tallo a babbai a nakatakder iti ruar ti templo

Oktubre 28–Nobiembre 3

1 ken 2 Timoteo; Tito; Filemon

“Sika koma ti Ulidan kadagiti Mamati”

Sikakararag nga adalem ti 1 ken 2 Timoteo; Tito; ken Filemon tapno maadalmo no kasano a mausarmo dagitoy nga surat a pangisuro kadagiti ubbing iti kinalinteg (kitaen iti 2 Timoteo 3:16).

Isuratmo Dagiti Impresionmo

icon iti panagbibinninglay

Yawis ti Panagbibinninglay

Kiddawen kadagiti ubbing a mangisarita maipapan iti maysa a tao a nasayaat nga “ulidan kadagiti mamati” kadakuada. Ania ti ar-aramidenda tapno agbalin a nasayaat nga ulidan iti dadduma?

icon iti panangisuro

Isuro ti Doktrina

Dagiti In-inaudi nga Ubbing

1 Timoteo 3:1–2; Tito 1:7–9

Idauluan dagiti bishop ti ward kas katulongan ti Dios.

Insuro ni Pablo da Timoteo ken Tito maipapan iti kinapateg dagiti bishop. Kasano a maisurom dagiti ubbing no ania ti aramiden ti bishop? (Ti branch president ket maipada iti bishop.)

Dagiti Mabalin nga Aktibidad

• Mangidrowing iti simple a ladawan ti bishopmo iti pisarra. Kiddawen kadagiti ubbing a manginagan iti sumagmamano a banag nga ammoda maipapan iti bishop. Ania ti langana? Ania ti aramidenna? Kasano a bendisionanna ti ward? (Masarakam ti sumagmamano a kababalin ti maysa a bishop iti 1 Timoteo 3:1–2ket Tito 1:7–9.) Bayat ti panagibinglay dagiti ubbing kadagiti kapanunotanda, isurat dagitoy kadagiti pedaso ti papel ken ikabil dagitoy iti pisarra iti abay ti drowing.

  Ti bishop a makisarsarita iti agtutubo a lalaki iti opisinana

  Maawagan dagiti bishop tapno mangted iti naespirituan a pannarabay kadagiti miembro ti ward.

• Isurat dagiti pagrebbengan ti bishop kadagiti pedaso ti papel—kas iti panangawat iti apagkapullo ken dagiti daton iti panagayuno, panangted kadagiti takem [calling],, pananginterbyu kadagiti miembro, panangtulong kadagiti nakurapay ken agkasapulan, ken panangikararagan dagiti dadduma. Ikabil dagitoy pedaso ti papel iti maysa a malukong, ken awisem ti tunggal ubing a pumidut iti maysa. Kalpasanna tulongam ti ubing a mangyakem kadagitoy a pagrebbengan a kaduanaka. Ibinglaymo ti pammaneknekmo ngainawagan ti Dios ti bishopyo.

• Awisem dagiti ubbing nga agdrowing iti ladawan ti bishop nga agserserbi kadagiti miembro ti ward. Isingasingmo nga itedda dagiti drowingda kenkuana tapno agyaman kenkuana. Ania ti maaramidtayo a makatulong kenkuana?

1 Timoteo 4:12

Makapagbalinak nga “ulidan kadagiti mamati.”

Ania ti maaramidmo tapno maparegta dagiti ubbing nga agbalin a managtalek iti kabaelanda nga agbalin ng “ulidan kadagitimamati”?

Dagiti Mabalin nga Aktibidad

• Kiddawen kadagiti ubbing a mangsurot iti pagwadam babaen iti panangaramidda kadagiti aramidem a tignay. Pagsisinublatem dagiti ubbing a mangidaulo kadagiti dadduma pay iti klase iti panangsurot kadagiti tignayda. Basaem ti 1 Timothy 4:12, ket saludsodem kadagiti ubbing no ania ti maaramidda tapno agbalinda nga ulidan kadagiti dadduma.

• Ibinglaymo ti maysa a padas idi inkarigatam ti ti agbalin a nasayaat nga ulidan iti maysa a tao wenno idi nagbalin a nasayaat nga ulidan ti maysa a tao kenka. Tulongam dagiti ubbing a makaawat a no nasayaatda nga ulidan, makatulongda kadagiti miembro ti pamiliada ken gagayyemda.

2 Timoteo 3:14–17

Makatulongandakto dagiti nasantuan a kasuratan a makasursuro iti kinapudno.

No matulongam dagiti ubbing a masursuroda nga ipateg dagiti nasantuan a kasuratan, mabendisionamto dagiti biagda kadagiti masakbayan a tawen.

Dagiti Mabalin nga Aktibidad

• I-display ti maysa a set dagiti nasantuan a kasuratan, ket tulongam dagiti ubbing nga agbalin a pamiliar kadagitoy babaen ti panangipakita kadakuada dagiti panid ti paulo ti Biblia, ti Libro ni Mormon, ti Doktrina ken Katulagan, ken ti Perlas a Kapatgan. Awisem ti maysa nga ubing a mangiggem kadagitoy a libro bayat ti panangbasam iti 2 Timoteo 3:15–17. Ilawlawagmo a binilin ti Nailangitan nga Ama dagiti propeta iti unos ti pakasaritaan a mangisurat kadagiti kinapudno nga ipalgakna kadakuada. Masursurotayo dagitoy a kinapudno bayat ti panagbasatayo kadagiti nasantuan a kasuratan.

• Kiddawem kadagiti ubbing a mangisarita maipapan iti kapatgan a tagikuada.. Ania ti ar-aramidenda iti daytoy? Pagsisinublatem ida nga agiggem kadagitoy a nasantuan a kasuratan ken siaannad a manglukib kadagiti panid. Ania ti pakausarantayo kadagiti nasantuan a kasuratan? Apay a nasken nga aywanantayo a nasayaat dagitoy?

icon iti panangisuro

Isuro ti Doktrina

Dagiti In-inauna nga Ubbing

1 Timoteo 4:12

Makapagbalinak nga “ulidan kadagiti mamati.”

Ubing unay ni Timoteo para iti maysa a lider ti Simbaan, ngem tinarigagayan ni Pablo a maammuanna a makapagbalin latta ni Timoteo a maysa a pagwadan.. Mabalinmo a tulongan dagiti ubbing a sursuruam a makarikna iti panagtalek iti kabaelanda nga agbalin a nasayaat nga ulidan.

Dagiti Mabalin nga Aktibidad

• Aggigiddan a basaen ti 1 Timoteo 4:12, ket idawatmo kadagiti ubbing nga agsapul iti innem a wagas a kinuna ni Pablo a makapagbalintayo nga “ulidan kadagiti mamati.” Bingayem dagiti ubbing iti kada paris, ken awisem iti tunggal paris nga agpanunot iti maysa a kasasaad a pakapagbalinanda nga ulidan kadagiti mamati. Kiddawem kadakuada a mangyakem iti kasasaadda para iti dadduma pay iti klase.

• Saludsodem kadagiti ubbing no kayatda ti mangibinglay iti ania man a padpadas idi inkarigatanda ti agbalin a nasayaat nga ulidan kadagiti dadduma. Ibagam kadakuada no kasano a nagbalinda nga ulidan kadagiti mamati kenka ken no kasano a nadlawmo ti panagbalinda a nasayaat nga ulidan para kadagiti dadduma.

1 Timoteo 6:7–12

Nasken nga ipategko nga ad-adda dagiti agnanayon a banag ngem iti kuarta.

Iti lubong nga agbalinen nga ad-adda a nakapokus kadagiti material a banag, , kasano a matulongam dagiti ubbing a mangipamaysa iti pokus ken ayatda iti Nailangitan nga Ama ken ni Jesucristo?

Dagiti Mabalin nga Aktibidad

• Awisem dagiti ubbing nga agsarita maipapan iti no ania koma ti gatangenda no adda kadakuada ti amin a kuarta iti lubong. Awisem ti maysa nga ubing a mangbasa iti 1 Timoteo 6:7–12, ken kiddawem dagiti dadduma pay nga ubbing a manggupgop no ania ti insuro ni Pablo ken ni Timoteo maipapan iti kuarta. Kalpasanna awisem dagiti ubbing a mangbasa manen kadagiti bersikulo, nga agsuksukisok kadagiti banag a dinakamat ni Pablo a napatpateg ngem iti kuarta.

• Mangi-dispaly kadagiti ladawan dagiti nailubongan a bambanag (kas iti kuarta, ay-ayam wenno pagraragsakan) ken dagiti agnanayon a banag (kas dagiti pamilia wenno templo). Awisem dagiti ubbing a paglalasinen dagiti ladawan iti dua a bunton— dagiti banag a mangyasideg kadatayo nga ad-adda ken ni Cristo ken dagiti banag a mabalin a mangyadayo kadatayoken ni Cristo no ad-adda ti panangipategtayo kadagitoy ngem iti panangipategtayo Kenkuana. Apay a “ti panagayat iti kuarta … ti ramut iti amin a kinadakes”?

2 Timoteo 3:14–17

Impaayannatayo ti Nailangitan nga Ama kadagiti nasantuan a kasuratan a makatulong kadatayo a mangammo iti kinapudno manipud iti biddut.

Mabalin a mapadasan dagiti ubbing dagiti bendision ti panagbasa kadagiti nasantuan a kasuratan. Bayat ti panangisurom kadagiti ubbing maipapan kadagiti nasantuan a kasuratan, sapulem dagiti wagas a pangallukoyam kadakuada a maaddaan iti bukodda a nabileg a padas iti balikas ti Dios.

Dagiti Mabalin nga Aktibidad

• Awisem dagiti ubbing a mangbasa iti 2 Timoteo 3:15–17. Mangitugokat iti maysa a ladawan wenno banag a mangiparang iti estoria manipud iti uppat a pagrukodan a libro dagiti nasantuan a kasuratan [standard works], ket ikabil dagiti ladawan iti maysa a nakaluban a kahon. Awisem dagiti sumagmamano nga ubbing a pumidut iti maysa a ladawan ken mangisarita iti estoria. Kiddawem kadagiti ubbing no mabalin a mangibinglayda iti maysa a sabali a banag maipapan iti dayta a libro ti nasantuan a kasuratan. Kasano a dagiti nasantuan a kasuratan ket “makabalin a mamagsirib [kadatayo] a maipaay iti pannakaisalakan”?

• Awisem dagiti ubbing a mangibinglay iti paggugustoda a bersikulo iti nasantuan a kasuratan wenno maysa a padas idi nakatulong kadakuada ti kinapudno kadagiti nasantuan a kasuratan. Mabalin a kayatmo ti mangibinglay iti bukodmo a bersikulo wenno padas.

• Kiddawem iti maysa nga ubing a mangbasa iti Moroni 10:4–5. Ania ti inkari ni Moroni kadagitoy a bersikulo? Saludsodem kadagiti ubbing no ania ti inaramidda tapno magun-od ti pammaneknek a pudno dagiti nasantuan a kasuratan. Awisem ida nga agbasa wenno agdengngeg a kanayon kadagiti nasantuan a kasuratan.

icon iti panagsursuro

Yallukoy ti Panagsursuro iti Pagtaengan

Awisem dagiti ubbing a mangibinglay kadagiti pamiliada no ania ti nasursuroda maipapan kadagiti nasantuan a kasuratan ken mangsapul iti maysa a bersikulo ti nasantuan a kasuratan a mabalinda nga ibinglay iti klase inton sumaruno a lawas (babaen ti tulong manipud kadagiti nagannak kadakuada, no kasapulan).

Panangpadur-as iti Panangisurotayo

Ibagay dagiti aktibidad tapno maipaay dagiti kasapulan. Imbes a panangibilang kadagitoy a balabala a kas pangiturong a nasken a surotem, usarem dagitoy kas maysa a paggapuan dagiti kapanunotan mangpataud iti bukodmo nga inspirasion bayat ti panangutobmo kadagiti kasapulan dagiti ubbing a sursuruam. Mabalinmo nga ibagay dagiti aktibidad tapno maisurom kadagiti ubbing iti ania man nga edad.

panid ti aktibidad: isurodatayo dagiti nasantuan a kasuratan iti kinapudno