Apendiks B

“Yano ug Bililhon nga mga Kamatuoran”

Ang Basahon ni Mormon giandam nga motungha inig-abut sa katapusang mga adlaw, usa ka panahon sa nagkatap nga kalibug mahitungod sa doktrina, o sa mahangturong kamatuoran sa Dios. Usa ka parte sa balaang katuyoan niana nga libro mao ang, sama sa nakita ni Nephi nga, “[pag]tukod sa kamatuoran sa [Biblia],” aron “ipahibalo ang yano ug bililhon nga mga butang” nga nangawala dugay nang mga siglo, ug aron “ipahibalo ngadto sa tanan nga mga kaliwatan, mga pinulongan, ug mga katawhan, nga ang Kordero sa Dios mao ang Anak sa Amahan sa Kahangturan, ug ang Manluluwas sa kalibutan” (1 Nephi 13:40).

Ang Basahon ni Mormon mopadayag sa mahangturong mga kamatuoran nga nangawala atol sa Apostasiya ug modugang og ikaduha, tin-aw nga pagsaksi sa daghang kamatuoran nga gitudlo sa Biblia. Aniay pipila lang niadto nga mga kamatuoran. Pangitaa kini ug ang uban pang yano ug bililhong mga kamatuoran samtang magtuon ka sa Basahon ni Mormon.

Ang Dios nga Kapangulohan

• Ang Langitnong Amahan, si Jesukristo, ug ang Espiritu Santo managlahi nga mga binuhat, apan sila nagkahiusa sa usa ka katuyoan (tan-awa sa 3 Nephi 11:32, 36).

• Ang nabanhaw nga Manluluwas adunay mahikap nga lawas (tan-awa sa 3 Nephi 11:10–17).

Dugang nga mga kasulatan mahitungod sa Dios nga Kapangulohan: 2 Nephi 31:6–8; Ether 12:41

Ang Pag-ula ni Jesukristo

• Nag-antus si Jesukristo tungod sa atong mga sala ug mga kasakit aron Iyang mahibaloan kon unsaon sa pagtabang kanato (tan-awa sa Alma 7:11–13).

• Mahimo kitang hingpit pinaagi sa grasya ni Jesukristo (tan-awa sa Moroni 10:32–33).

Dugang nga mga kasulatan mahitungod sa Pag-ula sa Manluluwas: 1 Nephi 10:6; 2 Nephi 2:6–9; Jacob 4:11–12; Mosiah 3:1–19; Alma 34:8–16

Ang Plano sa Kaluwasan

• Ang Pagkapukan ni Adan ug ni Eva usa ka mahinungdanong bahin sa plano sa Langitnong Amahan (tan-awa sa 2 Nephi 2:22–27).

• Ang oposisyon gikinahanglan aron kita makagamit sa kabubut-on (tan-awa sa 2 Nephi 2:11–16).

• Pagahukman kita sumala sa atong mga binuhatan ug sa tinguha sa atong mga kasingkasing (tan-awa sa Alma 41:3–7).

• Ang “lim-aw sa kalayo ug asupre” nagsimbolo sa pagbangutan sa mga dili mahinulsulon (tan-awa sa 2 Nephi 9:16–19; Mosiah 3:24–27).

Dugang nga mga kasulatan mahitungod sa plano sa kaluwasan: 2 Nephi 9:11–26; Alma 22:12–14; 34:31–35; 42:1–26

Ang Apostasiya ug ang Pagpahiuli

• Ang Dakong Apostasiya nahitabo tungod sa kadautan ug kawalay pagtuo (tan-awa sa Mormon 8:28, 31–41).

• Ang Basahon ni Mormon mag-establisar sa mga kamatuoran nga gitudlo sa Biblia (tan-awa sa 1 Nephi 13:19–41; 2 Nephi 3:12).

• Ang Simbahan ni Jesukristo pagatawgon sa Iyang ngalan (tan-awa sa 3 Nephi 27:3–9).

Dugang nga mga kasulatan mahitungod sa Apostasiya: 1 Nephi 13:1–9, 24–29; 2 Nephi 27–28

Dugang nga mga kasulatan mahitungod sa Pagpahiuli: 1 Nephi 14:7–12; 22:7–11; 2 Nephi 3:7–24; 25:17–18

Mga Propeta ug Pagpadayag

• Ang tanang propeta nagpamautod kang Jesukristo (tan-awa sa Mosiah 13:33–35).

• Ang usa ka kahibalo mahitungod sa espirituhanong kamatuoran maggikan sa Espiritu Santo (tan-awa sa Alma 5:45–47).

• Ang Biblia wala maglangkob sa tanang pulong sa Dios (tan-awa sa 2 Nephi 29:10–13).

• Ang pagpadayag gikan sa Dios wala mahunong sa atong panahon (tan-awa sa Mormon 9:7–9).

Dugang nga mga kasulatan mahitungod sa mga propeta: 1 Nephi 22:1–2; Mosiah 8:16–18; Helaman 13:24–33

Dugang nga mga kasulatan mahitungod pagpadayag: Jacob 4:8; Alma 12:9–11; 17:2–3; Moroni 10:5

Pagkapari

• Ang mga naghupot sa pagkapari gitawag ug giandam gikan sa katukuran sa kalibutan” (tan-awa sa Alma 13:1–3).

• Ang usa ka tawo kinahanglang makadawat og awtoridad gikan sa Dios sa pagsangyaw sa ebanghelyo (tan-awa sa Mosiah 23:17).

Dugang nga mga kasulatan mahitungod sa pagkapari: Mosiah 18:17–20; Alma 13; Helaman 10:7

Mga Ordinansa ug mga Pakigsaad

• Ang bunyag mahinungdanon aron sa pagdawat sa kinabuhing dayon (tan-awa sa 2 Nephi 31:4–13, 17–18).

• Ang bunyag kinahanglang ipahigayon pinaagi sa pag-unlod (tan-awa sa 3 Nephi 11:23–27).

• Ang gagmayng mga bata wala kinahanglana nga mabunyagan (tan-awa sa Moroni 8:8–12).

• Ang mga ordinansa kinahanglang ipangalagad sumala sa mga sugo ni Kristo pinaagi sa tawo nga may tukmang awtoridad (tan-awa sa Mosiah 18:17–18; 3 Nephi 11:21–27; Moroni 4:1).

Dugang nga mga kasulatan mahitungod sa mga ordinansa: Mosiah 18:8–17; 21:33–35; Alma 13:16; 3 Nephi 18:1–11; Moroni 2–6; 8:4–26

Dugang nga mga kasulatan mahitungod sa mga pakigsaad: 2 Nephi 11:5; Mosiah 5:1–9; Alma 24:17–18

Kaminyoon ug Pamilya

• Ang mga bana ug mga asawa maghinigugmaay sa usag usa (tan-awa sa Jacob 3:5–7).

• Ang mga ginikanan kinahanglang mopadako sa ilang mga anak ngadto sa Ginoo (tan-awa sa 1 Nephi 7:1).

Dugang nga mga kasulatan mahitungod sa kaminyoon ug pamilya: 1 Nephi 1:1; 2 Nephi 25:26; Jacob 2:23–28; Enos 1:1; Mosiah 4:14–15; 3 Nephi 18:21

Mga Sugo

• Ang Ginoo mag-andam og paagi nga kita makatuman sa Iyang mga sugo (tan-awa sa 1 Nephi 3:7).

• Misaad ang Dios nga panalanginan kita kon kita motuman sa Iyang mga sugo (tan-awa sa Mosiah 2:22–24).

Dugang nga mga kasulatan mahitungod sa mga sugo: 1 Nephi 17:3; 22:30–31; Alma 37:13, 35; 50:20