Na iKuri ni iVakamacala B

Na Vinaka ka Talei”

Sa vakarautaki tu na iVola i Momani me ra lako mai ena iotioti ni gauna, e dua na gauna ni veilecayaki vakaitamera me baleta na ivunau, se na dina tawamudu ni Kalou. E tiki ni naki vakalou ni vola o ya, me vaka sa raica taumada o Nifai, me ra “vakadeitaka na dina ni [iVolatabu],” me “na tukuna na veika macala vinaka ka talei” era sa yali tu ena veisenitiuri sa oti, ka “tukuna vei ira veimataqali, duivosavosa, kei na tamata, ni sa Luveni Tamada Tawamudu na Lami ni Kalou, ka sa iVakabula kei vuravura”(1 Nifai 13:40).

Na iVola i Momani e vakatakila na dina tawamudu era a yali ena gauna ni Vukitani ka ikarua, ka vakamatatataka na veivakadinadina ni dina e vuqa ka vakavulici ena iVola Tabu. Oqo e vica na dina o ya. Vakaraica na veika oqo kei na so tale na vinaka ka talei ni o vulica tiko na iVola i Momani.

Na Lewe Tolu Vakalou

• Eratou tolu na tamata duidui na Tamada Vakalomalagi, Jisu Karisito, kei na Yalo Tabu ia e dua bau ga nodratou inaki (raica na 3 Nifai 11:32, 36).

• Na iVakabula sa vakaturi cake tale e tiko vua na yago (raica na 3 Nifai 11:10–17).

Na ikuri ni ivolanikalou me baleta na Lewetolu Vakalou: 2 Nifai 31: 6–8; Ica 12:41

Na Veisorovaki nei Jisu Karisito

• E vakararawataki o Jisu Karisito me baleta na noda ivalavala ca kei na rarawa me rawa ni kila me na vukei keda vakacava (raica na Alama 7:11–13).

• E rawa ni yaco meda vakataucokotaki ena loloma soli wale i Jisu Karisito (raica na Moronai 10:32–33).

Na ikuri ni ivolanikalou me baleta na Veisorovaki ni iVakabula: 1 Nifai 10:6; 2 Nifai 2:6–9; Jekope 4:11–12; Mosaia 3:1–19; Alama 34: 8–16

Na Yavu ni Veivakabulai

• Na Lutu nei Atama kei Ivi a tiki bibi ni tuvatuva ni Tamada Vakalomalagi (raica na 2 Nifai 2:22–27).

• E gadrevi meda lako curuma na veisaqasaqa me rawa ni da vakayagataka na galala ni digidigi (raica na 2 Nifai 2:11–16).

• Eda na lewai me vaka na noda ivalavala kei na gagadre ni yaloda (raica na Alama 41:3–7).

• Na “drano bukawaqa sa vakasulifure” sa ivakatakarakara ni nodra tagiyaso na sega ni veivutunitaki (raica na 2 Nifai 9:16–19; Mosaia 3:24–27).

ikuri ni ivolanikalou me baleta na ituvatuva ni veivakabulai: 2 Nifai 9:11–26; Alama 22:12–14; 34: 31–35; 42: 1–26

Na Vukitani kei na Veivakalesui Mai

• Na Vukitani vakaitamera e yaco ena vuku ni nodra caka ca kei na tawa-vakabauta (raica Momani 8:28, 31–41).

• Na iVola i Momani e vakadeitaka na dina e vakavulici ena iVola Tabu (raica na 1 Nifai 13:19–41; 2 Nifai 3:12).

• E dodonu me kacivi na Lotu i Karisito ena Yacana (raica 3 Nifai 27: 3–9).

Na ikuri ni ivolanikalou me baleta na Vukitani: 1 Nifai 13:1–9, 24–29; 2 Nifai 27–28

Na ikuri ni ivolanikalou me baleta na Vakalesui mai: 1 Nifai 14:7–12; 22:7–11; 2 Nifai 3:7–24; 25:17–18

Parofita kei na iVakatakila

• Era vakadinadinataki Jisu Karisito o ira kece na parofita (raica na Mosaia 13:33–35).

• E dua na kila ni veika dina vakayalo e lako mai vua na Yalo Tabu (raica na Alama 5:45–47).

• Na iVolatabu e sega ni tiko kina na vosa kece ni Kalou (raica na 2 Nifai 29:10–13).

• Na ivakatakila mai vua na Kalou e sega ni mudu ena noda gauna oqo (raica na Momani 9:7–9).

Na ikuri ni ivolanikalou me baleta na parofita: 1 Nifai 22:1–2; Mosaia 8:16–18; Ilamani 13:24–33

Na ikuri ni ivolanikalou me baleta na ivakatakila: Jekope 4:8; Alama 12:9–11; 17:2–3; Moronai 10:5

Matabete

• Era lesi na lewe ni matabete ka vakarautaki tu mai na ivakatekivu kei vuravura (raica na Alama 13:1–3).

• Me na ciqoma na tamata na lewa mai vua na Kalou me vunautaka na kosipeli (raica Mosaia 23:17).

Na ikuri ni ivolanikalou me baleta na matabete: Mosaia 18:17–20; Alama 13; Ilamani 10:7

Cakacaka Vakalotu kei na Veiyalayalati

• Na Papitaiso e gadrevi mo rawata kina na bula tawamudu (raica na 2 Nifai 31: 4–13, 17–18).

• Na papitaiso me na vakayacori ena tabadromuci e wai (raica na 3 Nifai 11:23–27).

• E sega ni gadrevi me ra papitaiso na gonelalai (raica na Moronai 8:8–12).

• Cakacaka vakalotu me vakayacori me vaka na ivakaro i Karisito mai vua e dua vei ira na lewa dodonu (raica na Mosaia 18:17–18; 3 Nifai 11:21–27; Moronai 4:1).

Na ikuri ni ivolanikalou me baleta na cakacaka vakalotu: Mosaia 18:8–17; 21:33–35; Alama 13:16; 3 Nifai 18:1–11; Moronai 2–6; 8:4–26

Na ikuri ni ivolanikalou me baleta na veiyalayalati: 2 Nifai 11:5; Mosaia 5:1–9; Alama 24:17–18

Vakamau kei na Matavuvale

• Me ra veilomani na veiwatini (raica na Jekope 3:5–7).

• Na itubutubu me ra vakatuburi ira na luvedra vua na Turaga (raica na 1 Nifai 7:1).

Na ikuri ni ivolanikalou me baleta na vakamau kei na matavuvale: 1 Nifai 1:1; 2 Nifai 25: 26; Jekope 2:23–28; Inosi 1:1; Mosaia 4:14–15; 3 Nifai 18:21

iVakaro

• Ena vakarautaka na Turaga e dua na sala me da rawata rawa kina na nona ivunau (raica na 1 Nifai 3:7).

• Sa yalataka na Kalou me na vakalougatataki keda kevaka eda sa muria na nona ivunau (raica na Mosaia 2:22–24).

Na ikuri ni ivolanikalou me baleta na ivakaro: 1 Nifai 17:3; 22:30–31; Alama 37:13, 35; 50:20