Yɛn ne Wɔn na Wɔn ne Yɛn, Caitlin Connolly na ayɛ

Obubuo 3–9: “Anigyeɛ Nne Ma Ateasefoɔ ne Awufoɔ”

Nkyerɛkyerɛ ne Apam 125—128

Wɔ Ɔsanaa 1840, ɔwerɛhoni Jane Neyman tiee Nkɔmhyɛni Joseph kasa wɔ n’adamfo Seymour Brunson ayie ase. Na Jane ankasa babɛrima Cyrus wuuiɛ nkyɛɛ Deɛ ɛma n’awerɛhoɔ yɛ kɛseɛ ne sɛ Cyrus ammɔ asu, na ɛha Jane sɛ dɛn na ɛbɛto ne ba no ɛnniawieɛ kra. Na Joseph nso adwene saa ho afa ne nua dɔfoɔ Alvin a ɔno nso wuuiɛ a wammmɔ asu. Nti Nkɔmhyɛni no sii agyina sɛ ɔne obiara bɛkyɛ deɛ Awurade ayi akyerɛ no wɔ ayie no ase fa nnipa a wɔn annnye asɛmpa no ayɛyɛdeɛ ansa na wɔrewu—ne deɛ yɛbɛtumi ayɛ de aboa wɔn.

Awufoɔ asubɔ nkyerɛkyerɛ yɛɛ Ahotefoɔ no anika; amonomuhɔ ara wɔn adwene kɔɔ wɔn mmusuafoɔ a awuwu so. Afei deɛ anidasoɔ wɔ hɔ ma wɔn! Joseph anigyeeɛ maa wɔn, na wɔ krata a ɛkyerɛkyerɛ saa nkyerɛkyerɛ yi mu no, ɔde anigyeɛ, ahokeka kasa kyerɛɛ deɛ Awurade kyerɛkyerɛɛ no faa awufoɔ nkwagyeɛ ho: “Momma mmepɔ no mfa anigyeɛ ntea mu, na mo mmohwa nyina ara, montea mu denden; na mo ɛpo nyina ara ne nsase kesee monka mo Ɔnniawieɛ Hene no ahodwirideɛ!” Nkyerɛkyerɛ ne Apam128:23

Hwɛ Ahotefoɔ,, 1:415-27; “Nkrata fa Awufoɔ Asubɔ ho,” wɔ Revelations in Context, 272-76.

Nsusuiɛ de ma Adesua wɔ Efie ne Asɔre

Nkyerɛkyerɛ ne Apam 126

Awurade pɛ sɛ mehwɛ m’abusua.

Ɔfirii asɛmpatrɛ adwuma wɔ England beaeɛ—asɛmpatrɛ adwuma no mu baako a ɔkɔɔɛ—Brigham Young nyaa ɔfrɛ adwuma kɛseɛ biom firii Awurade hɔ. Wɔbisaa no sɛ “ɔnhwɛ [ne] abusua yie” (nkyekyɛm 3), na wɔn abrɛ berɛ a na ɔnni hɔ no. Berɛ a wokenkan ɔfa yi, dwene sɛnti a Agyenkwa no hwehwɛ afɔdeɛ wɔ yɛn som mu. Deɛn na wobɛtumi ayɛ de ahwɛ woabusuafoɔ?

San hwɛ “Hwɛ Woabusua so Yie,” wɔ Revelations in Context, 242-49.

Nkyerɛkyerɛ ne Apam 127:2–4

Mɛtumi de meho ato Awurade so wɔ ahohiahia berɛ mu.

Adansekrumu ne ɛkyeɛ ho ntrɛne san hyɛɛ Joseph Smith ma ɔde ne ho sieɛ wɔ Ɔsana 1842 Nanso nsɛm a ɔtwerɛ kɔmaa Ahotefoɔ no saa berɛ no (ɛnɛ Nkyerɛkyerɛ ne Apam 127) anidasoɔ ne anigyeɛ ahyɛ mu ma. Deɛn na nkyekyɛmu 2–4 kyerɛ wo fa Onyankopɔn ho? fa atweetwee mu fa ho anaa akwansideɛ ho? Kasasin bɛn wɔ saa twerɛsɛm yi mu na ɛbɛtumi aboa wo berɛ a worebɔ wo kwaadu? Dwene sɛ wobɛtwerɛ ato hɔ sɛdeɛ Awurade resɔ wo mu “wɔ nsuo a ɛmu dɔ” wɔ w’abrabɔ mu .

Nkyerɛkyerɛ ne Apam 127:5–8; 128:1–8

“Biribiara a wobɛtwerɛ no wɔ asase so no, wɔbɛtwerɛ no wɔ soro.”

Berɛ a worekenkan Nkyerɛkyerɛ ne Apam 127:5–8; 128:1–8, hwehwɛ sɛnti a Awurade maa Joseph Smith akwankyerɛ pɔtee fa sɛ wɔbɛtwerɛ awufoɔ asubɔ ato hɔ. Deɛn na yei kyerɛ wo fa Awurade ne N’adwuma ho? Kwan bɛn so na saa akwankyerɛ yi kɔ ma w’ankasa w’abusua abakɔsɛm, tesɛ w’ankasa abakɔsɛm?

Yɛreyɛ Tɛmpol adwuma ama yɛn nananom ka yɛn akoma kɔ wɔn nkyɛn.

Nkyerɛkyerɛ ne Apam 128:5–25

Me nananom nkwagyeɛ ho hia ma me nkwagyeɛ.

Ɛmu da hɔ fann deɛ Onyankopɔn daa no adi faa Joseph Smith so sɛnti a yɛn nananom a wammmɔ asu wɔ nkwa mu hia yɛn: wɔbɔ yɛn asu ma wɔn sɛdeɛ wɔbɛtumi ayi sɛ wɔbɛgye ayɛyɛdeɛ no anaa wɔbɛ po. Nanso Nkɔmhyɛni no sanso kyerɛɛ sɛ yɛn nananom nkwagyeɛ yɛ “ahiadeɛ ne mfasodeɛ ma yɛn nkwagyeɛ.” Berɛ a wokenkan Nkyerɛkyerɛ ne Apam 128:15—18, dwene sɛnti a ɛte saa.

Nkyekyɛmu 5 kyerɛkyerɛ sɛ asubɔ ayɛyɛdeɛ ma awufoɔ no “wasiesie firi wiase fapem ase.” Deɛn na saa nokorɛ yi kyerɛ fa Awurade ne Ne nhyehyɛɛ ho? Dɛn na Elder Dale G. Renlund nkrasɛm “Abusua abakɔsɛm ne Tɛmpol Adwuma: Nsɔano ne Ayaresa” de ka wo nteaseɛ ho? (Liahona, Kɔtɔnima 2018, 46–49)

Joseph Smith de nsɛm bi tesɛ “nkabom tumi,” “nsɔano kawa,” ne “pɛpɛɛpɛyɛ nkabom” yɛ adwuma berɛ a ɔrekyerɛkyerɛ fa asɔfodie ayɛyɛdeɛ ne awufoɔ asubɔ ho. Hwehwɛ saa nsɛm yi berɛ a wokenkan Nkyerɛkyerɛ ne Apam 128:5-25. Wobɛtumi adwen nneɛma a wobɛtumi de akyerɛ saa nsɛmfua yi, tesɛ ahoma anaa nkɔnsɔnkɔnsɔn? Adɛn nti na wɔde asɛmfua papa yi kyerɛ saa nkyerɛkyerɛ yi mu?

Dwene nsɛmmisa a ɛdidi soɔ yi sɛ ɛbɛtumi aboa wo berɛ a woresua saa twerɛnsɛm yi:

• Wɔ wo nsusuiɛ mu no, deɛn nti na asubɔ ma awufoɔ yɛ “deɛ animuonyam wɔ mu sene biribiara a ɛka daapem asɛmpa no ho”? (nkyekyɛmu 17). Suahunu bɛn na aboa wo ma wanya saa atenka yi?

• Kwan bɛn so na nnome bɛtumi aba asase so sɛ “nsɔano kawa biara nni agyanom ne mma ntamu a”?nkyekyɛm 18

• Deɛn na ɛda nso ma wo wɔ Joseph Smith nsɛm mu wɔ nkyekyɛmu 19-25? Sɛn na saa atwerɛ yi nya nsusuansoɔ wɔ atenka a wowɔ fa Yesu Kristo ho? ɛfa tɛmpol som ho ma wo nananom awufoɔ? (San hwɛ “Bra, Di Ahurusie,” Nwom, nɔma. 9).

Sɛ wosua saa twerɛsɛm yi wie a, wobɛtumi anya nkanyan sɛ yɛ biribi ma wo nananom awufoɔ. Adwenkyerɛ fa FamilySearch.org bɛtumi aboa.

“Nkanyan Sini” wɔ “Tempol ne Abusua abakɔsɛm” a ɛwɔ Asɛmpa Akoraeɛ no bɛtumi ama wo mmoa, nkanyan abasɛm, ne nkransɛm a ɛfiri akannifoɔ hɔ fa abusua abakɔsɛm ho.

Fa Asɔre akadeɛ a ɛfa ho. Twaka wɔ Bra, Di M’akyi nsɛm no ma mmoa ntɛmso de kɔ akadeɛ a ɛtumi boa ma nteaseɛ ne sɛdeɛ wode asɛmpa nokorɛ no bɛyɛ adwuma anaa wode nkanyan a wonya no bɛdi dwuma. Nhwɛsoɔ, FamilySearch twaka wɔ soro hɔ no de wo kɔ dwumadie tesɛ woreyɛ wankasa woabusua dua, worehwehwɛ nananom a wɔhia tɛmpol ayɛyɛdeɛ, wobɛhunu baabi a wo nananom firi, anaa wode abusua abasɛm bi regu so.

San hwɛ Kevin R. Duncan, “Anigyeɛ Nne!,” Liahona, Kɔtɔnima 2023, 95–97.

“Animuonyam ne Anwanwasɛm Amanedeɛ.”

Titenani Gordon B. Hincley kaa sɛ:

“Yesu Mpata ma adasamma nyinaa gyina hɔ ma anamusie afɔdeɛ. Ɔyi kwan a ɔfaa so bɛyɛɛ anamusini ma adasamma nyinaa. Saa kwan yi a obi tumi yɛ anammusini ma ɔfoforɔ no kɔ so wɔ ayɛyɛdeɛ mu wɔ Awurade fie. Ɛha yɛsom ma wɔn a awuo na wɔannya asɛmpa no ho nimdeɛ. Wɔn deɛ ne sɛ wɔbɛgye anaa wɔbɛpo ayɛyɛdeɛ a yɛyɛ no. Wɔde wɔn gyina faako a ateasefoɔ wɔ asase so gyina pɛpɛɛpɛ. Wama awufoɔ akwanya korɔ tesɛ ateasefoɔ. Biom, ɛdeɛn animuonyam ne Anwanwasɛm Amanedeɛ a Onyankopɔn de ama ɛnam adiyisɛm a Ɔdema Nkɔmhyɛni” (“Nneɛma Akɛseɛ a Onyankopɔn Ada no Adi,” Liahona, Kɔtɔnima 2005, 82–83).

Adekyerɛ ho Adwenkyerɛ ma Nkwadaa

Nkyerɛkyerɛ ne Apam 126:3

Mɛtumi aboa ahwɛ m’abusua.

• Ɛbɛboa wo nkwadaa ma wɔn asua sɛdeɛ wɔbɛsom wɔn mmusua, dwene ho sɛ wo ne wɔn bɛkyɛ Brigham Young ho nsɛm wɔ “Ti 50: Ahotefoɔ no wɔ Nauvoo” (wɔ Nkyerɛkyerɛ ne Apam abasɛm, 184, anaa ɛho sini wɔ Asɛmpa Akoraeɛ) anaa tɔfabɔmu Nkyerɛkyerɛ ne Apam 126 wɔ wankasa nsɛm mu. Wobɛtumi asi nsɛmfua “hwɛ wabusua so yie” so dua (nkyekyɛmu 3) na wo ne wo nkwadaa no nkasa mfa asekyerɛ sɛ wobɛhwɛ wabusua so yie.

  Chapter 50: The Saints in Nauvoo: January–July 1841

• Ɛbɛtumi ayɛ anigyedeɛ sɛ wo ne wo nkwadaa bɛhwɛ abusua mfoni (anaa mobɛdrɔɔ mfoni) berɛ a moredi nkɔmmɔ fa kwan a mobɛ“hwɛ” mo abusuafoɔ yie Mobɛtumi ato nwom te sɛ “Efie Bɛtumi Ayɛ Ɔsoro wɔ Asase so”(Nnwom, nɔma. 298).

Nkyerɛkyerɛ ne Apam 128:5, 12

Onyankopɔn mma nyinaa hia akwanya a wɔdebɔ asu.

• To nsa frɛ wo nkwadaa no ma wɔnhwehwɛ mfiri Nkyerɛkyerɛ ne Apam 128:1 deɛ na Joseph Smith redwene ho. Wɔbɛtumi nso ahwehwɛ nkyekyɛmu 17 na wɔde ahunu asem a ɔsusu no sɛ “animuonyam kɛseɛ paa ara.” Ma wɔnkyɛ deɛ wohunu na wɔnkasa mfa deɛ nti a asɛm no yɛ anika.

• Ɛkaho biom sɛ ɛmmoa wo nkwadaa na wɔn nsiesie (na wɔnni) wɔn ankasa asubɔ apam so, wo bɛtumi aboa wɔn ma wahunu sɛdeɛ wɔbɛboa nkorɔfoɔ a wɔannyɛ apam yi wɔ wɔn nkwanna nyinaa mu. Dwene ho sɛ wobɛka akyerɛ wo nkwadaa afa obi a wonim sɛ wawu na wammɔ asu. Afei mo mmɔmu kenkan Nkyerɛkyerɛ ne Apam 128:5 na hwɛ tɛmpol asubɔ adaka (te sɛ deɛ ɛda saa ntwerɛyɛ awieɛ). Kakyerɛ wo nkwadaa no atenka a wonyaaɛ berɛ a wo bɔɔ asu wɔ tɛmpol maa awufoɔ sɛdeɛ obiara nso benya akwenya na ɔne Onyankopɔn ayɛ apam.

Nkyerɛkyerɛ ne Apam 128;18

Ɔsoro Agya pɛ sɛ mesua m’abusua abakɔsɛm.

• Ɛbɛtumi ayɛ anika sɛ wo ne wo nkwadaa bɛyɛ krataa tententen a awofo, nananom, nanankansoa nom din wɔ so.(Hwɛ nnawɔtwe yi Dwumadie kratafa). Afei mo bɛtumi ne mo ho mo ho akyɛ deɛ monim fa mo nananom yi ho. Kenkan bom Nkyerɛkyerɛ ne Apam 128:18 na monhwehwɛ deɛ ɛyɛ “nsɔmu kawa” a ɛma yɛn abusua abakɔsɛm no yɛ “mua ne pɛyɛ” Mobɛtumi nso abom ahwɛ sini “Akokoɔduro: Medwene sɛ Menya firi Ne hɔ” (Asɛmpa Akoraeɛ).

  Courage: I Think I Get It From Him

  Learn about your ancestors strengths to discover your own strengths.

• Dwumadie afoforɔ a ɛbɛboa wo nkwadaa ma wɔn ayɛ abusua abakɔsɛm no, wɔbɛhunu wɔ “Tɛmpol ne Anigyeɛ Nhyehyɛeɛ no” wɔ nkyerɛaseɛ B anaa wɔ FamilySearch.org.

Tɛmpol ayɛyɛdeɛ boa ma yɛka mmusua bom te sɛ nsɔmu nkawa.

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Asubɔ Yawa wɔ Ogden Utah Tɛmpol no.