Nkyerɛaseɛ A

Nkyerɛaseɛ A: De ma Awofoɔ—Woresiesie wo nkwadaa ama nkwa nna nyinaa wɔ Onyankopɔn apam kwan so

Esiane sɛ Ɔdɔ wo, wɔ wo mu awerɛhyɛmu, na Ɔnim deɛ wobɛtumi abɛyɛ,Soro Agya ama wo akwanya sɛ boa wo mma ma wɔn wura na wɔnkɔ anim wɔ N’apam kwan no so, kwan a ɛkɔ daa nkwa mu (hwɛ Nkyerɛkyerɛ ne Apam 68:25-28.). Ɛka ho sɛ yɛbɛboa wɔn ma wɔasiesie wɔn ho ayɛ na wɔakora apam kronkron, te sɛ asubɔ apam ne apam a wɔyɛ wɔ tɛmpol no. Ɛnam saa apam yi so, wo nkwadaa bɛtumi de anigyeɛ atwe abata Agyenkwa, Yesu Kristo no.

Akwan pii wɔ hɔ a wode bɛsiesie wo nkwadaa ama saa akwantuo yi wɔ apam kwan no so, na Soro Agya bɛboa wo ma w’ahunu kwan papa a wode bɛboa wɔn. Berɛ a worehwehwɛ nkanyan no, ma ɛnwɔ w’adwene mu sɛ adesua nyinaa nkɔ so wɔ asuadeɛ nhyehyɛeɛ berɛ. Nokorɛ, deɛ ɛma efie adesua yɛ paa yɛ akwanya sɛ yɛnam nhwɛsoɔ so bɛsua adeɛ ne adekyerɛ berɛ nketekete—deɛ ɛkɔ so wɔ daadaa abrabɔ mu. Sɛdeɛ apam kwan no so nanteɛ yɛ daadaa abrabɔ adeyɛ no, saa na apam kwan no ho adesua teɛ. (hwɛ “Efie ne Abusua,” Adekyerɛ wɔ Agyenkwa no kwan so [2022], 30–31.)

Deɛ ɛdidisoɔ yi yɛ adwenkyerɛ ahodoɔ bi a ɛbɛtumi ama nkanyan. Wobɛtumi anya adwenkyerɛ dodoɔ a wɔdekyerɛ nkwadaa adeɛ wɔ “Nkyerɛaseɛ B: De ma Nkwadaa—Woresiesie wo nkwadaa ama nkwa nna nyinaa wɔ Onyankopɔn apam kwan so.”

Asubɔ ne Denhyɛ

Nifae kyerɛɛ sɛ “Na ɛpono a ɛwɔ sɛ [mo] wura mu” apam kwan no “ne nsakyeraɛ ne nsuo mu asubɔ” (2 Nephi 31:17). Wo mmɔdemmɔ sɛ wobɛboa ma wo mma asiesie wɔn ho ama asubɔ ne denhyɛ tumi de wɔn nan si pi wɔ saa kwan no so. Saa mmɔdemmɔ yi hyɛ wɔ adekyerɛ fa gyedie wɔ Yesu Kristo mu ne nsakyeraeɛ. Ɛbɛtumi nso ayɛ adekyerɛ fa sɛdeɛ yɛnam adidi kronkron so yɛ yɛn asubɔ apam foforɔ nnawɔtwe biara.

Nephi kyerɛɛ sɛ “Na ɛpono a ɛwɔ sɛ [mo] wura mu” apam kwan no “ne nsakyeraɛ ne nsuo mu asubɔ” (2 Nephi 31:17).

Yei yɛ akadeɛ binom a ɛbɛtumi aboa wo: 2 Nephi 31; asɛm sononko wɔ Adamfo nwoma a ɛfa asubɔ ho; Atifinsɛm ne Nsɛmmisa, “Asubɔ,” Asɛmpa Akoraeɛ.

• Berɛ biara a wobɛnya suahunu a ɛhyɛ wo gyidie wɔ Soro Agya ne Yesu Kristo mu den no, wo ne wo ba nkyɛ. Boa ma wɔnteaseɛ sɛ gyedie yɛ adeɛ bi a ɛtumi nyini yɛ den wɔ abrabɔ mu nyinaa. Ɛdeɛn nneɛma na wo ba bɛtumi ayɛ de anya gyedie a ɛyɛ den wɔ Kristo mu ansa wɔn abɔ asu?

• Sɛ wo ba yi deɛ ɛnnyɛ a, fa anigyeɛ kasa fa nsakyeraeɛ akyɛdeɛ ho. Na sɛ woyɛ mfomsoɔ a, ɛne wɔn nkyɛ anigyeɛ a ɛba sɛ wo sakyera. Di adanseɛ sɛ esiane sɛ Yesu Kristo brɛeɛ na ɔwu maa yɛn bɔne nti, yɛbɛtumi asakyera da biara, anya bɔnefakyɛ, na anya tumi asesa. Sɛ wo ba hwehwɛ bɔnefakyɛ a, fakyɛ kwa wɔ anigyeɛ so.

• Ka w’asubɔ ho asɛm kyerɛ wo ba. Fa mfonin ne deɛ wo kae kyerɛ wɔn. Kasa fa sɛdeɛ wotee nka, sɛnea wodi w’asubɔ apam so no aboa wo ama wabɛhunu Yesu Kristo yie, ne sɛnea w’apam akɔso ahyira w’abrabɔ. Hyɛ wo ba no nkuran ma no mmisa nsɛm.

• Sɛ asubɔ wɔ wo ward anaa w’abusua mu a, fa wo ba kɔhwɛ bi. Wo ne wo ba no nkasa mfa deɛ mo hunuuiɛ na atenka a mo nyaaɛ. Sɛ ɛkwan wɔ mu a, wo ne nipa a ɔrebɔ asu no nkasa na bisa nsɛm te sɛ deɛ ɛdidisoɔ yi:“Sɛn na wosii saa agyinaeɛ yi? Sɛn na wo siesie wo ho?”

• Berɛ biara a wobɛhunu sɛ wo ba reyɛ biribi a ɔhyɛɛ bɔ sɛ ɔbɛyɛ no, yi ayɛ nokorɛ mu. Ma ɛnna adi sɛ nseyɛ boa ma yɛdi apam a yɛyɛ no asubɔ berɛ no so. Bɔhyɛ bɛn na yɛdema Onyankopɔn wɔ asubɔ berɛ? Bɔhyɛ bɛn na Ɔde ma yɛn? (Hwɛ Mosiah 18:8–10, 13.)

• Kasa fa sɛdeɛ denhyɛ sɛ asɔreba wɔ Yesu Kristo Asɔre a Ɛwɔ hɔ ma Nkyirimma Ahoteɛfoɔ no ahyira wo. Nhwɛsoɔ: Kwan bɛn so na w’atwe abɛn Soro Agya no ne Yesu Kristo wɔ berɛ a woresom afoforɔ na wɔn nso resom wo bi? Boa wo ba ma ɔnnwene kwan a ɔbɛsom na wahyɛ afoforɔ den sɛ Asɔre ba. San nso boa ma wɔnya suahunu na wɔnhunu anigyeɛ a ɛwɔ ɛsom adwuma mu.

• Sɛ wo ne wo ba nya suahunu kronkron bom (te sɛ wɔ asɔre, berɛ a morekenkan twerɛnsɛm no, anaa berɛ a moresom obi), ka honhom mu atenka anaa adwene a wo nya kyerɛ wɔn. To nsa frɛ wo ba ma ɔnkyɛ n’atenka. Hyɛ ne nso kwan ahodoɔ a Honhom no tumi ne nnipa kasa, ne kwan a Ɔne w’ankasa kasa. Boa wo ba ma ɔnhunu na ɔne wo nkyɛ berɛ a na ɛbia wɔrenya suahunu afiri Honhom Kronkron no nkɛntɛnsoɔ mu.

• Monhwɛ sini ahodoɔ no bi a ɛwɔ Asɛmpa Akoraeɛ a wato din sɛ “Tie No!” Monkasa mfa akwan ahodoɔ a Awurade asomfoɔ te Ne nne. To nsa frɛ wo ba ma ɔnyɛ mfonin anaa ɔnyɛ sini a ɛfa sɛdeɛ wɔte Agyenkwa no nne ho.

• Ma adidikronkron no nyɛ anigyeɛ ne adeɛ kronkron wɔ w’abusua mu. Wo ne wo ba nkyɛ sɛdeɛ wode w’ani si Yesu Kristo so wɔ adidikronkron berɛ mu. Boa wo ba ma ɔnyɛ nhyehyɛeɛ a ɛkyerɛ sɛ adidikronkron no yɛ kronkron ma wɔn. Nhwɛsoɔ, woretie adidikronkron mpaeɛ no bɛtumi akae yɛn yɛasubɔ apam.

• Nsɛm pii wɔ Adamfoɔ nwoma no mu, abasɛm, atwerɛnsɛm, ne dwumadie a ɛboa ma nkwadaa siesie wɔn ho asubɔ ne denhyɛ. Ma wo ba nyi bi nkenkan na moani nnye. (san nso hwɛ deɛ waboa ano “Asubɔ Ahosiesie” wɔ nkwadaa fa wɔ Asɛmpa Akoraeɛ.)

Asɔfodie Tumi, Tumidie, ne Nsafoa

Asɔfodie no yɛ Onyankopɔn tumidie ne Ne tumi a Ɔde hyira Ne mma. Onyankopɔn asɔfodie wɔ asase so nnɛ wɔ Yesu Kristo Asɔre a Ɛwɔ hɔ ma Nna a Ɛdi Akyire Ahotefoɔ mu. “Asɔremma nyinaa a wɔdi wɔn apam so—mmaa, mmarima, ne nkwadaa—nya nhyira firi Onyankopɔn asɔfodie tumi mu wɔ wɔn afie mu de hyɛ wɔne wɔn mmusua den” (General Handbook: Serving in The Church of Jesus Christ of Latter-day Saints, 3.6, Asɛmpa Nwomakorabea). Saa tumi yi bɛboa asɔremma wɔ Onyankopɔn nkwagyeɛ ne mpagya adwuma yɛ mu wɔ wɔankasa abrabɔ mu ne abusuafoɔ deɛ mu (Hwɛ General Handbook, 2.2).

Sɛ mmaa ne mmarima som wɔ Asɔre frɛ mu a, wɔde asɔfodie tumi na ɛyɛ, wɔ akwankyerɛ a ɛfiri wɔn a wɔkura asɔfodie nsafoa no hɔ. Soro Agya mma nyinaa—ne mma mmaa ne mmarima—bɛnya nhyira berɛ a wɔn ate asɔfodie tumi no ase yie.

Ɛnam asɔfodie tumi so na yɛnya ayɛyɛdeɛ. “Asɔremma mmarima nyinaa a wɔfata gye asɔfodie tumi no berɛ a wɔde nsa gu wɔn so de ma wɔn na wɔhyɛ wɔn asɔfodie mu diberɛ” (General Handbook, 3.4). Wɔn a wɔwɔ asɔfodie diberɛ no bɛtumi anya akwanya afiri wɔn a wɔwɔ asɔfodie nsafoa hɔ de ayɛ asɔfodie mu ayɛyɛdeɛ.

Sɛ wopɛsɛ wosua dodoɔ fa asɔfodie ho a, hwɛ Russell M. Nelson, “Honhom mu Adamudeɛ,” Liahona, Nov. 2019, 76–79; Russell M. Nelson, “Asɔfodie Tiumi no Boɔ,” Liahona, Kɔtɔnima 2016, 66–69; “Asɔfodie Nkyerɛkyerɛ,” ti 3 wɔ General Handbook.

• Ma asɔfodie ayɛyɛdeɛ nyɛ daadaa adeɛ wɔ w’abusua abrabɔ mu. Nhwɛsoɔ, boa wo ba ma ɔnsiesie ne ho ma adidikronkron nnawɔtwe biara. Hyɛ wo mma nkuran sɛ sɛ wɔyare anaa wɔhia awerɛkyekyerɛ anaa akwankyerɛ a, wɔn nhwehwɛ asɔfodie nhyira. Ma ɛnyɛ wo suban sɛ wobɛkyerɛkyerɛ akwan a Awurade rehyira w’abusua ɛnam asɔfodie tumi mu nti.

• Berɛ a mobom kenkan twerɛsɛm no, hwehwɛ akwanya na mo nni nkɔmmɔ mfa kwan a Awurade nam Ne tumi so hyira nnipa. Kyɛ sɛdeɛ Awurade ahyira wo ɛnam N’asɔfodie tumi so. Nhwɛsoɔ a ɛfa nhyira a yɛnya firi Onyankopɔn hɔ a ɛnam asɔfodie so, hwɛ Amansan Akwankyerɛ Nnwoma, 3.2, 3.5.

• Kyerɛ wo ba sɛ asubɔ akyi no, wɔbɛtumi anya asɔfodie tumi berɛ a wɔredi asubɔ apam no so. Monhwɛ Titenani Russell M. Nelson nkrasɛm “Honhom mu Agyapadeɛ” (Liahona, Nov. 2019, 76–79). Kakyerɛ wo ba sɛdeɛ asɔfodie ayɛyɛdeɛ de Onyankopɔn tumi aba w’abrabɔ mu. Kwan ahodoɔ a yɛnya nhyira firi asɔfodie tumi no mu, hwɛ Amansan Akwankyerɛ Nwoma, 3.5.

• susu asɛmmisa yi ho “Sɛn na Awurade akoa teɛ?” Kenkan bom Nkyerɛkyerɛ ne Apam 121:36-42, na hwehwɛ mmuaeɛ. Berɛ a wobɛhunu sɛ wo ba bi (anaa obi foforɔ) redi nkyerɛkyerɛ anaa esu a ɛwɔ nkyekyɛmu yi so no, ma ɛnna adi.

• Sɛ wo anaa wo ba de safoa bie pono anaa sopake lɔɔre a, gye berɛ na fa totoho saa nsafoa no ne deɛ asɔfodie mu mpanimfoɔ wɔ no. (Wopɛ nkyerɛaseɛ fa asɔfodie nsafoa ho a, hwɛ Amansan Akwankyerɛ nwoma, 3,4,1). Deɛn na asɔfodie nsafoa “bie” anaa “hyɛaseɛ” ma yɛn? San nso hwɛ Gary E. Stevenson, “Asɔfodie Tumi ne Nsafoa no Wɔ He?,” Liahona, Kɔtɔnima 2016, 29-32; “Nsafoa no Wɔ He?” (sini), Asɛmpa Akoraeɛ.

  Where Are the Keys?

  Priesthood authority and keys start the engine, open the gates of heaven, facilitate heavenly power, and pave the covenant pathway back to our Heavenly Father.

• Sɛ wɔte wo ho ma ɔfrɛ adwuma bi a, to nsa frɛ wo ba ma ɔnwɔ hɔ bi, sɛ ɛbɛyɛ yie a. Ma wo ba nhunu sɛ woreyɛ wo frɛ adwuma no. Wobɛtumi nso ahwɛ kwan pa a wɔbɛtumi aboa wo. Kyerɛ sɛdeɛ wo te Awurade tumi nka wɔ wo frɛ mu.

Woregye asubɔ ne denhyɛ ama Nananom.

Tɛmpol ka Ɔsoro Agya Nhyehyɛeɛ ma Ne mma no ho. Wɔ Awurade fie, yɛ ne Soro Agya yɛ apam berɛ a yɛde yɛn ho hyɛ ayɛyɛdeɛ kronkron mu, a ne nyinaa kɔ si Yesu Kristo so. Soro Agya ama kwan a Ne mma nyinaa bɛtumi ayɛ apam ne ayɛyɛdeɛ, nnipa a wɔannyeɛ berɛ a na wɔn te ase nso ka ho. Wɔ afe mfitiaseɛ a wo ba di 12, wɔn anyini yie a wɔbɛtumi abɔ asu ne denhyɛ wɔ tɛmpol ama nananom a wawuo (san hwɛ 1 Korintofoɔ 15:29).

• Kɔ Awurade fie mprɛn dodoɔ biara a wo tebea bɛma wo kwan. Kakyerɛ wo ba deɛ nti a worekɔ ne sɛdeɛ tɛmpol boa ma wo twebɛn Soro Agya ne Yesu Kristo.

• Kenkan na mo nkasa mfa tɛmpol kamfoɔ krataa nsɛmmisa no ho. Wobɛhunu wɔ nkrataafa 36-37 wɔ De ma Mmabunu Ahoɔden: Woreyi Ɔpɛ ho Akwankyerɛ (2022). Wo ne wo ba nkasa mfa deɛ ɛkɔso wɔ tɛmpol kamfoɔ krataa anototoɔ mu. Kyɛ deɛ nti a tɛmpol kamfoɔ krataa ho hia ma wo.

• kenkan bom Malaki 4:6. Kasa fa sɛdeɛ wakoma bɛtumi adane akɔ wo nananom so. Sua dodoɔ fa wo nananom ho berɛ a worehwehwɛ abusua abakɔsɛm mu wɔ FamilySearch.org. Hwehwɛ nananom a wɔhia asubɔ ne denhyɛ. Ward tɛmpol ne abusua abakɔsɛm ho ɔfotufoɔ bɛtumi aboa wo.

• Mo nhwɛ mom akadeɛ no bi a w’aboa ano ato din “Tɛmpol” wɔ nkwadaa fa wɔ Asɛmpa Akoraeɛ. (San hwɛ “Resiesie Wo Ba ama Tɛmpol asubɔ ne denhyɛ” wɔ ChurchofJesusChrist.org.)

Regye Agya Panin Nhyira

Agya panin nhyira bɛtumi ayɛ akwankyerɛ, awerɛkyekyerɛ ne nkanyan adeɛ. Ɛwɔ ankasa afotuo a ɛfiri Soro Agya hɔ ma yɛn na ɛboa ma yɛnya nteaseɛ fa yɛn botaeɛ ne ɛnniawieɛ su ho. Boa ma wo ba nsiesie ne ho sɛ ɔbɛgye agya panin nhyira berɛ worekyerɛkyerɛ wɔn mfasoɔ ne kronkron a agya panin nhyira yɛ.

Sɛ wopɛ sɛ wusua pii a, hwɛ Nsɛmti ne Nsɛmmisa, “Agya Panin Nhyira,” Asɛmpa Nwomakorabea; Julie B. Beck, “Wowɔ Awoɔ Ho kwan a Ɛkɔ Anim,” Liahona, Kɔtɔnima 2006, 106–8.

• Wo ne woba nkyɛ wo suahunu berɛ a na woregye agya panin nhyira. Wobɛtumi akyɛ sɛdeɛ wo siesie wo ho de gyeeɛ, sɛdeɛ aboa ma wabɛn Onyankopɔn, ne sɛdeɛ Ɔkɔso ma wo akwankyerɛ ɛnam saa nhyira yi so. Wobɛtumi ama wo ba no ne abusuafoɔ a wɔn agye agya panin nhyira no bi akasa afa ho.

• Momom nhwɛ Ɛlda Randall K. Bennett nkrasɛm “W’Agya panin Nhyira—Akwankyerɛ Kronkron a ɛfiri Soro Agya hɔ” ne Ɛlda Kazuhiko Yamashita nkrasɛm “Berɛ a Wɔgye Agya panin Nhyira” (Liahona, Kɔtɔnima 2023, 42–43, 88–90). Mo ne mo ho mo ho nkyɛ deɛ moasua afiri saa nkransɛm yi mu fa deɛ nti a Soro Agya pɛ sɛ yɛgye agya panin nhyira Sɛ wopɛsɛ wo sua sɛdeɛ wɔgye agya panin nhyira a, hwɛ Amansan Akwankyerɛ nwoma, 18.17.

• Sɛ wowɔ nananom a wɔgyee agya panin nhyira a, ɛbɛyɛ nkanyan sɛ wo ne wo ba bɛkenkan bi. Sɛ wopɛsɛ wobisa wo nananom agya panin nhyira a, wura mu wɔ ChurchofJesusChrist.org, mia Akadeɛ wɔ nifa so wɔ soro hɔ, na yi Agya panin Nhyira.

• Sɛ woba gye agya panin nhyira wie a, to nsa frɛ abusuafoɔ a na wɔwɔ hɔ retwe ato hɔ ma wɔnkyɛ atenka a wɔnyaaɛ nkyerɛ wo ba no.

Regye Akyɛdeɛ Kronkron no

Onyankopɔn pɛsɛ Ɔkyɛ adeɛ, anaa Ɔhyira Ne mma nyinaa ne “tumi a ɛfiri soro” (Nkyerɛkyerɛ ne Apam 95:8). Yɛkɔ tɛmpol kɔgye yɛankasa akyɛdeɛ kronkron baako pɛ, nanso apam a yɛne Onyankopɔn yɛ ne honhom mu tumi a Ɔde ma yɛn wɔ akyɛdeɛ kronkron no mu no bɛtumi ahyira yɛn daadaa abrabɔ.

• Fa tɛmpol mfonin tare wo dan mu. Kakyerɛ wo ba atenka a wonyaa wɔ Awurade fie. Taa kasa fa ɔdɔ a wowɔ ma Awurade ne Ne fie ne apam a wayɛ wɔ hɔ. Hwehwɛ akwanya a wo ne wo ba bɛkɔ tɛmpol akɔgye asubɔ ne denhyɛ ama wɔn nananom.

• Momom nhwɛ mu temples.ChurchofJesusChrist.org. Monkenkan atwerɛ bi te sɛ “Ɛfa Tɛmpol Akyɛdeɛ Kronkron no ho” ne “Siesie Wo ho ma Awurade Fie.” Ma wo ba no mmisa nsɛmmisa biara a ɔwɔ fa tɛmpol ho. Sɛ wopɛ akwankyerɛ fa deɛ wobɛtumi aka ho asɛm wɔ tɛmpol abɔnten a, hwɛ Ɛlda David A. Bednar nkrasɛm “Siesie wo ho Nya Deɛ Ɛhia Biara” (Liahona, Kɔtɔnima 2019, 101–4; hwɛ titiri ɔfa a wato din “Efia-Nnyinasoɔ na Asɔre-Asɔ asene Adesua ne Tɛmpol Ahosiesie”).

• Berɛ a wo ne wo ba de mo ho hyɛ anaa mo di adanseɛ wɔ ayɛyɛdeɛ (te sɛ adidikronkron anaa ayaresa nhyira), gye berɛ tiawa na kasa fa ahyɛnsodeɛ a ɛwɔ ayɛyɛdeɛ no mu. Ahyɛnsodeɛ no gyina hɔ ma deɛn? Sɛn na wɔdi Yesu Kristo ho adanseɛ? Yei bɛtumi aboa wo ba ma w’asiesie ne ho sɛ ɔbɛdwene tɛmpol ayɛyɛdeɛ ahyɛnsodeɛ nkyerɛaseɛ, a ɛno nso di Yesu Kristo ho adanseɛ.

• Boa wo mma ma wɔnhunu sɛdeɛ wɔredi asubɔ apam a wakyerɛ mu so wɔ Mosaya 18:8-10, 13. Sanso boa wo ba ma ɔnhunu sɛdeɛ Awurade rehyira wɔn. Hyɛ wo ba ahotɔsoɔ wɔ ne mu den sɛ ɔbɛtumi adi apam so.

• Taa Ka ho asɛm sɛdeɛ wo tɛmpol apam boa ma wo akwankyerɛ wɔ ɔpɛ ho na ɛboa ma wo twebɛn Yesu Kristo. Wobɛtumi de Amansan Akwankyerɛ Nwoma, 27.2, ahwɛ apam a yɛyɛ wɔ tɛmpol. Sɛ w’anya akyɛdeɛ kronkron no a, kakyerɛ wo mma sɛdeɛ tɛmpol ataadeɛ no boa wo ma wo kae apam a wo ne Yesu Kristo ayɛ no (hwɛ “Tɛmpol Ataadeɛ Kronkron” [sini], Asɛmpa Akoraeɛ).

Sacred Temple Clothing

From ancient times, men and women have embraced sacred music, different forms of prayer, religious vestments full of symbolism, gestures and rituals to express their innermost feelings of devotion to God.

Resom wɔ Asɛmpatrɛ adwuma

Ɛlda David A. Bednar akyerɛ sɛ: “Ahiadeɛ kɛseɛ baako a wobɛtumi ayɛ de asiesie wo ho akɔ asɛmpatrɛ adwuma ne sɛ wobɛyɛ asɛmpakani koraa ansa na wakɔ asɛmpatrɛ adwuma. Asɛm no nyɛ sɛ wobɛkɔ asɛmpatrɛbea; asɛm no ne sɛ wobɛyɛ asɛmpatrɛni na wode wakoma, wahoɔden, w’adwene, ne w’adeɛ nyinaa bɛsom sɛ asɛmpatrɛni. Woresiesie wo ho ama asɛmpatrɛ adwuma a wobɛyɛ wɔ wo nkwa nna nyinaa mu” (“Rebɛyɛ Asɛmpatrɛni,” Liahona, Obubuo. 2005, 45–46). Suahunu a wo ba wɔ sɛ asɛmpatrɛni no bɛhyira wɔn nkwa a ɛnniawieɛ, ɛnnyɛ berɛ a wɔbɛsom sɛ asɛmpatrɛni nko ara.

Sɛ wopɛ sɛ wusua pii a, hwɛ Russell M. Nelson, “Asomdwoeɛ Asɛmpa a Wɔreka,” Liahona, May 2022, 6–7; M. Russell Ballard, “Asɛmpatrɛ Dwumadie Hyiraa Me Nkwa Daa,” Liahona, May 2022, 8–10; “Asɛmpatrɛ Ahosiesie: Nsakraeɛ a Wɔbɛyɛ wɔ Asɛmpatrɛ Asetena mu,” Asɛmpa Nwomakorabea.

• Yɛ nhwɛsoɔ sɛdeɛ wɔkyɛ asɛmpa no wɔ daadaa kwan so. Yɛ krado berɛ biara sɛ wobɛnya akwanya ne afoforɔ akyɛ w’atenka fa Soro Agya ne Agyenkwa no ho ne nhyira a wonya firi Agyenkwa no asɛmpa a wasan de ama mu ne sɛ woyɛ N’Asɔre ba. To nsa frɛ afoforɔ ma wɔn mmɛka mo ho wɔ Asɔre ne abusua dwumadie mu.

• Hwehwɛ akwanya sɛ w’abusua ne asɛmpatrɛfoɔ no bɛdi nkɔmmɔ. To nsa frɛ wɔn ma wɔnkyerɛ wo nnamfonom adeɛ, anaa ma wɔnkyerɛ nnipa adeɛ wɔ wo fie. Bisa asɛmpatrɛfoɔ no fa suahunu a wɔrenya ne sɛdeɛ asɛmpatrɛ adwuma no reboa ama wɔn atwe abɛn Yesu Kristo. San so bisa deɛ wɔyɛɛ (anaa wɔnyaaɛ anka wɔyɛɛ) de siesie wɔn ho bɛyɛɛ asɛmpatrɛfoɔ.

• Sɛ wosomm asɛmpatrɛ adwuma bi a, taa kasa fa wo suahunu ho. Anaa to nsa frɛ abusuafoɔ ne nnamfonom a wɔkɔɔ asɛmpatrɛ adwuma ma wɔnka wɔn suahunu. Wobɛtumi nso akasa afa akwan ahodoɔ a wo ne afoforɔ akyɛ asɛmpa no wo nkwa nna nyinaa. Boa wo ba ma ɔnnwene kwan a wɔbɛtumi ne afoforɔ akyɛ asɛmpa no.

• Ma wo ba no akwanya ma ɔnkyerɛ w’abusua asɛmpa no nkyerɛkyerɛ. Wo ba no bɛtumi nso asua sɛdeɛ wɔne afoforɔ bɛkyɛ wɔn gyedie. Nhwɛsoɔ, mobɛtumi akasa afa nsɛmmisa te sɛ “Sɛn na yɛbɛda Mormon Nwoma no adi akyerɛ obi a ɔntee ho asɛm da?” anaa “Sɛn na yɛbɛkyerɛmu sɛdeɛ Agyenkwa no ho hia akyerɛ obi a ɔnnyɛ Kristoni?”

• Boa ma wo ba no nya ahotɔsoɔ sɛ ɔne afoforɔ bɛkasa. Akwan papa bɛn na yɛbɛtumi de ahyɛ nkɔmmɔdie ase? Hyɛ wo ba nkuran ma ɔnsua sɛdeɛ ɔbɛtie deɛ afoforɔ ka, ateaseɛ deɛ ɛwɔ wɔn akoma mu, na wakyɛ asɛmpa no nokorɛ a ɛbɛtumi ahyira wɔn abrabɔ.

• Hwehwɛ akwanya ma wo ba nsua adeɛ mfa amammerɛ ne gyedie ahodoɔ ho. Boa ma wɔnhunu na wɔn mfa obuo ma nneɛma papa ne nokorɛ nkyerɛkyerɛ a ɛwɔ afoforɔ gyedie mu.

Regye Nsɔano Ayɛyɛdeɛ no

Wɔ tɛmpol mu no, okunu ne ɔyere bɛtumi aware ama ɛnniawieɛ. Yei kɔso wɔ ayɛyɛdeɛ a wɔfrɛ no “nsɔano.” Mpo ɛwom sɛ saa ayɛyɛdeɛ yi wɔ akyire mfie pii ma wo babaa anaa barima, daadaa nneɛma nketekete a moyɛ bɔmu wɔ saa mfie no bɛtumi aboa ma wɔn asiesie wɔn ho ama saa nhyira nwanwasoɔ yi.

• Mobom kenkan “Abusua no: Dawubɔ ma Wiase” (Asɛmpa Akoraeɛ). Deɛn na saa dawurubɔ yi kyerɛ fa anigyeɛ wɔ abusua abrabɔ mu ne awareɛ papa ho? Wo ne wo ba no, monyi nkyerɛkyerɛ a ɛwɔ dawurubɔ no mu na monsua. Wobɛtumi ahwehwɛ twerɛsɛm a ɛfa saa nkyerɛkyerɛ no ho wɔ Akwankyerɛ kɔ Twerɛsɛm mu. Wobɛtumi nso ayɛ nhyehyɛeɛ a wode saa nkyerɛkyerɛ no bɛyɛ adwuma wɔ w’abusua mu. Berɛ a wode wo nhyehyɛeɛ no yɛ adwuma no, monkasa mfa nsunsuansoɔ a aba abusua no abrabɔ mu berɛ a modii saa nkyerɛkyerɛ no so.

• Wo ne wo ba no nkenkan Titenani Dieter F. Uchtdorf nkrasɛm “Wɔ Ayɛyie mu ma Wɔn a Wɔsom” (Liahona, Kɔtɔnima 2016, 77–80). Sɛ wo duru ɔfa a wato din “Ɛkuo a Wɔtumi to gu,” wobɛtumi ahwehwɛ nneɛma wɔ wo fie a wobɛtumi ato agu ne deɛ wontumi. Kasa fa sɛdeɛ woyɛ nneɛma sononko sɛ wopɛsɛ ɛkyɛ a. Deɛn na yei kyerɛ wo fa sɛdeɛ ɛwɔ sɛ yɛyɛ awareɛ ne abusua nkitahodie? Ɛdeɛn bio na yɛsua firi Titenani Uchtdorf nkrasɛm mu fa sɛdeɛ Agyenkwa no bɛtumi aboa yɛn ma yɛakyekyere awareɛ ne abusua a ɛmu yɛ den?

• Bie nneɛma so kyerɛ wo ba no fa deɛ wo ne wo hokani resua fa sɛ wobɛnya ɛnniawieɛ awareɛ a Kristo yɛ ne nnyinasoɔ ne kwan a mogusu rebɔ mmɔden. Sɛ wo ne wo hokani asoano wɔ tɛmpol a, fa nhwɛsoɔ kyerɛ wo ba sɛdeɛ worebɔmɔden sɛ wobɛdi wo ne Awurade apam so. Kakyerɛ wo ba sɛdeɛ worebɔmɔden ayɛ Soro Agya na Agyenkwa no wabrabɔ mu fapem ne sɛdeɛ wɔreboa wo (san so hwɛ Ulisses Soares, “Wo ne Awurade wɔ Nsawɔsoɔ,” Liahona, Obubuo. 2022, 42–45).

• Sɛ ɛwɔ sɛ abusua no si agyina a, monyɛ agyinatufoɔ na monkasa mfa ho. Hwɛ sɛ abusuafoɔ no nyinaa akyerɛ wɔn adwene ansa. Fa saa nkitahodie yi sɛ akwanya ma abusua nkitahodie papa ne ayamyɛ wɔ abusua ayɔnkofa mu, mpo sɛ ɛsono obiara adwene a. (Hwɛ M. Russell Ballard, “Abusua Agyinatufoɔ,” Laehona, Kɔtɔnimaa 2016, 63-65).

• Sɛ ntawantawa anaa mente-mehoase ba abusua mu a, kyerɛ tema ne ntoboaseɛ. Boa wo ba ma ɔnhunu sɛdeɛ wɔsiesie ntawatawa wɔ Kristo kwan so bɛtumi aboa asiesie wɔn ama awareɛ a anigyie wɔ mu. Momom nkenkan Nkyerɛkyerɛ ne Apam 121:41-42, na monkasa mfa nkyerɛkyerɛ a ɛwɔ saa nkyekyɛmu yi bɛtumi ayɛ adwuma wɔ awareɛ mu.