“Mmaeɛ bio ne Nne: Yɛn Awufoɔ Asubɔ, ‘Animuonyam Nkyerɛkyerɛ’” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Asubɔ ma Yɛn Awufoɔ, ‘Animuonyam Nkyerɛkyerɛ’” Bra, Di M’akyi—De ma Efie ne Asɔre: 2025
Mmaeɛ bio no Nne
Yɛn Awufoɔ Asubɔ, “Animuonyam Nkyerɛkyerɛ”
Saa mfonini yi kyerɛ asubɔ adaka wɔ Nauvoo Tɛmpol mu sɛ ɛsi anantwie du mmienu akyi.
Phebe ne Wilford Woodruff
Na Phebe Woodruff te bɛn Nauvoo berɛ Joseph Smith hyɛɛ nkyerɛkyerɛ ase fa akwanya a ɛwɔ hɔ sɛ wɔbɛtumi abɔ asu ama awufoɔ. Ɔtwerɛ faa ho kɔmaa ne kunu, Wilford, a na ɔresom asɛmpatrɛ adwuma wɔ England:
“Onuabarima Joseph asua wɔ adiyisɛm mu sɛ wɔn a wɔwɔ saa asɔre yi mu bɛtumi abɔ asu ama mmusuafoɔ awufoɔ a wɔn anya akwanya ante asɛmpa no, mpo ma wɔn mma, awofoɔ, anuanom mmarima ne mmaa, nananom, wɔfanom, ne sewaanom. Ntɛmpa ara wɔbɛbɔ asu ama wɔn ayɔnkofoɔ no wɔgyai wɔn firi afiase na wɔbɛtumi agye wɔn wɔ owusɔreɛ mu na wɔde akɔ sɛlɛtia Ahemman—asɔre no agye saa nkyerɛkyerɛ yi atom ma wɔrekɔ anim wɔ dodoɔ mu, wɔrebɛbɔ ebinom asu mpɛn dodoɔ 16 da koro.”
Akyire no Wilford Woodruff kaa sei faa nkyerɛkyerɛ yi ho: “Berɛ korɔ a meteeɛ no, me kra hwirii wɔ anigyeɛ mu. Mekɔɔ anim na mebɔɔ asu maa m’abusuafoɔ a wɔawuo a mekae nyinaa. Metee nka sɛ menka halleluyah berɛ a adiyisɛm no baaɛ a ɛreda awufoɔ asubɔ adi akyerɛ yɛn. Metee nka sɛ yɛwɔ akwanya sɛ yɛdi ahurusie wɔ Soro nhyira mu.”
Vilate Kimball
Tesɛ Onuabaa Woodruff, Vilate Kimball tee awufoɔ anamusie asubɔ ho asɛm berɛ a ne kunu, Heber, reka asɛmpa no ho asɛm wɔ akwantuo mu. Ɔtwerɛ kɔmaa no:
“Titenani Smith abie animuonyam asɛm foforɔ bi so a ɛde nkanyan bi aba asɔre no mu. Ɛno ne, awufoɔ anamusie asubɔ. Paul ka ho asɛm wɔ Korintofoɔ 1 ti 15 nkyekyɛmu 29. Joseph nam adiyisɛm mu anya nkyerɛmu a ɛhyɛ ma paa. Ɛyɛ asɔre yi akwanya sɛ wɔbɔ asu ma wɔn mmusuafoɔ a wɔwuuiɛ ansa na saa Asɛmpa yi reba; mpo ɛkɔ akyiri kɔsi wɔn nana nkansoa Mmarima ne Mmaa. Wɔ saayɛ mu, yɛgyina ma wɔn; na yɛma wɔn akwanya sɛ wɔbɛka owusɔreɛ a ɛdikan ho bi. Ɔse wɔbɛka asɛmpa no akyerɛ wɔn nanso biribiara nni hɔ sɛ ahonhom asubɔ. Ɛfiri berɛ a wɔkaa saa nhyehyɛɛ yi ho asɛm wɔ ha no, wɔhono nsuo no da biara. Ɛduru nhyiamu a, ɛtɔda a Ɛldafoɔ bɛyɛsɛ nwɔtwe kɔpem du na na wɔwɔ asubɔnten no mu berɛ korɔ mu rebɔ asu. Mepɛsɛ me bɔ asu ma me Maame. Mesusuu sɛ mɛtwɛn ma woaba fie, nanso deɛ ɛtwa toɔ a Joseph kasa faa saa asɛm no ho no, ɔtuufo sɛ obiara nsɔre na ɔnni dwuma mfa ma wɔn ayɔnkofoɔ nnye wɔn mfiri nkoasom mu ntɛm. Nti medwene sɛ mɛkɔ anim nnawɔtwe yi, sɛdeɛ afipamfoɔ bi rekɔ anim no. Ɛbinom adikan ayɛ asubɔ no mpɛn deɛ ɛwɔ hɔ. Ne saa nti wahunu sɛ akwanya wɔ hɔ ma obiara. Yei nnyɛ animuonyam nkyerɛkyerɛ?”
Phebe Chase
Berɛ a wɔwie asubɔ adaka no wɔ Nauvoo Tɛmpol no, wɔhyɛɛ anamusie asubɔ wɔ hɔ a wannkɔ asubɔnten no mu bio. Phebe Chase, Nauvoo temanmuni, twerɛɛ ne maame fa tɛmpol ho, kyerɛkyerɛɛ asubɔ adaka no mu sɛ beaɛ a “yɛbɛtumi abɔ asu ama yɛn awufoɔ na yɛbɛyɛ agyenkwa wɔ Sion Bepɔ so.” Ɔkɔɔ so kyerɛɛmu sɛ wɔ saa adaka no mu, “mabɔ asu ama me papa dɔfoɔ ne m’ayɔnkofoɔ awufoɔ nyinaa. Afei mepɛ sɛ mehunu wo papa ne wo maame din sɛdeɛ mɛtumi agyae wɔn, mewɔ ɔpɛ sɛ mɛgye awufoɔ. Awurade akasa bio na Ɔde tete nhyehyɛeɛ no aba biom.”
Sally Randall
Ɔretwerɛ n’ayɔnkofoɔ ne n’abusuafoɔ afa asubɔ ma abusuafoɔ a wɔawu ho asɛm akyerɛ wɔn no, Sally Randall kaii ne babarima George wuo no:
“Oh na ɛyɛ berɛ a ɛmu yɛ den ma me na na ayɛ tesɛ menhunu no bio, nanso ne papa abɔ asu ama no na animuonyam hyɛ adeɛ bɛn nie sɛ yɛbɛgye asɛmpa no mahyɛ adi sɛdeɛ wɔka kyerɛ yɛn sesei na wɔbɛtumi abɔ yɛn asu ama awufoɔ nyinaa na yɛagye wɔn kɔpem sɛdeɛ yɛn nimdeɛ bɛduru biara.
“Mepɛ sɛ motwerɛ berɛ me abusuafoɔ a awu nyinaa din kɔpem nananom mmarima ne mmaa sɛdeɛ mobɛtumi biara. Me botaeɛ ne sɛ mɛyɛ deɛ mɛtumi biara de agye m’ayɔnkofoɔ na m’ani bɛgye sɛ mo mu bi bɛba abɛboa me esiane sɛ ɛyɛ adwuma sono sɛ baakofoɔ nkoara bɛyɛ. Ɛnnyɛ me nwanwa sɛ yei bɛyɛ mo adeɛ huhuuhu nanso mobɛhunu sɛ ɛyɛ nokorɛ.”