Beberuare 17–23

2 Nibwaai 11–25

“Ti Kimwareirei iroun Kristo”

Nibwaai e reirei bwa ana taeka Itaia “a maataata nakoia aika a kaonaki n tamnein te taetae ni burabeti.”” (2 Nibwaai 25:4). Ngkana ko wareware, ukoukora tamnein te taetae ni burabeti man katauraoam n te tamnei, ni kakauongo nakon te Tamnei, ao koroi am namakin.

Koroi Am Namakin

Koreakin taeka iaon bwatua aika biiti e aki bebete, ao te mwaawa iaon ana bwatua Nibwaai aika uarereke e aki tau. Ngaia ae bukin tera Nibwaai e nakon te mwakuri ae kabotu ni karekei katotoon ana koroboki Itaia aika rangin ni mwaiti nakon ana rekooti? E karaoia “bwa ngkana arona bwa iai … are noori taeka aikai ao a na tabekarake nanoia ao a na kimwareire” (2 Nibwaai 11:8). N te kawai teuana, te kakao nakon warekan ana koroboki Itaia bon te kakao nakon te kimwareirei. Ko kona n anaa te kukurei, n aron are e karaoia Nibwaai, n ana taeka ni burabeti Itaia ibukin ikotakiia Iteraera, rokon te Metia, ao te rau n te tengaa n ririki are beritanaki nakoia aika raraoi. Ko kona ni kimwareirei bwa ni bongin te “kangaanga, ma te roo,” ko “a tia n noora te oota ae korakora” (2 Nibwaai 18:22; 19:2). Ko kona ni kimwareirei ngkana ko “itiia te ran ma te kimwareirei man mwanibwan te kamaiuaki” (2 Nibwaai 22:3). N taekana teuana, ko kona ni “kimwareirei iroun Kristo” (2 Nibwaai 25:26).

Iango ibukin Kamatebwaian Koroboki aika tabu i bon iroum

2 Nibwaai 11–25

N na kanga n oota riki n ana reirei Itaia?

E butimwaea anne Nibwaai ibukina bwa tabeua, “a aki mataata ana taeka Itaia” (2 Nibwaai 25:4). Aio e kona ni koaua ibukiia naake aki taneiai ma katein Iutaia rimoa ao rabakaun te aonaaba n aron ngkoa Nibwaai (taraa 2 Nibwaai 25:6). Ma Nibwaai e anga naba reirei bwa e na buokiira ni kakaai nanoia n ana koroboki Itaia:

“Bwa N na kabonganai ana taeka” nakoimi (2 Nibwaai 11:2).Ana reirei Itaia aika mwaiti iai nanoia ao kabonganakiia aika mwaiti kurikuri. Te katooto, ana koroboki ibukin maenakon ao ikotakin Iteraera e kona ni kauringko bwa ko na iangoa kainnanom bwa ana “ikotaki” rikaaki nakon te Tia Kamaiu.

Ukeuke bwa ana “kaonaki n tamnein te taetae ni burabeti” (2 Nibwaai 25:4).Te kabanea n tamaroa ni kawai n atai ana taeka ni burabeti Itaia bon ukoukoran te kairi mairoun te Tamnei. Tataro ibukin ana kairi te tamnei. Ko na bon aki ota ni bwaai ni kabane n te tai ae ti teuana, ma e kona te Tamnei ni buokiko n reiakina te bwai ae ko kan ataia ibukin maium n te bong aei.

Ko na kunea naba bwa e na ibuobuoki ngkana ko nakon ibuobuoki n te kamatebwai inanon koroboki aika tabu, n raonaki ma bwaai aika ana taraaki mai inano, atuun mwakoro, Te Kairi nakon Booki aika Tabu, ao a mwaiti riki.

2 Nibwaai 11:2–8; 25:19–29

“Te kawai ae eti bon kakoauan Kristo.”

Nibwaai e moana ao e motika ana taeka iroun Itaia man kaotakin ana koaua iroun Iesu Kristo (taraa 2 Nibwaai 11:2–8; 25:19–29). Tera ae ko noria n ana koaua? Ngkana ko kamatebwai n te wiiki aei, iangoi nanon Nibwaai n “anai nanoia [ana] ataei … ni kakoauan Kristo, ao bwa aonga ni manga tangiraki iroun te Atua” (2 Nibwaai 25:23), ao mwaaken taekana aika ana anaa nanom ni kakoaua ao n iriira Iesu Kristo.

E kona n ibuobuoki n uringnga bwa a mwaiti ana reirei Itaia iaon taekan te Tia Kamaiu aika a kaotaki rinanon te kanikina. Te katooto, ko kona n nora te Tia Kamaiu n taian kanikina n aron Uean te nne ni kurebe (taraa 2 Nibwaai 15:1–7), te atibu (taraa 2 Nibwaai 18:14), ao te ota (taraa 2 Nibwaai 19:2). Tera riki ana kanikina Iesu Kristo aika ko kunei ni mwakoro aikai? Tera ae a reireiniko kanikina aikai Ibukina?

2 Nibwaai 12–13

Tani kamoamoa ao bwain te aonaaba ana kamangoraki.

E a tia Nibwaai n noora te kamoamoaki anne are e na karika bwakaia ana aomata (taraa 1 Nibwaai 12:19). Ngaia ae e na aki kakubanako ngkana e tibwauai Nibwaai ana kauring Itaia ni kaitaraa te kamoamoa. Inanon te mwakoro 12 ao 13, kakaai taeka ake e kabonganai Itaia ni kabwarabwara te kainikatonga, n aron te karietaata ao te kamoamoa. Ngkanne ko na bae ni kataia n taekin o oin am taeka kauring aikai, ae kanga ko korea te rongorongo bon iroum ni kauring ibukin te kainikatonga.

Taraa naba “Mwakoro 18: Tarataraiko man te Kainikatonga” (Aia Reirei Beretitenti n te Ekaretia: Ezra Taft Benson [2014], 229–40).

2 Nibwaai 12:2–5; 21:9–12; 22; 24:1–3

N te Mereniam, ana aomata te Ata ana kimwareirei n te rau.

Ko na kunea bwa e na ibuobuoki ngkana ko iangoia bwa ko mena n ana tabo Nibwaai ao ana aomata. Iangoia bwa ko kiba mai Ierutarem imwain raoi are e na kamaunaaki (taraa 2 Nibwaai 25:10), ao ngkai ko a riki bwa mwakoron te uamaenako ake Iteraera. E na kanga aron te namakin ni wareki ana reirei Itaia iaon ikotakin Iteraera n te tai ae na roko ao te Mereniam ae rau? Ni katabeara ngkai ngaira aomata Aika Itiaki ni Boong Aika Kaitira, ti a tia ni weteaki bwa ti na ibuobuoki n ikotia ana aomata te Atua ni boong aika kaitira ni katauraoi imwain uean Kristo n te Mereniam. Ngkana ko wareki kiibu aikai, iangoia bwa ko na kanga ni buokiia ni kakoroa nanon aia taeka ni burabeti ake a kabwarabwarai. Tera ae ko namakinna bwa ko na karaoia ni buokia n ikotiia natin te Atua?

Iango ibukin Kamatebwaian Koroboki aika Tabu n te Utu ao ni Bootakin te Utu n te Tairiki

Ngkana ko wareki booki aika tabu ma am utu, e kona te Tamnei ni buokiko n atai reirei aika ko na kamataatai ao ni maroroakin n te aro bwa ko na buoki kainnanoia am utu. Aikai tabeua iango.

2 Nibwaai 12:1–3

Ngkana ko a tia n rin n te tembora—“maungan ana auti te Uea”—ko na tibwauaia ma kain am utu bwa a kanga berita n te tembora ni buokiko “n nakonako ni kawain [te Uea].” Ngkana ko tuai n roko n te tembora, warekan kiibu aikai ni bootaki e na kona ni kaunga te marooro bwa ko na kanga ni katauraoiko ibukin kakabwaia n te tembora.

2 Nibwaai 15:18–23

A kona am utu n iangoi katooto n taai aikai iaon iango aika aki raoiroi ake a kabwarabwarai kiibu aikai? Ti na kanga n totokoi mwamwanakira man n iango aika kewe n te raoiroi ao te buakaka?

2 Nibwaai 21

Ngkana a kainnanoa buokaia kain am utu ni kaotakiia n te mwakoro aei (are e kaineti ma Itaia 11), ko na kona ni kunei atatai aika nano inanon Reirei ao Berita aika Tabu 113:1–6, are e kaekai iai tabeua titiraki te Burabeti Iotebwa Timiti iaon Itaia 11. Tera ae ti reiakinna man kiibu aikai iaon taekan Iesu Kristo?

2 Nibwaai 21:9

Tera bwaai aika onoti aika ti kona ni karaoi ni buokia ni kaona te aonaaba ma “ana atatai te Uea”?

2 Nibwaai 25:23–26

Ko na kanga ni kona ni buokiia kain am utu bwa a na “kimwareireii iroun Kristo””? Tao ko kona ni kaoia bwa ana koroi iaon beeba aika uarereke bwaai ibukin te Tia Kamaiu are e uoti nakoia te kimwareirei. Ngkanne, n tain te bootaki n utu n te tairiki ke te kamatebwai ni koroboki aika tabu, temanna e na kona ni wareka te beeba ae uarereke. A kona utu ni karin beebwa aika uarereke inanon te ririki anne.

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Kanakoraoan te Kamatebwai I bon Iroum

Taratarai banna ni katooto. Inanon booki aika tabu ti kona ni kunei inanona banna ni katooto aika ana kaotii nakoira aron ana mwakuri te Uea. Te katooto, n te 2 Nibwaai 11–25, ko kona ni kunei banna ni katooto ake a kaotia bwa e kanga te Uea ni kauring ao ni kabwarai buure.

Panama City Panama Tembora. “Ana auti te Uea e na kateaki iaon taubukin taian maunga, … ao a na mwananga aaba ni kabane nako iai” (2 Nibwaai 12:2).