“Obubuo 17-23: “Monsiesie Mo Ho mma Ayeforɔkunu no Mmaeɛ no”: Nkyerɛkyerɛ ne Apam 133-134” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)

“Nkyerɛkyerɛ ne Apam 133–134,” Bra, Di M’akyi—De ma Efie ne Asɔre: 2025

Mmaabunu Du, Jorge Cocco na ɔyɛɛ

Obubuo 17–23: “Monsiesie mo Ho mma Ayeforɔkunu no Mmaeɛ no”

Nkyerɛkyerɛ ne Apam 133—134

Wɔ 1833, atuatedɔm tohyɛɛ Asɔre no so sɛesɛe wɔn nwoma tintimbea. Nnwoma a na wɔgu so retintim no saa berɛ no bi ne Mmaransɛm Nwoma—Asɔre no nhyehyɛeɛ a na ɛdi kan sɛ ɛbɛka Onyankopɔn nna a ɛdi akyire adiyisɛm abom baako. Atuatedɔm no sɛee krataa a na wɔnka mmɔɔ mu no, na ɛwɔ mu sɛ ahotefoɔ akokoɔdurofoɔ bi de bi sieeɛ. Mmaransɛm Nwoma no kakraabi a ɛnwie pɛyɛ na ɛkaeɛ.

Deɛ yɛnim no seesei sɛ ti 133 wɔ Nkyerɛkyerɛ ne Apam mu no na ɛyɛ nkyerɛaseɛ ma Mmaransɛm Nwoma, te sɛ nteamu ahyɛnsodeɛ wɔ Awurade adiyisɛm akyi. Ɛbɔ kɔkɔ fa atɛmmuo da bi a ɛreba no na ɛsan nso ti ɛnnɛ adiyisɛm frɛ mu: Dwane firi wiase nneɛma ho, te sɛ babel. Si Sion Ahosiesie ma Mmaeɛ a ɛtɔ so Mmienu Na monka saa nkrasɛm yi “nkyerɛ aman nyinaa, ne abusuakuo biara, ne kasa, ne nnipa nyina ara” (nkyekyɛmu 37). Mfitiaseɛ na Mmaransɛm Nwoma no ho nhyehyɛeɛ amma mu, nanso saa adiyisɛm yi yɛ nkaiɛ ne adanseɛ sɛ Awurade adwuma bɛkɔ anim, “na ɔbɛyi ne basa kronkron no adi , na asase ano nyinaa bɛhunu wɔn Nyankopɔn nkwagyeɛ” (nkyekyɛmu 3).

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 133;;414

Yesu Kristo frɛ me sɛ mempo babel na memmra Sion.

Honhom mu Sion abirabɔ ne babel—tete kuro a twerɛnsɛm mu nyinaa ɛkyerɛ ɛtirimɔden ɛne honhom mu nkoasom. Berɛ a wokenkan Nkyerɛkyerɛ ne Apam 133:4–14, dwene sɛdeɛ Agyenkwa no frɛ wo sɛ “kɔ firi babel” (nkyekyɛmu 5) na “kɔ anim kɔ Sion” (nkyekyɛmu 9). Sɛn na woregye Ne frɛ no so? Ɛdɛen biom na w’asua afa Sion ho afiri Elder D.Todd Christofferson nkrasɛm “Bra Sion”? (Liahona, Obubuo. 2008, 37–40).

Nkyerɛkyerɛ ne Apam 133:1–19, 37–39

Mɛtumi asiesie me ho sesia ama Agyenkwa no Mmaeɛ a ɛtɔ so Mmienu.

Wɔ ti 1, Awurade nnianim ma Nkyerɛkyerɛ ne Apam no, ne ti 133, nkyerɛaseɛ ankasa ma Mmaransɛm Nwoma no, de Awurade adesrɛ korɔ noa ara na ɛhyɛ aseɛ: “monyɛ aso, O mo nkorɔfoɔ a mowɔ m’asɔre mu” (Nkyerɛkyerɛ ne Apam 1:1; 133:1). Ebia wobɛtumi asua Nkyerɛkyerɛ ne Apam133;119,3739 na twerɛ nkransɛm a Awurade to nsa frɛ wo sɛ “tie” (tie na di so) wɔ berɛ a woresiesie wo ho ama Ne Mmaeɛ a ɛtɔ so Mmienu. Wobɛtumi atwerɛ nneɛma pɔtee a Ɔpɛ sɛ wo yɛ (1)siesie wo ho na (2) boa nsiesie ewiase ma ne mmaeɛ. Ɛdeɛn na wo sua firi saa twerɛtohɔ yi mu?

Titenani Russell M. Nelson kyɛɛ nokorɛ bi a ɛho hia fa sɛdeɛ ewiase bɛyɛ wɔ berɛ a Agyenkwa no bɛsan aba—ne sɛdeɛ yɛbɛyɛ ahosiesie. Hwehwɛ saa nokorɛ yi firi ne nkrasɛm yi mu “Asɔre no Daakye: Resiesie Ewiase ama Agyenkwa no Mmaeɛ a ɛtɔ so Mmienu” (Liahona, Oforisuo, 2020, 6–11). Deɛn na ɛka wo sɛ yɛ—anaa sɛ kɔso yɛ—na fa “siesie ewiase ma Agyenkwa no mmaeɛ”? (“Aaron Asɔfodie Kuo Asɛmtitiri,” Asɛmpa Akoraeɛ).

San hwɛ Mateo 25:1–13; Russell M. Nelson, “Fa Gyidie Hyia Daakye,” Liahona, Obubuo. 2020, 73–76; “Bra, Mo Awurade Mma,” Dwom, no. 58; Nsɛmmisa ne Atifinsɛm, “Yesu Kristo Mmaeɛ a ɛtɔ so Mmienu,” Asɛmpa Akoraeɛ.

Nkyerɛkyerɛ ne Apam 133:19 56

Yesu Kristo Mmaeɛ a Ɛtɔ so Mmienu bɛ yɛ anigyeɛ ama ateneneefoɔ.

Berɛ a wokenkan fa Agyenkwa no mmaeɛ biom ho wɔ nkyekyɛmu 19–56,, ɛdɛn na wo hunuuiɛ a worehwɛ anim? Nsɛmfua anaa kasasin bɛn na ɛkyerɛ Agyenkwa no dɔ ma Ne nkorɔfoɔ? Dwene ho sɛ wobɛtwerɛ w’ankasa suahunu fa “[wo] Awurade adɔyɛ no, ne deɛ Ɔde agu [wo] so no nyina ara sɛdeɛ Ne papayɛ teɛ” (nkyekyɛmu 52).

Yesu rekyerɛ ɔbaa bi ayamyɛ — Nkyerɛ mu firi Ɔyaresafoɔ, Kelsy ne Jesse Lightweave na wɔyɛeɛ

Nkyerɛkyerɛ ne Apam 134

“Onyankopɔn yɛɛ amammuo sɛ ɛnyɛ mfasodeɛ ma nnipa.”

Kanee Ahotefoɔ no ne aban ayɔnkofa no na emu yɛ den. Berɛ a wɔpamoo ahotefoɔ no firi Jackson County, Missouri, wɔ 1833 no, wɔbisaa mmoa firii aban hɔ nanso wɔn annya. Wɔ berɛ korɔ no ara mu, nnipa bi a na wɔnnka asɔre no ho kyerɛkyerɛɛ Asɔre no nkyerɛkyerɛ fa Sion ho sɛ Ahotefoɔ no nnye asase so amammuo nto mu. Nkyerɛkyerɛ ne Apam 134 wɔtwerɛɛ sɛ, ɛfa bi no, ɛnkyerɛ Asɔre no gyinasie fa aban ho. Deɛn na saa ti yi kyerɛ fa atenka a ɛwɔ sɛ Awurade ahotefoɔ nya mfa aban ho?

Berɛ a woresua ti 134, susu ho hwehwɛ amammuo nkyerɛkyerɛ ne asodie a temanmufoɔ wɔ. Sɛn na saa adwenkyerɛ yi tumi boaa Ahotefoɔ adikanfoɔ no? Sɛn na ɛtumi yɛ adwuma wɔ beaɛ a wo teɛ no?

San hwɛ Gyidika Nsɛm 1:11–12; Nsɛmmisa ne Atifinsɛm, “Anyamesom mu Fawohodie,” Asɛmpa Akoraeɛ.

Adekyerɛ ho Adwenekyerɛ ma Nkwadaa

Nkyerɛkyerɛ ne Apam 133:4–5, 14

Awurade pɛ sɛ metwe me ho firi wiase bɔne ho.

Wo ne wo nkwadaa bɛtumi abobɔ nneɛma anaa mmeaɛ binom a Awurade pɛ sɛ yɛtwe yɛn ho firi ho. Afei mobɛtumi de saa mmeaɛ no anaa tebea no atoto “Babel, Babylon” nkyerɛaseɛ ho wɔ Twerɛnsɛm Akwankyerɛ mu (Asɛmpa Akoraeɛ). Afei wɔbɛtumi akenkan Nkyerɛkyerɛ ne Apam 133:4-5 14. Ɛkyerɛsɛn sɛ yɛkasɛ “kɔ firi babylon”? (nkyekyɛmu 5). Wobɛtumi nso atwerɛ nneɛma anaa tebea a Awurade to nsa frɛ yɛn sɛ yɛnkɔ na fa toto “Sion” asekyerɛ ho wɔ twerɛnsɛm akwankyerɛ mo.

Nkyerɛkyerɛ ne Apam 133:19–21, 25

Yesu Kristo bɛba bio.

Wo nkwadaa no ani bɛgye ho sɛ wɔbɛyɛ ɔyɛkyerɛ de akyerɛ ahosiesie ma biribi, te sɛ agokansie, ɔhɔhoɔ kɛseɛ bi, anaa afofie da sononko bi. Adɛn nti na ahosiesie ho hia? Afei mo bɛtumi abom akenkan Nkyerɛkyerɛ ne Apam 133:17–19, 21 na woama wo nkwadaa no ahwehwɛ deɛ Awurade pɛ sɛ yɛsiesie yɛn ho ma. Wobɛtumi akyerɛ wɔn mfoni no wɔ nnawɔtwe yi nhehyɛeɛ mu na bisa wo mma no deɛ wɔnim fa Yesu Kristo Mmaeɛ a ɛtɔ so Mmienu ho. Deɛn bio na yɛsua firi nkyekyɛmu 19–25, 46–52? Ɛdeɛn ahosiesie na yɛbɛtumi ayɛ ama saa anigyeɛ dwumadie yi?
Wobɛtumi de mfoni anaa nneɛma a ɛkyerɛ deɛ yɛbɛtumi ayɛ sɛ nsiesie ama Yesu Kristo Mmaeɛ a ɛtɔ so Mmienu (te sɛ twerɛnsɛm akenkan, asɛmpa no kyɛ, anaa som yɛn mmusua). Ma wo nkwadaa no nhwehwɛ mfoni anaa nnneɛma na wɔnkasa mfa sɛdeɛ ne yɛ bɛboa ma yɛayɛ krado sɛ yɛbɛhyia Agyenkwa no sɛ Ɔsan ba a.
Wobɛtumi nso ne wo mma ato dwom afa Agyenkwa no Mmaeɛ a ɛtɔ so Mmienu no ho, te sɛ “Sɛ Ɔsan Ba Bio a” (Nkwadaa Dwomnwoma, 82–83). Mo ne mo ho nkyɛ ɔdɔ a mowɔ ma Agyenkwa no ne mo atenka fa Ne Mmaeɛ bio no ho.

Nkyerɛkyerɛ ne Apam 133:52–53

Yesu Kristo yɛ ɔdɔ ne ayamyɛ.

Wo ne wo nkwadaa no bɛtumi ahwɛ mfonin a ɛkyerɛ sɛ Yesu yɛ ɔdɔ ne ayamyɛ. (Nhwɛsoɔ, hwɛ Asɛmpa Mfoni Nwoma, nɔma. 42, 47.) Ɛdeɛn bio na Yesu ayɛ dekyerɛ Ne dɔ ne ayemyɛ? Mo nkenkan mom Nkyerɛkyerɛ ne Apam 133:52, na boa wo nkwadaa ma wɔnnwene ho akwan a wɔbɛtumi “abobɔ wɔn Awurade dɔ ne ayemyɛ” akyerɛ afoforɔ.

Yesu ne akwadaa bi — Nkyerɛmu firi Wɔ Ne Hann mu, ɛfiri Greg Olsen hɔ

Kyerɛ nkyerɛkyerɛ a ɛmu da hɔ fann. Awurade kyerɛkyerɛ N’asɛmpa no wɔ kwan “pefee ne korɔgyeen” mu (Nkyerɛkyerɛ ne Apam 133:57). Deɛn na saa nsɛm yi susukyerɛ wo fa sɛdeɛ wobɛkyerɛ w’abusua anaa gyinapɛn asɛmpa no?

Nkyerɛkyerɛ ne Apam 134:1–2

Awurade pɛ sɛ medi mmra no so

Wo mma no bɛtumi atwerɛ mmra anaa ahyɛdeɛ a wɔn di so. Sɛn na abrabɔ bɛyɛ sɛ anka obiara nni saa mmra yi so a? Afei mobɛtumi abom akenkan Nkyerɛkyerɛ ne Apam 134:1-2 na boa ma wɔn nte nsɛmfua anaa kasasin binom a ebia wɔn nteaseɛ ase. Adɛn nti na Awurade pɛ sɛ yɛdi mmra so? (hwɛ Gyidika Nsɛm 1:12).

Sɛ wopɛ nsusuiɛ pii a, hwɛ bosome yi Adamfoɔ nsɛmma nwoma mu.

Yesu hyɛ atadeɛ tenten kɔkɔɔ — Kristo ahyɛ Atadeɛ Tenten Kɔkɔɔ, firi Minerva Teichert hɔ