Carthage Nnaduafie

Obubuo 24–30 “Ɔno ‘Ɔde N’ankasa Mogya Asɔ N’Asɛmpatrɛ ne N’adwuma ano’”

Nkyerɛkyerɛ ne Apam 135–136

Awia bi wɔ Ayɛwohomumɔ 27, 1844, na Joseph ne Hyrum Smith wɔ nnaduafie biom, na John Taylor ne Willard Richard ka wɔn ho. Na wɔgyedi sɛ wɔnnni bɔne biara ho fɔ, nanso wɔmaa wɔn ho kwan sɛ yɛn kye wɔn sɛnea Ahotefoɔ no ho bɛtɔ wɔn wɔ Nauvoo. Na yei ɛnnyɛ deɛ ɛdikan a asɔre no atamfo de Nkɔmhyɛni Joseph ato afiase, nanso saa berɛ yei deɛ na asɛ ɔnim sɛ ɔnsan n’akyi mma sɛ ɔteasefoɔ. Ɔne ne ne nnamfonom yɛɛ sɛ wɔbɛkenkan Mormon Nwoma na wɔato nnwom de akyekyere wɔn ho wɔn ho werɛ. Ɛna etuo kasaeɛ, na wɔ berɛ ketewa bi mu no Joseph ne Hyrum honam mu abrabɔ baa awieeɛ.

Na mmom na ɛnnyɛ ɔkwan a ɛtene a na wɔn asɔ mu no awieeɛ. Ɛna na ɛnnyɛ Yesu Kristo Asɛmpa no a Aba bio no awieeɛ. Na adwuma bebiree wɔ hɔ ne adiyisɛm a ɛbɛboa asɔre no nkɔsoɔ. Nkɔmhyɛni no abrabɔ a ɛbaa awieeɛ no ɛnnyɛ Onyankopɔn adwuma no aweiɛ.

Hwɛ Ahotefoɔ, 1:521–52.

Nsusuiɛ a ɛwɔ hɔ ma Efie ne Asɔre Adesua

Nkyerɛkyerɛ ne Apam 135; 136:37–39

Joseph ne Hyrum de wɔn mogya sɔɔ wɔn adanseɛ ano.

Sɛ na wote Nauvoo a, anka atenka bɛn na wo susu sɛ wobɛnya afa kum a wɔkum Joseph ne Hyrum no ho (hwɛ Ahotefoɔ,, 1:554–55). Ɛdeɛn nyansa na anka wo bɛnya afiri asɛm yaaya yi mu. Nkyerɛkyerɛne Apam 135.; ebia ɛboaɛ sɛ wɔdetoo dwa bosome mmiɛnsa akyi. Berɛ a worehwehwɛ nkyekyɛmu yi mu no, hwɛ deɛ ɛde nteaseɛ ne ahotɔsoɔ bɛbrɛ wo. Ɛdeɛn na wo bɛka akyerɛ obi a wabisa sɛ, “Adɛn na Onyankopɔn bɛma ho kwan sɛ wɔnku Ne Nkɔmhyɛni?” (hwɛ Nkyerɛkyerɛ ne Apam 136:37-39.).

Wobetumi nso ahwehwɛ ti 135 nsɛm anaa kasasin a ɛkanyan wo sɛ di nokorɛ ma Kristo kɔsi awieeɛ, te sɛ sɛdeɛ na Joseph ne Hyrum teɛ no.

San hwɛ Nkyerɛkyerɛ ne Apam 5:21–22; “Rekae Mogyadansedie wuo no,” wɔ Adiyisɛm wɔ tebea mu, 299–306; Asɔre no Titenafoɔ Nkyerɛkyerɛ: Joseph Smith (2011), 522–23, 529–40; “Mormon Nwoma no adanseɛ” (sini), Asɛmpa Akoraeɛ.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Nkyerɛkyerɛ ne Apam 135:3

Na Joseph Smith yɛ nkɔmhyɛni ne Yesu Kristo danseni.

Nkyerɛkyerɛ ne Apam 135:3 to din nneɛma a Joseph Smith yɛɛ no bi “wɔ berɛ tiawa, mfeɛ aduonu mu.” Nsunsuansoɔ bɛn na saa nneɛma yi anya wɔ ayɔnkofa a ɛda wo ne Ɔsoro Agya ne Yesu Kristo ntam? Dwene ho sɛdeɛ wo bɛwie ɔkasamu te sɛ yei: Esiane deɛ Awurade nam Joseph Smith so yɛɛ nti, me  Wobɛtumi nso atwerɛ ato hɔ na wo ne afoforɔ akyɛ w’adanseɛ fa Nkɔmhyɛni Joseph Smith ho.

Kwan baako a wobɛfa so asua Joseph Smith som adwuma ne sɛ wobɛtwerɛ ne wuo ho adanseɛ anaasɛ anwensɛm ama no. Deɛn na wobɛka de ahyɛ nkuran fa gyidie wɔ Yesu Kristo ne N’sεmpa a wɔde ama bio no mu. Ebia wobɛpɛ sɛ wode nneɛma a ɛho hia a ɛwɔ Nkyerɛkyerɛ ne Apam 135 anaa deɛ wabobɔ din wɔ akadeɛ a ɛdidi soɔ yi mu.

Yesu Kristo nam Joseph Smith so daa nokorɛ pii adi fa Ne ho ne Ne mpata no ho. Susu ho dwene suahunu a wanya wɔ Nkyerɛkyerɛ ne Apam adesua mu saa afe yi? Nokorɛ bɛn na ada nso paa ara ama wo? Wobɛtumi ne w’abusua, gyinapɛnfoɔ, anaa afoforɔ akyɛ yeinom berɛ a wosua adeɛ nnawɔtwe yi. Sɛn na saa nokorɛ yeinom boa ma wo te aseɛ na ɛtwe wo abɛn Agyenkwa no?

San hwɛ “Joseph Smith: Sanfama no Nkɔmhyɛni” (sini), Asɛmpa Akoraeɛ; Tad R. Callister, “Joseph Smith—Sanfama no Nkɔmhyɛni,” Liahona, Obubuo. 2009, 35–37; “Ayɛyi nka Onipa no,” Nnwom, nɔma. 27; Atifinsɛm ne Nsɛmmisa, “Joseph Smith,” Asɛmpa Akoraeɛ.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Nnwom a Ɛka ho

Woreto nnwom a ɛdidisoɔ yi anaa wobɛhwɛ ne sini tumi frɛ Honhom Kronkron no anaa kanyan nkɔmmɔ fa adwuma a Nkɔmhyɛni Joseph Smith ne afɔdeɛ a Ahoteɛfoɔ a wɔdii n’akyi no yɛɛ.

“A Poor Wayfaring Man of Grief” (Nnwom, no. 29). Berɛ a na wɔwɔ Carthage Nnaduafie no, John Taylor too saa nwom yi.

“Ayeyi nka Onipa no” (Nnwom, no. 27; san hwɛ sini). Nnwom yei mu nsɛm no wɔtwerɛɛ sɛ Joseph Smith ho adanseɛ.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Bra, Bra, Mo Ahotefoɔ” (Nnwom, no. 30; san hwɛ sini).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Gyedie wɔ Anammɔn Biara mu” (hwɛ sini).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Nkyerɛkyerɛ ne Apam 135

Mɛtumi aboa Awurade ayɛ N’apɛdeɛ berɛ a medi N’afotuo so.

Joseph Smith wuo akyi, wɔpamoo Ahotefoɔ no firii Nauvoo. Afei na kwansini 1300 (2100 km) akwantuo a ɛyɛ den wɔ ɛserɛso da wɔn anim. Brigham Young, Asomafoɔ Dumienu Kuo no Titenani no, na ɛha no sɛ sɛn na Ahotefoɔ no bɛtumi atwa kwan tenten saa. Wɔ homebeaɛ bi a wɔfrɛ no Winter Quarters no, ɔsrɛɛ bammɔ mmoa. Awurade maa no mmuaeɛ a watwerɛ wɔ ɔfa 136. “Ɔboa Ahotefoɔ no ma wɔkaeɛ sɛ wɔn suban wɔ akwantuo no mu ho hia te sɛ beaɛ a wɔrekɔ no, adiyisɛm no boa sesaa wɔn amanehunu akwantuo no maa ɛbɛdanee honhom mu suahunu a ɛhia na ɛsomboɔ” (“Yei bɛyɛ Yɛn Apam,” wɔ Adiyisɛm wɔ tebea mu, 308).

Kae yei berɛ a woresua ɔfa 136. Ɛdeɛn afotuo na wo hunu sɛ ɛbɛtumi aboa adane w’abrabɔ mu nsɔhwɛ a ɛɛden ma “abɛyɛ honhom mu suahunu a ɛyɛ ahiadeɛ”? Wobɛtumi adwene sɛdeɛ saa afotuo yi bɛtumi aboa ma wayɛ Awurade apɛdeɛ wɔ w’abrabɔ mo, sɛdeɛ ɛboaa adikanfoɔ Ahotefoɔ wɔ wɔn akwantuo no mu.

San hwɛ “Yei Bɛyɛ Yɛn Apam,” in Adiyisɛm wɔ ne Tebea mu, 307–14; “Bra, Bra, Mo Ahotefoɔ,” Nnwom, nɔma. 30; Asɔre Abakɔsɛm Atifinsɛm, “Adedie wɔ Asɔre Mpanyinniemu,” Asɛmpa Akoraeɛ.

Nkyerɛmu firi Winter Quarters, ɛfiri Greg Olsen hɔ

Adekyerɛ ho Adwenekyerɛ ma Nkwadaa

Nkyerɛkyerɛ ne Apam 135:1–2, 4–5.

Joseph ne Hyrum Smith de wɔn nkwa too hɔ maa Yesu Kristo ne N’asεmpa no ho.

• Bɔ ne tɔfa ma wo mma Nkyerɛkyerɛ ne Apam 135:1 anaa kyɛ “Ti 57: Wakum Nkɔmhyɛni no” (wɔ Nkyerɛkyerɛ ne Apam Abasɛm, 201–5, anaa sini a ɛkyerɛ wɔ Asɛmpa Akoraeɛ). Yei bɛtumi ayɛ akwanya papa ama wo ne wo mma sɛ mobɛkyɛ moatenka fa afɔdeɛ a Joseph ne Hyrum bɔ maa Agyenkwa no ne N’asɛmpa.

  Chapter 57: The Prophet Is Killed: June 1844

• Nkyerɛkyerɛ ne Apam 135:4-5. ka sɛ Hyrum Smith kenkan nsɛm bi wɔ Mormon Nwoma no mu ansa na ɔkɔɔ Carthage Nnaduafie. Wo ne wo nkwadaa bɛtumi akenkan saa nsɛm yi abɔmu (hwɛ Eter 12;36–38). Sɛn na saa nsɛm yi tumi kyekyeree Hyrum werɛ? Wobɛtumi nso akyɛ twerɛnsɛm a ɛma wo awerɛkyekyerɛ berɛ a wowɔ ɔhaw anaa awerɛhoɔ mu.

• Wo ne wo mma bɛtumi ahwɛ nkɔmhyɛfoɔ mfonin (hwɛ Asɛmpa Mfonin Nnwoma, nɔma. 7, 14, 67) na monkasa mfa biribi a Onyankopɔn bisa sɛ nkɔmhyɛfoɔ nyɛ ho. Ɛdeɛn na saa nkɔmhyɛfoɔ yi debɔɔ afɔdeɛ maa Agyenkwa no?

  

Wɔ fie, adesua ne abrabɔ yɛ adekorɔ. “Asɛmpa no yɛ adwuma ntɛmpaa ara wɔ fie. Ɛhɔ, nnipa a wo ne wɔn sua asɛmpa no ara na wo ne wɔn debɛyɛ adwuma—dabiara da. Nokorɛ, mpɛn pii no, yɛsua asɛmpa no berɛ a yɛde yɛ adwuma” (Adekyerɛ wɔ Agyenkwa no Kwan so, 31).

Nkyerɛkyerɛ ne Apam 135:3

Na Joseph Smith yɛ nkɔnhyɛnyi na ɔyɛ Yesu Kristo ho dansefoɔ.

• Ɛbɛboa wo mma no ama wɔn akae anya anisɔ ama kwan a Awurade ahyira yɛn ɛnam Joseph Smith som-adwuma no, wo bɛtumi akyerɛ nneɛma a ɛgyina hɔ ma deɛ Joseph yɛɛ, te sɛ Mormon Nwoma, Nkyerɛkyerɛ ne Apam, anaa tɛmpol bi mfonini (hwɛ nnawɔtwe yi dwumadie kratafa). Wo ne wo nkwadaa bɛtumi ahwɛ Nkyerɛkyerɛ ne Apam 135:3 nneɛma binom a Joseph Smith yɛ deboaaɛ ma yɛn twe bɛn Soro Agya ne Yesu Kristo. To nsa frɛ wo nkwadaa ma wɔn nkyɛ deɛ nti a wɔn anisɔ saa nneɛma no.

Amerika Nkɔmhyɛni, firi Del Parson hɔ

Nkyerɛkyerɛ ne Apam 135

Awurade bɛtumi ahyira me wɔ apenesie berɛ mu.

• Susuho sɛ wode Nauvoo Tɛmpol mfonin bɛsi dan bi fa baako na yɛ nkatasoɔ wɔ fa baako nso. Frɛ wo mma no ma wɔmmom wɔ mfonin no ho, na ka Ahotefoɔ no a wɔfirii Nauvoo berɛ a Joseph Smith wuuiɛ no akyi no ho asɛm kyerɛ wɔn (hwɛ ti 58, 60, ne 62 wɔ nkyerɛkyerɛ ne Apam Abasɛm, 206–8, 211–16, 222–24, anaa ɛho sini wɔ Asɛmpa Akoraeɛ). Sisodua gyedie a saa Ahotefoɔ yi nyaeɛ wɔ Yesu Kristo mu, na to nsa frɛ wo mma no sɛ wɔn nnante nkɔ nkatasoɔ no mu mfa nnyina hɔ mma akwantuo dekɔ Winter Quarters hɔ. Wɔbɛtumi abom ato dwom te sɛ “Sɛ Wobɛyɛ Ɔkandifoɔ” (Nkwadaa nnwom nwoma, 218–19) berɛ a wɔrenante.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Kyerɛ mu sɛ wɔ Nkyerɛkyerɛ ne Apam 136, Awurade maa afotuo sɛ ɛmmoa Ahotefoɔ no wɔ wɔn akwantuo dekɔ Salt Lake Kuro. Boa wo nkwadaa ma wɔn hwehwɛ biribi wɔ adiyisɛm yi mu a ɛbɛma wɔn akokoduro wɔ saa akwantuo yi mu (hwɛ nkyekyɛm 4, 10–11, 18–30). Sɛn na saa afotuo yi bɛtumi aboa yɛn wɔ nsɔhwɛ a yɛhyia no ɛnnɛ mu?

Sɛ wopɛ nsusuiɛ pii a, hwɛ bosome yi Adamfoɔ nsɛmma nwoma mu.

Ɔdɔ Biara Nni hɔ Sene sɛ Onipa, firi Casey Childs hɔ.