“Oktubre 21–27. 1 ken 2 Taga Tesalonica: ‘Iti Saan a Mabayag Saan Koma a Madayyeg iti Panunot, wenno Mariribukan’” Umaykayo, Sumurot Kaniak—Para iti Primary: Baro a Tulag 2019 (2019)
“Oktubre 21–27. 1 ken 2 Taga Tesalonica,” Umaykayo, Sumurot Kaniak—Para iti Primary: Baro a Tulag 2019
Oktubre 21–27
1 ken 2 Taga Tesalonica
“Iti Saan a Mabayag Saan Koma a Madayyeg iti Panunot, wenno Mariribukan”
Nainkararagan a basaem ti 1 ken 2 Taga Tesalonica a pampanunotem dagiti ubbing, masarakamto dagiti pagbatayan a nasken a maawatanda.
Isuratmo Dagiti Impresionmo
Yawis ti Panagbibinninglay
Iti adalen iti napalabas a lawas, inawismo kadi dagiti ubbing amangyaplikar iti nasursuroda iti sumagmamano a wagas? pausarmo kadagiti ubbing dagiti umuna a sumagmamano a minuto iti klase iti daytoy a lawas a mangibinglay kadagiti padasda.
Isuro ti Doktrina
Dagiti In-inaudi nga Ubbing
Bayat ti panagsurotko kadagiti bilin ti Dios, nakasaganaakto para iti Maikadua a Yaay ni Jesucristo.
Makatulong kadatayo ti balakad ni Pablo a nga agsagana ken mangsiput para iti naindaklan nga aldaw inton umay manen ti Mangisalakan iti daga.
Dagiti Mabalin nga Aktibidad
-
Awisem ti maysa nga ina nga agsarita maipanggep ti no ania ti rikna ti aguray a mayanak iti maladagana a dina ammo ti eksakto nno kaano ti pannakaipasngayna. Basaem ti 1 Taga Tesalonica 5:2–3, ken ibagam kadagiti ubbing nga umayto manen ni Jesucristo iti daga, ngem awan ti makaammo iti eksakto no kaano—kas iti masya nga ina a di makaammo iti eksakto no kaano ti panakayanak ti maladagana.
-
Kiddawen dagiti ubbing nga agsarita maipanggep iti maysa a panawen idi nagsaganada para iti maysa a biahe wenno pasken. Ania ti inaramidda tapno makapagsaganada? Mangitugot iti maysa a maleta wenno bag ket pagpammarangemdagiti ubbing nga agimpake a kas panagsagana para iti maysa a biahe wenno pasken. Ilawlawag nga agsaganatayo para iti yaay manen ni Jesucristo babaen ti panagkararag, panagbasa kadagiti nasantuan a kasuratan, panagsurot ti propeta, ken panagbiag a sililinteg iti inaldaw. Kiddawen kadagiti ubbing a mangidrowing kadagiti ladawan tino kasano a maaramidda daytoy ket ikabil dagitoy iti maleta.
-
Ibasam ti 1 Taga Tesalonica kadagiti ubbing ken ilawlawag a no saantayo nga agsagsagana para iti yaay manen ni Jesucristo, kasla nakaturogtayo ken saantayo a nakasagana para Kenkuana. Awisem dagiti ubbing nga agpammarang a matmaturogda. Ilawlawag a no agsaganatayo, kasla nakariingtayo ken agur-uray Kenkuana. Awisen ida nga agriing.
Insuro ni Pablo a mapasamakto ti ikakalilis iti kinapudno sakbay ti yaay manen ni Jesucristo.
Ti Simbaan nga impasdek ni Jesucristo ket in-inut a natnag iti ikakalilis iti kinapudno, kaipapananna a napukaw iti daga ti turay ti priesthood ken dagiti kinapudno ti ebanghelio. Impadto ni Pablo a daytoy nga ikakalilis iti kinapudno, wenno “panakatnag,” ket mapasamakto sakbay ti Maikadua a Yaay ti Mangisalakan.
Dagiti Mabalin nga Aktibidad
-
Kalpasan a basaen ti 2 Taga Tesalonica 2:3 a kadua dagiti ubbing, mangbangon iti maysa a sinan-torre babaen kadagiti plastik a baso wenno bloke. Ibagam kadagiti ubbing a dagiti baso wenno bloke ket mangibagi kadagiti napapateg a paset iti pudno a Simbaan, kas kadagiti kinapudno ti ebanghelio, ti priesthood, dagiti pannakailantip iti templo, ken dagiti propeta. Kalpasan ti ipapatay ni Pablo ken dagiti dadduma pay nga Apostol, napukaw dagitoy a banag, ken awan ti pudno a Simbaan naawan iti daga iti uneg ti adu a tawen. Awisem ti maysa nga ubing a mangtuktok iti torre, ken ilawlawag a maawagan daytoy iti Ikakalilis iti Kinapudno wenno “panakatnag.” Idi insubli manen ni Jesucristo ti Simbaanna, naawagan daytoy iti Pannakaisubli. (Kitaen iti “Ikakalilis iti Kinapudno,” Napudno iti Pammati, 13–14.)
-
Ipakita ti maysa a Libro ni Mormon ken dagiti ladawan ti propeta ken ti maysa a templo. Awisem dagiti ubbing a mangisao iti “Ikakalilis iti Kinapudno” no ilemmengmo dagiti banag iti maysa a bag ken “Pannakaisubli” no iruarmo dagiti banag.
-
Agkansion kadagiti kanta a mangisuro kadagiti kinapudno a napukaw kabayatan ti Ikakalilis iti Kinapudno ken naisubli iti aldawtayo, kas iti “Siak ti Anak ti Dios.”
Isuro ti Doktrina
Dagiti In-inauna nga Ubbing
Bayat ti panagsurotko kadagiti bilin ti Dios, nakasaganaakto para iti Maikadua a Yaay ni Jesucristo.
Makatulong kadatayo ti balakad ni Pablo a nga agsagana ken mangsiput para iti naindaklan nga aldaw inton umay manen ti Mangisalakan iti daga.
Dagiti Mabalin nga Aktibidad
-
Awisem ti maysa nga ubing a mangbasa iti 1 Taga Tesalonica 5:1–6 idinto a sumursurot dagiti dadduma pay nga ubbing. Kalpasan ti tunggal bersikulo, kiddawem iti maysa nga ubbing a gupgopenna no ania iti panagkunana a kayat a sawen ti bersikulo. Mabalin a kayatmo nga ilawlawag a ti “ti aldaw iti Apo” ket kaipapananna ti Maikadua a Yaay ni Jesucristo. Apay apanunoten dagiti ubbing a ti Maikadua a Yaay ket maidilig iti maysa a mannanakaw iti rabii wenno maysa a babai a mangipaspasngay iti maysa a maladaga?
-
Ibagam kadagiti ubbing a mangipapanda a sumarungkarto ti Mangisalakan iti klasem iti uray ania nga oras ita nga aldaw. Kasano a maisaganatayo ti siled a pagklaseantayo para iti isasarungkarna? Tulongam dagiti ubbing a mangpanunot kadagiti bambanag a maaramidtayo tapno maisaganatayo ti bagbagitayo para iti aldaw a panagsubli ni Jesucristo. Kas pagarigan, mabalintayo ti agbabawi, mamakawan, mangpadur-as iti pannakilangentayo iti pamiliatayo, mangsurot iti propeta, ken agtungpal kadagiti katulagantayo. Allukoyem dagiti ubbing a mangpili ti maysa a banag nga aramidendanto tapno maisaganada ti bagbagida nga umawat iti Mangisalakan iti Yaayna.
Insuro ni Pablo a mapasamakto ti ikakalilis iti kinapudno sakbay ti yaay manen ni Jesucristo.
No maawatan dagiti ubbing a ti Simbaan ni Jesucristo ken ti ebangheliona ket napukaw iti daga kabayatan ti Dakkelnga Ikakalilis iti Kinapudno, ti panagkasapulan iti Pannakaisubli ket agbalinto a nalawlawag kadakuada.
Dagiti Mabalin nga Aktibidad
-
Awisen ti maysa kadagiti ubbing a mangbasa iti 2 Taga Tesalonica 2:1–3. Segun kadagitoy a bersikulo, ania ti nasken a napasamak sakbay ti “ti aldaw ni Cristo,” a kaipapananna ti Maikadua a Yaay? Adda kadi kadagiti ubbing ti makaammo no ania ti kaipapanan ti “panaglikud”? Siguraduem a maawatan dagiti ubbing ti kaipapanan daytoy ket ti Dakkel nga Ikakalilis iti Kinapudno, a napasamak kalpasan ti ipapatay dagiti Apostol ti Mangisalakan. Mabalin a kayatmo nga ibinglay ti impormasion manipud iti “Ikakalilis iti Kinapudno,” Napudno iti Pammati, 13–14.
-
Tulongam dagiti ubbing a mangilista iti pisarra dagiti sumagmamano kadagiti kinapudno ken bendision a pagragsakantayo gapu iti ebanghelio. (Ti umagmamano a pagarigan ket mabalin a karaman dagiti templo, propeta, ti priesthood, ken ti sagut iti Espiritu Santo.) Pugasem a saggaysa dagitoy a banag, ken saludsoden kadagiti ubbing no kasano a maiduma ti biagda no awan dagitoy a banag. Ilawlawag a dagitoy a kinapudno ket napukaw kabayatan ti Dakkel nga Ikakalilis iti Kinapudno. Apay a napateg a maisubli iti daga ti Simbaan ni Jesuscristo iti ud-udina nga aldaw? Awisen dagiti ubbing nga “isubli” wenno isuratda manen dagiti kinapudno ken bendision iti pisarra.
Kayat ni Nailangitan nga Ama nga agtrabahoak.
Kasano a matulongam dagiti ubbing a maawatanda a ti trabaho ket maysa a bendision, saan a maysa a banag a liklikan?
Dagiti Mabalin nga Aktibidad
-
Awisen dagiti ubbing nga agsisinnublat itipanangbasa kadagiti bersikulo manipud iti 2 Taga Tesalonica 3:7–13 ket sapulen dagiti problema a pakaipaspasanguan dagiti Santo. Apay a kayat ti Nailangatan nga Ama nga agtrabahotayo? Ania ti mapasamak no saantayo a nasursuro iti kaano man ti agtrabaho a sipapasnek? Pagsisinnublaten dagiti ubbing nga a mangyakto kadagiti simple a trabaho idinto a pugtuan ti dadduma pay nga ubbing no ania ti ar-aramidenda.
-
Awisem dagiti ubbing nga agsarita maipanggep iti panawen idi impasnekda ti nagtrabaho iti maysa nga aramid, maysa a proyekto, wenno maysa a panggep a tun-oyen. Ania ti riknada maipapan iti bagbagida idi nalpasdan? Ania ti kaipapanan ti “saan koma a maupay nga agaramid iti naimbag”? (2 Taga Tesalonica 3:13).
Yallukoy ti Panagsursuro iti Pagtaengan
Awisem dagiti ubbing a mangibaga iti maysa a miembro ti pamilya wenno gayem iti maysa a gapu a pagyamananda nga addaantayo iti ebanghelio iti daga iti agdama (ti panid ti aktibidad itoy a lawas ket makatulong a mangipalagip kadakuada).
Panangpadur-as iti Panangisurotayo
Suportaram dagiti nagannak dagiti ubbing. “Dagiti nagannak ti kapatgan a mannursuro iti ebanghelio para kadagiti annakda—agpadada nga addaan iti kangrunaan a pagrebbengan ken kaindaklan a bileg a makaimpluwensia kadagiti annakda (kitaen iti Deuteronomio 6:6–7). Bayat ti panangisurom kadagiti ubbing iti simbaan, sikakararag a mangsapul kadagiti wagas a pakatulongam kadagiti nagannak iti napateg nga akemda” (Panangisuro iti Wagas ti Mangisalakan, 25).