ma wo fa Awurade asomafoɔ a wɔwɔ honhom wiase hɔ?

• Sɛn na saa adiyisɛm yi hyɛ wo gyidie den wɔ Onyankopɔn nkwagyeɛ nhyehyɛeɛ mu?

Sɛ wopɛsɛ wo sua dodoɔ fa honhom wiase a, wobɛtumi asua Titenani Dallin H. Oaks nkrasɛm “Nya Awurade Mu Awerɛhyemu” (Liahona, Obubuo. 2019, 26–29).

San hwɛ “Susa Young Gates ne Awufoɔ Gyeɛ Ho Anisoadehu no,” wɔ Adiyisɛm a Ɛwɔ Nsɛm a Ɛfa Ho, 315–22; “Nsrahwɛ a ɛfiri Agya hɔ” (sini), Asɛmpa Akoraeɛ.

A Visit from Father

President Russell M. Nelson recounts a personal family history story that bears testimony of the importance of temple and family history work for all families.

Sɛ wopɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenekyerɛ ma Nkwadaa

Nkyerɛkyerɛ ne Apam 137:5–10; 138:18–35

Ɔsoro Agya mma nyinaa wɔ akwanya sɛ wɔbɛte asɛmpa no.

• Sɛ wopɛsɛ wo sua deɛ anka ɛbɛkyerɛ sɛ Joseph Smith hunuu n’abusuafoɔ dodoɔ wɔ sɛlɛstia Ahemman mu a, wo mma bɛtumi ahwɛ sini “Joseph Smith Som-adwuma: Tɛmpol” (Asɛmpa Akoraeɛ), anaa wobɛtumi akyɛ Nkyerɛkyerɛ ne Apam Abasɛm, 152–53 (anaa ɛho sini wɔ Asɛmpa Akoraeɛ). Ebia wobɛtumi nso aka obi a wonim no a wawu a wammɔ asu ho asɛm. Deɛn na Nkyerɛkyerɛ ne Apam 137:5-10 kyerɛ yɛn fa saa nipa no ho?

  Ministry of Joseph Smith: Temples

  Joseph Smith establishes temple work as an essential purpose for the Saints of God.

  Chapter 39: The Kirtland Temple Is Dedicated: January–March 1836

• Susu ho sɛ wode Agyenkwa no adakamena mfonin bɛkyerɛ (hwɛ Agyenkwa Mfonini Nwoma, no. 58, anaa Bible Mfonini Ahodoɔ, no. 14) ne mfonin a ɛwɔ atwerɛ yi aseɛ no fa kyerɛ wo mma no baabi a Yesu honhom kɔɔɛ berɛ a na Ne nipadua da adakamena no mu. Afei mobɛtumi abom akenkan Nkyerɛkyerɛ ne Apam138:18–19, 23–24, 27–30 de ahunu deɛ Yesu yɛɛ berɛ a na Ɔwɔ hɔ no. Hwan nkyɛn na Ɔkɔɔɛ? Deɛn na Ɔkaa sɛ wɔnyɛ? Adɛn nti na Ɔyɛɛ yei?

  

• Wobɛtumi nso de nnawɔtwe yi dwumadie kratafa aboa ma wo nkwadaa no de atoto ho deɛ asɛmpatrɛfoɔ no kyerɛ wɔ nkatanim no anim (hwɛ, nhwɛsoɔ, Gyidika Nsɛm 1:4) ne deɛ nsɛmpatrɛfoɔ no kyerɛ wɔ honhom wiase (hwɛ Nkyerɛkyerɛ ne Apam 138:33). Ɛdeɛn na ɛsesɛ wɔ saa nkyekyɛmu yi na deɛ na ɛda nso? Deɛn na yei kyerɛ yɛn fa Soro Agya ne Ne nhyehyɛeɛ ho?

Twerɛnsɛm nsusuho frɛ Sunsum Kronkron no.

Nkyerɛkyerɛ ne Apam 138:1–11

Sɛ me dwene twerɛsɛm ho a, Honhom Kronkron bɛtumi aboa ama me nteaseɛ.

• Berɛ a wone wo mma kenkan Nkyerɛkyerɛ ne Apam 138:1–11 bom, wobɛtumi ama wɔn ahyɛda ayɛ sɛ wɔyɛ Titenani Joseph F. Smith na wɔn ayɛ nneyɛɛ a ɛne nsɛm a ɛwɔ nkyekyɛmu 6 ne 11kɔ. Wobɛtumi nso akyerɛ wɔn Titenani Smith mfonini (baako wɔ atwerɛ no mu) na w’akyerɛ mu sɛ na ɔtɔso nsia wɔ Asɔre no Atitenafoɔ mu. Wobɛtumi nso akasa afa berɛ bi a wodwenee biribi wɔ twerɛsɛm mu na Honhom kronkron no boa maa wo nteaseɛ.

• Mo nsusu ho sɛ mobɛbom ato nnwom bi a ɛfa twerɛsɛm adesua ho, te sɛ “Hwehwɛ, Dwendwen, na Bɔ Mpae” (Mmɔfra Nnwom Nwoma, 109). Deɛn na dwom yi ka sɛ yɛbɛtumi ayɛ anya twerɛsɛm mu nteaseɛ?

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Asomafoɔ, firi Harold I. Hopkinson hɔ