“Mmaeɛ bio ne Nne: Relif Society no,” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Relif Society no,” Bra, Di M’akyi—De ma Efie ne Asɔre: 2025
Mmaeɛ bio no Nne
Relif Society no
Wɔ 1842, wɔkyekyeree Relif Society no wieɛ wɔ Nauvoo, Illinois, Nkɔmhyɛni Joseph Smith kaa sɛ, “Na Asɔre no nnwiepɛyɛ kɔpem sɛ wɔkyekyerɛɛ mmaa kuo no.” Saa ara nso na Awurade Asɔre no Sane ne N’asɔfodie ho adesua nnwie pɛyɛ kɔsi sɛ ɛbɛka Relif Society ho adesua ho, a ɛno ankasa yɛ Yesu Kristo asuafoɔ mmaa “tete nhwɛsoɔ bi a wɔasan de asi hɔ” no.
Eliza R. Snow dii akotene wɔ saa mmaeɛ bio no mu. Na ɔwɔ hɔ berɛ na wɔrekyekyere Relif Society kanee, na ɔyɛ twerɛtwerɛfoɔ ma kuo no nti, ɔtwerɛɛ nhyiamu no mu nsɛm. Ɔhunuu Relif Society no mfiaseɛ sɛ “wɔkyekyere mmaa kuo no wɔ asɔfodie no kwan so.” Ne nsɛm na ɛwɔ aseɛi, ɔtwerɛɛ berɛ a na ɔyɛ Amansan Titenani a ɔtɔ so mienu ma Relif Society, sɛ ɛmmoa ne nuanom mmaa ma wɔn nteaseɛ adwuma kronkron a wɔde ahyɛ Onyankopɔn apam mmammaa nsa.
Sɛ wopɛ sɛ wusua pii fa sɛnea wɔhyehyɛɛ Relif Society no ho a, hwɛ Mmamaa a Wɔwɔ M’Ahenie Mu: Relif Society Abakɔsɛm ne Adwuma (2017), 1–25; Mfeɛ Aduonum a Edi Kan a Wɔ Relif Society no (2016), 3–175.
Relif Society kuo no ho mfonini a Paul Mann yɛeɛ
Eliza R. Snow
“Ɛwom sɛ edin [Relief Society] no firi ɛnɛ berɛ mu, nanso ekuo no firi tete. [Joseph Smith] na ɔka kyerɛɛ yɛn, sɛ na ahyehyɛdeɛ koro no ara wɔ asɔre no mu tete, a wɔatwe adwene asi so wɔ nkrataa a wɔatwerɛ wɔ Apam Foforɔ no mu no bi mu, de abɔdin, ‘awuraa a wɔayi no’ [hwɛ 2 Yohane 1:1; Nkyerɛkyerɛ ne Apam 25:3].
“Yei yɛ kuo a ɛntumi ntenase aberɛ a Asɔfodie tumi nka ho, firi nnyinasoɔ sɛ ɛnya ne tumi ne nsunsuasoɔ firi hɔ. Berɛ a asɔfodie tumi no firii asase so no, saa kuo yi ne deɛ ɛkeka ho nyinaa wɔ kwan papa ɛwɔ Yesu Kristo Asɔre mu wɔ asase so, yeraaɛ.
“Na ɔwɔ hɔ bi na wɔkyekeree ‘Mmaa Relief Society wɔ Nauvoo,’ ɔsanso wɔ suahunu a ɛkɔ anim wɔ kuo no mu, ɛbia mɛtumi abobɔso kakra akyerɛ ma aboa Sion mmammaa ma wɔn atu anammɔn wɔ saa dibea a ɛhia paa yi, a ɛkyerɛ sɛ asodie foforɔ ne deɛ ɛkeka ho. Sɛ mmammaa ne ɛnanom wɔ Israel renya atenka sɛ wɔn ho nteeɛ wɔ wɔn tebea mu sesei a, afei wɔbɛhwehwɛ nimdieɛ ma tumi ne asodie biara de ayɛ papa a wɔde akyɛ wɔn kwa.
Wɔkyekyeree Relief Society kuo no wɔ Brikisi Kɔkɔɔ sotɔɔ dan soro.
“Sɛ asɛmmisa bi ba wadwene mu a, te sɛ, Mmaa Relief Society no botaeɛ ne sɛn? Mɛbua—sɛ wɔbɛyɛ papa—sɛ ɛbɛma ahoɔden biara a yɛwɔ sɛyɛbɛyɛ papa no bɛba mu, ɛnnyɛ sɛ yɛbɛgyɛ ahiafoɔ nkoara na mom yɛbɛgye akra. Nkabɔm mmɔdemmɔ bɛyɛ adwuma sono a yɛnntumi nhunu ano kyɛn nipa baako a ne ho yɛ den kyɛn obiara.
Wɔ ahiafoɔ som mu, Mmaa Relief Society wɔ asɛdeɛ foforɔbi ka ho a ɛnnyɛ honam mu apɛdeɛ nkoara. Adwene mu hia ne akoma yareɛ, nso hia sɛ yɛbɛhwɛ; na mpɛn pii no asɛm de—afutuo nsɛm kakrabi, anaa mpo nsamkyea wɔ ɔdɔ mu bɛyɛ papa na wɔn ani bɛsɔ akyɛn sika poduo.
“Berɛ a Ahotefoɔ no boaboa wɔn ho ano wɔ aborɔkyire, ananafoɔ ma obiara, na wɔn ho ada kwan ma wɔn a wɔpɛ wɔn ɔseiɛ, ɛwɔ sɛ Relief Society no bɔhye wɔ [wɔn] hwɛ mu na wɔde wɔn hyɛ ɛkuo no mu na ɛyɛ wɔn yie pagya wɔn, na deɛ ɛboro ne nyinaa so no hyɛ wɔn gyidie den wɔ Asɛmpa no mu, na wɔ saayɛ de ɔgyeɛ bɛma dodoɔ.
“Ɛbɛhia nneɛma pii na wɔde akyerɛ asodie, akwanya ne asɛdeɛ a ɛba ɛkuo no mu. kɔ so yɛ (wɔ wo hwɛsofoɔ akwankyerɛ so) bɔkɔɔ, anidahɔ so, ahoɔden so, baakoyɛ mu ne mpaeɛbɔ mu, na Onyankopɔn de nkunim abotiri bɛgu wo mmɔdemmɔ so.”