“Na ikuri ni ivakamacala C: Na Tolu na iVakadinadina” Lako Mai, Mo Muri Au—Me Baleti Ira na Tamata Yadua kei na Matavuvale: iVola i Momani 2020 (2020)

“Na ikuri ni ivakamacala C,” Lako Mai, Mo Muri Au—Me Baleti Ira na Tamata Yadua kei na Matavuvale: 2020

Na ikuri ni ivakamacala C

Na tolu na ivakadinadina

E sivia na lima na yabaki—mai na matai ni gauna e rairai mai kina na agilosi o Moronai vei Josefa Simici me yacova na 1829—e vakatarai duadua ga vei Josefa me raica na peleti koula. E vakavuna na veika oqo na veivakacacani kei na veivakalewai levu mai vei ira era vakabauta ni vakacalai ira tiko o koya. Raitayaloyalotaka mada na reki e vakila o Josefa, ni vakadewataka na iVola i Momani, e vulica ni na vakatara na Turaga me ra raica na peleti eso tale ka ratou talega na “vakadinadinataka na dina ni ivola kei na veika tu kina” (2 Nifai 27: 12–14; raica talega na 2 Nifai 11:3; Ica 5:2–4).

Eratou a kerea ena June 1829, o Oliver Cowdery, David Whitmer, kei Martin Harris me ratou na tolu na ivakadinadina ka a parofisaitaka ena iVola i Momani. Sa soli vei ira na Turaga na nodra gagadre (raica na VV 17) ka tala mai e dua na agilosi, ka vakaraitaka vei iratou na peleti. Eratou qai kilai na turaga oqo me Tolu na iVakadinadina, ka sa volai tiko na nodratou ivakadinadina ena iVola i Momani.¹

E vakamacalataka o Peresitedi Dallin H. Oaks na cava e rui kaukauwa sara kina na nodra ivakadinadina na lewe tolu na ivakadinadina: “Na nodra ivakadinadina na lewe tolu na ivakadinadina ki na iVola i Momani e tu ena kaukauwa levu. Sa tu na vuna kei na madigi vei iratou yadua me ratou cakitaka nona ivakadinadina kevaka a ka lasu, se vosatanitaka na itukutuku kevaka me a sega ni dodonu. Me vaka sa kilai tu, ena vuku ga ni duidui se veivuvutaki ena kedra maliwa na iliuliu tale eso ni Lotu, e ratou a tagutuvi mai Na Lotu i Jisu Karisito ni Yalododonu Edaidai o iratou yadua na ivakadinadina oqo ni oti e walu na yabaki ni kena tabaki vakaivola na nodratou ivakadinadina. E ratou sa qai dui gole na lewe tolu oqo, ka sa sega tale na gagadre ni kena tokoni na sasaga vata vakatani. Ia ena iotioti ni nodratou yabaki ni bula—ena loma ni 12 ki na 50na yabaki ni oti nodratou tagutuvi tani—a sega ni dua vei iratou oqo a gole tani mai na nona ivakadinadina a tabaki vakaivola se kaya e dua na ka me lomatarotarotaki kina na dina ni veika oqo.”²

Me yacova na ivakataotioti ni nodratou bula, eratou sega ni veisautaka na Tolu na iVakadinadina na nodra yalodina ki na nodratou ivakadinadina ki na iVola i Momani.

Oliva Kaudari

Oti vakalailai na gauna ni nona papitaiso tale ki na Lotu ka voleka tiko ni mai mate, e laki raica e dua na daukaulotu, o Elda Jacob Gates, ka lako tiko me kaulotu ki Igiladi, ia e pasi tiko e Richmond, Missouri. A tarogi Oliva o Elder Gates me baleta na nona ivakadinadina ni Vola i Momani. E nanuma lesu na luvei Elder Gates tagane na veika e cakava ka tukuna o Oliva:

“Noqu vakatarogi koya sa vaka e tarai Oliva sara ga vakatitobu. E sega mada ni kaya e dua na ka, ia e tu cake mai na nona idabedabe, ka lako yani ki na nona kovate ni Vola, taura mai e dua nai matai ni lavelave ni Vola i Momani, cega ki na nodratou ivakadinadina na Tolu na iVakadinadina, ka qai wilika ena yalo vakarokoroko na vosa e sa mai sainitaka o koya na yacana, rauta ni ruasagavulu na yabaki sa oti. Rai sara mai vei tamaqu, ka kaya: ‘Jekope, au vinakata mo nanuma tiko na veika au na tukuna oqo vei iko. Au sa vakarau mate, na cava me qai yaga kina vei au meu lasutaki iko kina? Au kila,’ e kaya o koya, ‘ni Vola i Momani oqo e vakadewataki ena isolisoli kei na kaukauwa ni Kalou. Sa raica na mataqu, ka rogoca na daligaqu, ka tara na noqu vakasama ni kila-ka, kau sa kila niu vakadinadinataka na veika dina. E sega ni tadra, ka sega ni dua na vakanananu tawayaga ni vakasama—e ka dina.’”³

Tevita Witima

Ena nona veiyabaki emuri, qai kila mai o Tevita Witima me baleta nai rogorogo sa tukuni tiko ni sa cakitaka o koya na nona ivakadinadina ni Vola i Momani. Me isau ni veidusi e caka oqo, e vakadeitaka tale o Tevita na nona ivakadinadina ena dua na ivola ka tabaki ena niusipepa, na Richmond Conservator:

“Me kila o vuravura na dina, au sa gadreva kina oqo, niu se tucake tiko, sa ena vakataudeitaki ni bula, kei na rerevaka na Kalou ni, ena dua na gauna mo vakayacora kina oqo me itukutuku raraba:

“Niu a sega mada vakadua ena dua na gauna, au a bau cakitaka kina na noqu ivakadinadina o ya se dua mada ga na tikina, ka sa tabaki tu mai ena kena itekivu ena ivola o ya, niu sa dua vei iratou na lewe tolu na ivakadinadina. O ira era kilai au vakavinaka, sa kila vinaka ni vakadeitaki au ki na ivakadinadina o ya. Ka ni na sega ni dua e sa na vakacalai se lomatarotarotaka na noqu nanuma ki na veika oqo, kau sa mai vakadeitaka tale kina na dina ni noqu itukutuku kece, ka volai tu ka tabaki.

“‘O koya va daliga me rogoca, me rogoca rawa,’ sa sega ni dua na ilawaki vakaoya! Ka sa volai tu e na volai—kei koya sa wilika me kila sara.”⁴

Matini Erisi

Me vakataki Oliver Cowdery, Martin Harris biuta na Lotu ena dua na gauna ia a kena itinitini a mai papitaiso tale. Ena nona veiyabaki e muri, e kilai o koya ni kauta e dua na ilavelave ni iVola i Momani ena ruku ni ligana ka vakadinadinataka na kena dina vei ira kece via rogoca: “Au kila ni iVola i Momani ni dina vakaidina. Ia e dina ga ni na tamata kecega e dodonu me cakitaka na ka dina ni ivola o ya, au bolea meu kua ni kitaka vakakina. Sa dei tu na yaloqu. Oi kemuni na Kalou, na lomaqu ka vakadeitaki tu! Au na sega ni kila vakaidina sara se dina sara mai na kena au sa kila tu.”⁵

George Godfrey, e dua na itokani nei Martin, vola na: “E vica na auwa ni bera na nona mate … Au a tarogi [Matini] kevaka e vakila ni sega ni tiko e dua mada ga, veika vakailasu kei na veivacalai ena veika sa volai tu ka tukuni ni na yaco mai na iVola i Momani, ka a sauma o koya me vaka a dau vakayacora … ka kaya: ‘Na iVola i Momani e sega ni lasu taki. “Au kila na ka au kila.” Au sa raica na veika au a raica kau sa rogoca na veika au sa rogoca. Au sa raica na peleti koula ka sa volai mai kina na iVola i Momani. E dua na agilosi a rairai vei au kei ira tale eso ka mai vakadinadinataka vei ira na dina ni itukutuku, ka au tu vakarau meu vakacalai au ka bubului vakailasu na ivakadinadina au wasea oqo meu dua na tamata vutuniyau, ia au sega ni rawa ni vakadinadinataka mai dua tale na kena au a cakava ka sa tu oqo me baleta na veika oqo sa ka dina.’”⁶

“iVakadinadina e Vuqa me Vaka sa Lewa Ko Koya”

Na nodra ivakadinadina na lewe Tolu na iVakadinadina oqo era sa veivakauqeti vakabibi ke vakasamataki tiko na veika era sa sotava na loma kei na taudaku ni Lotu.⁷ Mai na veika kece ko Oliva, Tevita kei Martin e sega ni mudu nodratou vakadinadinataka na veika era sa sotava ka wasei na ivakadinadina ni iVola i Momani e a vakadewataki mai na isolisoli kei na kaukauwa ni Kalou. Ia era sa sega walega ni o ira.

Ena gauna e liu, e kaya o Nifai, ena qai kauta yani na vosa ni ivola na Turaga na Kalou; ka na vakadeitaka na nona vosa ena gusu ni ivakadinadina e vuqa me vaka sa lewa ko koya”(2 Nifai 27: 14). E digitaka na talega na Turaga e walu na ivakadinadina, me tomani Josefa Simici na parofita kei na tolu na ivakadinadina, me ratou raica na peleti. Sa tiko talega na nodra ivakadinadina ena ilavelave yadua ni iVola i Momani. Vakataki Oliva, Tevita, kei Matini, na Walu na iVakadinadina era tudei ki na nodra ivakadinadina me baleta na iVola i Momani kei na nodra ivakadinadinataka na peleti koula.

Wiliame E. Makilelini a dua na curuvou ki na Lotu ka ra kila tu e vuqa na ivakadinadina ni iVola i Momani yadua. Wiliame qai biuta na Lotu, ia a tomana tikoga me tara vakatitobu mai na ivakadinadina veivakauqeti rogoca mai vei iratou na ivakadinadina.

“Ia oqo meu na taroga mada,” a vola vakaoqo o Makilelini ena mua ni nona bula, “na cava au na cakava ena dua na o ni yalodina e na nodra ivakadinadina, ka vakadinadinataka vakaoqo e dau vakatulewa matau ka bibi sara? Era a raica na Turaga oqo ena gauna tudonu tu kina na bula, a raica na raivotu ni agilosi, ka wasea na nodra ivakadinadina vei ira na tamata kecega. Ka raica e walu na turaga na peleti ka ra vakatara. O koya gona oqori na tamata kece oqo era kila tu na veika era sa tukuni ni dina vakavinaka. Ka era sa cauravou, ia oqo ni ra sa qase era sa tukuna na veika vata ga.”⁸

E dina ga ni da sa sega ni raica na peleti koula me vakai iratou na Tolu na iVakadinadina, sa rawa ni da vakaukauwataki ena nodratou ivakadinadina. Ena gauna sara mada ga e bolei tu kina na veika e kilai baleti iratou kei na nodratou bula kei na nodratou taqomaki baleta na nodratou ivakadinadina, eratou dina tu ga ki na nodratou ivakadinadina, o iratou na turaga yaloqaqa ka dinata me yacova sara na ivakataotioti.