Xtiqb’al li aatin B

“Li yaal li saqen ru ut loq’ ”

Kikawresiman lix Hu laj Mormon re taak’utunq sa’ roso’jikeb’ li kutan, sa’ xkutankil li sachok na’leb’ chirix li tzol’leb’, a’an lix junelikil yaal li Dios. Jun xcha’alil li santil rajom li hu a’an, jo’ kiril laj Nefi chi rub’elaj, a’an “xxaqab’ankil xyaalalil li [Santil Hu],” “xk’eeb’al chi nawe’k li saqen ru ut loq’il na’leb’ ” li ke’sach chiru k’iila cient chihab’, ut “xk’eeb’al chixnaweb’ chixjunileb’ li junkab’al, aatinob’aal, ut teepal, naq lix Karneer li Dios a’an li Ralal li Junelik Yuwa’b’ej, ut laj Kolol re li ruchich’och’ ” (1 Nefi 13:40).

Lix Hu laj Mormon naxk’utb’esiheb’ li junelikil yaalil na’leb’ li ke’sache’ sa’ li Nimla Q’etok Paab’ank, ut naxtiq jun chik li saqen ruhil ch’olob’ahom chirixeb’ li yaalil na’leb’ neke’k’utman sa’ li Santil Hu. Wahe’ yal junjunq reheb’ li yaalil na’leb’ a’an. Sik’eb’ li na’leb’ a’in ut xkomoneb’ chik li yaal li saqen ruheb’ ut loq’eb’ naq nakattzolok sa’ lix Hu laj Mormon.

Li roxichal li Dios

• Jalan jalanqeb’ li qaChoxahil Yuwa’, li Jesukristo, ut li Santil Musiq’ej, a’ut jun ajwi’ li rajomeb’ (chi’ilmanq 3 Nefi 11:32, 36).

• Li Kolonel chirix xwaklijik chi yo’yo wan xtib’el xb’aqel (chi’ilmanq 3 Nefi 11:10–17).

Xkomoneb’ chik raqal chirix li roxichal li Dios: 2 Nefi 31:6–8; Eter 12:41

Lix tojb’al rix li maak xb’aan li Jesukristo

• Li Jesukristo kixk’ul rahilal sa’ xk’ab’a’ li qamaak ut li qarahilal re naq a’an tixnaw chan ru xk’eeb’al qatenq’ankil (chi’ilmanq Alma 7:11–13).

• Naru taatz’aqloq qe qu xb’aan li rusilal li Jesukristo (chi’ilmanq Moroni 10:32–33).

Xkomoneb’ chik li raqal chirix lix tojb’al rix li maak xb’aan li Kolonel: 1 Nefi 10:6; 2 Nefi 2:6–9; Jakob 4:11–12; Mosiah 3:1–19; Alma 34:8–16

Li k’uub’anb’il na’leb’ re li kolb’a-ib’

• Lix t’anik laj Adan ut li xEva a’an jun raqal aajel ru sa’ lix k’uub’anb’il na’leb’ li qaChoxahil Yuwa’ (chi’ilmanq 2 Nefi 2:22–27).

• Aajel ru naq taawanq chixkap’ak’alil li k’a’aq re ru re naq tooruuq chixk’anjelankil xtaql li qach’ool (chi’ilmanq 2 Nefi 2:11–16).

• Taaraqe’q aatin chiqix a’ yaal li qab’aanuhom ut li rajom li qach’ool (chi’ilmanq Alma 41:3–7).

• Li “palaw re xam ut chuhil pek” a’an reetalil lix rahilaleb’ li ink’a’ neke’xjal xk’a’uxl (chi’ilmanq 2 Nefi 9:16–19; Mosiah 3:24–27).

Xkomoneb’ chik li raqal chirix li k’uub’anb’il na’leb’ re li kolb’a-ib’: 2 Nefi 9:11–26; Alma 22:12–14; 34:31–35; 42:1–26

Li q’etok paab’ank ut li k’ojob’ank wi’chik

• Li Nimla Q’etok Paab’ank kichal xb’aan li maa’usilal ut xmaak’a’il li paab’aal (chi’ilmanq Mormon 8:28, 31–41).

• Lix Hu laj Mormon naxxaqab’ xyaalalileb’ li yaalil na’leb’ neke’k’utman sa’ li Santil Hu (chi’ilmanq 1 Nefi 13:19–41; 2 Nefi 3:12).

• Lix Iglees li Kristo tento taak’ab’a’iiq rik’in lix k’ab’a’ a’an (chi’ilmanq 3 Nefi 27:3–9).

Xkomoneb’ chik li raqal chirix li q’etok paab’ank: 1 Nefi 13:1–9, 24–29; 2 Nefi 27–28

Xkomoneb’ chik li raqal chirix li k’ojob’ank wi’chik: 1 Nefi 14:7–12; 22:7–11; 2 Nefi 3:7–24; 25:17–18

Eb’ li profeet ut li k’utb’esinb’il na’leb’

• Chixjunileb’ li profeet neke’xch’olob’ xyaalal li Jesukristo (chi’ilmanq Mosiah 13:33–35).

• Jun nawom chirix li musiq’ejil yaal nachal rik’in li Santil Musiq’ej (chi’ilmanq Alma 5:45–47).

• Ink’a’ wan chixjunil li raatin li Dios chi sa’ li Santil Hu (chi’ilmanq 2 Nefi 29:10–13).

• Ink’a’ xraqe’ lix k’utb’esinb’il na’leb’ li Dios sa’ li qakutan (chi’ilmanq Mormon 9:7–9).

Xkomoneb’ chik li raqal chirixeb’ li profeet: 1 Nefi 22:1–2; Mosiah 8:16–18; Helaman 13:24–33

Xkomoneb’ chik li raqal chirix li k’utb’esinb’il na’leb’: Jakob 4:8; Alma 12:9–11; 17:2–3; Moroni 10:5

Li tijonelil

• Eb’ li xe’k’uluk re li tijonelil ke’b’oqe’ ut ke’kawresiik chalen chaq xk’ojob’ankil li ruchich’och’ (chi’ilmanq Alma 13:1–3).

• Jun kristiaan tento tixk’ul wankilal chi k’eeb’il xb’aan li Dios re xjultikankil li evangelio (chi’ilmanq Mosiah 23:17).

Xkomoneb’ chik li raqal chirix li tijonelil: Mosiah 18:17–20; Alma 13; Helaman 10:7

Eb’ li k’ojob’anb’il k’anjel ut li sumwank

• Aajel ru li kub’iha’ re xk’ulb’al li junelik yu’am (chi’ilmanq 2 Nefi 31:4–13, 17–18).

• Tento taab’aanumanq li kub’iha’ chi sub’b’il (chi’ilmanq 3 Nefi 11:23–27).

• Maajun kub’iha’ aajel ru choq’ reheb’ li li kok’al toj ka’ch’ineb’ xyu’am (chi’ilmanq Moroni 8:8–12).

• Tento naq k’anjelanb’ileb’ li k’ojob’anb’il k’anjel jo’ chanru taqlanb’il xb’aan li Kristo ut xb’aan li ani k’eeb’il re tz’aqal li wankilal (chi’ilmanq Mosiah 18:17–18; 3 Nefi 11:21–27; Moroni 4:1).

Xkomoneb’ chik li raqal chirixeb’ li k’ojob’anb’il k’anjel: Mosiah 18:8–17; 21:33–35; Alma 13:16; 3 Nefi 18:1–11; Moroni 2–6; 8:4–26

Xkomoneb’ chik li raqal chirixeb’ li sumwank: 2 Nefi 11:5; Mosiah 5:1–9; Alma 24:17–18

Li sumlaak ut li junkab’al

• Li b’eelomej ut li ixaqilb’ej tento naq te’xra rib’ chirib’ileb’ rib’ (chi’ilmanq Jakob 3:5–7).

• Eb’ li na’b’ej yuwa’b’ej tento te’xk’iresiheb’ lix kok’al choq’ re li Qaawa’ (chi’ilmanq 1 Nefi 7:1).

Xkomoneb’ chik li raqal chirix li sumlaak ut li junkab’al: 1 Nefi 1:1; 2 Nefi 25:26; Jakob 2:23–28; Enos 1:1; Mosiah 4:14–15; 3 Nefi 18:21

Eb’ li taqlahom

• Li Dios tixkawresi jun b’e re tooruuq chixtz’aqob’resinkileb’ ru lix taqlahom (chi’ilmanq 1 Nefi 3:7).

• Li Dios naxyeechi’i naq toorosob’tesi wi too’ab’inq chiruheb’ lix taqlahom (chi’ilmanq Mosiah 2:22–24).

Xkomoneb’ chik li raqal chirixeb’ li taqlahom: 1 Nefi 17:3; 22:30–31; Alma 37:13, 35; 50:20