“Nobiembre 4–10. Hebreo 1–6: ‘Ni Jesucristo, ‘ti Akin-aramid iti Agnanayon a Pannakaisalakan’” Umaykayo, Sumurot Kaniak—Para iti Primary: Baro a Tulag 2019 (2019)
“Nobiembre 4–10. Hebreo 1–6,” Umaykayo, Sumurot Kaniak—Para iti Primary: 2019
Balsamo ni Galaad, ni Anne Henrie
Nobiembre 4–10
Hebreo 1–6
Ni Jesucristo, “ti Akin-aramid iti Agnanayon a Pannakaisalakan”
Ania dagiti kinapudno a masarakam iti Hebreo 1–6 a mariknam a mangparegta kenka ngaisuro kadagiti ubbing. Ikasom dagiti parikna manipud iti Espiritu a sumangbay kenka bayat ti panagsaganam, ken penkem nga isurat dagitoy.
Isuratmo Dagiti Impresionmo
Yawis ti Panagbibinninglay
Inawat kadi dagiti ubbing ti awis iti gibus ti adalen iti maudi a lawas a mangsarak iti maysa a bersikulo ti nasantuan a kasuratan a mabalinda nga ibinglay? No kasta, mangtedka kadakuada iti gundaway nga ibinglay daytoy. No saan, tulongam ida nga agpanunot iti maysa a banag a nasursuroda manipud kadagiti nasantuan a kasuratan itay kallabes a mabalinda nga ibinglay.
Isuro ti Doktrina
Dagiti In-inaudi nga Ubbing
Mamatiak ken ni Jesucristo.
Makatulong dagitoy a bersikulo kadagiti ubbing nga agsursuro iti ad-adu pay maipapan ken ni Jesucristo ken mangpapigsa iti relasionda Kenkuana.
Dagiti Mabalin nga Aktibidad
-
Iti panangusar iti bukodmo a balikas, isurat kadagiti piraso ti papel dagiti kinapudno maipapan ken ni Jesucristo a masarakam iti Hebreo 1:2–10; 2:8–10, 17–18, ket ilemmeng dagitoy iti lawlaw ti siled. Awisem dagiti ubbing a mangsapul kadagitoy a piraso ti papel. Tulongam ida a mangbasa kadagiti kinapudno a naisurat kadagiti papel, ken isarita no ania ti kaipapanan dagitoy a kinapudno. No kasapulan, ilawlawag a maawagan ni Jesus nga Anak ti Dios gapu ta ti Nailangitan nga Amat ti ama ti agpada nga espirituna ken bagina.
-
Ipasa ti maysa a ladawan ti Mangisalakan iti lawlaw ti siled, ket paibinglay iti tunggal ubbing no apay nga agyamyaman isuna ken ni Jesuscristo bayat ti panagiggemna iti ladawan.
Kayat ti Nailangitan nga Ama a “saantayo a patangkenen dagiti puso[tayo].”
TiHebreo 3 ket mangted iti pagwadan dagiti Israelita iti pannangpatangkenda kadagiti pusoda ken panangilaksidda kadagiti bendision ti Apo. Daytoy pay ti maysa a pammallaag iti amin kadatayo a saantayo a patangkenen dagiti pusotayo.
Dagiti Mabalin nga Aktibidad
-
Mangitugot iti espongha (wenno pagpunas) ken maysa a bato iti klase. Awisem dagiti ubbing a mangsagid kadagiti banag ket iladawan no kasano ti panagrikna kadagiti banag. Mangikabil ti sumagmamano a tedted ti danum iti tunggal banag, ken dakamatem nga ad-adu a danum ti sumagepsep iti espongha ngem iti bato. Ilawlawag a kasapulan a nalamuyot dagiti pusotayo ken saan a natangken tapno maawattayo dagiti kinapudno ti Nailangitan nga Ama iti puspusotayo.
-
Gumettengka kadagiti sukog-puso manipud iti nalamuyot a material, kas iti lupot, ken maysa a natangken a material, kas iti karton. Ibagam kadagiti ubbing a no dumngeg ken agtulnogtayo addaantayo iti nalukneng a puso ken no saantayo a dumngeg ken agtulnog addaantayo iti natangken puso. Iti bukodmo a balikas, mangibinglay kadagiti sumagmamano a pagarigan manipud kadagiti nasantuan a kasuratan dagiti tao nga addaan iti nalukneng a puso wenno natangken a puso (kas da Nephi, Laman, ken Lemuel [1 Nephi 2:16–19], Pablo [Dagiti Aramid 9:1–22], wenno Joseph Smith [Joseph Smith—Pakasaritaan 1:11–20]). Bayat ti panangibinglaymo iti tunggal pagarigan, awisem dagiti ubbing a mangitudo iti nalukneng a puso wenno natangken a puso.
Ni Moises a Mangw-awag ken ni ni Aaron iti Panagserbi, ni Harry Anderson
Inawagan ti Dios dagiti addaan iti priesthood.
TiHebreo 5:4 ket maysa a napateg a bersikulo gapu ta daytoy ti mangilawlawag a dagiti addaan iti priesthood—ken dagiti dadduma pay nga agserbi iti Simbaan—ket nasken ngaawagan ida ti Dios.
Dagiti Mabalin nga Aktibidad
-
Basaem ti Hebreo 5:4 kadagiti ubbing. Kiddawem ti maysa nga addaan iti priesthood nga ilawlawagna no ania ti priesthood ken ibinglayna ti padasna nga umaw-awat iti priesthood.
-
Tulongam dagiti ubbing a mangikabesa kadagiti ragup dagiti balikas manipud iti maikalima nga pagannurotan ti pammati. Ibinglaymo ti pammaneknekmo a dagiti tao a naawagan nga agtrabaho iti aramid ti Dios ket inawagan ti Dios babaen iti paltiing.
Isuro ti Doktrina
Dagiti In-inauna nga Ubbing
Mamatiak ken ni Jesucristo.
Naisurat ti Surat para kadagiti Hebreo tapno mangpapigsa iti pammati dagiti Santo a Hebreo ken ni Jesucristo. Kasta met ti maaramid kadagiti ubbing a sursuruam.
Dagiti Mabalin nga Aktibidad
-
Idutokmo iti tunggal ubing dagiti sumagmamano a bersikulo iti Hebreo 1:2–10; 2:8–10, 17–18, ket awisem dagiti ubbing a mangsukisok kadagitoy a bersikulo dagiti kinapudno maipapan ken ni Jesucristo. Paibinglay wenno paisuratmo kadakuad iti pisarra kdagiti nasarakanda. Ania pay ti ammotayo maipapan ken Jesucristo? Mabalin a masarakan dagiti ubbing ti sumagmamano a kapanunotan iti maysa a kanta kas iti “Ammok Nabiag ti Mannubbotko” (Pagbatayan ti Ebanghelio, blg. 356).
-
Awisem dagiti ubbing nga agdrowing iti ladawan ti bagbagida kadua dagiti nagannak kadakuada. Kiddawem kadakuada nga ibinglayda no ania ti adda a pagpadaanda kadagiti nagannakda. Ilawlawag a no kuna ti Hebreo 1:3 a ni Jesucristo ti “napaypayso a ladawan ti kina[Dios]na,” kaipapananna nga addaan ni Jesus ken ti Nailangitan nga Ama kadagiti agpada a kababalin ken galad. Paneknekam a masursurotayo ti maipapan iti Nailangitan nga Ama babaen ti panagsursuro maipapan ken panangsurot ken ni Jesucristo.
-
Tulongam dagiti ubbing a mangpanunot kadagiti tao a mabalinda a pangibinglayan kadagiti pamaneknekda maipapan ken ni Jesucristo. Ibilang ti panangawis kadakuada nga agsanay nga ibinglay iti no ania ti ibagada kadagidiay a tao maipapan ken ni Jesus.
Tapno maawat ti pannarabay ken bendision ti Nailangitan nga Ama, nasken a saantayo a “patangkenen dagiti puso[tayo].”
Iti Hebreo 3, mausar ti estoria dagiti Israelita iti let-angapangisuro iti kinapateg ti saan a panagpatangken kadagiti pusotayo. Kasano a mausarmo daytoy nga estoria tapno maisurom kadagiti ubbing iti klasem daytoy a pagbatayan?
Dagiti Mabalin nga Aktibidad
-
Kiddawen kadagiti ubbing a panunotenda dagiti banag a natangken ken nalukneng. (Mabalin a kayatmo ti mangitugot iti sumagmamano a pagarigan nga ipakita kadakuada.) Aggigiddan a basaen ti Hebreo 3:8. Ania ti kaipapanan ti maaddaan iti natangken a puso? Apay a kayat ti Dios nga addaantayo iti nalukneng a puso?
-
Iti bukodmo a balikas, ibinglaymo ti estoria maipapan kadagiti Israelita a mangpatpatangken kadagiti pusoda a maibusor iti Apo iti let-ang (kitaen iti Dagiti Numero 14:1–12; Hebreo 3:7–19). Payakem kadagiti ubbing ti estoria. Anianto ti mapasamak no patangkenentayo dagiti pusotayo a maibusor iti Apo ken iti ebangheliona?
-
Awisem dagiti ubbing a mangbasa iti Mateo 13:15; Hebreo 3:15; Mosiah 11:29; ken Moises 6:27. Kiddawem kadakuada nga idrowingda iti pisarra dagiti paset ti bagi a nadakamat kadagitoy a bersikulo. Ania ti kayat a sawen ti maadaaan kadagiti naespirituan a sulpeng a lapayag, bulsek a mata, ken natangken a puspuso? Kasano a maisiguradotayo a nakasagana dagiti lapayag, mata, ken pusotayo nga umawat kadagiti bendision ti Dios?
Inawagan ti Dios dagiti addaan iti priesthood.
TiHebreo 5 ket mangipaay iti gundaway a mapaglilinnawagan no ania ti priesthood—ti bileg ken turay nga agtignay iti nagan ti Dios—ken no kasano a maawat daytoy. Naipangpangruna a makatulong daytoy a kadagiti ubbing a lallaki nga agsagsagana a maordenan iti priesthood.
Dagiti Mabalin nga Aktibidad
-
Ipakita ti ladawan Ikkan ni Moises ni Aaron iti Kinasaserdote (Libro ti Arte ti Ebanghelio, blg. 15) bayat ti panagbasa ti ubing iti Hebreo 5:4. Mabalin a makatulong nga ilawlawag a gapu ta ni Aaron ti umuna a tao a naaddaan iti Aaronic Priesthood, daytoy ti nainagan kenkuana. Tulongam dagiti ubbing nga agpanunot maipapan kadagiti pagrebbengan dagiti addaan iti Aaronic Priesthood (kas kadagiti panangbuniag, panangbendision ken panangiwaras iti sakramento, ken panangawis kadagiti dadduma nga umasideg ken ni Cristo).
-
Tulongam dagiti ubbing maipapan kadagiti nadumaduma a wagas a pakaawatan dagiti tao iti turay wenno awtoridad. Kas pagarigan, kasano nga awaten dagiti mannursuro, doktor, wenno dadaulo iti politika ti turay wenno awtoridad? Kasano nga ited ti Dios ti turay wenno awtoridadna? Awisem dagiti ubbing nga agpanunot maipapan iti daytoy a saludsod bayat ti panagbasada iti Hebreo 5:4 ken ti maikalima a pagannurotan ti pammati.
Yallukoy ti Panagsursuro iti Pagtaengan
Awisem dagiti annak a mangibinglay ti nasantuan a kasuratan, kanta, wenno iti aktibidad a nasursuroda iti klase iti agdama kadagiti pamiliada para iti family home evening.
Panangpadur-as iti Panangisurotayo
Mailasin dagiti ubbing ti impluensia ti Espiritu. Isuro kadagiti ubbing a dagiti rikna ti talna, ayat, ken bara nga adda kadakuada no agsaritada wenno agkantada maipapan ken ni Jesucristo ken ti ebangheliona ket naggapu iti Espiritu Santo. Mangpatibker dagitoy a rikna kadagiti pammaneknekda.