Nkyerɛmu firi Joseph Smith wɔ Nauvoo, 1840, ɛfiri Theodore Gorka hɔ

Obubuo 10-16 “Mahunu W’afɔrebɔ Wɔ Setie Mu”

Nkyerɛkyerɛ ne Apam 129–132

Ɛnam Joseph Smith so, Awurade yii ɛnniawieɛ ahintasɛm no bi adi. Onyankopɔn kɛseyɛ, soro animuonyam, ne ɛnniawieɛ tɛtrɛtɛ tumi yɛ te sɛ deɛ yɛnim wɔ sanfama asɛmpa no kanea mu, mpo ma adwene nketewa te sɛ yɛn deɛ. Adiyinsɛm a ɛwɔ Nkyerɛkyerɛ ne Apam 129–32 yɛ nhwɛsoɔ papa. Sɛn na Onyankopɔn teɛ? Ɔno “wɔ honam te sɛ nipa deɛ.” Sɛn na ɛsoro ɛteɛ? “Na saa abusuabɔ a ɛte yɛn ntam wɔ ɛha no bɛtena yɛn ntam wɔ hɔ” (Nkyerɛkyerɛ ne Apam 130:22, 2). Nokorɛ, anigyesɛm kɛseɛ baako fa soro ho ne sɛ yɛmmbusua ayɔnkofa no bɛtumi aka yɛn ho, sɛ wɔde tumi papa no sɔ ano a. Nokorɛ te sɛ yei bɛtumi ama ɛsoro abɛn—animuonyam a yɛbɛtumi anya.

Nanso, ɛtɔda a Onyankopɔn bɛtumi abisa sɛ yɛnnyɛ nneɛma a ɛyɛ den na ɛwɔ akyire. Na awaredodoɔ yɛ saa mmransɛm no bi ma Ahotefoɔ no mu pii. Na ɛyɛ gyedie nsɔhwɛ kɛseɛ ma Joseph Smith, ne yere Emma, ne obiara a ɔgyeeɛ Na na sɛ wɔbɛtumi afa saa nsɔhwɛ yi mu a, na wɔhia deɛ ɛboro atenka papa so kɛkɛ fa san-fama asɛmpa no ho; na wɔhia gyedie a ɛmu dɔ sene saa wɔ Onyankopɔn mu. Saa mmrasɛm no nni hɔ ɛnɛ, nanso nhwɛsoɔ a wɔn a wɔdii so nokorɛ mu no gu so tease. Na saa nhwɛsoɔ yi yɛ nkuranhyɛ ma yɛn sɛ wɔbisa sɛ yɛn mmɔ “afɔdeɛ wɔ setie mu” a (Nkyerɛkyerɛ ne Apam 132:50).

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 130—132

Onyankopɔn pɛ sɛ Ɔpagya Ne Mma.

Nneɛma pii wɔ hɔ a yɛnnnim fa mpagya ho anaa abrabɔ wɔ ahennie a ɛso paa wɔ sɛlɛsia ahemman mu—abrabɔ a Onyankopɔn bɔ. Ɛmu dodoɔ no ara boro yɛn nteaseɛ so seesei. Nanso Onyankopɔn ada ɛmu kakra a ɛsombo adi, na ɛmu dodoɔ wɔ Nkyerɛkyerɛ ne Apam 130–32. Wobɛtumi de nsɛmmisa bi wɔ w’adwene mu akenkan te sɛ: Deɛn na mesua fa Onyankopɔn ho? Deɛn na mesua fa owuo akyi abrabɔ ho? Sɛn na saa nimdeɛ fa ɛnniawieɛ nkwa ho ahyira m’abrabɔ seesei?

San hwɛ “Yɛn Akoma Dii Ahurusie sɛ Yɛtiee Ne kasa,” wɔ Adiyisɛm a Ɛwɔ Nsɛm a Ɛfa Ho, 277-80.

Nkyerɛkyerɛ ne Apam 130:20-21; 132:5

Awurade hyira nnipa a wɔdi Ne mmaransεm so.

Wobɛka no sɛn, wɔ woankasa wo nsɛm mu, deɛ Awurade kyerɛkyerɛ wɔ Nkyerɛkyerɛ ne Apam 130:20–21 ne 132:5? Dwene ho sɛdeɛ saa nkyerɛkyerɛ yi ada adi wɔ w’abrabɔ mu.

Ɛtɔda a, sɛ mpo yɛyɛ setie ma Onyankopɔn a, nhyira a yɛn ani da so no mma ntɛm. Sɛn na wo sɔ wo gyidie ne w’anidaso mu sɛ saa si a? Hwehwɛ nhunumu wɔ Elder D. Todd Christofferson nkrasɛm mu “Ayɔnkofa a Ɛda Yɛn ne Onyankopɔn Ntam” (Liahona, Kɔtɔnima 2022, 78–80).

San hwɛ 1 Nifae 17:35; Nkyerɛkyerɛ ne Apam 82:10

Nkyerɛkyerɛ ne Apam 132:13–21

Ɔsoro Agya ayɛ no sɛ mmusua bɛtumi abɛyɛ ɛnniawieɛ.

Ɛnam Nkɔmhyɛni Joseph Smith so, Awurade de nokorɛ san maaɛ sɛ awareɛ ne abusua ayɔnkobɔ no bɛtumi ayɛ ɛnniawieɛ. Wokenkan Nkyerɛkyerɛ ne Apam 132:13-21a, hwehwɛ nsɛmfua a ɛboa ma wo nteaseɛ fa nsonsonoeɛ a ɛda deɛ “ɛbɛtenase” ɛnniawieeɛ ne deɛ ɛntenase. Wodwene sɛ ɛkyerɛ sɛn sɛ awareɛ ayɔnkofa “bɛyɛ deɛ [Awurade ayɛ]”? (nkyekyɛmu 14).

Wɔ ne nkrasɛm mu “Ayeyie Kɔ ma Wɔn a Wɔgyeɛ,” Titenani Dieter F. Uchtdorf de ɛnniawieɛ awareɛ toto nneɛma a “yɛtogu” ho (Liahona, Kɔtɔnima 2016, 77–78). Deɛn na saa ntotoho yi kyerɛ wo fa sɛdeɛ wobɛtete—anaa asiesie wo ho ama—awareɛ ayɔnkofa? Dwene w’abusua ayɔnkofa ho—sesei ne daakye—berɛ a worekenkan Ɛlda Uchtdorf nkrasɛm. Deɛn na wohunu a ɛma wo anidasoɔ wɔ Kristo mu ma w’abusua ayɔnkofa ho?

Titenani Henry B. Eyring kyɛɛ afutuo bi a ɔnyaaɛ berɛ a na n’abusua tebea reha no: “Wodeɛ bɔ bra a ɛfata sɛlɛsia ahemman no, na abusua nhyehyɛeɛ no bɛyɛ nwanwa sene sɛdeɛ wobɛtumi asusu” (wɔ “A Home Where the Spirit of the Lord Dwells,” Liahona, Kɔtɔnima 2019, 25). Sɛn na saa afutuo yi bɛboa wo anaa obi a wo nim?

San hwɛ “Abusua Bɛtumi Atenase Daapem,” Dwom, nɔ. 300 Tinsɛm ne Nsɛmmisa, “Awareɛ,” Asɛmpa Akoraeɛ.

Wɔbɛtumi asɔ awareɛ ano ama ɛnniawieeɛ wɔ Awurade no fie mu.

Nkyerɛkyerɛ ne Apam 132:1–2, 29–40.

Onyankopɔn gye awaredodoɔ tom wɔ berɛ a Ɔno ahyɛ.

Nnipa pii a wɔkenkan Apam Dadaa no dwene Abraham, Yakob, Mose ne afoforɔ a wɔwaree dodoɔ ho. So na saa Awurade asomfoɔ yi rebɔ adwaman anaa? Onyankopɔn penee wɔn awareɛ no so anaa? Na Joseph Smith wɔ nsɛmmisa te sɛ yeinom. Hwehwɛ mmuaeɛ a Onyankopɔn de maaɛ wɔ Nkyerɛkyerɛ ne Apam 132:1–2, 29–40mu.

Barima baako ne ɔbaa baako awareɛ ne Onyankopɔn susudua ma awareɛ (hwɛ atifinsɛm ma Wiase Dawubɔ 1; Yakɔb 2:27, 30). Nanso, mmerɛ bi baaɛ a Onyankopɔn hyɛɛ sɛ ne mma nware dodoɔ.

Na Asɔre no mmaeɛ bio mfitiaseɛ no yɛ saa berɛ no bi. Sɛ wopɛsɛ wosua dodoɔ fa awaredodoɔ wɔ Ahotefoɔ adikanfoɔ no mu a, hwɛ “Mercy Thompson ne Adiyisɛm fa Awaredodoɔ fo” (wɔ Adiyisɛm wɔ ne tebea mu, 281–93); Ahotefoɔ, 1:290–92, 432–35, 482–92, 502–4; Atifinsɛm ne Nsɛmmisa“Awaredodoɔ wɔ Yesu Kristo Asɔre a Ɛwɔ hɔ ma Nna a Ɛdi Akyire Ahotefoɔ,” Asɛmpa Akoraeɛ; “Adɛn nti na na ɛhohia sɛ Joseph Smith ne afoforɔ bɛware dodoɔ?” (sini), ChurchofJesusChrist.org.

Why was it necessary for Joseph Smith and others to practice polygamy?

A question from the Worldwide Devotional: A Face to Face Event with Elder Cook on September 9, 2018

Adekyerɛ ho Adwenekyerɛ ma nkwadaa

Nkyerɛkyerɛ ne Apam 130:2, 18–19; 132:13, 19

Ɔsoro Agya pɛ sɛ mede m’ani si nneɛma a ɛnniawieeɛ so.

• Deɛn na Nkyerɛkyerɛ ne Apam 132:13 kyerɛ yɛn fa wiase nneɛma ho? Ebia wo ne wo mma bɛtumi afa nneɛma pii de agu kotokuo mu a ɛkyerɛ nneɛma a yɛbetumi de akɔ ewiase foforɔ no mu sɛ deɛ Nkyerɛkyerɛ ne Apam 130:2, 18–19; 132:19ɛkyerɛ no.

Nkyerɛkyerɛ ne Apam 130;20-21132;5,21,:22–23

Onyankopɔn hyira me berɛ a medi Ne mmransεm so.

• Ebia ntotoho ketewa bi bɛtumi akyere wo mma sɛdeɛ yɛdi Onyankopon mmara so. Nhwɛsoɔ, wobɛtumi abisa sɛ wɔnkyerɛ wo baabi a wobɛtumi annante, te sɛ sukuu mu anaa asɔre dan. Deɛn na ɛbɛsi sɛ yɛanni akwankyerɛ no so a? Afei mobɛtumi akenkan Nkyerɛkyerɛ ne Apam 130:21 na mo mfa ntoto mmransɛm a Onyankopɔn de ama yɛn no ho.

• Mobɛtumi nso abɔmu ato dwom a ɛfa osetie ho, te sɛ “Di Mmarasɛm no so” (Children’s Songbook, 146–47), na hwɛ nsɛm a ɛwɔ Nkyerɛkyerɛ ne Apam 130:20–21 ne 132:5 a ɛne deɛ ɛwɔ dwom no mu sɛ. Sɛn na Onyankopɔ hyira yεn wɔ berɛ a yεrepere sε yεbedi Ne mmransεm so?

Nkyerɛkyerɛ ne Apam 130;22

Soro Agya ne Yesu Kristo wɔ anisoɔ honamdua a ɛnnwu da.

• Mo kenkan Nkyerɛkyerɛ ne Apam 130:22 wie a wo ne wo mma bɛtumi ahwɛ mfonin a ɛkyerɛ Yesu Kristo ani, N’ano, ne Ne honam dua akwaa. Wo mma nso bɛtumi de wɔn nsa aka wɔn honamdua akwaa no nso pɛpɛɛpɛ. Ka deɛ nti a ɛho hia sɛ wɔbɛhunu sɛ yɛn honamdua tesɛ Soro Agya ne Yesu honamdua.

Esiane ayɛyɛdeɛ a ɛwɔ Awurade fie nti mmusua bɛtumi atena afebɔɔ.

Nkyerɛkyerɛ ne Apam 132;19.

Soro Agya yɛɛ ne sɛ mmusua bɛtumi akabom afebɔɔ.

• Boa wo nkwadaa ma wɔn nwhenwhɛ nneɛma a ɛntena afebɔɔ—aduane a ɛsɛe, nhwiren a ɛgoɔ ɛne deɛ ɛkeka ho. Afei hwɛ Nkyerɛkyerɛ ne Apam 132:19 na hwehwɛ nsɛmfua titiri te sɛ “apam a ɛtehɔ daa,” “nsɔano,” “ɛnniawieeɛ nyinaa,” ne “daa ne daa nyinaa.” (San hwɛ “Ti 55: Aware ho Adiyisɛm,” wɔ Nkyerɛkyerɛ ne Apam Abasɛm, -198, anaa sini a ɛne no kɔ wɔ Asɛmpa Akoraeɛ.) Wobɛtumi nso ahwɛ w’abusua mfonin na di adanseɛ sɛ Awurade nam apam ne ɛyɛyɛdeɛ a ɛwɔ tɛmpol so ama akwanya no sɛ, mmusua bɛtumi atena afebɔɔ.

Chapter 55: A Revelation about Marriage: July 1843

Nya tema ma abusua tebea. “Ɛnɛ nkwadaa tumi hunu sɛ wɔhyɛ abusua ahodoɔ ne abusua tebea sononko mu. [Yɛn] hia sɛ yɛhwɛ [wɔn] a wɔyɛ ankonam, ne wɔn a w’aka akyire anaa w’aka afasuo no akyi” (Neil L. Andersen, “Deɛ Ɔbɛgye Wɔn no, W’agye Me,” Liahona, Kɔtɔnima 2016, 49, 52).

Sɛ wopɛ nsusuiɛ pii a, hwɛ saa bosome yi Adamfoɔ nsɛmma nwoma mu.

Nsɔano dan mu wɔ Paris France Tɛmpol no mu.