“Oktubre 21–27. 1 ken 2 Taga Tesalonica: ‘Iti Saan a Mabayag Saan Koma a Madayyeg iti Panunot, wenno Mariribukan’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Oktubre 21–27. 1 Taga Tesalonica,” Umaykayo, Sumurot Kaniak—Para kadagiti Indibidual ken Pamilia: 2019
Oktubre 21–27
1 ken 2 Taga Tesalonica
“Iti Saan a Mabayag Saan Koma a Madayyeg iti Panunot, wenno Mariribukan”
No saantayo nga isurat dagiti impresion nga awatentayo manipud iti Espiritu, nalabit malipatantayo dagitoy. Ania ti iparparikna ti Espiritu kenka nga isurat bayat ti panangbasam iti 1 ken 2 Taga Tesalonica?
Isuratmo Dagiti Impresionmo
Sadiay Tesalonica, napabasol da Pablo ken Silas iti pananglabsing a “mangriribuk iti lubong” (Dagiti Aramid 17:6). Ti panangaskasabada ket namagpungtot kadagiti di mapagduaduaan a dadaulo kadagiti Judio, ket sinugsugan dagitoy a dadaulo dagiti tao nga agarimbangaw (kitaen iti Dagiti Aramid 17:1–10). Kas bungana, naibalakad ken ni Pablo ken Silas a pumanaw iti Tesalonica. Nariribukan ni Pablo maipapan kadagiti kabumbuniag a Taga Tesalonica ken ti sangsanguenda a pannakairurumen, ngem saan a nakapagsubli a mangkita kadakuada. “Idi saankon a masbaalan” insuratna, “imbaonko a maammuan ti pammatiyo.” Kas sungbat, ni Timoteo a katulong ni Pablo, a nagserserbi diay Tesalonica, “imbagana kadakami ti naragsak a damag ti pammati ken ti ayatyo” (1 Taga Tesalonica 3:5–6). Kinapudnona, naam-ammo dagiti Santo iti Tesalonia kas dagiti pagwadan “iti amin a mamati” (1 Taga Tesalonica 1:7), ken pakadamagan ti pammatida a nagwaras kadagiti ganggannaet a siudad iti sabali a pagilian. Ipapanmo a rag-o ken pakalag-anan ni Pablo a dumngeg a ti trabahona kadakuada “ket saan nga awan iti kaes-eskanna” (1 Taga Tesalonica 2:1). Ngem ammo ni Pablo a kinapudno iti napalabas ket saan nga umdas para iti naespirituan a pannakaisalakan, ket isu a na-annad iti impluensia dagiti palso a mannursuro kadagiti Santo (kitaen iti 2 Taga Tesalonica 2:2–3). Ti mensahena kadakuada, ken kadatayo, a mangituloy nga “an-anayan ti pagkurkurangan iti pammati[tayo]” ken “ rumang-ay kayo la koma a rumang-ay (kitaen iti 1 Taga Tesalonica 3:10; 4:10).
Dagiti Kapanunotan para iti Bukod a Panagadal iti Nasantuan a Kasuratan
Dagiti ministro ti ebanghelio ket mangikasaba iti kinapudno ken ayat.
Iti 1 Taga Tesalonica, ipalgak dagiti balikas ni Pablo a ti pannakaseknan ken ti rag-o ti maysa a tao a nangted iti aminna nga agserbi kadagiti annak ti Dios. Nangnangruna iti umuna a dua a kapitulo ti 1 Taga Tesalonica, masarakamto dagiti balikas ken ragup dagiti balikas a mangiladawan no kasano nga isuro ti pudno a ministro ti ebanghelio. Ania ti naregta nga aramidem a mangpapintas iti panangisurom iti ebanghelio?
No surotek ni Jesucristo, makapagbalinak a nasantuan.
Namnamaentayo amin nga “intono iyaay ni Apotayo,” kabaelantayonto nga agtakder iti sanguananna nga addaan iti “puspuso, iti kinasanto nga awan ti pakapilawantayo” (1 Taga Tesalonica 3:13). Ania ti insuro ni Pablo maipapan iti panagbalin nga ad-adda a nasantuan iti 1 Taga Tesalonica 3:9–13; 4:1 12?
Kitaen met iti Moroni 10:32–33; Bible Dictionary, “Holiness”; Carol F. McConkie, “The Beauty of Holiness,” Ensign wenno Liahona, Mayo 2017, 9–12.
1 Taga Tesalonica 4:16–18; 5:1–10; 2 Taga Tesalonica 1:4–10
Nakasaganaakto para iti Maikadua a Yaay ti Mangisalakan, no napudno ken managaywanak.
Iti 1 Taga Tesalonica 5:1–10, inaramat ni Pablo ti sumagmamano a metapora a mangisuro kadagiti importante a kinapudno maipapan iti panawen nga agsubli ni Jesus iti daga. Bayat ti panagsursurom kadagitoy a metapora, ibilangmo nga isurat dagiti impresion nga umay kenka maipapan iti Maikadua a Yaay ni Jesucristo:
“Kas mannanakaw iti rabii”:
“Panagpasikal ti maysa a babai a masikog”:
Dagiti dadduma a metapora a masarakam:
Ania dagiti mainayon a kinapudno ti masursurom maipapan iti Maikadua a Yaay ni Jesucristo manipud iti 1 Taga Tesalonica 4:16–18; 5:1–10; 2 Taga Tesalonica 1:4–10? Ania ti paripirip nga aramidem a mangkita ken agsagana para iti yaayna?
Kitaen met iti Dallin H. Oaks, “Preparation for the Second Coming,” Ensign wenno Liahona, Mayo 2004, 7–10.
Ti ikakalilis iti kinapudno, wenno matmatnagen manipud iti kinapudno, ket naipadto a mapasamak sakbay ti Maikadua a Yaay.
Bayat ti kumarkaro a panagidadanes, adu kadagiti Santo ti Tesalonica ti namati nga asidegen ti Maikadua a Yaay ti Mangisalakan. Ngem ammo ni Pablo a sakbay a nagsubli ni Jesus iti daga addanto ikakalilis—maysa a yaalsa wenno “pannakatnag” manipud iti kinapudno (kitaen iti 2 Taga Tesalonica 2:1–4). Mabalinmo a mapauneg ti pannakaawatmo ti Nakaro nga Ikakalilis iti Kinapudno—ken iti panangbigbigmo iti pateg para iti Pannakaisubli—babaen ti panangsukisokmo kadagiti sumagmamano a sumaganad a resources:
-
Nasantuan a Kasuratan a nangipadto ti Ikakalilis iti Kinapudno: Isaias 24:5; Amos 8:11–12; Mateo 24:4–14; 2 Timoteo 4:3–4
-
Nasantuan a Kasuratan a nangipakita ti Ikakalilis iti Kinapudno a nangrugin idi panawen ni Pablo: Dagiti Aramid 20:28–30; Taga Galacia 1:6–7; 1 Timoteo 1:5–7
-
Dagiti paliiw maipapan iti Dakkel nga Ikakalilis iti Kinapudno babaen dagiti Kristiano a repormista:
Martin Luther: “Saanko a kinalikaguman ti mangreporma iti Simbaan a mainugot kadagiti Nasantuan a Kasuratan. … Sawek laeng a ti Kristianismo ket nagsardeng nga agindeg kadagitoy rumbeng koma a nangtagiben” (iti E. G. Schweibert, Luther and His Times: The Reformation from a New Perspective [1950], 590).
Roger Williams: “Ti ikakalilis iti kinapudno … pinagrupsana ti amin ket awan panangpasubli manipud iti dayta nga ikakalilis iti kinapudno agingga a ni Cristo nangibaon kadagiti baro nga apostol nga agipasdek manen kadagiti simbaan (iti Philip Schaff, The Creeds of Christendom [1877], 851).
Erasmus: “Aminen a bambanag ket nasirut kadagitoy a saludsod [ti doktrina] ket dagiti paulog a ditayo naitured ken saan a ninamnama nga umawag iti lubong nga agsubli iti pudno a Kristianismo” (The Praise of Folly,trans. Clarence H. Miller, 2nd ed. [2003], 155–56).
Kitaen met iti 2 Nephi 28; “Ikakalilis iti Kinapudno,” Dagiti Topiko ti Ebanghelio topics.lds.org.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Ania ti makaawis kenka maipapan kadagiti rikna nga adda ken ni Pablo para kadagiti gagayyemna? Kasano a maipakitatayo ti kasta a rikna para iti pamiliatayo, gagayyem, ken dagiti pada a Sasanto?
Kasano a mausartayo dagitoy a bersikulo a mangliwliwa iti bagbagitayo wenno ti maysa a tao no nagpasina iti maysa nga ipatpateg?
Irebyum ti balakad ni Pablo iti 1 Taga Tesalonica 5:14–25, ken sarakem ti maysa a ragup dagiti balikas a kayat nga ipokus ti pamiliam. Ibilangmo nga isurat daytoy iti maysa a poster nga idisplay iti pagtaenganyo. Makainayon dagiti miembro ti pamilia iti palagip iti poster idi makitada ti tunggal maysa nga agbibiag babaen kadagiti balakad iti poster.
Mariknatayo ngata ti “maupay nga agaramid iti naimbag”—matalipupos, nalabit, iti pagkasapulan ti kinadisipulo? Ania a makatulong kadatayo no mariknatayo ti kastoy a wagas? (Kitaen iti Taga Galacia 6:9; DkK 64:33.) Kasano ti mabalin a pangtulongtayo ti maysa ken maysa no mapasamak daytoy?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Bukod a Panagadal
Agkalikagum a Maaddaan iti Paltiing iti Inaldaw “Masansan nga umay ti paltiing iti ‘tunggal binatog’ (2 Nephi 28:30),saan nga amin iti mamimpinsan. ... Saanmo a panunoten ti [panagadal iti ebanghelio ] kas maysa a banag a maiyaramidan iti oras ngem kas maysa a banag a kanayon nga ar-aramidem” (Panangisuro iti Dalan ti Mangisalakan, 12).
Ni Nagungar a Cristo, ni Robert T. Barret