Nkyerɛaseɛ C

De ma Nkwadaa—Akwankyerɛ ma Nnwomtoɔ Berɛ ne Nkwadaa Akronkronneɛ Nhyiamu Dwumadie

Nnwom kronkron yɛ akadeɛ a ɛwɔ tumi mu sɛ ɛboa nkwadaa ma wɔsua adeɛ fa Soro Agya anigyeɛ nhyehyɛeɛ ho ne Yesu Kristo asɛmpa no fapem nokorɛ. Berɛ a nkwadaa to asɛmpa nkyerɛkyerɛ nnwom no, Honhom Kronkron no bɛdi ne nokorɛ adanseɛ. Nsɛm no ne nnwom no bɛtena nkwadaa adwene ne wɔn akoma mu wɔn nkwa nna nyinaa.

Hwehwɛ Honhom no mmoa berɛ a woresiesie wo ho akɔkyerɛ asɛmpa no wɔ nnwomtoɔ mu. Kyɛ w’adanseɛ fa nokorɛ a woto ho nnwom. Boa nkwadaa no ma wɔnhunu sɛdeɛ nnwom no ne deɛ wɔresua no kɔ ne suahunu a wɔrenya wɔ fie ne Nkwadaa gyinapɛn.

Akwankyerɛ ma Akronkronneɛ Nhyiamu Dwumadie

Ɛnam ɔhwɛfoɔ akwankyerɛ so, nkwadaa akronkronneɛ nhyiamu dwumadie no taa ba so wɔ abosome mmiɛnsa a ɛtwa toɔ wɔ afe mu. Berɛ a nkwadaa atitenafoɔ no ne nnwom kandifoɔ ne ɔhwɛfoɔ fotufoɔ a ɔhwɛ Nkwadaa so yɛ adwuma hyehyɛ dwumadie no.

Ɛwɔsɛ dwumadie no ma kwan ma nkwadaa no yɛ ɔyɛkyerɛ fa deɛ wɔne wɔn mmusua asua afiri Nkyerɛkyerɛ ne Apam mu wɔ fie ne Nkwadaa mu, ne Nkwadaa nnwom a wɔato no afe no nyinaa mu. Berɛ a morehyehyɛ ɔyɛkyerɛ no, dwene kwan a ɛbɛboa ɛdɔm no ma wɔde wɔn ani asi Agyenkwa no so ne Ne nkyerɛkyerɛ.

Nkorabata a wɔn nkwadaa nnɔɔso bɛtumi asusuho kwan a abusuafoɔ bɛtumi de wɔn ho ahyɛ wɔn nkwadaa no nneɛma mu. Ahwɛfoɔ no mu baako bɛtumi akasa atwa toɔ de apɔn nhyiamu no.

Berɛ a woresiesie dwumadie no, kae akwankyerɛ a ɛdidisoɔ:

• Ɛnsɛ sɛ nneyɛeɛ gye berɛ a ɛho nhia firi Mfitiaseɛ adesuakuo anaa mmusua mu.

• Anisoadehunu, ntadeɛ, ne nsɛm ho amanneɛbɔ mu nsɛm mfata mma adidikronkron nhyiamu.

Hwɛ Amansan Akwankyerɛ nwoma: Ɔsom wɔ Yesu Kristo Asɔre a ɛwɔ hɔ ma Nna a Ɛdi Akyire Ahoteɛfoɔ, 12.2.1.2, Asɛmpa korabea.

Akwankyerɛ ma Nnwomtoɔ Berɛ

Sima 5 (Nkwadaa Atitenafoɔ): Mfitiaseɛ mpaeɛ, twerɛsɛm anaa gyidika asɛm, ne kasa baako

Sima 20 (nnwomtoɔ kandini): Nnwomtoɔ berɛ

Nkwadaa atitenafoɔ ne nnwomtoɔkandini yiyi nnwom ma bosome biara dehyɛ nkyerɛkyerɛ a nkwadaa no resua wɔ gyinapɛn ne ɛfie. Nnwom a ɛhyɛ nkyerɛkyerɛ no ma ka akwankyerɛ no ho.

Berɛ a wo kyerɛ nkwadaa no nnwom no, to nsa frɛ wɔn ma wɔnkyɛ deɛ wɔasua dada fa abasɛm ne nyinasosɛm nkyerɛkyerɛ a nnwom no kyerɛ To nsa frɛ nkwadaa no ma wɔn nkyɛ wɔn adwene ne atenka fa nokorɛ a ɛwɔ nnwom no mu.

Nkwadaa Nnwom nwoma yɛ akadeɛ titiri wɔ Nkwadaa nnowm mu. Nnwom a ɛfiri nnwomtoɔ nwoma mu ne nnwom a ɛfiri Adamfoɔ mu nso fata. Sɛ wɔde nnwom foforɔ biara bɛdidwuma wɔ Nkwadaa mu a gyesɛ ahwɛfoɔ no gye to mu (hwɛ Amansan Akwankyerɛ nwoma, 12.3.4).

Nnwom ma Nnwomtoɔ Berɛ

Ɔpepɔn

• “Di Nkɔmhyɛni no Akyi,” Nkwadaa Nnwomnwoma, 110–11

• “Hwehwɛ, Dwene, na Bɔ Mpaeɛ,” Nkwadaa Nnwomnwoma, 109

Ɔgyefuo

• “Yi sɛ Wobɛyɛ Papa,” Nkwadaa Nnwomnwoma, 158

• “Akwadaa Mpaeɛ,” Nkwadaa Nnwomnwoma, 12-13

Ɔbɛnem

• “Nsoroma Biara Yɛ Sononko,” Nkwadaa Nnwomnwoma, 142

• “Sɛ Mebɔ Asu a,”Nkwadaa Nnwomnwoma, 103

Oforisuo

• “Sɛ Ɔsan ba Bio a,” Nkwadaa Nnwomnwoma, 82-83

• “Ampa sɛ Yesu Tenaase Bio?,” Nkwadaa Nnwomnwoma, 64

Ɔkɔtɔnima

• “Asubɔntene Ketewa no kaa sɛ Ma,” Nkwadaa Nnwomnwoma, 236

• “Hyerɛn Kɔ,” Mmɔfra Nnwom Nwoma, 144

Ayɛwohomumɔ

• “Honhom Kronkron no,” Mmɔfra Nnwom Nwoma, 105

• “Mepɛsɛ Me yɛ, Asɛmpatrɛni Seesei ara,” Mmɔfra Nnwom Nwoma, 168

Kitawonsa

• “Gyina hɔ ma Nea Ɛfata,” Mmɔfra Nnwom Nwoma, 159

• “Ɔsomaa Ne Ba,” Mmɔfra Nnwom Nwoma, 34–35.

Ɔsanaa

• “Mereyere Me Ho Ayɛ sɛ Yesu,” Nkwadaa Nnwom nwoma, 78–79

• “Mete M’Agyenkwa no Dɔ Nka,” Nkwadaa Nnwom nwoma, 74-75

Ɛbɔ

• “Me Dɔ sɛ Mɛhunu Tɛmpol no,” Nkwadaa Nnwom nwoma, 95

• “Sɛ wobɛdwene afa Yesu,” Nkwadaa Nnwom nwoma, 71

Ahinime

• “Abusua Abakɔsɛm—Mereyɛ,” Nkwadaa Nnwom nwoma, 94

• “Yesu Kristo Asɔre no,” Nkwadaa Nnwom nwoma, 77

Ɔbubuo

• “Di Mmaransɛm no so,” Nkwadaa Nnwom nwoma, 146

• “Sɛ Wobɛyɛ Ɔdikanni,” Nkwadaa Nnwom nwoma, 218-19

Ɔpɛnima

• “Meyɛ Onyankopɔn Ba,” Nkwadaa Nnwom nwoma, 2–3

• “O Kuro Ketewa Bethlehem,” Nnwom, no. 208

Wode Nnwom Kyerɛ Nkyerɛkyerɛ

Nnwomtoɔ Berɛ botaeɛ ne sɛ ɛbɛboa nkwadaa ma wasua asɛmpa no nokorɛ. Adwenkyerɛ a ɛdidisoɔ yi bɛtumi ahyɛ wo nkuran berɛ a woyɛ nhyehyɛeɛ a wode bɛkyerɛ asɛmpa no nyinasosɛm a ɛwɔ nnwom ne Nkwadaa nnwom mu.

Kenkan twerɛnsɛm a ɛfa ho. Nnwom no dodoɔ a ɛwɔ Nkwadaa Nnwom nwoma mu ne nnwom-nwoma, wɔ twerɛnsɛm a ɛfa ho. Boa nkwadaa no ma wɔnkenkan saa nsɛm no, na wɔnkasa mfa sɛdeɛ twerɛsɛm no ne nnwom no wɔ twaka. Wobɛtumi nso atwerɛ twerɛsɛm no bi agu twerɛpono so na to nsa frɛ nkwadaa no sɛ wɔmfa twerɛnsɛm no ntoto nnwom anaa nnwom no mu nsɛm a ɛne no kɔ.

Fa deɛ ɛnni mu no hyɛ mu. Twerɛ nnwom no mu nsɛm go twerɛpono no so na gya nsɛmtitiri no bi firi mu. Na afei bisa nkwadaa no ma wɔnto nnwom, ntie nsɛm a ayera no mfa nhyehyɛ mu. Berɛ a wɔrehyehyɛ deɛ ɛnnimu no, mo nkasa mfa asɛmpa no nyinasonsɛm a wosua firi nsɛm a ayera no mu.

Di adanseɛ. Di adanseɛ tiawa kyerɛ nkwadaa no fa asɛmpa nokorɛ a ɛwɔ Nkwadaa nnwom mu. Boa nkwadaa no ma wɔnteaseɛ sɛ nnwomtoɔ yɛ kwan baako a wɔbɛtumi adi adanseɛ na wɔate Honhom no nka.

Gyina sɛ ɔdanseni. To nsa frɛ nkwadaa no baako baako ma wɔmmɛgyina nkyɛ deɛ wɔn asua afiri nnwom a wɔreto no mu anaa atenka a wɔnya fa nokorɛ a ɛwɔ nnwom no mu. Bisa wɔn atenka a wɔnya berɛ a wɔreto nnwom, na boa ma wɔnhunu Honhom Kronkron no nsunsuansoɔ.

Fa mfonin yɛ adwuma. Bisa nkwadaa no ma wɔmmoa wo nhwehwɛ anaa nyɛ mfonin a ɛne nsɛmtitiri anaa nsɛmfua a ɛwɔ nnwom no mu ɛkɔ. To nsa frɛ wɔn ma wɔnkyɛ sedeɛ mfonin ne nnwom no ɛkɔ ne deɛ nnwom no kyerɛkyerɛ. Nhwɛsoɔ, sɛ worekyerɛ nnwom “Sɛ Ɔsan ba Bio a” (Nkwadaa Nnwomnwoma,, 82–83), wobɛtumi de mfonin atale dan no mu nyinaa a ɛkyerɛ nsɛmtitiri a ɛwɔ nnwom no mu (te sɛ abɔfoɔ, asukyerɛma, ne nsroma). Bisa nkwadaa no ma wɔmmoa mfonin no ano na wɔn mpagya nekwan so berɛ a mo bom to nnwom no.

Kyɛ honam mu adesua. Wobɛtumi de biribi ahyɛ wɔn nkuran ma wɔakasa afa nnwom bi ho. Nhwɛsoɔ, sɛ wɔreto dwom “Asubɔnten Ketewa no kaa sɛ ‘Ma,’” (Nkwadaa Nnwomnwoma,, 236), wobɛtumi de nneɛma binom mfonin te sɛ asubɔntene, nwura, ne nhwiren akyerɛ nkwadaa no. Yei bɛtumi de nsusuiɛ a ɛfa sɛdeɛ ɛsom adwuma nketenkete bɛtumi ahyira afoforɔ wɔ hiakwan so.

To nsa frɛ ma wɔnkyɛ ankasa suahunu. Boa nkwadaa no ma wɔmfa nyinasonsɛm a nnwom no kyerɛ no ne wɔn suahunu ntotoho nkammɔmu. Nhwɛsoɔ, ansa na wɔbɛto nnwom “Me Dɔ sɛ Mɛhunu Tɛmpol” (Nkwadaa Nnwom nwoma,, 95), wobɛtumi abisa nkwadaa no sɛ deɛ wahunu tɛmpol pɛn no mpagya ne nsa. Berɛ a wɔreto nnwom no, to nsa frɛ wɔn sɛ wɔnnwene atenka a wɔnya sɛ wɔhunu tɛmpol a.

Bisa Nsɛm. Nsɛmmisa pii wɔ hɔ a wobɛtumi abisa berɛ a woreto nnwom. Nhwɛsoɔ, wobɛtumi abisa nkwadaa no deɛ wɔsua wɔ nkyekyɛmu biara a ɛwɔ nnwom no mu. Wobɛtumi nso abisa sɛ wɔnnwene nsɛmmisa a nnwom no ma mmuaeɛ. Yei bɛtumi de nsusuiɛ fa nokorɛ a nnwom no kyerɛ aba.

Fa nsa adeyɛ di dwuma. To nsa frɛ nkwadaa no ma wɔnnwene nsa adeyɛ a ɛbɛboa ma wɔn akae nsɛm ne nkransɛm a ɛwɔ nnwom bi mu. Nhwɛsoɔ, sɛ wo to “Hwehwɛ, Dwene, na Bɔ mpaeɛ” (Nkwadaa Nnwomnwoma,, 109), wobɛtumi ato nsa afrɛ nkwadaa no sɛ wɔmmfa wɔnsa nkyerɛ wɔn ani berɛ a wɔreto nnwom fa twerɛnsɛm no mu nhwehwɛ mu, nkyerɛ wɔnti berɛ a wɔreto nnwom fa nnweneho, na wɔmmobɔ wɔnsa berɛ a wɔreto nnwom fa mpaeɛ ho.