“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí: Tokāteline mo e Ngaahi Fuakavá 2021 (2020)
“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí: 2021
Ngaahi Maʻuʻanga Tokoni Kehé
ʻE lava ke maʻu e konga lahi taha ʻo e ngaahi maʻuʻanga tokoni ko ʻení ʻi he Gospel Library app mo e ChurchofJesusChrist.org.
Ngaahi Himí mo e Tohi Hiva ʻa e Fānaú
ʻOku fakaafeʻi ʻe he hiva toputapú ʻa e Laumālié mo akoʻi e tokāteliné ʻi ha founga fakangalongataʻa. Makehe mei he Ngaahi Himí mo e Tohi Hiva ʻa e Fānaú kuo pākí, te ke lava ʻo maʻu e ngaahi fasi mo e vitiō ʻo e ngaahi himi lahi mo e hiva maʻá e fānaú ʻi he music.ChurchofJesusChrist.org mo e Sacred Music App.
Tohi Lēsoni Seminelí mo e ʻInisititiutí
‘Oku ʻomi ʻe he ʻū tohi lēsoni seminelí mo e ʻinisititiutí ha puipuituʻa fakahisitōlia mo e ngaahi fakamatala fakatokāteline ki he ngaahi tefitoʻi moʻoni mo e ngaahi fakamatala ʻi he folofolá.
Ngaahi Makasini ʻa e Siasí
ʻOku ʻomi ʻi he makasini Ko e Kaumeʻá, mo e Liahoná ha ngaahi talanoa mo e ʻū ʻekitivitī ʻe ala tokoni ki he ngaahi tefitoʻi moʻoni ʻokú ke akoʻi mei he Tokāteline mo e Ngaahi Fuakavá.
Ngaahi Tefito ʻo e Ongoongoleleí
Te ke lava ʻo maʻu ʻi he Ngaahi Tefito ʻo e Ongoongoleleí ha ngaahi fakamatala tefito fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi fehokotakiʻanga ki ha ngaahi maʻuʻanga tokoni ʻaonga, hangē ko ha ngaahi lea ʻoku nau fekauʻaki mei he konifelenisi lahí, ngaahi fakamatala, potufolofola, mo ha ngaahi vitiō.
Ngaahi Talanoa mei he Tokāteline mo e Ngaahi Fuakavá
ʻOku fakaʻaongaʻi ʻe heNgaahi Talanoa mei he Tokāteline mo e Ngaahi Fuakavá hā ʻū fakatātā mo ha lea fakafaingofua ke tokoniʻi e fānaú ke nau ako mei he Tokāteline mo e Ngaahi Fuakavá. Te ke lava foki ʻo maʻu e ngaahi vitiō ʻo e ʻū talanoa ko ʻení ʻi he Gospel Library app mo e Gospel Media Library ʻi he ChurchofJesusChrist.org.
Tohi Tā Valivali ʻi he Ngaahi Talanoa Mei he Folofolá: Tokāteline mo e Ngaahi Fuakavá
ʻOku ʻi he maʻuʻanga tokoni ko ʻení ha ngaahi peesi ʻekitivitī ʻoku fakataumuʻa ke tokoniʻi e ako ʻa e fānaú mei he Tokāteline mo e Ngaahi Fuakavá.
Ngaahi Vitioó mo e Tā Valivalí
ʻE ala tokoni ʻa e ʻū tā valivalí, vitioó mo e ngaahi mītia kehé ke fakakaukauloto ho fāmilí ki he tokāteline mo e ngaahi talanoa ʻi he folofolá. ʻAʻahi ki he Gospel Media Library ʻi he ChurchofJesusChrist.org ke vakai ki he ngaahi maʻuʻanga tokoni fakamītia ʻa e Siasí. ʻOku maʻu foki e ngaahi maʻuʻanga tokoni ko ʻení ʻi he Gospel Media app, pea maʻu foki e ʻū tā lahi ʻi he Tohi Fakatātā ʻo e Ongoongoleleí.
Kau Māʻoniʻoní
Ko eKau Māʻoniʻoní ko ha tohi ia ʻe ua ʻoku fakamatala ki he hisitōlia ʻo e Siasí. ʻOku fakamatala e Voliume 1, Ko e Fuka ʻo e Moʻoní, mo e voliume 2, ʻIkai ha Nima Taʻemaʻa, ki he vahaʻataimi tatau ʻi he hisitōlia ʻo e Siasí mo e Tokāteline mo e Ngaahi Fuakavá. ʻE lava ʻe he ngaahi hisitōliá ni ʻo ʻoatu ha ngaahi fakakaukau ki he tūkunga ne maʻu ai e ngaahi fakahā ʻokú ke ako ʻi he Tokāteline mo e Ngaahi Fuakavá.
Ngaahi Tefito ʻi he Hisitōlia ʻo e Siasí
ʻE lava ʻo maʻu ha ngaahi fakamatala taʻefaʻalaua fekauʻaki mo e kakaí, koloá, siokālafí, mo e ngaahi meʻa naʻe hoko ʻi he hisitōlia ʻo e Siasí ʻi he ChurchofJesusChrist.org/study/history/topics.
Ko e Faiako ʻi he Founga ʻa e Fakamoʻuí
ʻE lava ke tokoni ʻa e maʻuʻanga tokoni ko ʻení ke ke ako mo fakaʻaongaʻi e ngaahi tefitoʻi moʻoni ʻo e faiako faka-Kalaisí.