“ພາກຫ້ອຍທ້າຍ ຂ: ‘ຄວາມຈິງທີ່ແຈ່ມແຈ້ງ ແລະ ມີຄ່າ’” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: ພຣະຄຳພີມໍມອນ 2020 (2020)

“ພາກຫ້ອຍທ້າຍ ຂ,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: 2020

ພາກຫ້ອຍທ້າຍ ຂ

“ຄວາມຈິງທີ່ແຈ່ມແຈ້ງ ແລະ ມີຄ່າ”

ພຣະຄຳພີມໍມອນໄດ້ຖືກຕຽມໄວ້ເພື່ອໃຫ້ອອກມາລະຫວ່າງຍຸກສຸດທ້າຍ, ຊຶ່ງເປັນເວລາທີ່ຄວາມສັບສົນໄດ້ແຜ່ລາມໄປທົ່ວກ່ຽວກັບຄຳສອນ, ຫລື ຄວາມຈິງນິລັນດອນຂອງພຣະເຈົ້າ. ພາກສ່ວນໜຶ່ງໃນຈຸດປະສົງອັນສູງສົ່ງຂອງປຶ້ມເຫລັ້ມນັ້ນ, ດັ່ງທີ່ນີໄຟໄດ້ເຫັນລ່ວງໜ້າ, ແມ່ນເພື່ອ “ສະຖາປະນາຄວາມຈິງຂອງ [ພຣະຄຣິສຕະທຳຄຳພີ],” ເພື່ອ “ເຮັດໃຫ້ຮູ້ສິ່ງທີ່ແຈ່ມແຈ້ງ ແລະ ມີຄ່າ” ທີ່ໄດ້ສູນເສຍໄປເປັນເວລາຫລາຍສັດຕະວັດ, ແລະ ເພື່ອ “ເຮັດໃຫ້ຮູ້ກັນໃນທຸກຕະກຸນ, ທຸກພາສາ, ແລະ ທຸກຜູ້ຄົນທັງປວງ, ວ່າພຣະເມສານ້ອຍຂອງພຣະເຈົ້າຄື ພຣະບຸດຂອງພຣະບິດາຜູ້ສະຖິດນິລັນດອນ, ແລະ ພຣະຜູ້ຊ່ວຍໃຫ້ລອດຂອງໂລກ” (1 ນີໄຟ 13:40).

ພຣະຄຳພີມໍມອນເປີດເຜີຍຄວາມຈິງນິລັນດອນ ທີ່ໄດ້ສູນເສຍໄປລະຫວ່າງການປະຖິ້ມຄວາມເຊື່ອ ແລະ ຕື່ມພະຍານຢ່າງທີສອງອັນແຈ່ມແຈ້ງ ໃສ່ກັບຄວາມຈິງຫລາຍຢ່າງ ທີ່ຖືກສິດສອນຢູ່ໃນພຣະຄຣິສຕະທຳຄຳພີ. ຕໍ່ໄປນີ້ແມ່ນຄວາມຈິງສອງສາມຢ່າງເຫລົ່ານັ້ນ. ໃຫ້ຊອກຫາຄວາມຈິງທີ່ແຈ່ມແຈ້ງ ແລະ ມີຄ່າເຫລົ່ານີ້ ແລະ ຢ່າງອື່ນໆ ຂະນະທີ່ທ່ານສຶກສາພຣະຄຳພີມໍມອນ.

ຝ່າຍພຣະຜູ້ເປັນເຈົ້າ

ພຣະບິດາເທິງສະຫວັນ, ພຣະເຢຊູຄຣິດ, ແລະ ພຣະວິນຍານບໍລິສຸດ ເປັນຕົນເປັນຕົວຂອງໃຜລາວ ແຕ່ມີຈຸດປະສົງດຽວກັນ (ເບິ່ງ 3 ນີໄຟ 11:32, 36).
ພຣະຜູ້ຊ່ວຍໃຫ້ລອດທີ່ຟື້ນຄືນພຣະຊົນແລ້ວ ມີຮ່າງກາຍທີ່ສຳພັດໄດ້ (ເບິ່ງ 3 ນີໄຟ 11:10–17).

ຂໍ້ພຣະຄຳພີເພີ່ມເຕີມກ່ຽວກັບຝ່າຍພຣະເຈົ້າ: 2 ນີໄຟ 31:6–8; ອີເທີ 12:41

ການຊົດໃຊ້ຂອງພຣະເຢຊູຄຣິດ

ພຣະເຢຊູຄຣິດໄດ້ຮັບທຸກທໍລະມານເພື່ອບາບຂອງເຮົາ ແລະ ໄດ້ຮັບຄວາມທຸກ ເພື່ອວ່າພຣະອົງຈະຮູ້ວິທີຊ່ວຍເຫລືອເຮົາ (ເບິ່ງ ແອວມາ 7:11–13).
ເຮົາສາມາດກາຍເປັນຄົນດີພ້ອມໄດ້ ຜ່ານທາງພຣະຄຸນຂອງພຣະເຢຊູຄຣິດ (ເບິ່ງ ໂມໂຣໄນ 10:32–33).

ຂໍ້ພຣະຄຳພີເພີ່ມເຕີມກ່ຽວກັບການຊົດໃຊ້ຂອງພຣະຜູ້ຊ່ວຍໃຫ້ລອດ: 1 ນີໄຟ 10:6; 2 ນີໄຟ 2:6–9; ຢາໂຄບ 4:11–12; ໂມໄຊຢາ 3:1–19; ແອວມາ 34:8–16

ແຜນແຫ່ງຄວາມລອດ

ການຕົກຂອງອາດາມ ແລະ ເອວາເປັນພາກສ່ວນທີ່ສຳຄັນ ໃນແຜນຂອງພຣະບິດາເທິງສະຫວັນ (ເບິ່ງ 2 ນີໄຟ 2:22–27).
ການກົງກັນຂ້າມແມ່ນຈຳເປັນສຳລັບເຮົາ ເພື່ອຈະສາມາດໃຊ້ອຳເພີໃຈ (ເບິ່ງ 2 ນີໄຟ 2:11–16).
ເຮົາຈະຖືກພິພາກສາອີງຕາມວຽກງານ ແລະ ຄວາມປາດຖະໜາຂອງໃຈເຮົາ (ເບິ່ງ ແອວມາ 41:3–7).
“ທະເລໄຟ ແລະ ມາດ” ເປັນເຄື່ອງໝາຍຂອງຄວາມເຈັບປວດ ຂອງການບໍ່ກັບໃຈ (ເບິ່ງ 2 ນີໄຟ 9:16–19; ໂມໄຊຢາ 3:24–27).

ຂໍ້ພຣະຄຳພີເພີ່ມເຕີມກ່ຽວກັບແຜນແຫ່ງຄວາມລອດ: 2 ນີໄຟ 9:11–26; ແອວມາ 22:12–14; 34:31–35; 42:1–26

ການປະຖິ້ມຄວາມເຊື່ອ ແລະ ການຟື້ນຟູ

ການປະຖິ້ມຄວາມເຊື່ອອັນຍິ່ງໃຫຍ່ໄດ້ເກີດຂຶ້ນເພາະຄວາມຊົ່ວຮ້າຍ ແລະ ຄວາມບໍ່ເຊື່ອຖື (ເບິ່ງ ມໍມອນ 8:28, 31–41).
ພຣະຄຳພີມໍມອນສະຖາປະນາຄວາມຈິງ ທີ່ຖືກສິດສອນຢູ່ໃນພຣະຄຣິສຕະທຳຄຳພີ (ເບິ່ງ 1 ນີໄຟ 13:19–41; 2 ນີໄຟ 3:12).
ສາດສະໜາຈັກຂອງພຣະຄຣິດຄວນຖືກເອີ້ນຕາມພຣະນາມຂອງພຣະອົງ (ເບິ່ງ 3 ນີໄຟ 27:3–9).

ຂໍ້ພຣະຄຳພີເພີ່ມເຕີມກ່ຽວກັບການປະຖິ້ມຄວາມເຊື່ອ: 1 ນີໄຟ 13:1–9, 24–29; 2 ນີໄຟ 27–28

ຂໍ້ພຣະຄຳພີເພີ່ມເຕີມກ່ຽວກັບການຟື້ນຟູ: 1 ນີໄຟ 14:7–12; 22:7–11; 2 ນີໄຟ 3:7–24; 25:17–18

ສາດສະດາ ແລະ ການເປີດເຜີຍ

ສາດສະດາທັງຫລາຍເປັນພະຍານເຖິງພຣະເຢຊູຄຣິດ (ເບິ່ງ ໂມໄຊຢາ 13:33–35).
ຄວາມຮູ້ເຖິງຄວາມຈິງທາງວິນຍານ ມາເຖິງຜ່ານທາງພຣະວິນຍານບໍລິສຸດ (ເບິ່ງ ແອວມາ 5:45–47).
ພຣະຄຣິສຕະທຳຄຳພີບໍ່ໄດ້ບັນຈຸພຣະຄຳຂອງພຣະເຈົ້າທັງໝົດ (ເບິ່ງ 2 ນີໄຟ 29:10–13).
ການເປີດເຜີຍຈາກພຣະເຈົ້າຍັງບໍ່ໝົດໄປເທື່ອ ໃນວັນເວລາຂອງເຮົາ (ເບິ່ງ ມໍມອນ 9:7–9).

ຂໍ້ພຣະຄຳພີເພີ່ມເຕີມກ່ຽວກັບສາດສະດາ: 1 ນີໄຟ 22:1–2; ໂມໄຊຢາ 8:16–18; ຮີລາມັນ 13:24–33

ຂໍ້ພຣະຄຳພີເພີ່ມເຕີມກ່ຽວກັບການເປີດເຜີຍ: ຢາໂຄບ 4:8; ແອວມາ 12:9–11; 17:2–3; ໂມໂຣໄນ 10:5

ຖານະປະໂລຫິດ

ຜູ້ດຳລົງຖານະປະໂລຫິດໄດ້ຖືກເອີ້ນ ແລະ ຖືກຕຽມໄວ້ ນັບຕັ້ງແຕ່ການວາງຮາກຖານຂອງໂລກ (ເບິ່ງ ແອວມາ 13:1–3).
ບຸກຄົນຕ້ອງໄດ້ຮັບສິດອຳນາດຈາກພຣະເຈົ້າ ກ່ອນຈະສັ່ງສອນພຣະກິດຕິຄຸນ (ເບິ່ງ ໂມໄຊຢາ 23:17).

ຂໍ້ພຣະຄຳພີເພີ່ມເຕີມກ່ຽວກັບຖານະປະໂລຫິດ: ໂມໄຊຢາ 18:17–20; ແອວມາ 13; ຮີລາມັນ 10:7

ພິທີການ ແລະ ພັນທະສັນຍາ

ການບັບຕິສະມາເປັນສິ່ງສຳຄັນຕໍ່ການໄດ້ຮັບຊີວິດນິລັນດອນ (ເບິ່ງ 2 ນີໄຟ 31:4–13, 17–18).
ການບັບຕິສະມາຕ້ອງຖືກກະທຳໂດຍການລົງໄປໃນນ້ຳໝົດທັງຕົວ (ເບິ່ງ 3 ນີໄຟ 11:23–27).
ເດັກນ້ອຍໆບໍ່ຈຳເປັນຕ້ອງຮັບບັບຕິສະມາ (ເບິ່ງ ໂມໂຣໄນ 8:8–12).
ພິທີການຕ່າງໆຕ້ອງຖືກປະຕິບັດຕາມພຣະບັນຍັດຂອງພຣະຄຣິດ ໂດຍບຸກຄົນທີ່ມີສິດອຳນາດທີ່ຖືກຕ້ອງ (ເບິ່ງ ໂມໄຊຢາ 18:17–18; 3 ນີໄຟ 11:21–27; ໂມໂຣໄນ 4:1).

ຂໍ້ພຣະຄຳພີເພີ່ມເຕີມກ່ຽວກັບພິທີການ: ໂມໄຊຢາ 18:8–17; 21:33–35; ແອວມາ 13:16; 3 ນີໄຟ 18:1–11; ໂມໂຣໄນ 2–6; 8:4–26

ຂໍ້ພຣະຄຳພີເພີ່ມເຕີມກ່ຽວກັບພັນທະສັນຍາ: 2 ນີໄຟ 11:5; ໂມໄຊຢາ 5:1–9; ແອວມາ 24:17–18

ການແຕ່ງງານ ແລະ ຄອບຄົວ

ສາມີ ແລະ ພັນລະຍາຄວນຮັກກັນແລະກັນ (ເບິ່ງ ຢາໂຄບ 3:5–7).
ພໍ່ແມ່ຄວນລ້ຽງດູລູກເຕົ້າຂອງຕົນໄວ້ໃຫ້ພຣະຜູ້ເປັນເຈົ້າ (ເບິ່ງ 1 ນີໄຟ 7:1).

ຂໍ້ພຣະຄຳພີເພີ່ມເຕີມກ່ຽວກັບການແຕ່ງງານ ແລະ ຄອບຄົວ: 1 ນີໄຟ 1:1; 2 ນີໄຟ 25:26; ຢາໂຄບ 2:23–28; ເອໂນດ 1:1; ໂມໄຊຢາ 4:14–15; 3 ນີໄຟ 18:21

ພຣະບັນຍັດ

ພຣະຜູ້ເປັນເຈົ້າຈະຕຽມວິທີໃຫ້ເຮົາ ເພື່ອບັນລຸພຣະບັນຍັດຂອງພຣະອົງ (ເບິ່ງ 1 ນີໄຟ 3:7).
ພຣະເຈົ້າສັນຍາວ່າ ຈະປະທານພອນໃຫ້ເຮົາ ຖ້າຫາກເຮົາຮັກສາພຣະບັນຍັດຂອງພຣະອົງ (ເບິ່ງ ໂມໄຊຢາ 2:22–24).

ຂໍ້ພຣະຄຳພີເພີ່ມເຕີມກ່ຽວກັບພຣະບັນຍັດ: 1 ນີໄຟ 17:3; 22:30–31; ແອວມາ 37:13, 35; 50:20