Appendix C

Maka Praịmarị—Ntuziaka niile maka Oge Ịgụ egwu na Ngosipụta Nzukọ Oriri nsọ nke Ụmụntakịrị

Egwu dị nsọ bụ ngwa ọrụ dị ike iji nyere ụmụntakịrị aka mụọ banyere atụmatụ obi ụtọ nke Nna nke Eluigwe na nke ntọala niile nke ozi ọma nke Jizọs Kraịst. Dị ka ụmụntakịrị na-agụ banyere ụkpụrụ niile nke ozi ọma, Mmụọ Nsọ ga-agba ama banyere ịbụ eziokwu ha. Mkpụrụokwu na egwu ga-anọgide niime uche na obi nke ụmụntakịrị gburugburu ndụ ha.

Chọọ enyemaka nke Mmụọ dị ka ị na-akwado ikuzi ozi ọma site n’egwu. Kesaa ama gị nke eziokwu ị na-agụ maka ya. Nyere ụmụntakịrị ahụ aka ịhụ otu egwu si metụta ihe ha na-amụ ma na-ahụbiga n’ebe obibi na niime klas Praịmarị niile.

Odudu niile maka Ngosiputa Nzukọ Oriri nsọ

Site na ntuziaka nke bishọp, ngosipụta nzukọ oriri nsọ nke ụmụntakịrị ka a na-emekarị n’oge nkeji nke anọ nke afọ ahụ. Dị ka otu ndịisi Praịmarị na onye ndu egwu, na-arụkọ ọrụ ha na onye ndụmọdụ niime otu bishọp onye na-elekọta Praịmarị ịhazi ngosipụta ahụ.

Ngosiputa ahụ kwesịrị ikwe ụmụntakịrị igosiputa ihe ha na ezi na ụlọ ha mụworo site na Ozizi na Ọgbụgba ndụ niile n’ebe obibi na niime Praịmarị, gụnyere egwu Praịmarị niile ha gụworo niime afọ ahụ. Dị ka ị na-ahazi ngosiputa ahụ, chee maka ụzọ niile o nwere ike i si nyere otù ọgbakọ aka lekwasị anya n’Onye Nzọpụta na nkuzi Ya niile.

Ngalaba niile nwere obere ọnụọgụgụ nke ụmụntakịrị nwere ike tulee ụzọ niile nke ndị otù ezi na ụlọ nwere ike isonye ụmụ ha. Onye otù ndị bishọp nwere ike mechie nzukọ ahụ jiri okwu dị nke nke.

Dị ka ị na-akwado ngosiputa ahụ, cheta ntuziaka ndị a sotere:

• Ihe omume niile adịghị mkpa igbu oge nke eji eme klas niile ma ọ bụ ezi na ụlọ niile.

• Nlere niile, ekike niile, na ngosiputa midia niile adabaghị adaba maka nzukọ oriri nsọ.

Lee Akwụkwọ Ntuziaka Izugbe: Ije ozi na Nzukọ nsọ Ahụ nke Jizọs Kraịst nke Ndị nsọ Ụbọchị ikpeazu a, 12.2.1.2, Ọba akwụkwọ nke Ozi ọma.

Ntuziaka niile maka Oge Ịgụ egwu

Nkeji 5 (Otù Ndịisi Praịmarị): Ekpere mmepe, akwụkwọ nsọ ma ọ bụ edide nke okwukwe, na ikwu otu okwu

Nkeji 20 (onye ndu egwu): Oge Ịgụ egwu

Otù Ndịisi Praịmarị na onye ndu egwu na-ahọpụta egwu niile maka ọnwa ọbụla iji kwadosie ike ụkpụrụ niile nke ụmụntakịrị na-amụ niime klas ha ma n’ebe obibi. Ndepụta nke egwu niile nke na-akwadosi ụkpụrụ ndị a ike ka agụnyere niime odudu nke a.

Dị ka ị na-akuziri ụmụntakịrị egwu niile, kpọkuo ha ikesa ihe ha mụwororịị banyere akụkọ niile na ụkpụrụ nke ozizi niile egwu ndị ahụ na-akuzi. Kpọkuo ụmụntakịrị ikesa echiche ha na mmetụta ha banyere eziokwu ndị a na-ahụta niime egwu niile.

Akwụkwọ abụ Ụmụntakịrị bụ isi akụrụngwa maka egwu niime Praịmarị. Abụ niile sitere na akwụkwọ abụ na egwu niile sitere na Friend dabakwara adaba. Ojiji nke egwu ọzọ ọbụla niime Praịmarị ka otù bishọp garịrị akwado (lee Akwụkwọ Ntuziaka Izugbe, 12.3.4).

Egwu maka Oge Ịgụ egwu

Jenụwarị

• “Soro Onye Amụma,” Akwụkwọ abụ Ụmụntakịrị, 110–11

• “Chọgharịa, Tụgharịa uche, ma Kpee ekpere,” Akwụkwọ abụ Ụmụntakịrị, 109

Febrụwarị

• “Nwaa ime Ezi ihe,” Akwụkwọ abụ Ụmụntakịrị, 158

• “Ekpere nke Otu Nwata,” Akwụkwọ abụ Ụmụntakịrị, 12–13

Maachị

• “Kpakpando Ọbụla Dị Iche,” Akwụkwọ abụ Ụmụntakịrị, 142

• “Mgbe E Mere M Baptizim,” Akwụkwọ abụ Ụmụntakịrị, 103

Epril

• “Mgbe Ọ Bịara Ọzọ,” Akwụkwọ abụ Ụmụntakịrị, 82–83

• “Jizọs Ọ Na-adị Ndụ Ọzọ N’ezie?,” Akwụkwọ abụ Ụmụntakịrị, 64

Mee

• “‘Nye,’ Ka Obere Iyi Kwuru,” Akwụkwọ abụ Ụmụntakịrị, 236

• “Gaaniihu Na-enwu enwu,” Akwụkwọ abụ Ụmụntakịrị, 144

Jun

• “Mmụọ Nsọ Ahụ,” Akwụkwọ abụ Ụmụntakịrị, 105

• “A Chọrọ M Ị Bụ Onye Mgbasa ozi ọma Ugbu a,” Akwụkwọ abụ Ụmụntakịrị, 168

Julaị

• “Guzosie ike maka Ezi ihe,” Akwụkwọ abụ Ụmụntakịrị, 159

• “O Zitere Ọkpara Ya,” Akwụkwọ abụ Ụmụntakịrị, 34–35

Ọgọst

• “Ana m Agba mbọ Ịdị ka Jizọs,” Akwụkwọ abụ Ụmụntakịrị, 78–79

• “Ana M Enwe Mmetụta Ịhụnaanya nke Onye Nzọpụta M,” Akwụkwọ abụ Ụmụntakịrị, 74–75

Septemba

• “Ọ Na-amasị M Ịhụ Tempụl,” Akwụkwọ abụ Ụmụntakịrị, 95

• “Iche echiche banyere Jizọs,” Akwụkwọ abụ Ụmụntakịrị, 71

Ọktoba

• “Agụgụala Ezi na ụlọ—Ana M Eme Ya,” Akwụkwọ abụ Ụmụntakịrị, 94

• “Nzukọ nsọ Ahụ nke Jizọs Kraịst,” Akwụkwọ abụ Ụmụntakịrị, 77

Nọvemba

• “Debe Iwu nsọ niile,” Akwụkwọ abụ Ụmụntakịrị, 146

• “Ịbụ Onye Ọsụ ụzọ,” Akwụkwọ abụ Ụmụntakịrị, 218–19

Dizemba

• “A bụ M Nwa Chineke,” Akwụkwọ egwu nke Ụmụ ntakịrị, 2–3

• “O Obere Obodo nke Bethlehem,” Abụ niile, ọnụ ọgụgụ 208

Iji Egwu Akuzi Ozizi

Oge ịgụ egwu ka ebu n’obi inyere ụmụntakịrị aka mụọ eziokwu niile nke ozi ọma. Nchepụta ndị a sotere nwere ike kpatee gị dị ka ị na-ahazi ụzọ ndị eji akuzi ụkpụrụ niile nke ozi ọma achọtara niime abụ niile na egwu Praịmarị niile.

Gụọ akwụkwọ nsọ ndị metụtara. Maka ọtụtụ niime egwu dị niime Akwụkwọ abụ Ụmụntakịrị na akwụkwọ abụ, nrụtụ aka niile metụtara akwụkwọ nsọ ka edepụtara. Nyere ụmụntakịrị aka gụọ ụfọdụ edereede ndị a, ma kwuo okwu banyere otu akwụkwọ nsọ si metụta egwu ahụ. I nwekwara ike depụta nrụtụ aka akwụkwọ nsọ ole ma ole n’elu bọọdụ ma kpọkuo ụmụntakịrị ijikọ nrụtụ aka nke ọbụla nye egwu ma ọ bụ amaokwu nke ọbụla sitere n’otu egwu.

Mejuo oghere ahụ. Dee otu amaokwu nke egwu ahụ n’elu bọọdụ ebe isi mkpụrụ okwu dị iche iche anọghị ya. Emesịa rịọ ụmụntakịrị ịgụ egwu, na-ege ntị maka mkpụrụ okwu nke na-emeju oghere ndị ahụ. Dị ka ha na-emeju oghere nke ọbụla, kparịta ụdị ụkpụrụ ozi ọma ndị ị na-amụta site na mkpụrụ okwu ndị na-anọghị ya.

Gbaa ama. Gbaa nke nke ama nye ụmụntakịrị banyere eziokwu niile nke ozi ọma ahụtara niime egwu Praịmarị. Nyere ụmụntakịrị aka ghọta na ịgụ egwu bụ otu ụzọ ha nwere ike ị si agba ama ma nwete mmetụta Mmụọ ahụ.

Guzoro dị ka onye aka ebe. Kpọkuo ụmụntakịrị n’otu n’otu iguzoro ma na-ekesa ihe ha mụtara site n’egwu ha na-agụ ma ọ bụ otu o si emetụta ha banyere eziokwu niile a na-akuzi niime egwu ahụ. Jụọ ha otu o si emetụta ha dị ka ha na-agụ egwu ahụ, ma nyere ha aka mata ike mmetụta nke Mmụọ Nsọ.

Jiri foto niile. Rịọ ụmụntakịrị inyere gị aka chọta ma ọ bụ kepụta foto ndị na-adaba ha na mkpụrụ okwu ma ọ bụ nkebiokwu ndị dị mkpa niime egwu ahụ. Kpọkuo ha ikesa otu foto niile si metụta egwu ahụ na ihe egwu ahụ na-akuziri ha. N’ịmaatụ, ọ bụrụ na ị na-akuzi egwu “Mgbe Ọ Bịara Ọzọ” (Akwụkwọ abụ Ụmụntakịrị, 82–83), i nwere ike debe foto niile gburugburu ọnụ ụlọ ahụ nke na-egosi mkpụrụ okwu ndị dị mkpa sitere n’egwu ahụ (dị ka ndị mmụọ ozi, sno, na kpakpando). Rịọ ụmụntakịrị ikpokọta foto niile ma welie ha elu n’usoro dabara adaba dị ka unu na-agụkọta egwu ọnụ.

Kekọrịta ihe mmụta. I nwere ike jiri ihe iji kpatee mkparịta ụka banyere otu egwu. N’ịmaatụ, n’oge ịgụ egwu “Nye,’ Ka Obere Iyi Kwuru” (Akwụkwọ abụ Ụmụntakịrị, 236), i nwere ike gosi ụmụntakịrị otu foto nke ihe ndị dị ka iyi, ahịhịa, mmiri ozuzo, na okoko osisi. Nke a nwere ike duba na mkparịta ụka banyere otu ọbụna obere omume nke ije ozi nwere ike iji gọzie ndị ọzọ n’ụzọ dị mkpa.

Nabata ikesa nhụmiihe nke onwe. Nyere ụmụntakịrị aka ijikọ ụkpụrụ ndị akuziri niime egwu ya na nhụmiihe ndị ha nweteworo site na ụkpụrụ ndị a. N’ịmaatụ, tupu ịgụ egwu “Ọ Na-amasị M Ịhụ Tempụl” (Akwụkwọ abụ Ụmụntakịrị, 95), i nwere ike rịọ ụmụntakịrị iweli aka ha elu ọ bụrụ na ha ahụwo tempụl. Kpọkuo ha, dị ka ha na-agụ egwu, iche echiche banyere otu o si emetụta ha mgbe ha hụrụ tempụl.

Jụọ ajụjụ niile. E nwere ọtụtụ ajụjụ ndị i nwere ike ịjụ dị ka ị na-agụ egwu. N’ịmaatụ, i nwere ike jụọ ụmụntakịrị ihe ha mụrụ site n’amaokwu nke ọbụla dị niime egwu ahụ. I nwekwara ike gwa ha chee echiche maka ajụjụ ndị egwu ahụ zara azịza ha. Nke a nwere ike iduba na mkparịta ụka banyere eziokwu akuziri niime egwu ahụ

Jiri omume ndị dị mfe e ji aka mee. Kpọkuo ụmụntakịrị iche echiche nke omume ndị dị mfe e ji aka mee iji nyere ha aka cheta mkpụrụ okwu na ozi nke egwu ahụ. N’ịmaatụ, mgbe i na-agụ egwu “Chọgharịa, Tụgharịa uche, ma Kpee ekpere” ( Akwụkwọ abụ Ụmụntakịrị, 109), i nwere ike kpọkuo ụmụntakịrị ịrụtụ aka na anya ha dị ka ha na-agụ banyere ịchọgharị akwụkwọ nsọ, metụ aka n’isi ha dị ka ha na-agụ banyere ịtụgharị uche, ma pịajie ogweaka ha dị ka ha na-agụ banyere ikpe ekpere.