Nauvoo Fɛfɛɛfɛ no, Larry C. Winborg ne ɔyɛfoɔ Mmarakwan a ɛwɔ ho 2023

Ahinime 27-Ɔbubuo 2: “Efie a Me Din da so”

Nkyerɛkyerɛ ne Apam 124

Ɛwom sɛ na mfeɛ nsia a atwam no yɛ den ma Ahotefoɔ, nanso nneɛma hyɛɛ aseɛ yɛɛ yie wɔ 1839: Ahotefoɔ no nyaa ahummɔborɔ firii Quincy, Illinois. Bammɔfoɔ no maa kwan maa Joseph Smith ne Asɔre mpaninfoɔ a wɔn ka ho no dwanee Missouri. Na Asɔre no atɔ asase wɔ Illinois a ɛkyɛɛ, baabi a Ahotefoɔ no bɛhyia biom. Aane na ɛhɔ yɛ afrɔ mu, ntontom ahyɛ hɔ ma, nanso wode toto akwansideɛ na ahotefoɔ no adikan ahyia ho a, na yei yɛ ketewa. Ɛno nti wɔmaa hɔ wooiɛ na wɔyɛɛ kuro foforɔ ho nhyehyɛeɛ, na wɔtoo din Nauvoo. Ɛkyerɛ “Ahoɔfɛ wɔ” wɔ Hebrifoɔ kasa mu, mmom kanee no, na ɛyɛ gyedie kasa kyɛn nkyerɛkyerɛmu pɛpɛɛpɛ. Wɔ ne nyinaa mu no, na Awurade no dehyɛ Ne Nkɔmhyɛni mu sɛ ɔnyɛ ntɛm. Ɔde nokorɛ ne ayɛyɛdeɛ dodoɔ san baaɛ, na Ɔhia tɛmpol kronkron beaɛ a Ɔbɛtumi de “animuonyam abotire ama [N’Ahotefoɔ], honamdua a ewuo, ne daa nkwa” (Nkyerɛkyerɛ ne Apam 124:55). Wɔ kwan pii so no, saa gyedie atenka korɔ no ara ne ntɛmpɛ da adi wɔ Awurade adwuma mu nnɛ.

Hwɛ Ahotefoɔ,, 1:399-427; “Wɔrekyekyere Asɔre no wɔ Nauvoo,” wɔ Revelations in Context, 264-71.

Sua dodo fa Asɔre abakɔsɛm mmeaɛ wɔ Illinois.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 124:2–11

Mɛtumi ato nsa afrɛ afoforɔ sɛ wɔmmra Kristo nkyɛn

Awurade kakyerɛɛ Nkɔmhyɛni Joseph Smith sɛ “mommɔ dawuro mfa [Ne] asɛmpa ho” nkyerɛ “wiase ahemfo nyina ara” (Hwɛ Nkyerɛkyerɛ ne Apam 124:2–11). Sɛ wonya saa soma yi a, dɛn na wo dawurobɔ no bɛka afa Yesu Kristo ne N’asɛmpa a asan aba no ho. San so dwene sɛdeɛ wobɛtumi ne nnipa wo ne wɔn hyia dabiara akyɛ w’adanseɛ.

San hwɛ “Yesu Kristo Asɛmpa no Mayɛ Mmaeɛ bio: Mfeɛ Ahanu Dawubɔ ma Wiase,” Asɛmpa Akoraeɛ.

Nkyerɛkyerɛ ne Apam 124:12–21

Mɛtumi ayɛ ɔkyidini a Awurade wɔ ne mu awerɛhyɛmu.

Dwene ho sɛ wo ne afoforɔ bɛkyɛ, sɛdeɛ Agyenkwa no yɛɛ wɔ Nkyerɛkyerɛ ne Apam 124:12-21, Kristosu a wohunu wɔ mu. Sɛn na Wakyerɛ Ne dɔ ne awerɛhyɛmu akyerɛ wo?

San hwɛ Richard J. Maynes, “Worenya W’abusua ne Awurade awerɛhyɛmu,” Liahona, Obubuo. 2017, 75–77.

Nkyerɛkyerɛ ne Apam 124:22–24, 60–61

Awurade pɛ sɛ megye afoforɔ to mu ma wɔ akwaaba.

Berɛ a woredwene Awurade ahyɛdeɛ ho wɔ Nkyerɛkyerɛ ne Apam 124:22–24 60–61, no dwene sɛdeɛ wobɛtumi ama wo fie ne ward ayɛ tesɛ deɛ Awurade susuuɛ maa Nauvoo.

San hwɛ “Adamfoɔ ma Obiara” (sini), ChurchofJesusChrist.org.

A Friend to All

Elder Ulisses Soares talks of the need for kindness and acceptance.

Nkyerɛmu firi Joseph Smith wɔ Nauvoo Tɛmpol, ɛfiri Gary E. Smith hɔ

Nkyerɛkyerɛ ne Apam 124:25–45, 55

Yɛsi tɛmpol ma Awurade de gye ayɛyɛdeɛ kronkron.

Deɛn nti na wosusu sɛ Awurade “hyɛ Ne nkorɔfoɔ” aberɛ biara sɛ “wɔnsisi [tɛmpol] ma [Ne] din kronkron”? Dwene ho sɛ wobɛtwerɛ botaeɛ ahodoɔ a wohunu wɔ Nkyerɛkyerɛ ne Apam 124:25–45, 55. Wobɛtumi ahunu afoforɔ wɔ nnwom bi tesɛ “Yɛdɔ Wo Fie, O Onyankopɔn” (Nnwom, no. 247) anaa sini no “Ɛdeɛn ne Tɛmpol?” (Asɛmpa akoraeɛ). Kwan bɛn so na Tɛmpol si adwuma yɛ ahyɛnsodeɛ ma Awurade dɔ ma wo?

What Is a Temple?

The difference between chapels, where Latter-day Saints meet for regular Sunday worship, and temples is also explained.

Firi berɛ a wɔsii Nauvoo Tɛmpol no wɔ afe 1840 mu no, tɛmpol ahodoɔ bɛboro 300 na wasisi anaa de ato dwa. Titenani Russel M. Nelson akyerɛ sɛ “yɛnim sɛ yɛn berɛ wɔ tɛmpol ho hia ma yɛne yɛn mmusua nkwagyeɛ ne mpagya. Ɔtamfo no amaneɛ renyini ntɛmtɛm, wɔ ahoɔden mu ne akwaniasa nyinaa mu. Hia a ɛhia sɛ yɛbɛtaa akɔ tɛmpol mu no yɛ ahiadeɛ kɛseɛ paa” (“Woreyɛ Nna a Ɛdi Akyire Ahotefoɔ Nhwɛsoɔ,” Liahona, Obubuo. 2018, 114). Sɛn na tɛmpol aboa wo ma wagyina “ɔtamfo no amanneɛ ano”? Deɛn na ɛka wo sɛ yɛ fadi Titenani Nelson afutuo no so?

San hwɛ “Deɛ nti a Nna a Ɛdi Akyire Ahotefoɔ Si Tɛmpol,” temples.ChurchofJesusChrist.org.

Nkyerɛkyerɛ ne Apam 121:45–55

Awurade hyira nnipa a wɔpere sε wɔbɛdi Ne mmaransεm so.

Ɔhyɛɛ Ahotefoɔ no sɛ wɔn nsi tɛmpol wɔ Jackson County, Missouri, nanso “Atamfo sii wɔn kwan” (Nkyerɛkyerɛ ne Apam 124:51). Nkyekyɛmu 49–55 wɔ awerɛhyɛmu nkrasɛm bi ma nnipa a wɔpɛ sɛ wɔdi Onyankopɔn mmarasɛm so nanso wɔntumi esiane wɔn abusua tebea bi nti. Deɛn na wohunu wɔ saa twerɛsɛm yi mu a ɛbɛtumi aboa obi a ɔwɔ saa tebea no mu?

Nkyerɛkyerɛ ne Apam 124:91–92

Awurade bɛtumi aboa me wɔ me agya panin nhyira mu.

Nkɔmhyɛni papa, Joseph Smith Sr., wuuiɛ akyi no, Awurade frɛɛ Hyrum Smith sɛ ɔnni dwuma a na ne papa kura—Agya panyin ma Asɔre no. Wobɛtumi akenkan yei wɔ Nkyerɛkyerɛ ne Apam 124:91–92.

Sɛ wopɛ sɛ wosua dodoɔ fa agya panin ne agya panin nhyira ho abakɔsɛm a, mia ha.

Sɛn na wobɛkyerɛkyerɛ agya panin nhyira akyerɛ obi a ɔntee ho asɛm da? Deɛn na wobɛtumi aka de ahyɛ obi nkuran sɛ ɔnkɔ gye bi? Hwehwɛ saa nsɛmmisa yi ho mmuaeɛ wɔ Elder Randall K. Bennett nkrasɛm mu “W’Agya Panin Nhyira —Akwankyerɛ a Nkannyan a ɛfiri Ɔsoro Agya hɔ” (Liahona, Kɔtɔima 2023, 42–43) anaa atifinsɛm ne Nsɛmmisa mu, “Agya panin Nhyira” (Asɛmpa Akoraeɛ).

Wɔ wo suahunu so ne deɛ wo asua so, dwene sɛdeɛ wobɛtoa ɔkasamu yi so: “Agya panin nhyira te sɛ .” Adɛn nti na Soro Agya pɛ sɛ Ne mma nya agya panin nhyira?

Sɛ wo nnyaa wo agya panin nhyira a, deɛn na wobɛyɛ de asiesie wo ho agye bi! Sɛ woanya agyanom mpanimfoɔ nhyira a, wobɛyɛ dɛn akyerɛ Onyankopɔn sɛ wobu saa akyɛdeɛ yi sɛ ɛsom bo?

San hwɛ Kazuhiko Yamashita, “Berɛ a Yɛgye Agya Panin Nhyira,” Liahona, Kɔtɔnima 2023, 88–90; General Handbook, 18.17, Asɛmpa Akoraeɛ.

Kyerɛ firi akoma mu. Adekyerɛ so wɔ mfasoɔ berɛ a ankasa suahunu ne adanseɛ ka ho. Nhwɛsoɔ: Sɛ wo anya agya panin nhyira a, san hwɛ mu bio berɛ a woresiesie wo ho akyerɛ saa nhyira sononko yi. Adɛn nti na w’anisɔ wo nhyira? Kwan bɛn so na wobɛhyɛ afoforɔ nkuran sɛ wɔn kɔ gye anaa nsua agya panin nhyira mpɛn pii?

Adekyerɛ ho Adwenekyerɛ ma Nkwadaa

Nkyerɛkyerɛ ne Apam 124:15 20

Yesu Kristo dɔ nokorɛdie.

• Ɛbɛboa wo nkwadaa ma wɔn akae deɛ wɔn asua afiri Nkyerɛkyerɛ ne Apam 124:15 20, wobɛtumi aboa wɔn ma wɔn atwa akoma krataa. Wɔ akoma no so, wobɛtumi aboa wɔn atwerɛ kasasin a ɛhia firi saa nkyekyɛmu. Nnwom bi te sɛ “Gyina ma deɛ Ɛyɛ” (Nkwadaa Nnwomnwoma, 159) bɛtumi asi saa gyinaeɛsie yi so dua.

• Sɛ mokenkan bom Nkyerɛkyerɛ ne Apam 124:15, 20, ɛbia wobɛtumi aboa nkwadaa no ama wɔn ahwehwɛ asekyerɛ fa nokorɛdie abrabɔ ho wɔ kratafa 31 wɔ Fama Mmabunu Ahoɔden: Agyinasie Akwankyerɛ. Deɛn pɔtee na Awurade ka faa George Miller ho wɔ nkyekyɛmu 20 “esiane [George] nokorɛdiei akoma nti”? Wobɛtumi akyɛ nkwadaa a wɔkyerɛ nokorɛdie nhwɛsoɔ afiri wankasa wo suahunu mu anaa afiri Adamfoɔ nwoma mu. To nsa frɛ wo nkwadaa sɛ wɔnsi agyinaɛ sɛ wɔbɛkyerɛ nokorɛdie saa nnawɔtwe mu na wɔn akakyerɛ wo atenka a wɔnyaaɛ berɛ a wɔdi so.

Nkyerɛkyerɛ ne Apam 124:28–29, 39

Yesu ahyɛ Ne nkorɔfoɔ sɛ wɔnsisi tɛmpol.

• Wo nkwadaa ani bɛtumi agye tɛmpol mfoni hwɛ ho, a tete tɛmpol ne tɛmpol a ɛbɛn baabi a wɔn teɛ (hwɛ ChurchofJesusChrist.org/temples/list Wobɛtumi de saa mfoni yi ayɛ adwuma ne Nkyerɛkyerɛ ne Apam 124:39 de akyerɛ mu sɛ Yesu Kristo hyɛ Ne nkorɔfoɔ sɛ wɔnsisi tɛmpol—wɔ tete berɛm ne yɛn berɛ yi mu (San hwɛ nnawɔtwe yi dwumadie kratafa).

• Sɛ wotebɛn tɛmpol a, dwene ho sɛɛ wode wo mma bɛkɔ hɔ na moanante tɛmpol asase so ahobraseɛ mu. To nsa frɛ wɔn ma wɔnhwehwɛ nsɛm “Kronkron ma Awurade—Awurade Fie” a ɛwɔ Tɛmpol dan no abɔnten. Wone wo mma nkasa fa deɛ saa nsɛm yi kyerɛ.

• Dwene ho sɛ wode adwenekyerɛ yinom bɛyɛ adwuma “Wɔrebɔ wo Asu Agye wo ato mu ma wo Nananom” wɔ mmataho A mu fa boa wo nkwadaa ma wɔn nhwɛ anim da a wɔbɛtumi awura tɛmpol (san hwɛ “Tɛmpol no ne Anigyeɛ Nhyehyɛeɛ no” wɔ appendix B).

Solomon Tɛmpol, ɛfiri Sam Lawlor hɔ

Nkyerɛkyerɛ ne Apam 124:91–92

Awurade bɛhyira me wɔ agya panin nhyira mu.

• Berɛ a mobɔ mu kenkan Nkyerɛkyerɛ ne Apam 124:91–92, boa wo nkwadaa ma wɔnhwehwɛ deɛ Awurade frɛɛ Hyrum Smith sɛ ɔmɛyɛ. Kasa fa deɛ agya panin nhyira yɛ: nhyira sononko a Awurade kyerɛkyerɛ yɛn ho nsɛm ne deɛ Ɔpɛ sɛ yɛbɛyɛ. Dwene ho sɛ wode ɔfa “Woregye Agya Panin Nhyira” wɔ mmataho A de aboa wo nkwadaa asiesie wɔn ho de agye agya panin nhyira.

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Nauvoo Tɛmpol no, ɛfiri George D. Durrant hɔ