Apendiks B

“Verite klè ak presye yo”

Liv Mòmon an te prepare pou l te parèt nan dènye jou yo, yon tan kote gen anpil konfizyon osijè doktrin, oubyen verite etènèl Bondye yo. Yon pati nan objektif diven li se, jan Nefi te predi a, pou “etabli verite [Labib] yo,” pou “fè konnen verite klè ak presye” ki te pèdi atravè syèk yo, ak pou “fè tout fanmi, lang, ak pèp konnen, Ti Mouton Bondye a se Pitit Gason Papa Etènèl la, li se Sovè mond lan” (1 Nefi 13:49).

Liv Mòmon an revele verite etenèl ki te pèdi pandan Apostazi yo epi l ajoute yon dezyèm temayaj klarifyan sou anpil verite yo anseye nan Bib la. Men kèk nan verite sa yo. Chèche yo menm ak lòt verite klè ak presye yo pandan w ap etidye Liv Mòmon an.

Divinite a

• Pè Selès la, Jezikri ak Sentespri a se èt separe ki gen yon sèl objektif (gade 3 Nefi 11:32, 36).

• Sovè resisite a gen yon kò reyèl (gade 3 Nefi 11:10–17).

Ekriti adisyonèl sou Divinite a 2 Nefi 31:6–8; Etè 12:41

Ekspyasyon Jezikri a

• Jezikri te soufri pou peche nou ak aflikayson nou pou l te ka konn kijan pou l pote nou sekou (gade Alma 7:11–13).

• Nou ka vin pafè atravè lagras Jezikri (gade Mowoni 10:32–33).

Ekriti adisyonèl sou Ekpyasyon Sovè a: 1 Nefi 10:6; 2 Nefi 2:6–9; Jakòb 4:11–12; Mozya 3:1–19; Alma 34:8–16

Plan Sali a

• Chit Adan ak Ev la sete yon pati esansyèl nan plan Pè Selès la (gade 2 Nefi 2:22–27).

• Opozisyon nesesè pou nou kapab egzèse libabit nou (gade 2 Nefi 2:11–16).

• Nou pral jije selon zèv nou ak dezi kè nou (gade Alma 41:3–7).

• “Lak dife ak souf la” se senbòl angwas moun ki pa repanti yo (gade 2 Nefi 9:16–19; Mozya 3:24–27).

Ekriti adisyonèl sou plan sali a: 2 Nefi 9:11–26; Alma 22:12–14; 34:31–35; 42:1–26

Apostazi a ak Retablisman an

• Gran Apostazi a te rive akoz mechanste ak enkwayans (gade Mòmon 8:28, 31–41).

• Liv Mòmon an etabli verite yo anseye nan Bib la (gade 1 Nefi 13:19–41; 2 Nefi 3:12).

• Legliz Kris la dwe pote non li (gade 3 Nefi 27:3–9).

Ekriti adisyonèl sou Apostazi a: 1 Nefi 13:1–9, 24–29; 2 Nefi 7–28

Ekriti adisyonèl sou Retablisman an: 1 Nefi 14:7–12; 22:7–11; 2 Nefi 3:7–24; 25:17–18

Pwofèt ak Revelasyon

• Tout pwofèt yo temwaye de Jezikri (gade Mozya 13:33–35).

• Yon konesans espirityèl vini atravè Sentespri a (gade Alma 5:45–47).

• Bib la pa gen tout pawòl Bondye yo (gade 2 Nefi 29:10–13).

• Revelasyon soti nan Bondye pa sispann nan epòk nou an (gade Mòmon 9:7–9).

Ekriti adisyonèl sou pwofèt: 1 Nefi 22:1–2; Mozya 8:16–18; Elaman 13:24–33

Ekriti adisyonèl sou revelasyon: Jakòb:8; Alma 12:9–11; 17:2–3; Mowoni 10:5

Prètriz

• Detantè Prètriz yo aple e prepare depi fondasyon mond lan (gade Alma 13:1–3).

• Yon moun dwe gen otorite l resevwa nan men Bondye pou l preche levanjil la (gade Mozya 23:17).

Ekriti adisyyonèl sou prètriz la: Mozya 18:17–20; Alma 13; Elaman 10:7

Òdonans ak Alyans Tanp

• Batèm esansyèl pou n resevwa lavi etènèl (gade 2 Nefi 31:4–13, 17–18).

• Batèm dwe fèt pa imèsyon (plonje nan dlo) (gade 3 Nefi 11:23–27).

• Timoun piti yo pa bezwen batize (gade Mowoni 8:8–12).

• Òdonans yo dwe administre selon kòmandman Kris yo pa yon moun ki gen bon otorite a (gade Mozya 18:17–18; 3 Nefi 11:21–27; Mowoni 4:1).

Ektiti adisyonèl sou òdonans: Mozya 18:8–17; 21:33–35; Alma 13:16; 3 Nefi 18:1–11; Mowoni 2–6; 8:4–26

Ekriti adisyonèl sou alyans: 2 Nefi 11:5; Mozya 5:1–9; Alma 24:17–18

Maryaj ak Fanmi

• Mari ak madanm dwe youn renmen lòt (gade Jakòb 3:5–7).

• Paran yo dwe elve timoun yo nan Senyè a (gade 1 Nefi 7:1).

Ekriti adisyonèl sou maryaj ak fanmi: 1 Nefi 1:1; 2 Nefi 25:26; Jakòb 2:23–28; Enòs 1:1; Mozya 4:14–15; 3 Nefi 18:21

Kòmandman

• Senyè a ap prepare yon mwayen pou nou akonpli kòmandman l yo (gade 1 Nefi 3:7).

• Bondye pwomèt pou l beni nou si nou kenbe kòmandman l yo (gade Mozya 2:22–24).

Ekriti adisyonèl sou kòmandman: 1 Nefi 17:3; 22:30–31; Alma 37:13, 35; 50:20