“Oktubre 28–Nobiembre 3. 1 ken 2 Timoteo; Tito; Filemon: ‘Sika Koma ti Ulidan kadagiti Mamati’”Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Oktubre 28–Nobiembre 3. 1 ken Timoteo; Tito; Filemon,” Umaykayo, Sumurot Kaniak—Para kadagiti Indibidual ken Pamilia: 2019
Oktubre 28–November 3
1 ken 2 Timoteo; Tito; Filemon
“Sika Koma ti Ulidan kadagiti Mamati”
No dadduma makatulong ti wagas ti panagadalmo iti nasantuan a kasuratan no adda maysa wenno ad-adu pay a saludsod iti panunotmo. Awisem ti Espiritu a mangidalan kenka kadagiti sungbat bayat ti panagadalmo, ket isuratmo ti ania man a pammaregta a maawatmo.
Isuratmo Dagiti Impresionmo
Iti surat nga insurat ni Pablo ken da Timoteo, Tito, ken Filemon, makagun-odtayo iti panangtaldiap iti puso ti maysa a katulongan ti Apo. Saan a kas kadagiti dadduma a surat ni Pablo kadagiti sibubukel a paguummongan, naisurat dagitoy kadagiti indibidual a tao—dagiti gagayyem ken asideg a kakadua ni Pablo iti aramid ti Dios—ket ti panagbasa kaniada ket kasla dumdumngeg iti maysa a panagsasarita. Makitatayo ni Pablo a mangal-allukoy kada Timoteo ken Tito, dua a lider ti kongregasion, iti panagserbida iti Simbaan. Kitaentayo isuna nga agpakpakaasi iti gayyemna a ni Filemon a pakawanen ti padana a Santo ket tratuenna kas maysa a kabsat iti ebanghelio. Saan a direkta a naiturong kadatayo dagiti balikas ni Pablo, ket mabalin a saanna a ninamnama nga iti maysa nga aldaw basaen ida dagiti adu a tattao Ngem masarakantayo iti dagitoy sursurat ti balakad ken pammaregta para kadatayo, ania man a mabalin a bukodtayo a panagministro iti panagserbi ken ni Cristo.
Dagiti Kapanunotan para iti Bukod a Panagadal iti Nasantuan a Kasuratan
Asino da Timoteo ken ni Tito?
Nagpaay a kadua ni Pablo ni Timoteo ken Tito iti sumagmamano a panagdaliasatna a kas misionario. Kabayatan iti panagserbida, nagun-odda ti respeto ken panagtalek ni Pablo. Idi agangay naawagan ni Timoteo kas maysa a lider ti Simbaan iti Efeso, ket naawagan ni Tito kas maysa a lider iti Creta. Iti dagitoy a sursurat, inted ni Pablo kadagti dadaulo ti panangiwanwan ken pammaregta maipanggep kadagiti pagrebbenganda, a nakairamanan ti pannakaikasaba ti ebanghelio ken inawagan dagiti tao nga agserbi a kas dagiti obispo.
Kitaen met iti Pangiwanwan iti Nasantuan a Kasuratan , “Dagiti Surat ni Pablo,” “Timoteo,” “Tito.”
Maawagan dagiti obispo a mangted iti naespirituan a pannarabay kadagiti miembro ti ward.
No siak ket “ulidan kadagiti namati,” maidalanko dagiti dadduma iti Mangisalakan ken ti ebangheliona.
Medyo naubing idi ni Timoteo,ngem ammo ni Pablo a kabalinanna ti agbalin a naindaklan a dadaulo ti Simbaan iti baet ti kinaagtutubona. Ania a balakad ti inted ni Pablo ken ni Timoteo iti 1 Timoteo 4:10–16? Kasano a tulungannaka daytoy a balakad a mangidalan kadagiti dadduma iti Mangisalakan ken ti ebangheliona?
Kitaen met iti Alma 17:11
“Ta saannatay nga inikkan ti Dios ti espiritu ti kinatakrot; no di ti kinatibker, ken ti ayat ken ti naimbag a nakem.”
Pinati a ti 2 Timoteo ket isu ti naudi a surat nga insurat ni Pablo, ken kasla ammona nga ababan ti orasna iti daga (kitaen iti 2 Timoteo 4:6–8). Bayat ti panangbasam iti daytoy a kapitulo, panunotem maipapan iti no kasano ti narikna ni Timoteo idi maammuanna nga awanton ti talkenna a mannursuro ken lider. Ania ti kinuna ni Pablo a mangpatibker kenkuana? Ania ti isuro dagiti balikas ni Pablo kadakayo maipapan iti panangsango kadagiti pannubok ken panagbutengtayo?
Ti panagbiag iti ebanghelio ket mangted iti talged manipud kadagiti naespirituan a pagpeggadan iti maudi nga al-aldaw.
Agbibiagtayo iti “dagiti maudi nga aldaw a nasao ni Pablo, ket dimtengen dagiti “napeggad a panawen” (2 Timoteo 3:1). Bayat ti panangbasam iti 2 Timoteo 3, isuratmo dagiti peggad a nadakamat kadagiti ud-udina nga aldaw (kitaen met iti 1 Timoteo 4:1–3):
Kabaelanyo kadi a panunoten dagiti pagarigan kadagitoy peggad iti lubong iti aglawlawmo—wenno iti bukodmo a biag? Kasano dagitoy a peggad, kas kadagiti nailadawan a tattao iti bersikulo 6, “a sumrek iti [balaymo], ket mangitunda [kadakayo] a balud”? Ania a pammagbaga ti masarakam iti 2 Timoteo 3, ken iti sadinoman kadagitoy a surat, ti mabalin makapagtalinaed kenka ken ti pamiliam a natalged manipud kadagitoy a naespirituan a pagpeggadan? (kitaen, kas pagarigan iti, 1 Timoteo 1:3–11; 2 Timoteo 2:15–16; Tito 2:1–8).
Asino ni Filemon?
Maysa a Kristiano ni Filemon a nakumbert iti ebanghelio babaen ken ni Pablo. Nagtagikua iti tagabo a nanaganan iti Onesimo, a naglibas iti pannakaadipen, naam ammona ni Pablo, ken napasurot iti ebanghelio. Iti maysa a surat ken ni Filemon, pinaregta ni Pablo ti gayyemna a mangpakawan ken ni Onesimo ket awatenna “saan itan a kas maysa a katulong, ngem nangatngato ngem iti katulong, maysa a patpatgen a kabsat” (bersikulo 16).
Agpipinnakawan dagiti pasurot ni Cristo.
Naggapukayo kadin iti maysa a sitwasion idi adda dimmawat iti pammakawanmo? Panunotem ti maipapan iti dayta a sitwasion bayat ti panangbasam iti surat ni Filemon. Ania ti insuro ni Pablo ken ni Filemon maipapan iti no apay a masapul a pakawanenna ni Onesimo? Adda kadi aniaman a mensahe kadakayo iti daytoy a surat?
Kitaen met iti 1 Nephi 7:16–21; Mosiah 26:30–31;Gospel Topics, “Forgiveness,” topics.lds.org.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Idinto a dagiti aspeto ti balakad ni Pablo para kadagiti babbai nga agkawes a nadisente ket saan a mayaplikar iti panawentayo, amin a masursurotayo amin manipud ti balakadna ti “arkosanyo ti [bagbagitayo] … iti nasayaat nga aramid.” Mabalin a magustuan ti pamiliam ti mangbuangay iti maysa a fashion show a dagiti miembro ti pamilia ket nakakawes iti lupot wenno alahas a namarkaan kadagiti nadumaduma a kita dagiti nasasayaat nga aramid Ania dagiti sumagmamano a nasasayaat nga aramid a mabalin nga aramiden ti pamiliam iti daytoy a lawas?
Tapno matulongan dagiti miembro ti pamiliam nga agtarigagay nga agbalin nga “ulidan kadagiti mamati,” ibilangmo ti panangawis kadakuada a mangidrowing iti ladawan ti no kasano dagiti tao ket nagbalin a nasasayaat a pagwadan kadakuada. Kasano a naparegtanatayo dagitoy a tattao a suroten ni Jesucristo? Ti mensahe ni Presidente Thomas S. Monson nga “Be an Example and a Light” (Ensign wenno Liahona, Nob. 2015, 86–88) ket makaited iti sumagmamano a kapanunotan.
Apay iti panagkunam a ti “panagagum iti pirak” ket maibilang a “ti ramut ti amin a dakes”? Ania dagiti pagpeggadan ti panangipokus kadagiti biagtayo iti pirak? Kasano nga agbalintayo a naragsak kadagiti bendision nga adda kadatayo?
Segun kadagitoy a bersikulo, ania dagiti bendision nga umay kadagitoy makaammo ken agsursuro kadagiti nasantuan a kasuratan? Mabalin nga agibinglay dagiti miembro ti pamilia kadagiti nasantuan a kasuratan a nabirukanda a “pakairanudan.”
Ania ti kayat nga aramiden ni Pablo para ken ni Onesimus? Kasano a mayarig daytoy iti ania man a kayat ti Mangisalakan nga aramiden para kadatayo? (kitaen met iti 1 Timoteo 2:5–6; DkK 45:3–5). Kasano a masurottayo dagiti pagwadan ni Pablo ken ti Mangisalakan?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
Isuro ti nalawag ken simple a doktrina. Ti ebanghelio ket napintas iti kinasimplena (kitaen iti DkK 133:57). Imbes a padpadasem a liwliwaen ti pamiliam kadagiti leksion nga agkasapulan iti adu a panagsagana, agkagumaanka a mangisuro iti natarnaw ken simple a doktrina (kitaen iti 1 Timoteo 1:3–7).
Ti panangadal iti balikas ti Dios ket mangtulong a mangpatalged kadatayo manipud kadagiti nespirituan a pagpeggadan kadagiti maudi nga aldaw.