Nkyerɛmu firi Awoɔ ho Nsɛm wɔ Copper ne Umber, J. Kirk Richards hɔ

Ɔpɛnima 22–28: Akyɛdeɛ a Ɛboro Adeɛ Nyinaa so, Onyankopɔn Ba Kronkron no

Buronya

Nkɔmhyɛni Joseph Smith kyerɛkyerɛɛ sɛ, “Yɛn som nnyinasosɛm fapem yɛ Asomafoɔ ne Nkɔmhyɛfoɔ adansedie a ɛfa Yesu Kristo ho, sɛ Ɔwuui, wɔsiee no, na ɔsɔree bio ne nnansa soɔ, na ɔforo kɔɔ soro; na nneɛma a aka a ɛfa yɛn som yi ho nyinaa yɛ ne mmataho” (Asɔre no Titenafoɔ Nkyerɛkyerɛ: Joseph Smith [2011], 49) mfeɛ 160 akyi, saa asɛm yi kanyan Atitenafoɔ a Wɔdikan ne Asomafoɔ Dumienu Kuo sɛ wɔmfa “Kristo Teasefoɔ No: Asomafoɔ no Adansedie” nto dwa nhyɛ mfeɛ 2,000 a wɔwoo Agyenkwa no animuonyam (hwɛ Russell M. Nelson, “Retwe Tumi a Ɛwɔ Yesu Kristo mu aba Yɛn Abrabɔ mu,” Liahona, Kɔtɔnima 2017, 40).

Sɛ yɛyɛ Nna a Ɛdi Akyire Ahoteɛfoɔ no, yɛdi dɛ wɔ nhyira ɛwɔ adiyisɛm ntoasoɔ a ɛfiri nkɔmhyɛfoɔ ne asomafoɔ nkyɛn ba mu. Yɛn anisɔ wɔn kanyan afotuo nsɛm, kɔkɔbɔ, ne nkuranhyɛ. Nanso deɛ ɛso paa, wɔn adanseɛ a tumi wɔ mu fa Yesu Kristo ho—Buronya berɛ na afe no nyinaa yɛ nhyira ma yɛn. Yeinom nyɛ nsɛm bi kɛkɛ a atwerɛfoɔ anaa badwam akasafoɔ bi anaa twerɛnsɛm mu animdefoɔ bi nsɛm. Ɛyɛ nsɛm a ɛfiri wɔn a Onyankopɔn ayi, afrɛ, na wama wɔn tumi sɛ “adansefoɔ sononko wɔ Kristo din ho wɔ wiase nyinaa mu” (Nkyerɛkyerɛ ne Apam 107:23).

Nsusuiɛ de ma Adesua wɔ Efie ne Asɔre

“Onipa biara nni hɔ a wanya nkɛtɛnsoɔ kɛseɛ.”

Ɛdeɛn na wo bɛka de afoa asɛm “Onipa biara nni hɔ a wanya nkɛtɛnsoɔ kɛseɛ [tesɛ Yesu Kristo] wɔ obiara a woatena ase na wɔbɛkɔ so atena ase wɔ asase yi so”? Hwehwɛ nsɛmfua wɔ “Kristo Teasefoɔ no” mu a ɛdi adanseɛ fa Agyenkwa no nkɛtɛnsoɔ sononko no ho. Sɛn na Wanya nkɛtɛnsoɔ wɔ wo so?

Yɛmfa no sɛ obi a ɔnnim Kristosom abisa wo deɛ nti a wo di Buronya. Sɛn na wobɛsi ayi ano? Kenkan “Kristo Teasefoɔ No” berɛ a woredwene asɛmmisa yi ho, na susuho sɛ wobɛtwerɛ ato ho nimdeɛ anaa atenka a wobɛnya no.

San hwɛ “Deɛ Nti a Yɛhia Agyenkwa bi” (sini), Asɛmpa Akoraeɛ.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

“Ɔnyane firii damena mu.”

Wɔ “Kristo Teasefoɔ Nomu,” Asomafoɔ no di adanseɛ fa Agyenkwa no wusɔreɛ ho, kyerɛɛ mu sɛ Awurade a wawuasɔre no daa Ne ho adi mprɛnsa (hwɛ kasapɛn 5). Susuho sɛ wobɛkenkan afa saa nsrahwɛ yi ho wɔ Yohane 20; 3 Nifae 11; and Joseph Smith—Abakɔsɛm 1:14–20. Deɛn na wosua fa Agyenkwa no ho firi Ne nsɛm ne Ne nneyɛeɛ mu berɛ a Ɔdaa Ne ho adi?

Twe w’adwene si Agyenkwa no so. “Wode mpaeɛ kenkan ‘Kristo Teasefoɔ No’ a, ɛtesɛ deɛ worekenkan Mateo, Marko, Luka, Yohane, ne nkɔmhyɛfoɔ a wɔwɔ Mormon Nwoma no mu adanseɛ Ɛbɛma wo gyedie anyini wɔ Agyenkwa no mu na aboa atwe w’adwene asi Ne so” (M. Russell Ballard, “San Bra na Bɛgye,” Liahona, Kɔtɔnima 2017, 65).

“Ne tumi ne N’Asɔre asan aba bio.”

Berɛ a na woresua Nkyerɛkyerɛ ne Apam afe yi mu no, woanya akwanya asua dodoɔ fa sɛdeɛ Agyenkwa no asɔfodie tumi ne N’Asɔre asan aba biom.” San fa ma nokorɛ anaa nkyerɛkyerɛ bɛn na ɔtɔ aso mu titiriw ma wo? Susuho sɛ wobɛkenkan twerɛnsɛm a ɛdidisoɔ yi a ɛkyerɛkyerɛ fa Sanba a Wɔbɛsan Asiesie: Nkyerɛkyerɛ ne Apam 1:17–23; 13; 20:1–12; 65; 110; 112:30–32; 124:39–42; 128:19–21. Dwene sɛdeɛ nokorɛ a ɛwɔ asɛmpa a wasan de aba no mu boa ma wo hunu na wodɔ Yesu Kristo.

“Da bi Ɔbɛsan aba asase so bio.”

Buronya yɛ berɛ a wɔtwa ani kɔ hwɛ da wɔwoo Yesu Kristo na wɔdeahwɛ anim da a Ɔbɛsan aba bio. Deɛn na wo sua fa Ne mmaeɛ bio no ho firi kasapɛn mmienu a ɛtwa toɔ wɔ “Kristo Teasefoɔ Nomu”? Wobɛtumi nso adwene ho akenkan, ato dwom, anaa woretie Buronya dwom a ɛkyerɛkyerɛ fa Mmaeɛ a ɛtɔ so Mmienu, tesɛ “Joy to the World” anaa “It Came upon the Midnight Clear” (nnwom, nos. 201, 207).

“Ɔno ne hann no, nkwa no, ɛne wiase anidasoɔ no.”

Wɔ kasapɛn a ɛtwa toɔ wɔ “Kristo Teasefoɔ Nomu,” hyɛ ne nso esu ne abɔdin a wɔde ma Agyenkwa no. Dwene ho sɛ wobɛpɛ berɛ asua adeɛ afa ɛmu bi ho. Nhwɛsoɔ:

Kaneɛ: Sɛn na Yesu Kristo yɛ kanea ma wo? Wobɛtumi asusuho sɛ wobɛyɛ mfoni anaa wobɛtwa mfoni bi a, ɛgyina hɔ ma kanea a Ɔde ma wo. Deɛn na wonya nkanyan sɛ wobɛyɛ de akyɛ Ne hann? (San hwɛ Yohane 8:12; 3 Nifae 18:24; Nkyerɛkyerɛ ne Apam 50:24.)

Nkwa Adɛn na wo dwene sɛ nkwa yɛ asɛm pa a ɛkyerɛ Yesu Kristo? Kwan bɛn so na Ɔma wo nkwa? Sɛn na w’abrabɔ bɛyɛ sɛ anka Ɔno ne N’asɛmpa no nni mu bi a? (San hwɛ Yohane 10:10; 1 Korintofoɔ 15:19–23; Nkyerɛkyerɛ ne Apam 66:2.)

Anidasoɔ: Ɛdeɛn na wowɔ mu anidasoɔ esiane Yesu Kristo ne N’asɛmpa? Onim obi a ɔnni anidasoɔ wɔ daakye mu? Dwene sɛdeɛ wo ne saa onipa no bɛkyɛ anidasoɔ a wowɔ wɔ Yesu Kristo mu. (San hwɛ Romanfoɔ 8:24–25; Eter 12:4; Moronae 7:41.)

San hwɛ Ti nsɛm ne Nsɛmmisa, “Yesu Kristo,”Asɛmpa Akoraeɛ

“Naaseɛ nka Onyankopɔn ma [Ne] akyɛdeɛ kɛseɛ.”

Wɔ “Kristo Teasefoɔ No,” Asomafoɔ no kasa fa Agyenkwa no ho sɛ “akyɛdeɛ” a ɛfiri yɛn Soro Agya hɔ. Gyina deɛ wo hunu wɔ “Kristo Teasefoɔ No,” sɛn na wobɛwie saa ɔkasamu yi: “Ɛnam Yesu Kristo so, Onyankopɔn ma me akyɛdeɛ …” dwene deɛ wobɛyɛ de anya saa akyɛdeɛ yi yie.

Sɛn na woresua “Kristo Teasefoɔ No,” anya nsunsuansoɔ wɔ wo gyedie wɔ ne wo dɔ ma Agyenkwa no.

San nso hwɛ Russell M. Nelson, “Akyɛdeɛ Nan a Yesu Kristo De Ma Wo” (Atitenafoɔ Wɔdi Kan Buronya som, Ɔpɛnima. 2, 2018), Asɛmpa Akoraeɛ; “Nsɛm titiri firi ‘Kristo Teasefoɔ No: Asomafoɔ no Adanseɛ’” (sini), ChurchofJesusChrist.org.

Excerpts from "The Living Christ: The Testimony of the Apostles"

As special witnesses of Jesus Christ, the First Presidency and the Quorum of the Twelve shared their testimony of Christ by recording excerpts from the original document, "The Living Christ: The Testimony of the Apostles."

Sɛ wopɛ nsusuiɛ pii a, hwɛ bosome yi Liahona ne De ma Mmabunu Ahoɔden nsɛmma nwoma mu.

Adekyerɛ ho Adwenkyerɛ ma Nkwadaa

Mɛtumi “adi [me] adanseɛ” afa Yesu ho de adi N’awoɔ afahyɛ.

• Dwene sɛdeɛ wobɛtumi ama wo mma ahunu “Kristo Teasefoɔ No.”. Ebia wo bɛtumi aboa ma wɔde wɔn nsa akyerɛ edin Kristo so wɔ atifiasɛm no ne Atitenafoɔ a Wɔdikan ne Dumienu no dintwa mu. Wobɛtumi akyerɛmu sɛ yei yɛ wɔn adanseɛ fa Yesu Kristo ho a na wɔpɛsɛ wɔn ne wiase kyɛ.

• Wobɛtumi ama akwadaa biara nsɛmfua bi afiri “Kristo Teasefoɔ No” na ma wɔn nhwehwɛ anaa wɔnyɛ ɛho mfonin. Afei wobɛtumi aboa wɔn ama wɔahwehwɛ asɛmfua no wɔ “Kristo Teasefoɔ Nomu.” Wobɛtumi mpo aka saa mfonin ne nsɛmfua no abom ayɛ nwoma.

• Mo ne mo ho mo ho nkyɛ sɛdeɛ wo nyaa w’adansedie wɔ Yesu Kristo ho. Ebia wobɛtumi de Agyenkwa no mfonin akyerɛ wɔn na wɔn mu biara aka biribi a ɔnim fa Ne ho (a nokorɛ a wakyerɛkyerɛ wɔ “Kristo Teasefoɔ No”mu ka ho).

“Ɔkyinkyinii yɛɛ papa.”

• Berɛ a wo ne wo nkwadaa kenkan kasapɛn a ɛtɔso mmienu wɔ “Kristo Teasefoɔ Nomu,” kakyerɛ wɔn nneɛma bi a Yesu yɛɛ. Wobɛtumi nso ahwɛ N’abrabɔ ho mfonin afiri (hwɛ nnawɔtwe yi dwumadie kratafa ne Asɛmpa Mfonin Nwomano). To nsa frɛ wo nkwadaa no ma wɔnkasa mfa deɛ Agyenkwa no reyɛ wɔ mfonin no mu. Sɛn na yɛbɛtumi asom afoforɔ sɛdeɛ Ɔyɛeɛ? “Kanea ma Wiase” sini wɔ Asɛmpa Akoraeɛ bɛtumi ama wo nsusuieɛ.

“Ɔno ne hann no, nkwa no, ɛne wiase anidasoɔ no.”

• Boa wo nkwadaa ma wɔnhwehwɛ Buronya nnwom a ɛkyerɛ kanea, nkwa, ne anidasoɔ a Agyenkwa no awoɔ de aba wiase, tesɛ “O Bethlehem Kuro Ketewa” (Asɔrennwom, nɔ. 208). Mo nto nnwom no mmom, na ma wo nkwadaa no nkyɛ sɛdeɛ Yesu de kanea, nkwa, ne anidasoɔ aba wɔn abrabɔ mu.

“Naaseɛ nka Onyankopɔn ma N’akyɛdeɛ kɛseɛ a ɛyɛ Ne Ba kronkron.”

• Ɛdeɛn akyɛdeɛ na yɛanya esiane Yesu Kristo nti? Ebia wo ne wo mma no bɛtumi ahwehwɛ saa akyɛdeɛ no wɔ “Kristo Teasefoɔ No” anaa wɔ dwom tesɛ “Ɔsomaa Ne Ba no” (Mmɔfra nnwom nwoma, 34–35). Afei wɔbɛtumi akyekyere biribi ho de agyina hɔ ama saa akyɛdeɛ no. Wobɛtumi asusuho akyerɛ wɔn sɛ wɔmmie akyɛdeɛ no so Buronya Da na ɛmmoa ma wɔnkai Agyenkwa no ne N’akyɛdeɛ ma yɛn.

Sɛ wopɛ nsusuiɛ pii a, hwɛ bosome yi Adamfoɔ nsɛmma nwoma mu.