Ngaahi Maʻuʻanga Tokoni Kehé

Ko e kotoa ʻo e ngaahi naunau ko ʻení ʻe ala maʻu kotoa ia ʻi he polokalama Gospel Library mo e ChurchofJesusChrist.org.

Ngaahi Himí mo e Tohi Hiva ʻa e Fānaú

ʻOku fakaafeʻi ʻe he ngaahi hiva toputapú ʻa e Laumālié mo akoʻi e tokāteliné ʻi ha founga fakangalongataʻa. Makehe mei he ngaahi tatau ne paaki ʻo e Ngaahi Himí mo e Tohi Hiva ʻa e Fānaú, te ke lava ʻo maʻu e hiki ʻo e ngaahi fasi mo e ngaahi vitiō mei he ngaahi himí mo e ngaahi hiva maʻá e fānaú ʻi he music.ChurchofJesusChrist.org mo e LDS Music App.

ʻŪ Makasini ʻa e Siasí

ʻOku ʻomi ʻi he ngaahi makasini Friend, New Era, Ensign, mo e Liahona ha ngaahi talanoa mo e ʻekitivitī ʻe lava fakalahi e ngaahi tefitoʻi moʻoni ʻokú ke akoʻi mei he Haʻu ʻo Muimui ʻIate Au—Maʻá e Fakafoʻituituí mo e Ngaahi Fāmilí.

Ngaahi Talanoa ʻo e Tohi ʻa Molomoná

ʻE lava tokoni e Ngaahi Talanoa ʻo e Tohi ʻa Molomoná ki he fānaú ke nau ako e tokāteline mo e ngaahi talanoa ʻoku maʻu ʻi he Tohi ʻa Molomoná. Te ke lava foki ʻo maʻu e ngaahi vitiō ʻo e ʻū talanoa ko ʻení ʻi he Gospel Library app mo e medialibrary.ChurchofJesusChrist.org.

Tohi Lēsoni Seminelí mo e ʻInisititiutí

‘Oku ʻomi ʻe he ʻū tohi lēsoni seminelí mo e ʻinisititiutí ha puipuituʻa fakahisitōlia mo e ngaahi fakamatala fakatokāteline ki he ngaahi tefitoʻi moʻoni mo e ngaahi fakamatala ʻi he folofolá.

Laipeli Mītiá

ʻE ala tokoni ʻa e ʻū tā valivalí, vitioó mo e ngaahi mītia kehé ke ke fakakaukauloto mo ho fāmilí ki he tokāteline mo e ngaahi talanoa ʻi he Tohi ʻa Molomoná. Vakai ki he medialibrary.ChurchofJesusChrist.org ke vakai ki he ngaahi maʻuʻanga tokoni ʻa e Siasí ʻi he mītiá, kau ai e ngaahi vitiō ʻo e Tohi ʻa Molomoná, ʻa ia ʻokú ne fakatātaaʻi e ngaahi meʻa naʻe hoko ʻi he Tohi ʻa Molomoná. ‘Oku toe maʻu atu foki e Laipeli Mītiá ko ha app.

Ngaahi Tefito ʻo e Ongoongoleleí

Te ke lava ʻo maʻu ʻi he topics.ChurchofJesusChrist.org ha ngaahi fakamatala fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi fehokotakiʻanga ki ha ngaahi maʻuʻanga tokoni, hangē ko ha ngaahi lea felāveʻi mei he konifelenisi lahí, ngaahi fakamatala, potufolofola, mo e vitiō. Te ke lava foki ʻo maʻu ʻa e Gospel Topics Essays, ʻa ia ʻokú ne ʻoatu ha ngaahi tali fakaikiiki ange ki he ngaahi fehuʻi fekauʻaki mo e ongoongoleleí.

Tuʻu Maʻu ʻi he Tuí

Kapau te ke fie maʻu ha tokoni kehe ke mahino e ngaahi tefitoʻi moʻoni ʻo e ongoongoleleí, fakakaukau ke vakai ki he Tuʻu Maʻu ʻi he Tuí. ʻOku kau ʻi he maʻuʻanga tokoni ko ʻení ha lisi fakamotuʻalea ʻo e ngaahi tefito ʻo e ongoongoleleí ʻa ia ʻoku fakamatalaʻi ʻi he ngaahi lea mahinongofua.