Isithasiselo C

OkweNhlangano yabaNtwana–Imiyalelo Yesikhathi Sokucula kanye neSethulo sabaNtwana ngoMhlangano Wesidlo esiNgcwele

Amaculo eNhlangano yabaNtwana ayithuluzi elinamandla ekusizeni abantwana bafunde ngesu lenjabulo likaBaba oseZulwini kanye namaqiniso ayisisekelo evangeli likaJesu Kristu. Lapho abantwana becula ngezimiso zevangeli, uMoya oNgcwele uzofakaza ngobuqiniso bazo. Amazwi nomculo kuzohlala emiqondweni nasezinhliziyweni zabantwana kukho konke ukuphila kwabo.

Funa usizo lukaMoya njengoba ulungiselela ukufundisa ivangeli ngomculo. Abelana ngobufakazi bamaqiniso ocula ngawo. Siza abantwana babone ukuthi umculo uhlobene kanjani nalokho abakufundayo nabahlangabezana nakho ekhaya nasemakilasini abo.

IMihlahlandlela yeSethulo sangesikhathi soMhlangano weSidlo esiNgcwele

Ngokuyalelwa ngumbhishobhi, isethulo esenziwa ngabantwana ngesikhathi somhlangano wesidlo sivamise ukubanjwa ngekota lesine onyakeni. Njengobumongameli beNhlangano yabaNtwana nomholi womculo, sebenzisana nomeluleki wobuBhishobhi owengamele Inhlangano yabaNtwana ukuhlela isethulo.

Isethulo kufanele sivumele abantwana ukuba bathule lokho okufundwe yibo nabazali babo eNcwadini kaMormoni ekhaya naseNhlanganweni yabaNtwana, kubandakanya namaculo eNhlangano yabaNtwana abawacule phakathi nonyaka. Njengoba uhlela isethulo, cabanga ngezindlela ezingasiza ibandla ligxile kuMsindisi nezimfundiso Zakhe.

Amagatsha anenani elincane labantwana, angahle acabange ngezindlela amalungu omndeni angabamba iqhaza ngazo nabantwana bawo. Amalungu obuBhishobhi angawuphetha umhlangano ngamazwi amafishane.

Njengoba ulungiselela isethulo, khumbula lemihlahlandlela elandelayo:

• Ukuzijwayeza akufanele kuthathe isikhathi esingadingekile emakilasini eNhlangano yabaNtwanai noma emindenini.

• Izinto ezibukwayo, imvunulo nokuvela kwabezindaba akufanelekile emhlanganweni wesidlo seNkosi.

Bheka encwadini ethi General Handbook: Serving in The Church ofi Jesus Christ of Latter-day Saints, 12.2.1.2, Umtapo woLwazi weVangeli.

Imiyalelo yesiKhathi sokuCula

Imizuzu emi-5 (ubumongameli beNhlangano yabaNtwana): Umkhuleko wokuvula, umbhalo ongcwele noma umbhalo wokholo nenkulumo eyodwa

Imizuzu eyi-20 (umholi womculo): Isikhathi sokuCula

Ubumongameli beNhlangano yabaNtwana nomholi womculo bakhetha amaculo enyanga ngayinye ukugcizelela imigomo abantwana abafunda ngayo emakilasini abo nasekhaya. Uhlu lwamaculo agcizelela lemigomo lufakiwe kulezi zifundo.

Njengoba ufundisa abantwana lamaculo, bameme ukuba babelane ngosekuvele bekufundile ngezindaba nangezimfundiso zemigomo ezifundiswa ngumculo. Bameme abantwana ukuba babelane ngemicabango nemizwa yabo ngamaqiniso atholakala kulezi zingoma.

Ibhuku Lezingoma Zezingane liyinsiza eyisisekelo yomculo kwiNhlangano yabaNtwana. Amahubo asuka encawadini yamaculo kanye nezingoma ezivela ku Friend (Umngane) nazo zifanelekile. Ukusetshenziswa kwanoma yimuphi omunye umculo eNhlanganweni yabaNtwana kufanele kuvunywe ngumBhishobhi (bheka encwadini ethi General Handbook, 12.3.4).

Umculo Wesikhathi Sokucula

NgoJanuwari

• “Follow the Prophet,” Incwadi Yezingoma Zezingane, 110–11

• “Search, Ponder, and Pray,” Incwadi Yezingoma Zezingane, 109

NgoFebruwari

• “Dare to Do Right,” Incwadi Yezingoma Zezingane, 158

• “A Child’s Prayer,” Incwadi Yezingoma Zezingane, 12–13

NgoMashi

• “Every Star Is Different,” Incwadi Yezingoma Zezingane, 142

• “When I Am Baptized,”Incwadi YezingomaZezingane, 103

Ngo-Epreli

• “When He Comes Again,” Incwadi Yezingoma Zezingane, 82–83

• “Did Jesus Really Live Again?,” Incwadi Yezingoma Zezingane, 64

NgoMeyi

• “‘Give,’ Said the Little Stream,” Incwadi Yezingoma Zezingane, 236

• “Shine On,” Incwadi Yezingoma Zezingane, 144

NgoJuni

• “The Holy Ghost,” Incwadi Yezingoma Zezingane, 105

• “I want to Be a Missionary Now,” Incwadi Yezingoma Zezingane, 168

NgoJulayi

• “Stand for the Right,” Incwadi Yezingoma Zezingane, 159

• “He Sent His Son,” Incwadi Yezingoma Zezingane, 34–35

Ngo-Agasti

• “I’m trying to be like Jesus,” Incwadi Yezingoma Zezingane, 78–79

• “I Feel My Savior’s Love,” Incwadi Yezingoma Zezingane, 74–75

NgoSepthemba

• “I Love to See the Temple,” Incwadi Yezingoma Zezingane, 95

• “Ukucabanga,” Incwadi Yezingoma Zezingane, 71

NgoOkthoba

• “Family History—I Am Doing It,” Incwadi Yezingoma Zezingane, 94

• “The Church of Jesus Christ,” Incwadi Yezingoma Zezingane, 77

NgoNovemba

• “Keep the Commandments,” Incwadi Yezingoma Zezingane, 146

• “To Be a Pioneer,” Incwadi Yezingoma Zezingane, 218–19

NgoDisemba

• “I Am a child of God,” Incwadi Yezingoma Zezingane, 2–3

• “O Little Town of Bethlehem,” Amahubo, no. 208

Ukusebenzisa uMculo ukuFundisa iMfundiso

Inhloso yesikhathi sokucula eyokusiza abantwana bafunde amaqiniso evangeli. Lamasu alandelayo angakufaka ugqozi njengoba uhlela izindlela zokufundisa imigomo yevangeli etholakala kumahubo nasemaculweni eNhlangano yabaNtwana.

Funda imibhalo engcwele ehlobene. Ezingomeni eziningi Encwadini Yezingoma Zezingane kanye nasencwadini yamaculo, izinkomba zemibhalo ehlobene zibaliwe. Siza abantwana bafunde ezinye zalezi ziqephu, futhi bakhulume ngokuthi imibhalo engcwele ihlobana kanjani nengoma. Ungabhala futhi uhlu lwezinkomba zemibhalo engcwele embalwa ebhodini bese umema abantwana ukuthi baqondanise inkomba ngayinye neculo noma ivesi eculweni.

Gcwalisa ezikhaleni. Bhala ivesi leculo ebhodini kube khona amagama asemqoka amaningana angekho. Bese ucela abantwana balicule iculo, balalele amagama agcwalisa izikhala. Lapho begcwalisa isikhala ngasinye, xoxisanani ngokuthi yimiphi imigomo yevangeli eniyifunda emagameni angekho.

Fakaza. Fakaza kafushane ngamaqiniso evangeli atholakala eculweni leNhlangano yabaNtwana. Siza abantwana baqonde ukuthi ukuhlabelela kungenye yezindlela abangafakaza ngayo futhi bawuzwe noMoya.

Yima njengofakazi. Mema abantwana ukuba bashintshane ngokuma nokwabelana ngabakufundayo eculweni abaliculayo noma ngokuthi bazizwa kanjani ngamaqiniso afundiswa eculweni. Babuze ukuthi bazizwa kanjani njengoba becula leliculo, futhi ubasize babone ithonya likaMoya oNgcwele.

Sebenzisa izithombe. Cela abantwana bakusize uthole noma wenze izithombe ezihambisana namagama abalulekile noma imishwana eculweni. Bameme ukuba babelane ngokuthi izithombe zihlobene kanjani neculo nokuthi lifundisani iculo. Isibonelo, uma ufundisa iculo elithi “When He Comes Again” (Ibhuku Lezingoma Zezingane, 82–83), ungabeka izithombe egumbini lonke ezibonisa amagama abalulekile engomeni. (njenge izingelosi, iqhwa, kanye nenkanyezi). Cela izingane ukuthi ziqoqe izithombe futhi ziziphakamise ngendlela efanele njengoba nicula iculo ndawonye.

Abelana ngesifundo sento ebonakalayo. Ungasebenzisa into ebonakalayo ukukhuthaza ukuxoxisana ngeculo. Isibonelo, lapho ucula iculo elithi “ʻGive,’ Said the Little Stream” (Incwadi Yezingoma Zezingane, 236), ungabonisa izingane isithombe sezinto ezifana nomfudlana, utshani, imvula, nezimbali. Lokhu kungaholela engxoxweni mayelana nokuthi ngisho nezenzo ezincane zokusiza zingabusisa kanjani abanye ngezindlela ezibalulekile.

Mema ukwabelana ngalokho umuntu nomuntu asedlule kukho. Siza abantwana baxhumanise leyo migomo efundiswa eculweni nalokho abake bahlangabezana nakho ngokuphathelene nalemigomo. Isibonelo, ngaphambi kokucula “I Love to See the Temple” (Incwasi ezingoma Zezingane, 95), ungabacela abantwana ukuba baphakamise izandla zabo uma sebeke balibona ithempeli. Bameme, njengoba becula, ukuthi bacabange ngokuthi bazizwa kanjani uma bebona ithempeli.

Buza imibuzo. Miningi imibuzo ongayibuza njengoba nicula amaculo. Isibonelo, ungababuza abantwana ukuthi bafundani evesini ngalinye leculo. Ungabacela futhi ukuthi bacabange ngemibuzo ephendulwa yiculo. Lokhu kungaholela engxoxweni emayelana namaqiniso afundiswa eculweni.

Sebenzisa izenzo zezandla ezilula. Mema abantwana ukuthi bacabange ngezenzo ezilula ezingabasiza ukukhumbula amagama nemilayezo yeculo. Ngokwesibonelo, lapho ucula “Search, Ponder, and Pray” (Incwadi Yezingoma Zezingane, 109), ungacela izingane ukuba zikhombe amehlo azo njengoba zicula ngokuhlola imibhalo, bakhombe amakhanda njengoba becula ngokuzindla, basonge izandla njengoba becula ngokuthandaza.