“Nobiembre 11–17. Hebreo 7–13: ‘Nangato a Saserdote dagiti Naimbag a Bambanag nga Umayto’” Umaykayo, Sumurot Kaniak—Para iti Primary: Baro a Tulag 2019 (2019)
“Nobiembre 11–17. Hebreo 7–13,” Umaykayo, Sumurot Kaniak—Para iti Primary: 2019
Bendisionanan ni Melchizedek ni Abram, ni Walter Rane
Nobiembre 11–17
Hebreo 7–13
“Nangato a Saserdote dagiti Naimbag a Bambanag nga Umayto”
Bayat ti panangrebyum ken panangutobmo iti daytoy a balabala, ikasom dagiti parikna a maawatmo maipapan kadagiti ubbing a sursuruam. Tulongannakanto ti Espiritu a mangsarak kadagiti mensahe a para kadakuada iti Hebreo 7–13.
Isuratmo Dagiti Impresionmo
Yawis ti Panagbibinninglay
Kiddawem kadagiti ubbing a mangibinglay kadagiti banag nga aramidenda ken dagiti pamiliada tapno masursuroda ti ebanghelio iti pagtaenganda. Awisem ida nga ibinglayda dagiti sumagmamano a paggugustoda a padpadas iti panagsursuro iti ebanghelio kadagiti pamiliada.
Isuro ti Doktrina
Dagiti In-inaudi nga Ubbing
Mabalin a makatulong kadatayo ti priesthood iti adu a wagas.
TiHebreo 7:1–6 ket mabalin a makaipaay iti gundaway a mangipakaammo kadagiti ubbing dagiti bendision ti priesthood.
Dagiti Mabalin nga Aktibidad
-
Ilawlawag iti apagbiit no siasino ni Abraham, ken usarem ti Hebreo 7:1–6 ken Patarus ni Joseph Smith, Genesis 14:36–40 (iti Pangiwanwan iti Nasantuan a Kasuratan) tapno maisuro a nagbayad ni Abraham iti apagkapullo ken ni Melchizedek. Ilawlawag nga addaan iti nangatngato a priesthood ni Melchizedek, nga isu ti bileg ti Dios a naited kadagiti lalaki iti daga, ken inusarna daytoy a nangbendision ken ni Abraham. Mabalin a maragsakan dagiti ubbing iti panangyakemda iti estoria nga addaan iti props, kas iti korona ken iti sobre ti apagkapullo.
-
Awisem ti maysa nga addaan iti Aaronic ken maysa nga addaan iti Melchizedek Priesthood a sumarungkar iti klase ken ibagada kadagiti ubbing no kasano nga inusarda ti priesthood a nangbendision kadagiti dadduman. Kalpasanna ipakitam kadagiti ubbing dagiti ladawan ti nadumaduma nga ordinansa ti priesthood (kas pagarigan, kitaen iti dagiti ladawan 103–8 iti Libro ti Arte ti Ebanghelio). Tulongam dagiti ubbing a mangikeddeng no ania a priesthood ti kasapulan iti tunggal ordinansa ken itedda dayta a ladawan iti addaan ti umno nga addaan turay iti priesthood a mangiggem.
Ti pammati ket panamati kadagiti banag a ditayo makitkita.
Nupay dida matkita ti Nailangitan nga Ama ken ni Jesucristo wenno napadasan dagiti amin a bendision ti ebanghelio, mabalin a patanoren dagiti ubbing a sursuruam ti pammati babaen iti panagsursuroda manipud kadagiti ulidan iti Hebreo 11.
Dagiti Mabalin nga Aktibidad
-
I-display ti maysa a ladawan ni Jesus. Ikabil iti lawlaw ti siled dagiti sugmamano a banag a mangibagi kadagiti “pakakitaan” nga Isu ket pudno nupay ditayo makita Isuna ( kas kadagiti nasantuan a kasuratan, ti maysa a ladawan iti Umuna a Parmata, ken maysa a ladawan iti daga). Awisem dagiti ubbing a mangsapul kadagiti banag, ken kalpasanna ibinglaymo kadakuada no kasano a iti tunggal banag ket makatulong kadatayo a maaddaan iti pammati a sibibiag ni Jesus.
-
Mangitugot iti bentilador, ket pagsisinnublatem dagiti ubbing a mangrikna iti panangipuyot ti angin iti bentilador kadagiti rupada. Isurom kadakuada a saantayo a makita ti angin, ngem mariknatayo daytoy. Umasping iti dayta, saantayo a makita ti Nailangitan ng Ama ken ni Jesucristo, ngem mariknatayo ti ayatda ken maaddaantayo iti pammati nga Isuda ket pudno.
-
Ibinglay dagiti estoria ti maysa wenno adu a tattao a nadakamat iti Hebreo 11:4–32. Ibilang ti panangusar iti Dagiti Estoria iti Daan a Tulag (kitaen kadagiti kapitulo 4–6, 8–10, 15–17, 23, and 28). Ania ti inaramid dagitoy a tao a nangiipakita nga addaanda iti pammati iti banag a saanda a makita. Ibinglaymo dagiti sumagmamano a bendision a naawatmo gapu iti pammatim.
Tulongannatayonto ken dinatayo pulos panawan ti Nailangitan nga Ama ken ni Jesucristo.
Ania dagiti pannubok a mabalin a mapadpadasan dagiti ubbing? Kasano a makatulong kadakuada ti mensahe iti Hebreo 13:5–6?
Dagiti Mabalin nga Aktibidad
-
Irebyu dagiti sumagmamano nga estoria iti Baro a Tulag a nasursuro dagiti ubbing iti daytoy a tawen a nakatulongan ti Mangisalakan kadagiti dadduma, kas idi pinaimbagna ti agkissiw a lalaki (kitaen iti Lucas 5:18–26) wenno pinnakanna dagiti 5,000 (kitaen iti Mateo 14:15–21). Tulongam dagiti ubbing a masursuroda ti ragup dagiti balikas a “Ti Apo ti katulongak” (Hebreo 13:6).
-
Awisem dagiti ubbing nga agdrowing iti maysa a ladawan ti panawen idi nariknada ti buteng. Ibasam kadakuada ti Hebreo 13:5–6 ken paneknekam a tulongannatayonto ti Nailangitan ng Ama ken dinatayo baybay-an iti kaano man. Tulongam dagiti ubing a gumetteng kadagiti sinan puso a papel nga umanay a maabbongan dagiti drowing. Ania dagiti sumaggmamano a banag a mangtulong kadatayo a makarikna nga as-asidegtayo ti Nailangitan nga Ama? Isurat dagiti sumagmamano kadagitoy a banag iti puso.
-
Basaen dagiti balikas iti “Anian a Tibker ti Puon” (Dagiti Himno ken Kant dagiti Ubbing ). Segun iti kanta, ania a tulong ti mabalin a maawattayo no asideg kadatayo ti Nailangitan nga Ama ken ni Jesucristo? Isaritam maipapan iti panawen idi asideg kenka ti Nailangitan nga Ama ken tinulongannaka.
Isuro ti Doktrina
Dagiti In-inauna nga Ubbing
Sumurot iti Mangisalakan dagiti maikari nga addaan iti priesthood.
Kasano nga usarem dagitoy a bersikulo tapno matulongam dagiti ubbing a makaawat a dagiti addaan iti priesthood ket nagtalinaed a matalek ken agserbi kadagiti dadduma kas iti inaramid ti Mangisalakan?
Dagiti Mabalin nga Aktibidad
-
Tulongam dagiti ubbing nga agilista kadagiti banag nga ammoda maipapan iti dua a naindaklan nga addaan iti priesthood a da Abraham ken Melchizedek. Makasarakda iti tulong iti Hebreo 7:1–4; Abraham 1:1–2; and Patarus ni Joseph Smith, Genesis 14:25–40 (iti Pangiwanwan iti Nasatuan a Kasuratan). Ania dagiti a kas ken Cristo a kababalin nga addaan kadagiti lalaki a nakatulong kadakuada a mangdayaw iti priesthood?
-
Kiddawen kadagiti ubbing a basaenda ti Hebreo 7:1–2 ken agsarakda kadagiti pangawag a nausar a mangiladawan ken ni Melchizedek. Kasano a mangiapalagip kadatayo dagitoy a pangawag ken ni Jesucristo? Tulongam ida nga agpanunot kadagiti wagas a ni Jesus ti “Ari ti Talna.” Ammoda kadi dagiti sabali pay nga addan iti priesthood a sumursurot iti pagwadan ti Mangisalakan?
-
Ibinglay ti maysa a padas a nangtulongan kenka ti maysa nga addaan iti priesthood nga ad-adda nga umasideg iti Mangisalakan. Tulongam dagiti ubbing nga agpanunot kadagiti wagas a nangbendisionan kadakuada ti priesthood..
Paraburan ti Nailangitan nga Ama dagiti addaan iti pammati.
Aglaon ti Hebreo 11 kadagiti pagwadan ti tattao a nabendisionan idi nagtignayda nga addaan iti pammati. Ania kadagiti estoria ti makaparegta unay wenno makatulong kadagiti ubbing a sursuruam?
Dagiti Mabalin nga Aktibidad
-
Awisem dagiti ubbing nga agaramid ti listaan iti pisarra kadagiti banag a nasursuroda maipapan iti pammati iti Hebreo 11:1–3, 6. Ikkamti tunggal maysa kadagiti ubbing iti nagan ti maysa a tao a nadakamat iti Hebreo 11, ken awisem ida a basaenda dagiti bersikulo a mainaig iti dayta a tao. Kiddawem kadakuada a mangiibinglay kadagiti pamugtuan maipapan iti daytoy a tao tapno mapugtuan dagiti dadduma pay nga ubbing no siasino daytoy. Kasano a naipakita dagitoy a tao ti pammati, ken kasano a pinaraburan ida ti Nailangitan nga Ama? (Para kadagiti ladawan dagitoy a tao, kitaen tii benneg ti Daan a Tulag iti Libro ti Arte ti Ebanghelio).
-
Kalpasan a mabasam maipapan kadagiti sumagmamano a napudno a pagarigan iti Hebreo 11, kiddawem dagiti ubbing nga agsurat maipapan iti maysa a tao nga ammoda a nangipakita iti pammati. Awisem dagiti sumagmamano nga ubbing nga ibinglayda dagiti pagariganda iti klase.
Dusaen ti Apo dagiti ay-ayatenna.
Makatulong dagitoy a bersikulo kadagiti ubbing a maawatanda a ti Nailangitan nga Ama, dagiti nagannak kadakuada, ken dagiti dadduma ketd mangatur kadakuada gapu ta ay-ayatena ida ken kayatda a masursuruandamanipud kadagiti biddutda.
Dagiti Mabalin nga Aktibidad
-
Aggigiddan a mangbasa iti Hebreo 12:5–11, ken kiddawem kadagiti ubbing nga agsapul kadagiti rason no apay a ti Nailangitan nga Ama ket dusaennatayo (aturen wenno disiplinaennatayo). Ania ti isuro daytoy kadatayo maipapan no apay nga aturen pay dagiti nagannak dagiti annakda? Kasano ti panangrespondetayo iti managayat a panagatur?
-
Ibinglay dagiti pagarigan dagiti tao iti nasantuan a kasuratan a nadusa ti Apo ken nagbabawi (kas pagarigan, kitaen iti 1 Nephi 16:25–27; Ether 2:13–15). Kasano ti panagbalinda a nasayaat a pagwadan dagiti pagbatayan iti Hebreo 12:5–11?
-
Kalpasan ti panangbasa iti Hebreo 12:5–11, awisem dagiti ubbing nga agsurat kadagiti sumagmamano a banag a padasendanto a lagipen no matubngarda kadagiti biddutda.
Yallukoy ti Panagsursuro iti Pagtaengan
Awisem dagiti ubbing nga agsurat wenno agdrowing ti maysa a ladawan ti no ania ti panagriknada a kapatgan a banag a nasuroda iti klase. Allukoyem ida nga ibinglayda no ania ti nasursuroda a kaduada ti pamiliada.
Panangpadur-as iti Panangisurotayo
Usarem dagiti panid iti aktibidad. Bayat ti panagileppas dagiti ubbing kadagiti panid ti aktibidad bayat ti panagklaseda, usarem ti gundawaynga agrebyu kadagiti pagbatayan manipud iti adalen.