“Oktubre 14–20. “Taga Filipos; Taga Colosas: ‘Maaramidko dagiti Amin a Bambanag gapu ken Cristo a Mamapigsa Kaniak’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Oktubre 14–20. Taga Filipos; Taga Colosas,” Umaykayo, Sumurot Kaniak—Para kadagiti Indibidual ken Pamilia: 2019
Oktubre 14–20
Taga Filipos; Taga Colosas
“Maaramidko dagiti Amin a Bambanag Gapu ken Cristo a Mamapigsa Kaniak”
Kaanu ti naudi a gundaway a binasam dagiti naespirituan nga impresion a naisuratmo kabayatan ti panagadalmo iti Baro a Tulag? Mabalin a makatulong a rebyuem dagiti parikna nga aw-awatem.
Isuratmo Dagiti Impresionmo
Insurat ni Pablo dagiti suratna kadagiti Taga Filipos ken Taga Colosas bayat ti kaaddana iti pagbaludan. Ngem awan kadagitoy a surat ti galad a mabalin a namnamaen manipud iti maysa a tao iti pagbaludan. Nagsarita ti ad-adu ni Pablo maipapan iti rag-o, panagrag-o ken panagyaman ngem iti inaramidna maipapan iti rigat ken pannubok: “ ni Cristo naikasaba,” kinunana, “ket iti daytoy agragragsakak, wen, ket agragsakakto” (Taga Filipos 1:18). “Ta uray no awanak a sibabagi, ngem adda ti espirituk kadakayo, a siraragsak ken sikikita … ti kinatibker ti pammatiyo ken Cristo” (Taga Colosas 2:5). Pudno, a “ti talna ti Dios” a napadasan ni Pablo ket narigat “daeganna amin a pannakaawat” (Taga Filipos 4:7), ngem nupay kasta maysa a kinapudno . Kadagiti pannuboktayo, makariknatayo iti daytoy met la a kappia ken “agragsaktayo iti Apo iti kankanayon” (Taga Filipos 4:4). Kabaelantayo, kas inaramid ni Pablo, no naan-anay nga agtalektayo ken ni Jesucristo, “a kenkuana maaddaantayo iti pannakasubbot” (Taga Colosas 1:14). Mabalintayo nga isao a kas inaramid ni Pablo, “Mabalinak dagiti amin a banbanag gapu ken Cristo a mamapigsa kaniak”(Taga Filipos 4:13; kitaen met iti Taga Colosas 1:11).
Dagiti Kapanunotan para iti Bukod a Panagadal iti Nasantuan a Kasuratan
“Ar-aramiden[tayo] kadi ti bukodtayo a pannakaisalakan”?
Ti ragup dagiti balikas a “aramidentayo ti bukodtayo a pannakaisalakan” ti usaren dagiti sumagmamano a tao tapno suportaran ti kapanunotan a maisalakantayo babaen dagiti bukodtayo a panagkagumaan. Ngem limitado dayta a pannirigan, kas iti kinalimitado a maawatan ti pannursuro ni Pablo—“ta gapu iti parabur naisalakan kayo gapu iti pammati” (Taga Efeso 2:8)—kayat na a sawen a saan a masapul ti panagaramid para iti pannakaisalakan Nakalawlawag nga isuro dagiti nasantuan a kasuratan, agraman dagiti sinurat ni Pablo, agpada a panagkasapulan iti parabur ni Jesucristo ken bukodmo a panagkagumaan tapno umawat iti pannakaisalakan. Kas iti kinuna ni Nephi, “Ammotayo a maisalakantayo babaen ti parabur, kalpasan ti amin nga maaramidtayo” (2 Nephi 25:23). Uray pay kadagiti panagkagumaantayo nga aramiden ti pannakaisalakantayo, “ta ti Dios ti mamagaramid kadakayo” (Taga Filipos 2:13; kitaen met iti Taga Filipos 1:6; Bible Dictionary, “Parabur”).
Kapateg iti tunggal sakripisio ti ebanghelio ni Jesucristo.
Adu ti insuko ni Pablo idi makumbert isuna iti ebanghelio ni Jesucristo, a pakairamanan ti maimpluwensia a lugar nga iggemna kadagiti gimong dagiti Judio kas maysa a Fariseo. Iti Taga Filipos 3:5–14, kitaem no ania ti nagun-od ni Pablo gapu ta natallugod a nagaramid kadagiti sakripisio para iti ebanghelio. Kasano ti marikriknana maipapan kadagiti sakripisiona?
Kalpasanna ibilangmo ti bukodmo a kinadisipulo. Ania ti insakripisiom para iti ebanghelio ni Jesucristo? Ania ti naawatmo? Adda kadi dagiti mainayon a sakripisio a mariknam a kasapulam nga aramiden tapno agbalin a maysa a napaspasnek a disipulo ti Mangisalakan?
Kitaen met iti 3 Nephi 9:19–20; Doktrina ken Katulagan 58:2–5; Robert C. Gay, “Ania Ti Ited ti Tao a Kasukat Ti Kararuana?” Ensign wenno Liahona, Nob. 2012, 34–36.
Masarakak ti rag-o ken ni Cristo, ania man dagiti kasasaadko.
Ti biag ni Pablo ti nalawag a pannakailadawan ti kinapudno nga inyebkas ni Presidente Russell M. Nelson: “No ti pokus dagiti biagtayo ket ni … Jesucristo ken ti ebangheliona, mariknatayo ti rag-o ania man ti mapaspasamak—wenno saan a mapaspasamak—kadagiti biagtayo. Umay ti rag-o manipud ken gapu Kenkuana”(“ Rag-o ken Naespirituan a Panagtalinaed a Sibibiag,” Ensign wenno Liahona, Nob. 2016, 82).
Bayat ti panangbasam iti taga Filipos—nangnangruna ti kapitulo 4—sapulem dagiti palawag a makatulong kenka a makabirok iti rag-o iti ania man a kasasaad ti biagmo. Kaano ti pannakapadasmon “ti kappia ti Dios” kabayatan ti mapannubok a panawen? (bersikulo 7). Kaano a nasarakam ti kired “babaen ken ni Cristo” a mangaramid kadagiti narigat a bambanag? (bersikulo 13) Apay iti panagkunam a napateg ti “mapnek koma” kadagiti amin a kasasaad? (bersikulo 11). Kasano a ti panangipakat kadagiti kababalin iti bersikulo 8 ket makatulong kenka a mangsapul iti rag-o kadagiti kasasaadmo?
Kitaen iti Alma 33:23; Dieter F. Uchtdorf, “Managyaman iti Ania Man a Kasasaad,” Ensign wenno Liahona, Mayo 2014, 70–77.
Naipasdek ti pammatik ken ni Jesucristo.
Adtoy ti estilo iti panagadal ti mabalinmo a padasen iti dumani ania man a kapitulo ti nasantuan a kasuratan, nupay daytoy ket nakaim-imbag a mayobra iti Taga Colosas 1:12–23. Mangsapul kadagiti bersikulo para iti ania man a banag a masursurom maipapan ken ni Jesucristo, ket agaramidka iti listaan ti no ania ti naammuam. Apay a mariknam a nasken a maammuan dagitoy a banag maipapan iti mangisalakan?
Agbalin a “baro” dagiti disipulo ni Jesucristo iti panangibiagda iti ebangheliona.
Kasano ti pannakaammom no tultulongannaka ti ebanghelio ni Jesucristo nga agbalin a “baro a lalaki [wenno babai]”? Maysa a wagas a mangduktal isu ti agsukisok iti Taga Colosas 3:1–17 ken agaramidka iti listaan dagiti ugali, kababalin, ken tignay ti “lakay a tao” ken sabali pay a listaan dagiti ugali, kababalin, ken tignay ti “baro a tao.”
Nangparegta kadi ti panagadalmo kadagiti bersikulo kadagiti kapanunotan maipapan iti no kasano ti panangbalbaliw kenka ti ebanghelio? Isuratmo dagiti kapanunotam tapno marebyum ida iti masakbayan ket utobem no kasanoka a dumurdur-as.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Mabalin a madlaw ti pamiliam dagiti balikas a rag-o wenno agrag-o a masansan a maulit-ulit iti Taga Filipos. Tunggal madanonmo ti maysa kadagitoy a balikas, mabalinmo ti agsardeng ket paglilinnawagan no ania ti insuro ni Pablo maipapan iti no kasano ti agbirok iti rag-o.
Kasano ti intay panagbalin nga “aglawag a kasla dagitin silsilaw iti lubong?
Nalabit a malasin ti pamiliam dagiti bambanag a “mapanunot” a maikanatad kadagiti panangiladawan iti daytoy a bersikulo (kitaen met iti Pagannurotan ti Pammati 1:13). Kasano a naparaburan ti pamiliam babaen ti panangsurot iti balakad ni Pablo?
Ania ti maaramidtayo tapno manayonan “ti pannakaammo iti Dios? Ania a “kinabaknang iti sirib ken pannakaammo” ti masarakantayo iti ebanghelio?
Nalabit a mabasa ti pamiliam dagitoy a bersikulo a nakatugaw iti lawlaw ti kayo wenno kabayatan ti panangkitkita iti maysa a ladawan a kayo a (kas iti maysa a naikadua iti daytoy a balabala). Ania ti kayat a sawen ti “naipasdek” ken “maparamut” ken ni Cristo? Kasano a matulongantayo ti maysa ken maysa a mangpabileg kadagiti naespirituan a ramuttayo?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Agbiagka iti pammaneknekmo. “Isurom no aniaka,” insuro ni Elder Neal A. Maxwell. “Dagiti kababalinmo ket ad-adda a malaglagipto … ngem iti maysa a maipangpangruna a kinapudno iti maipangpangruna a leksion” (iti Panangisuro iti Wagas ti Mangisalakan, 13).
Insuro ni Pablo a nasken a “maparamut” ti pammatitayo ken ni Jesucristo (Taga Colosas 2:7).